𑌨𑌾𑌰𑌦 𑌉𑌵𑌾𑌚
𑌭𑌗𑌵𑌨𑍍 𑌦𑍇𑌵𑌦𑍇𑌵𑍇𑌶 𑌭𑍂𑌤𑌭𑌵𑍍𑌯𑌜𑌗𑌤𑍍𑌪𑍍𑌰𑌭𑍋 ।
𑌕𑌵𑌚𑌂 𑌚 𑌶𑍍𑌰𑍁𑌤𑌂 𑌦𑌿𑌵𑍍𑌯𑌂 𑌗𑌾𑌯𑌤𑍍𑌰𑍀𑌮𑌂𑌤𑍍𑌰𑌵𑌿𑌗𑍍𑌰𑌹𑌮𑍍 ॥ 1 ॥
𑌅𑌧𑍁𑌨𑌾 𑌶𑍍𑌰𑍋𑌤𑍁𑌮𑌿𑌚𑍍𑌛𑌾𑌮𑌿 𑌗𑌾𑌯𑌤𑍍𑌰𑍀𑌹𑍃𑌦𑌯𑌂 𑌪𑌰𑌮𑍍 ।
𑌯𑌦𑍍𑌧𑌾𑌰𑌣𑌾𑌦𑍍𑌭𑌵𑍇𑌤𑍍𑌪𑍁𑌣𑍍𑌯𑌂 𑌗𑌾𑌯𑌤𑍍𑌰𑍀𑌜𑌪𑌤𑍋𑌽𑌖𑌿𑌲𑌮𑍍 ॥ 2 ॥
𑌶𑍍𑌰𑍀𑌨𑌾𑌰𑌾𑌯𑌣 𑌉𑌵𑌾𑌚
𑌦𑍇𑌵𑍍𑌯𑌾𑌶𑍍𑌚 𑌹𑍃𑌦𑌯𑌂 𑌪𑍍𑌰𑍋𑌕𑍍𑌤𑌂 𑌨𑌾𑌰𑌦𑌾𑌥𑌰𑍍𑌵𑌣𑍇 𑌸𑍍𑌫𑍁𑌟𑌮𑍍 ।
𑌤𑌦𑍇𑌵𑌾𑌹𑌂 𑌪𑍍𑌰𑌵𑌕𑍍𑌷𑍍𑌯𑌾𑌮𑌿 𑌰𑌹𑌸𑍍𑌯𑌾𑌤𑌿𑌰𑌹𑌸𑍍𑌯𑌕𑌮𑍍 ॥ 3 ॥
𑌵𑌿𑌰𑌾𑌡𑍍𑌰𑍂𑌪𑌾𑌂 𑌮𑌹𑌾𑌦𑍇𑌵𑍀𑌂 𑌗𑌾𑌯𑌤𑍍𑌰𑍀𑌂 𑌵𑍇𑌦𑌮𑌾𑌤𑌰𑌮𑍍 ।
𑌧𑍍𑌯𑌾𑌤𑍍𑌵𑌾 𑌤𑌸𑍍𑌯𑌾𑌸𑍍𑌤𑍍𑌵𑌥𑌾𑌂𑌗𑍇𑌷𑍁 𑌧𑍍𑌯𑌾𑌯𑍇𑌦𑍇𑌤𑌾𑌶𑍍𑌚 𑌦𑍇𑌵𑌤𑌾𑌃 ॥ 4 ॥
𑌪𑌿𑌂𑌡𑌬𑍍𑌰𑌹𑍍𑌮𑌂𑌡𑌯𑍋𑌰𑍈𑌕𑍍𑌯𑌾𑌦𑍍𑌭𑌾𑌵𑌯𑍇𑌤𑍍𑌸𑍍𑌵𑌤𑌨𑍌 𑌤𑌥𑌾 ।
𑌦𑍇𑌵𑍀𑌰𑍂𑌪𑍇 𑌨𑌿𑌜𑍇 𑌦𑍇𑌹𑍇 𑌤𑌨𑍍𑌮𑌯𑌤𑍍𑌵𑌾𑌯 𑌸𑌾𑌧𑌕𑌃 ॥ 5 ॥
𑌨𑌾𑌦𑍇𑌵𑍋𑌽𑌭𑍍𑌯𑌰𑍍𑌚𑌯𑍇𑌦𑍍𑌦𑍇𑌵𑌮𑌿𑌤𑌿 𑌵𑍇𑌦𑌵𑌿𑌦𑍋 𑌵𑌿𑌦𑍁𑌃 ।
𑌤𑌤𑍋𑌽𑌭𑍇𑌦𑌾𑌯 𑌕𑌾𑌯𑍇 𑌸𑍍𑌵𑍇 𑌭𑌾𑌵𑌯𑍇𑌦𑍍𑌦𑍇𑌵𑌤𑌾 𑌇𑌮𑌾𑌃 ॥ 6 ॥
