අනෘතං සාහසං මායා මූර්ඛත්වමතිලෝභිතා ।
අශෞචත්වං නිර්දයත්වං ස්ත්රීණාං දෝෂාඃ ස්වභාවජාඃ ॥ 01 ॥

භෝජ්යං භෝජනශක්තිශ්ච රතිශක්තිර්වරාංගනා ।
විභවෝ දානශක්තිශ්ච නාල්පස්ය තපසඃ ඵලම් ॥ 02 ॥

යස්ය පුත්රෝ වශීභූතෝ භාර්යා ඡංදානුගාමිනී ।
විභවේ යශ්ච සංතුෂ්ටස්තස්ය ස්වර්ග ඉහෛව හි ॥ 03 ॥

තේ පුත්රා යේ පිතුර්භක්තාඃ ස පිතා යස්තු පෝෂකඃ ।
තන්මිත්රං යත්ර විශ්වාසඃ සා භාර්යා යත්ර නිර්වෘතිඃ ॥ 04 ॥

පරෝක්ෂේ කාර්යහංතාරං ප්රත්යක්ෂේ ප්රියවාදිනම් ।
වර්ජයේත්තාදෘශං මිත්රං විෂකුංභං පයෝමුඛම් ॥ 05 ॥

න විශ්වසේත්කුමිත්රේ ච මිත්රේ චාපි න විශ්වසේත් ।
කදාචිත්කුපිතං මිත්රං සර්වං ගුහ්යං ප්රකාශයේත් ॥ 06 ॥

මනසා චිංතිතං කාර්යං වාචා නෛව ප්රකාශයේත් ।
මංත්රේණ රක්ෂයේද්ගූඪං කාර්යේ චාපි නියෝජයේත් ॥ 07 ॥

කෂ්ටං ච ඛලු මූර්ඛත්වං කෂ්ටං ච ඛලු යෞවනම් ।
කෂ්ටාත්කෂ්ටතරං චෛව පරගේහනිවාසනම් ॥ 08 ॥

ශෛලේ ශෛලේ ච මාණික්යං මෞක්තිකං න ගජේ ගජේ ।
සාධවෝ න හි සර්වත්ර චංදනං න වනේ වනේ ॥ 09 ॥

පුත්රාශ්ච විවිධෛඃ ශීලෛර්නියෝජ්යාඃ සතතං බුධෛඃ ।
නීතිජ්ඤාඃ ශීලසංපන්නා භවංති කුලපූජිතාඃ ॥ 10 ॥

මාතා ශත්රුඃ පිතා වෛරී යාභ්යාං බාලා න පාඨිතාඃ ।
සභාමධ්යේ න ශෝභංතේ හංසමධ්යේ බකෝ යථා ॥ 11 ॥

ලාලනාද්බහවෝ දෝෂාස්තාඩනේ බහවෝ ගුණාඃ ।
තස්මාත්පුත්රං ච ශිෂ්යං ච තාඩයේන්න තු ලාලයේත් ॥ 12 ॥

ශ්ලෝකේන වා තදර්ධේන තදර්ධාර්ධාක්ෂරේණ වා ।
අබංධ්යං දිවසං කුර්යාද්දානාධ්යයනකර්මභිඃ ॥ 13 ॥

කාංතාවියෝගඃ ස්වජනාපමානං
ඍණස්ය ශේෂං කුනෘපස්ය සේවා ।
දාරිද්ර්යභාවාද්විමුඛං ච මිත්රං
විනාග්නිනා පංච දහංති කායම් ॥ 14 ॥

නදීතීරේ ච යේ වෘක්ෂාඃ පරගේහේෂු කාමිනී ।
මංත්රහීනාශ්ච රාජානඃ ශීඝ්රං නශ්යංත්යසංශයම් ॥ 15 ॥

බලං විද්යා ච විප්රාණාං රාජ්ඤාං සෛන්යං බලං තථා ।
බලං විත්තං ච වෛශ්යානාං ශූද්රාණාං පාරිචර්යකම් ॥ 16 ॥

නිර්ධනං පුරුෂං වේශ්යා ප්රජා භග්නං නෘපං ත්යජේත් ।
ඛගා වීතඵලං වෘක්ෂං භුක්ත්වා චාභ්යාගතෝ ගෘහම් ॥ 17 ॥

ගෘහීත්වා දක්ෂිණාං විප්රාස්ත්යජංති යජමානකම් ।
ප්රාප්තවිද්යා ගුරුං ශිෂ්යා දග්ධාරණ්යං මෘගාස්තථා ॥ 18 ॥

දුරාචාරී දුරාදෘෂ්ටිර්දුරාවාසී ච දුර්ජනඃ ।
යන්මෛත්රී ක්රියතේ පුංභිර්නරඃ ශීඝ්රං විනශ්යති ॥ 19 ॥

සමානේ ශෝභතේ ප්රීතිඃ රාජ්ඤි සේවා ච ශෝභතේ ।
වාණිජ්යං ව්යවහාරේෂු දිව්යා ස්ත්රී ශෝභතේ ගෘහේ ॥ 20 ॥