𑌅𑌸𑍍𑌯 𑌶𑍍𑌰𑍀𑌰𑌂𑌗𑌨𑌾𑌥𑌾𑌷𑍍𑌟𑍋𑌤𑍍𑌤𑌰𑌶𑌤𑌨𑌾𑌮𑌸𑍍𑌤𑍋𑌤𑍍𑌰𑌮𑌹𑌾𑌮𑌂𑌤𑍍𑌰𑌸𑍍𑌯 𑌵𑍇𑌦𑌵𑍍𑌯𑌾𑌸𑍋 𑌭𑌗𑌵𑌾𑌨𑍃𑌷𑌿𑌃 𑌅𑌨𑍁𑌷𑍍𑌟𑍁𑌪𑍍𑌛𑌂𑌦𑌃 𑌭𑌗𑌵𑌾𑌨𑍍 𑌶𑍍𑌰𑍀𑌮𑌹𑌾𑌵𑌿𑌷𑍍𑌣𑍁𑌰𑍍𑌦𑍇𑌵𑌤𑌾, 𑌶𑍍𑌰𑍀𑌰𑌂𑌗𑌶𑌾𑌯𑍀𑌤𑌿 𑌬𑍀𑌜𑌂 𑌶𑍍𑌰𑍀𑌕𑌾𑌂𑌤 𑌇𑌤𑌿 𑌶𑌕𑍍𑌤𑌿𑌃 𑌶𑍍𑌰𑍀𑌪𑍍𑌰𑌦 𑌇𑌤𑌿 𑌕𑍀𑌲𑌕𑌂 𑌮𑌮 𑌸𑌮𑌸𑍍𑌤𑌪𑌾𑌪𑌨𑌾𑌶𑌾𑌰𑍍𑌥𑍇 𑌶𑍍𑌰𑍀𑌰𑌂𑌗𑌰𑌾𑌜𑌪𑍍𑌰𑌸𑌾𑌦 𑌸𑌿𑌦𑍍𑌧𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ।
𑌧𑍌𑌮𑍍𑌯 𑌉𑌵𑌾𑌚 ।
𑌶𑍍𑌰𑍀𑌰𑌂𑌗𑌶𑌾𑌯𑍀 𑌶𑍍𑌰𑍀𑌕𑌾𑌂𑌤𑌃 𑌶𑍍𑌰𑍀𑌪𑍍𑌰𑌦𑌃 𑌶𑍍𑌰𑌿𑌤𑌵𑌤𑍍𑌸𑌲𑌃 ।
𑌅𑌨𑌂𑌤𑍋 𑌮𑌾𑌧𑌵𑍋 𑌜𑍇𑌤𑌾 𑌜𑌗𑌨𑍍𑌨𑌾𑌥𑍋 𑌜𑌗𑌦𑍍𑌗𑍁𑌰𑍁𑌃 ॥ 1 ॥
𑌸𑍁𑌰𑌵𑌰𑍍𑌯𑌃 𑌸𑍁𑌰𑌾𑌰𑌾𑌧𑍍𑌯𑌃 𑌸𑍁𑌰𑌰𑌾𑌜𑌾𑌨𑍁𑌜𑌃 𑌪𑍍𑌰𑌭𑍁𑌃 ।
𑌹𑌰𑌿𑌰𑍍𑌹𑌤𑌾𑌰𑌿𑌰𑍍𑌵𑌿𑌶𑍍𑌵𑍇𑌶𑌃 𑌶𑌾𑌶𑍍𑌵𑌤𑌃 𑌶𑌂𑌭𑍁𑌰𑌵𑍍𑌯𑌯𑌃 ॥ 2 ॥
