ප්රණම්ය ශිරසා විෂ්ණුං ත්රෛලෝක්යාධිපතිං ප්රභුම් ।
නානාශාස්ත්රෝද්ධෘතං වක්ෂ්යේ රාජනීතිසමුච්චයම් ॥ 01 ॥

අධීත්යේදං යථාශාස්ත්රං නරෝ ජානාති සත්තමඃ ।
ධර්මෝපදේශවිඛ්යාතං කාර්යාකාර්යං ශුභාශුභම් ॥ 02 ॥

තදහං සංප්රවක්ෂ්යාමි ලෝකානාං හිතකාම්යයා ।
යේන විජ්ඤාතමාත්රේණ සර්වජ්ඤාත්වං ප්රපද්යතේ ॥ 03 ॥

මූර්ඛශිෂ්යෝපදේශේන දුෂ්ටස්ත්රීභරණේන ච ।
දුඃඛිතෛඃ සංප්රයෝගේණ පංඩිතෝऽප්යවසීදති ॥ 04 ॥

දුෂ්ටා භාර්යා ශඨං මිත්රං භෘත්යශ්චෝත්තරදායකඃ ।
සසර්පේ ච ගෘහේ වාසෝ මෘත්යුරේව න සංශයඃ ॥ 05 ॥

ආපදර්ථේ ධනං රක්ෂේද්දාරාන් රක්ෂේද්ධනෛරපි ।
ආත්මානං සතතං රක්ෂේද්දාරෛරපි ධනෛරපි ॥ 06 ॥

ආපදර්ථේ ධනං රක්ෂේච්ඡ්රීමතාං කුත ආපදඃ ।
කදාචිච්චලතේ ලක්ෂ්මීඃ සංචිතෝऽපි විනශ්යති ॥ 07 ॥

යස්මිංදේශේ න සම්මානෝ න වෘත්තිර්න ච බාංධවාඃ ।
න ච විද්යාගමෝऽප්යස්ති වාසං තත්ර න කාරයේත් ॥ 08 ॥

ධනිකඃ ශ්රෝත්රියෝ රාජා නදී වෛද්යස්තු පංචමඃ ।
පංච යත්ර න විද්යංතේ න තත්ර දිවසං වසේත් ॥ 09 ॥

ලෝකයාත්රා භයං ලජ්ජා දාක්ෂිණ්යං ත්යාගශීලතා ।
පංච යත්ර න විද්යංතේ න කුර්යාත්තත්ර සංස්ථිතිම් ॥ 10 ॥

ජානීයාත්ප්රේෂණේ භෘත්යාන්බාංධවාන් ව්යසනාගමේ ।
මිත්රං චාපත්තිකාලේෂු භාර්යාං ච විභවක්ෂයේ ॥ 11 ॥

ආතුරේ ව්යසනේ ප්රාප්තේ දුර්භික්ෂේ ශත්රුසංකටේ ।
රාජද්වාරේ ශ්මශානේ ච යස්තිෂ්ඨති ස බාංධවඃ ॥ 12 ॥

යෝ ධ්රුවාණි පරිත්යජ්ය අධ්රුවං පරිෂේවතේ ।
ධ්රුවාණි තස්ය නශ්යංති චාධ්රුවං නෂ්ටමේව හි ॥ 13 ॥

වරයේත්කුලජාං ප්රාජ්ඤෝ විරූපාමපි කන්යකාම් ।
රූපශීලාං න නීචස්ය විවාහඃ සදෘශේ කුලේ ॥ 14 ॥

නදීනාං ශස්ත්රපාණීනාංනඛීනාං ශ‍ඍංගිණාං තථා ।
විශ්වාසෝ නෛව කර්තව්යඃ ස්ත්රීෂු රාජකුලේෂු ච ॥ 15 ॥

විෂාදප්යමෘතං ග්රාහ්යමමේධ්යාදපි කාංචනම් ।
අමිත්රාදපි සද්වෘත්තං බාලාදපි සුභාෂිතම් ॥ 16 ॥

ස්ත්රීණාං ද්විගුණ ආහාරෝ ලජ්ජා චාපි චතුර්ගුණා ।
සාහසං ෂඩ්ගුණං චෛව කාමශ්චාෂ්ටගුණඃ ස්මෘතඃ ॥ 17 ॥