𑌅𑌥 𑌤𑌤𑍍𑌸𑌂𑌪𑍍𑌰𑌵𑌕𑍍𑌷𑍍𑌯𑌾𑌮𑌿 𑌤𑌨𑍍𑌮𑌯𑌤𑍍𑌵𑌮𑌥𑍋 𑌭𑌵𑍇𑌤𑍍 ।
𑌗𑌾𑌯𑌤𑍍𑌰𑍀𑌹𑍃𑌦𑌯𑌸𑍍𑌯𑌾𑌽𑌸𑍍𑌯𑌾𑌽𑌪𑍍𑌯𑌹𑌮𑍇𑌵 𑌋𑌷𑌿𑌃 𑌸𑍍𑌮𑍃𑌤𑌃 ॥ ॥
𑌗𑌾𑌯𑌤𑍍𑌰𑍀𑌛𑌂𑌦 𑌉𑌦𑍍𑌦𑌿𑌷𑍍𑌟𑌂 𑌦𑍇𑌵𑌤𑌾 𑌪𑌰𑌮𑍇𑌶𑍍𑌵𑌰𑍀 ।
𑌪𑍂𑌰𑍍𑌵𑍋𑌕𑍍𑌤𑍇𑌨 𑌪𑍍𑌰𑌕𑌾𑌰𑍇𑌣 𑌕𑍁𑌰𑍍𑌯𑌾𑌦𑌂𑌗𑌾𑌨𑌿 𑌷𑌟𑍍𑌕𑍍𑌰𑌮𑌾𑌤𑍍 ।
𑌆𑌸𑌨𑍇 𑌵𑌿𑌜𑌨𑍇 𑌦𑍇𑌶𑍇 𑌧𑍍𑌯𑌾𑌯𑍇𑌦𑍇𑌕𑌾𑌗𑍍𑌰𑌮𑌾𑌨𑌸𑌃 ॥ ॥
𑌅𑌥𑌾𑌰𑍍𑌥𑌨𑍍𑌯𑌾𑌸𑌃 । 𑌦𑍍𑌯𑍌𑌮𑍂𑌰𑍍𑌧𑍍𑌨𑌿 𑌦𑍈𑌵𑌤𑌮𑍍 । 𑌦𑌂𑌤𑌪𑌂𑌕𑍍𑌤𑌾𑌵𑌶𑍍𑌵𑌿𑌨𑍌 । 𑌉𑌭𑍇 𑌸𑌂𑌧𑍍𑌯𑍇 𑌚𑍌𑌷𑍍𑌠𑍌 । 𑌮𑍁𑌖𑌮𑌗𑍍𑌨𑌿𑌃 । 𑌜𑌿𑌹𑍍𑌵𑌾 𑌸𑌰𑌸𑍍𑌵𑌤𑍀 । 𑌗𑍍𑌰𑍀𑌵𑌾𑌯𑌾𑌂 𑌤𑍁 𑌬𑍃𑌹𑌸𑍍𑌪𑌤𑌿𑌃 । 𑌸𑍍𑌤𑌨𑌯𑍋𑌰𑍍𑌵𑌸𑌵𑍋𑌽𑌷𑍍𑌟𑍌 । 𑌬𑌾𑌹𑍍𑌵𑍋𑌰𑍍𑌮𑌰𑍁𑌤𑌃 । 𑌹𑍃𑌦𑌯𑍇 𑌪𑌰𑍍𑌜𑌨𑍍𑌯𑌃 । 𑌆𑌕𑌾𑌶𑌮𑍁𑌦𑌰𑌮𑍍 । 𑌨𑌾𑌭𑌾𑌵𑌂𑌤𑌰𑌿𑌕𑍍𑌷𑌮𑍍 । 𑌕𑌟𑍍𑌯𑍋𑌰𑌿𑌂𑌦𑍍𑌰𑌾𑌗𑍍𑌨𑍀 । 𑌜𑌘𑌨𑍇 𑌵𑌿𑌜𑍍𑌞𑌾𑌨𑌘𑌨𑌃 𑌪𑍍𑌰𑌜𑌾𑌪𑌤𑌿𑌃 । 𑌕𑍈𑌲𑌾𑌸𑌮𑌲𑌯𑍇 𑌊𑌰𑍂 । 𑌵𑌿𑌶𑍍𑌵𑍇𑌦𑍇𑌵𑌾 𑌜𑌾𑌨𑍍𑌵𑍋𑌃 । 𑌜𑌂𑌘𑌾𑌯𑌾𑌂 𑌕𑍌𑌶𑌿𑌕𑌃 । 𑌗𑍁𑌹𑍍𑌯𑌮𑌯𑌨𑍇 । 𑌊𑌰𑍂 𑌪𑌿𑌤𑌰𑌃 । 𑌪𑌾𑌦𑍌 𑌪𑍃𑌥𑌿𑌵𑍀 । 