𑌭𑌕𑍍𑌤𑌾𑌰𑍍𑌤𑌿𑌭𑌂𑌜𑌨𑍋 𑌵𑌾𑌗𑍍𑌮𑍀 𑌵𑍀𑌰𑍋 𑌵𑌿𑌖𑍍𑌯𑌾𑌤𑌕𑍀𑌰𑍍𑌤𑌿𑌮𑌾𑌨𑍍 ।
𑌭𑌾𑌸𑍍𑌕𑌰𑌃 𑌶𑌾𑌸𑍍𑌤𑍍𑌰𑌤𑌤𑍍𑌤𑍍𑌵𑌜𑍍𑌞𑍋 𑌦𑍈𑌤𑍍𑌯𑌶𑌾𑌸𑍍𑌤𑌾𑌽𑌮𑌰𑍇𑌶𑍍𑌵𑌰𑌃 ॥ 3 ॥
𑌨𑌾𑌰𑌾𑌯𑌣𑍋 𑌨𑌰𑌹𑌰𑌿𑌰𑍍𑌨𑍀𑌰𑌜𑌾𑌕𑍍𑌷𑍋 𑌨𑌰𑌪𑍍𑌰𑌿𑌯𑌃 ।
𑌬𑍍𑌰𑌹𑍍𑌮𑌣𑍍𑌯𑍋 𑌬𑍍𑌰𑌹𑍍𑌮𑌕𑍃𑌦𑍍𑌬𑍍𑌰𑌹𑍍𑌮𑌾 𑌬𑍍𑌰𑌹𑍍𑌮𑌾𑌂𑌗𑍋 𑌬𑍍𑌰𑌹𑍍𑌮𑌪𑍂𑌜𑌿𑌤𑌃 ॥ 4 ॥
𑌕𑍃𑌷𑍍𑌣𑌃 𑌕𑍃𑌤𑌜𑍍𑌞𑍋 𑌗𑍋𑌵𑌿𑌂𑌦𑍋 𑌹𑍃𑌷𑍀𑌕𑍇𑌶𑍋𑌽𑌘𑌨𑌾𑌶𑌨𑌃 ।
𑌵𑌿𑌷𑍍𑌣𑍁𑌰𑍍𑌜𑌿𑌷𑍍𑌣𑍁𑌰𑍍𑌜𑌿𑌤𑌾𑌰𑌾𑌤𑌿𑌃 𑌸𑌜𑍍𑌜𑌨𑌪𑍍𑌰𑌿𑌯 𑌈𑌶𑍍𑌵𑌰𑌃 ॥ 5 ॥
𑌤𑍍𑌰𑌿𑌵𑌿𑌕𑍍𑌰𑌮𑌸𑍍𑌤𑍍𑌰𑌿𑌲𑍋𑌕𑍇𑌶𑌃 𑌤𑍍𑌰𑌯𑍍𑌯𑌰𑍍𑌥𑌸𑍍𑌤𑍍𑌰𑌿𑌗𑍁𑌣𑌾𑌤𑍍𑌮𑌕𑌃 ।
𑌕𑌾𑌕𑍁𑌤𑍍𑌸𑍍𑌥𑌃 𑌕𑌮𑌲𑌾𑌕𑌾𑌂𑌤𑌃 𑌕𑌾𑌳𑍀𑌯𑍋𑌰𑌗𑌮𑌰𑍍𑌦𑌨𑌃 ॥ 6 ॥
𑌕𑌾𑌲𑌾𑌂𑌬𑍁𑌦𑌶𑍍𑌯𑌾𑌮𑌲𑌾𑌂𑌗𑌃 𑌕𑍇𑌶𑌵𑌃 𑌕𑍍𑌲𑍇𑌶𑌨𑌾𑌶𑌨𑌃 ।
𑌕𑍇𑌶𑌿𑌪𑍍𑌰𑌭𑌂𑌜𑌨𑌃 𑌕𑌾𑌂𑌤𑍋 𑌨𑌂𑌦𑌸𑍂𑌨𑍁𑌰𑌰𑌿𑌂𑌦𑌮𑌃 ॥ ॥
𑌰𑍁𑌕𑍍𑌮𑌿𑌣𑍀𑌵𑌲𑍍𑌲𑌭𑌃 𑌶𑍌𑌰𑌿𑌰𑍍𑌬𑌲𑌭𑌦𑍍𑌰𑍋 𑌬𑌲𑌾𑌨𑍁𑌜𑌃 ।
