Arjuna Kruta Durga Stotram - Grantha

Collection of Spiritual and Devotional Literature in Various Indian Languages

View this in:

𑌅𑌰𑍍𑌜𑍁𑌨 𑌕𑍃𑌤 𑌶𑍍𑌰𑍀 𑌦𑍁𑌰𑍍𑌗𑌾 𑌸𑍍𑌤𑍋𑌤𑍍𑌰𑌮𑍍

𑌅𑌰𑍍𑌜𑍁𑌨 𑌉𑌵𑌾𑌚 ।
𑌨𑌮𑌸𑍍𑌤𑍇 𑌸𑌿𑌦𑍍𑌧𑌸𑍇𑌨𑌾𑌨𑌿 𑌆𑌰𑍍𑌯𑍇 𑌮𑌂𑌦𑌰𑌵𑌾𑌸𑌿𑌨𑌿 ।
𑌕𑍁𑌮𑌾𑌰𑌿 𑌕𑌾𑌳𑌿 𑌕𑌾𑌪𑌾𑌲𑌿 𑌕𑌪𑌿𑌲𑍇 𑌕𑍃𑌷𑍍𑌣𑌪𑌿𑌂𑌗𑌳𑍇 ॥ 1 ॥

𑌭𑌦𑍍𑌰𑌕𑌾𑌳𑌿 𑌨𑌮𑌸𑍍𑌤𑍁𑌭𑍍𑌯𑌂 𑌮𑌹𑌾𑌕𑌾𑌳𑌿 𑌨𑌮𑍋𑌽𑌸𑍍𑌤𑍁 𑌤𑍇 ।
𑌚𑌂𑌡𑌿 𑌚𑌂𑌡𑍇 𑌨𑌮𑌸𑍍𑌤𑍁𑌭𑍍𑌯𑌂 𑌤𑌾𑌰𑌿𑌣𑌿 𑌵𑌰𑌵𑌰𑍍𑌣𑌿𑌨𑌿 ॥ 2 ॥

𑌕𑌾𑌤𑍍𑌯𑌾𑌯𑌨𑌿 𑌮𑌹𑌾𑌭𑌾𑌗𑍇 𑌕𑌰𑌾𑌳𑌿 𑌵𑌿𑌜𑌯𑍇 𑌜𑌯𑍇 ।
𑌶𑌿𑌖𑌿𑌪𑌿𑌂𑌛𑌧𑍍𑌵𑌜𑌧𑌰𑍇 𑌨𑌾𑌨𑌾𑌭𑌰𑌣𑌭𑍂𑌷𑌿𑌤𑍇 ॥ 3 ॥

𑌅𑌟𑍍𑌟𑌶𑍂𑌲𑌪𑍍𑌰𑌹𑌰𑌣𑍇 𑌖𑌡𑍍𑌗𑌖𑍇𑌟𑌕𑌧𑌾𑌰𑌿𑌣𑌿 ।
𑌗𑍋𑌪𑍇𑌂𑌦𑍍𑌰𑌸𑍍𑌯𑌾𑌨𑍁𑌜𑍇 𑌜𑍍𑌯𑍇𑌷𑍍𑌠𑍇 𑌨𑌂𑌦𑌗𑍋𑌪𑌕𑍁𑌲𑍋𑌦𑍍𑌭𑌵𑍇 ॥ 4 ॥

𑌮𑌹𑌿𑌷𑌾𑌸𑍃𑌕𑍍𑌪𑍍𑌰𑌿𑌯𑍇 𑌨𑌿𑌤𑍍𑌯𑌂 𑌕𑍌𑌶𑌿𑌕𑌿 𑌪𑍀𑌤𑌵𑌾𑌸𑌿𑌨𑌿 ।
𑌅𑌟𑍍𑌟𑌹𑌾𑌸𑍇 𑌕𑍋𑌕𑌮𑍁𑌖𑍇 𑌨𑌮𑌸𑍍𑌤𑍇𑌽𑌸𑍍𑌤𑍁 𑌰𑌣𑌪𑍍𑌰𑌿𑌯𑍇 ॥ 5 ॥

𑌉𑌮𑍇 𑌶𑌾𑌕𑌂𑌭𑌰𑌿 𑌶𑍍𑌵𑍇𑌤𑍇 𑌕𑍃𑌷𑍍𑌣𑍇 𑌕𑍈𑌟𑌭𑌨𑌾𑌶𑌿𑌨𑌿 ।
𑌹𑌿𑌰𑌣𑍍𑌯𑌾𑌕𑍍𑌷𑌿 𑌵𑌿𑌰𑍂𑌪𑌾𑌕𑍍𑌷𑌿 𑌸𑍁𑌧𑍂𑌮𑍍𑌰𑌾𑌕𑍍𑌷𑌿 𑌨𑌮𑍋𑌽𑌸𑍍𑌤𑍁 𑌤𑍇 ॥ 6 ॥

𑌵𑍇𑌦𑌶𑍍𑌰𑍁𑌤𑌿𑌮𑌹𑌾𑌪𑍁𑌣𑍍𑌯𑍇 𑌬𑍍𑌰𑌹𑍍𑌮𑌣𑍍𑌯𑍇 𑌜𑌾𑌤𑌵𑍇𑌦𑌸𑌿 ।
𑌜𑌂𑌬𑍂𑌕𑌟𑌕𑌚𑍈𑌤𑍍𑌯𑍇𑌷𑍁 𑌨𑌿𑌤𑍍𑌯𑌂 𑌸𑌨𑍍𑌨𑌿𑌹𑌿𑌤𑌾𑌲𑌯𑍇 ॥ 𑍭 ॥