𑌵𑌨𑌸𑍍𑌪𑌤𑌯𑍋𑌽𑌂𑌗𑍁𑌲𑍀𑌷𑍁 । 𑌋𑌷𑌯𑍋 𑌰𑍋𑌮𑌾𑌣𑌿 । 𑌨𑌖𑌾𑌨𑌿 𑌮𑍁𑌹𑍂𑌰𑍍𑌤𑌾𑌨𑌿 । 𑌅𑌸𑍍𑌥𑌿𑌷𑍁 𑌗𑍍𑌰𑌹𑌾𑌃 । 𑌅𑌸𑍃𑌙𑍍𑌮𑌾𑌂𑌸𑌮𑍃𑌤𑌵𑌃 ॥ 𑌸𑌂𑌵𑌤𑍍𑌸𑌰𑌾 𑌵𑍈 𑌨𑌿𑌮𑌿𑌷𑌮𑍍 । 𑌅𑌹𑍋𑌰𑌾𑌤𑍍𑌰𑌾𑌵𑌾𑌦𑌿𑌤𑍍𑌯𑌶𑍍𑌚𑌂𑌦𑍍𑌰𑌮𑌾𑌃 । 𑌪𑍍𑌰𑌵𑌰𑌾𑌂 𑌦𑌿𑌵𑍍𑌯𑌾𑌂 𑌗𑌾𑌯𑌤𑍍𑌰𑍀𑌂 𑌸𑌹𑌸𑍍𑌰𑌨𑍇𑌤𑍍𑌰𑌾𑌂 𑌶𑌰𑌣𑌮𑌹𑌂 𑌪𑍍𑌰𑌪𑌦𑍍𑌯𑍇 ॥
𑌓𑌂 𑌤𑌤𑍍𑌸𑌵𑌿𑌤𑍁𑌰𑍍𑌵𑌰𑍇𑌣𑍍𑌯𑌾𑌯 𑌨𑌮𑌃 । 𑌓𑌂 𑌤𑌤𑍍𑌪𑍂𑌰𑍍𑌵𑌾𑌜𑌯𑌾𑌯 𑌨𑌮𑌃 । 𑌤𑌤𑍍𑌪𑍍𑌰𑌾𑌤𑌰𑌾𑌦𑌿𑌤𑍍𑌯𑌾𑌯 𑌨𑌮𑌃 । 𑌤𑌤𑍍𑌪𑍍𑌰𑌾𑌤𑌰𑌾𑌦𑌿𑌤𑍍𑌯𑌪𑍍𑌰𑌤𑌿𑌷𑍍𑌠𑌾𑌯𑍈 𑌨𑌮𑌃 ॥
𑌪𑍍𑌰𑌾𑌤𑌰𑌧𑍀𑌯𑌾𑌨𑍋 𑌰𑌾𑌤𑍍𑌰𑌿𑌕𑍃𑌤𑌂 𑌪𑌾𑌪𑌂 𑌨𑌾𑌶𑌯𑌤𑌿 । 𑌸𑌾𑌯𑌮𑌧𑍀𑌯𑌾𑌨𑍋 𑌦𑌿𑌵𑌸𑌕𑍃𑌤𑌂 𑌪𑌾𑌪𑌂 𑌨𑌾𑌶𑌯𑌤𑌿 । 𑌸𑌾𑌯𑌂 𑌪𑍍𑌰𑌾𑌤𑌰𑌧𑍀𑌯𑌾𑌨𑍋 𑌅𑌪𑌾𑌪𑍋 𑌭𑌵𑌤𑌿 । 𑌸𑌰𑍍𑌵𑌤𑍀𑌰𑍍𑌥𑍇𑌷𑍁 𑌸𑍍𑌨𑌾𑌤𑍋 𑌭𑌵𑌤𑌿 । 𑌸𑌰𑍍𑌵𑍈𑌰𑍍𑌦𑍇𑌵𑍈𑌰𑍍𑌜𑍍𑌞𑌾𑌤𑍋 𑌭𑌵𑌤𑌿 । 𑌅𑌵𑌾𑌚𑍍𑌯𑌵𑌚𑌨𑌾𑌤𑍍𑌪𑍂𑌤𑍋 𑌭𑌵𑌤𑌿 । 𑌅𑌭𑌕𑍍𑌷𑍍𑌯𑌭𑌕𑍍𑌷𑌣𑌾𑌤𑍍𑌪𑍂𑌤𑍋 𑌭𑌵𑌤𑌿 । 𑌅𑌭𑍋𑌜𑍍𑌯𑌭𑍋𑌜𑌨𑌾𑌤𑍍𑌪𑍂𑌤𑍋 𑌭𑌵𑌤𑌿 । 𑌅𑌚𑍋𑌷𑍍𑌯𑌚𑍋𑌷𑌣𑌾𑌤𑍍𑌪𑍂𑌤𑍋 𑌭𑌵𑌤𑌿 । 𑌅𑌸𑌾𑌧𑍍𑌯𑌸𑌾𑌧𑌨𑌾𑌤𑍍𑌪𑍂𑌤𑍋 𑌭𑌵𑌤𑌿 । 𑌦𑍁𑌷𑍍𑌪𑍍𑌰𑌤𑌿𑌗𑍍𑌰𑌹𑌶𑌤𑌸𑌹𑌸𑍍𑌰𑌾𑌤𑍍𑌪𑍂𑌤𑍋 𑌭𑌵𑌤𑌿 । 𑌸𑌰𑍍𑌵𑌪𑍍𑌰𑌤𑌿𑌗𑍍𑌰𑌹𑌾𑌤𑍍𑌪𑍂𑌤𑍋 𑌭𑌵𑌤𑌿 । 𑌪𑌂𑌕𑍍𑌤𑌿𑌦𑍂𑌷𑌣𑌾𑌤𑍍𑌪𑍂𑌤𑍋 𑌭𑌵𑌤𑌿 । 𑌅𑌨𑍃𑌤𑌵𑌚𑌨𑌾𑌤𑍍𑌪𑍂𑌤𑍋 𑌭𑌵𑌤𑌿 । 𑌅𑌥𑌾𑌽𑌬𑍍𑌰𑌹𑍍𑌮𑌚𑌾𑌰𑍀 𑌬𑍍𑌰𑌹𑍍𑌮𑌚𑌾𑌰𑍀 𑌭𑌵𑌤𑍀 । 𑌅𑌨𑍇𑌨 𑌹𑍃𑌦𑌯𑍇𑌨𑌾𑌧𑍀𑌤𑍇𑌨 𑌕𑍍𑌰𑌤𑍁𑌸𑌹𑌸𑍍𑌰𑍇𑌣𑍇𑌷𑍍𑌟𑌂 𑌭𑌵𑌤𑌿 । 𑌷𑌷𑍍𑌟𑌿𑌶𑌤𑌸𑌹𑌸𑍍𑌰𑌗𑌾𑌯𑌤𑍍𑌰𑍍𑌯𑌾 𑌜𑌪𑍍𑌯𑌾𑌨𑌿 𑌫𑌲𑌾𑌨𑌿 𑌭𑌵𑌂𑌤𑌿 । 𑌅𑌷𑍍𑌟𑍌 𑌬𑍍𑌰𑌾𑌹𑍍𑌮𑌣𑌾𑌨𑍍 𑌸𑌮𑍍𑌯𑌗𑍍𑌗𑍍𑌰𑌾𑌹𑌯𑍇𑌤𑍍 । 𑌤𑌸𑍍𑌯 𑌸𑌿𑌦𑍍𑌧𑌿𑌰𑍍𑌭𑌵𑌤𑌿 । 𑌯 𑌇𑌦𑌂 𑌨𑌿𑌤𑍍𑌯𑌮𑌧𑍀𑌯𑌾𑌨𑍋 𑌬𑍍𑌰𑌾𑌹𑍍𑌮𑌣𑌃 𑌪𑍍𑌰𑌾𑌤𑌃 𑌶𑍁𑌚𑌿𑌃 𑌸𑌰𑍍𑌵𑌪𑌾𑌪𑍈𑌃 𑌪𑍍𑌰𑌮𑍁𑌚𑍍𑌯𑌤 𑌇𑌤𑌿 । 𑌬𑍍𑌰𑌹𑍍𑌮𑌲𑍋𑌕𑍇 𑌮𑌹𑍀𑌯𑌤𑍇 ॥
𑌇𑌤𑍍𑌯𑌾𑌹 𑌭𑌗𑌵𑌾𑌨𑍍 𑌶𑍍𑌰𑍀𑌨𑌾𑌰𑌾𑌯𑌣𑌃 ॥
𑌇𑌤𑌿 𑌶𑍍𑌰𑍀𑌦𑍇𑌵𑍀𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌦𑍍𑌵𑌾𑌦𑌶𑌸𑍍𑌕𑌂𑌧𑍇 𑌶𑍍𑌰𑍀 𑌗𑌾𑌯𑌤𑍍𑌰𑍀 𑌹𑍃𑌦𑌯𑌂 𑌨𑌾𑌮 𑌚𑌤𑍁𑌰𑍍𑌥𑍋𑌽𑌧𑍍𑌯𑌾𑌯𑌃 ॥