𑌦𑌾𑌮𑍋𑌦𑌰𑍋 𑌹𑍃𑌷𑍀𑌕𑍇𑌶𑍋 𑌵𑌾𑌮𑌨𑍋 𑌮𑌧𑍁𑌸𑍂𑌦𑌨𑌃 ॥ ॥
𑌪𑍂𑌤𑌃 𑌪𑍁𑌣𑍍𑌯𑌜𑌨𑌧𑍍𑌵𑌂𑌸𑍀 𑌪𑍁𑌣𑍍𑌯𑌶𑍍𑌲𑍋𑌕𑌶𑌿𑌖𑌾𑌮𑌣𑌿𑌃 ।
𑌆𑌦𑌿𑌮𑍂𑌰𑍍𑌤𑌿𑌰𑍍𑌦𑌯𑌾𑌮𑍂𑌰𑍍𑌤𑌿𑌃 𑌶𑌾𑌂𑌤𑌮𑍂𑌰𑍍𑌤𑌿𑌰𑌮𑍂𑌰𑍍𑌤𑌿𑌮𑌾𑌨𑍍 ॥ ॥
𑌪𑌰𑌂𑌬𑍍𑌰𑌹𑍍𑌮 𑌪𑌰𑌂𑌧𑌾𑌮 𑌪𑌾𑌵𑌨𑌃 𑌪𑌵𑌨𑍋 𑌵𑌿𑌭𑍁𑌃 ।
𑌚𑌂𑌦𑍍𑌰𑌶𑍍𑌛𑌂𑌦𑍋𑌮𑌯𑍋 𑌰𑌾𑌮𑌃 𑌸𑌂𑌸𑌾𑌰𑌾𑌂𑌬𑍁𑌧𑌿𑌤𑌾𑌰𑌕𑌃 ॥ 10 ॥
𑌆𑌦𑌿𑌤𑍇𑌯𑍋𑌽𑌚𑍍𑌯𑍁𑌤𑍋 𑌭𑌾𑌨𑍁𑌃 𑌶𑌂𑌕𑌰𑌶𑍍𑌶𑌿𑌵 𑌊𑌰𑍍𑌜𑌿𑌤𑌃 ।
𑌮𑌹𑍇𑌶𑍍𑌵𑌰𑍋 𑌮𑌹𑌾𑌯𑍋𑌗𑍀 𑌮𑌹𑌾𑌶𑌕𑍍𑌤𑌿𑌰𑍍𑌮𑌹𑌤𑍍𑌪𑍍𑌰𑌿𑌯𑌃 ॥ 11 ॥
𑌦𑍁𑌰𑍍𑌜𑌨𑌧𑍍𑌵𑌂𑌸𑌕𑍋𑌽𑌶𑍇𑌷𑌸𑌜𑍍𑌜𑌨𑍋𑌪𑌾𑌸𑍍𑌤𑌸𑌤𑍍𑌫𑌲𑌮𑍍 ।
𑌪𑌕𑍍𑌷𑍀𑌂𑌦𑍍𑌰𑌵𑌾𑌹𑌨𑍋𑌽𑌕𑍍𑌷𑍋𑌭𑍍𑌯𑌃 𑌕𑍍𑌷𑍀𑌰𑌾𑌬𑍍𑌧𑌿𑌶𑌯𑌨𑍋 𑌵𑌿𑌧𑍁𑌃 ॥ 12 ॥
𑌜𑌨𑌾𑌰𑍍𑌦𑌨𑍋 𑌜𑌗𑌦𑍍𑌧𑍇𑌤𑍁𑌰𑍍𑌜𑌿𑌤𑌮𑌨𑍍𑌮𑌥𑌵𑌿𑌗𑍍𑌰𑌹𑌃 ।
𑌚𑌕𑍍𑌰𑌪𑌾𑌣𑌿𑌃 𑌶𑌂𑌖𑌧𑌾𑌰𑍀 𑌶𑌾𑌰𑌂𑌗𑍀 𑌖𑌡𑍍𑌗𑍀 𑌗𑌦𑌾𑌧𑌰𑌃 ॥ 13 ॥
𑌏𑌵𑌂 𑌵𑌿𑌷𑍍𑌣𑍋𑌶𑍍𑌶𑌤𑌂 𑌨𑌾𑌮𑍍𑌨𑌾𑌮𑌷𑍍𑌟𑍋𑌤𑍍𑌤𑌰𑌮𑌿𑌹𑍇𑌰𑌿𑌤𑌮𑍍 ।
𑌸𑍍𑌤𑍋𑌤𑍍𑌰𑌾𑌣𑌾𑌮𑍁𑌤𑍍𑌤𑌮𑌂 𑌗𑍁𑌹𑍍𑌯𑌂 𑌨𑌾𑌮𑌰𑌤𑍍𑌨𑌸𑍍𑌤𑌵𑌾𑌭𑌿𑌧𑌮𑍍 ॥ 14 ॥
𑌸𑌰𑍍𑌵𑌦𑌾 𑌸𑌰𑍍𑌵𑌰𑍋𑌗𑌘𑍍𑌨𑌂 𑌚𑌿𑌂𑌤𑌿𑌤𑌾𑌰𑍍𑌥𑌫𑌲𑌪𑍍𑌰𑌦𑌮𑍍 ।
𑌤𑍍𑌵𑌂 𑌤𑍁 𑌶𑍀𑌘𑍍𑌰𑌂 𑌮𑌹𑌾𑌰𑌾𑌜 𑌗𑌚𑍍𑌛 𑌰𑌂𑌗𑌸𑍍𑌥𑌲𑌂 𑌶𑍁𑌭𑌮𑍍 ॥ 15 ॥
𑌸𑍍𑌨𑌾𑌤𑍍𑌵𑌾 𑌤𑍁𑌲𑌾𑌰𑍍𑌕𑍇 𑌕𑌾𑌵𑍇𑌰𑍍𑌯𑌾𑌂 𑌮𑌾𑌹𑌾𑌤𑍍𑌮𑍍𑌯 𑌶𑍍𑌰𑌵𑌣𑌂 𑌕𑍁𑌰𑍁 ।
𑌗𑌵𑌾𑌶𑍍𑌵𑌵𑌸𑍍𑌤𑍍𑌰𑌧𑌾𑌨𑍍𑌯𑌾𑌨𑍍𑌨𑌭𑍂𑌮𑌿𑌕𑌨𑍍𑌯𑌾𑌪𑍍𑌰𑌦𑍋 𑌭𑌵 ॥ 16 ॥
𑌦𑍍𑌵𑌾𑌦𑌶𑍍𑌯𑌾𑌂 𑌪𑌾𑌯𑌸𑌾𑌨𑍍𑌨𑍇𑌨 𑌸𑌹𑌸𑍍𑌰𑌂 𑌦𑌶 𑌭𑍋𑌜𑌯 ।
𑌨𑌾𑌮𑌰𑌤𑍍𑌨𑌸𑍍𑌤𑌵𑌾𑌖𑍍𑌯𑍇𑌨 𑌵𑌿𑌷𑍍𑌣𑍋𑌰𑌷𑍍𑌟𑌶𑌤𑍇𑌨 𑌚 ।
𑌸𑍍𑌤𑍁𑌤𑍍𑌵𑌾 𑌶𑍍𑌰𑍀𑌰𑌂𑌗𑌨𑌾𑌥𑌂 𑌤𑍍𑌵𑌮𑌭𑍀𑌷𑍍𑌟𑌫𑌲𑌮𑌾𑌪𑍍𑌨𑍁𑌹𑌿 ॥ 1 ॥
𑌇𑌤𑌿 𑌤𑍁𑌲𑌾𑌕𑌾𑌵𑍇𑌰𑍀𑌮𑌾𑌹𑌾𑌤𑍍𑌮𑍍𑌯𑍇 𑌶𑌂𑌤𑌨𑍁𑌂 𑌪𑍍𑌰𑌤𑌿 𑌧𑍌𑌮𑍍𑌯𑍋𑌪𑌦𑌿𑌷𑍍𑌟 𑌶𑍍𑌰𑍀𑌰𑌂𑌗𑌨𑌾𑌥𑌾𑌷𑍍𑌟𑍋𑌤𑍍𑌤𑌰𑌶𑌤𑌨𑌾𑌮 𑌸𑍍𑌤𑍋𑌤𑍍𑌰𑌮𑍍 ।