𑌤𑍍𑌵𑌂 𑌬𑍍𑌰𑌹𑍍𑌮𑌵𑌿𑌦𑍍𑌯𑌾 𑌵𑌿𑌦𑍍𑌯𑌾𑌨𑌾𑌂 𑌮𑌹𑌾𑌨𑌿𑌦𑍍𑌰𑌾 𑌚 𑌦𑍇𑌹𑌿𑌨𑌾𑌮𑍍 ।
𑌸𑍍𑌕𑌂𑌦𑌮𑌾𑌤𑌰𑍍𑌭𑌗𑌵𑌤𑌿 𑌦𑍁𑌰𑍍𑌗𑍇 𑌕𑌾𑌂𑌤𑌾𑌰𑌵𑌾𑌸𑌿𑌨𑌿 ॥ 𑍮 ॥

𑌸𑍍𑌵𑌾𑌹𑌾𑌕𑌾𑌰𑌃 𑌸𑍍𑌵𑌧𑌾 𑌚𑍈𑌵 𑌕𑌲𑌾 𑌕𑌾𑌷𑍍𑌠𑌾 𑌸𑌰𑌸𑍍𑌵𑌤𑍀 ।
𑌸𑌾𑌵𑌿𑌤𑍍𑌰𑍀 𑌵𑍇𑌦𑌮𑌾𑌤𑌾 𑌚 𑌤𑌥𑌾 𑌵𑍇𑌦𑌾𑌂𑌤 𑌉𑌚𑍍𑌯𑌤𑍇 ॥ 𑍯 ॥

𑌸𑍍𑌤𑍁𑌤𑌾𑌸𑌿 𑌤𑍍𑌵𑌂 𑌮𑌹𑌾𑌦𑍇𑌵𑌿 𑌵𑌿𑌶𑍁𑌦𑍍𑌧𑍇𑌨𑌾𑌂𑌤𑌰𑌾𑌤𑍍𑌮𑌨𑌾 ।
𑌜𑌯𑍋 𑌭𑌵𑌤𑍁 𑌮𑍇 𑌨𑌿𑌤𑍍𑌯𑌂 𑌤𑍍𑌵𑌤𑍍𑌪𑍍𑌰𑌸𑌾𑌦𑌾𑌦𑍍𑌰𑌣𑌾𑌜𑌿𑌰𑍇 ॥ 10 ॥

𑌕𑌾𑌂𑌤𑌾𑌰𑌭𑌯𑌦𑍁𑌰𑍍𑌗𑍇𑌷𑍁 𑌭𑌕𑍍𑌤𑌾𑌨𑌾𑌂 𑌚𑌾𑌲𑌯𑍇𑌷𑍁 𑌚 ।
𑌨𑌿𑌤𑍍𑌯𑌂 𑌵𑌸𑌸𑌿 𑌪𑌾𑌤𑌾𑌳𑍇 𑌯𑍁𑌦𑍍𑌧𑍇 𑌜𑌯𑌸𑌿 𑌦𑌾𑌨𑌵𑌾𑌨𑍍 ॥ 11 ॥

𑌤𑍍𑌵𑌂 𑌜𑌂𑌭𑌨𑍀 𑌮𑍋𑌹𑌿𑌨𑍀 𑌚 𑌮𑌾𑌯𑌾 𑌹𑍍𑌰𑍀𑌃 𑌶𑍍𑌰𑍀𑌸𑍍𑌤𑌥𑍈𑌵 𑌚 ।
𑌸𑌂𑌧𑍍𑌯𑌾 𑌪𑍍𑌰𑌭𑌾𑌵𑌤𑍀 𑌚𑍈𑌵 𑌸𑌾𑌵𑌿𑌤𑍍𑌰𑍀 𑌜𑌨𑌨𑍀 𑌤𑌥𑌾 ॥ 12 ॥

𑌤𑍁𑌷𑍍𑌟𑌿𑌃 𑌪𑍁𑌷𑍍𑌟𑌿𑌰𑍍𑌧𑍃𑌤𑌿𑌰𑍍𑌦𑍀𑌪𑍍𑌤𑌿𑌶𑍍𑌚𑌂𑌦𑍍𑌰𑌾𑌦𑌿𑌤𑍍𑌯𑌵𑌿𑌵𑌰𑍍𑌧𑌿𑌨𑍀 ।
𑌭𑍂𑌤𑌿𑌰𑍍𑌭𑍂𑌤𑌿𑌮𑌤𑌾𑌂 𑌸𑌂𑌖𑍍𑌯𑍇 𑌵𑍀𑌕𑍍𑌷𑍍𑌯𑌸𑍇 𑌸𑌿𑌦𑍍𑌧𑌚𑌾𑌰𑌣𑍈𑌃 ॥ 13 ॥

𑌇𑌤𑌿 𑌶𑍍𑌰𑍀𑌮𑌨𑍍𑌮𑌹𑌾𑌭𑌾𑌰𑌤𑍇 𑌭𑍀𑌷𑍍𑌮𑌪𑌰𑍍𑌵𑌣𑌿 𑌤𑍍𑌰𑌯𑍋𑌵𑌿𑌂𑌶𑍋𑌽𑌧𑍍𑌯𑌾𑌯𑍇 𑌅𑌰𑍍𑌜𑍁𑌨 𑌕𑍃𑌤 𑌶𑍍𑌰𑍀 𑌦𑍁𑌰𑍍𑌗𑌾 𑌸𑍍𑌤𑍋𑌤𑍍𑌰𑌮𑍍 ।

Browse Related Categories: