𑌶𑍍𑌰𑍀 𑌦𑌕𑍍𑌷𑌿𑌣𑌾𑌮𑍂𑌰𑍍𑌥𑌿 𑌅𑌷𑍍𑌟𑍋𑌤𑍍𑌤𑌰 𑌶𑌤 𑌨𑌾𑌮 𑌸𑍍𑌤𑍋𑌤𑍍𑌰𑌮𑍍

𑌧𑍍𑌯𑌾𑌨𑌂
𑌵𑍍𑌯𑌾𑌖𑍍𑌯𑌾𑌰𑍁𑌦𑍍𑌰𑌾𑌕𑍍𑌷𑌮𑌾𑌲𑍇 𑌕𑌲𑌶𑌸𑍁𑌰𑌭𑌿𑌤𑍇 𑌬𑌾𑌹𑍁𑌭𑌿𑌰𑍍𑌵𑌾𑌮𑌪𑌾𑌦𑌂
𑌬𑌿𑌭𑍍𑌰𑌾𑌣𑍋 𑌜𑌾𑌨𑍁𑌮𑍂𑌰𑍍𑌧𑍍𑌨𑌾 𑌵𑌟𑌤𑌰𑍁𑌨𑌿𑌵𑍃𑌤𑌾𑌵𑌸𑍍𑌯𑌧𑍋 𑌵𑌿𑌦𑍍𑌯𑌮𑌾𑌨𑌃 ।
𑌸𑍌𑌵𑌰𑍍𑌣𑍇 𑌯𑍋𑌗𑌪𑍀𑌠𑍇 𑌲𑌿𑌪𑌿𑌮𑌯𑌕𑌮𑌲𑍇 𑌸𑍂𑌪𑌵𑌿𑌷𑍍𑌟𑌸𑍍𑌤𑍍𑌰𑌿𑌣𑍇𑌤𑍍𑌰𑌃
𑌕𑍍𑌷𑍀𑌰𑌾𑌭𑌶𑍍𑌚𑌂𑌦𑍍𑌰𑌮𑍌𑌳𑌿𑌰𑍍𑌵𑌿𑌤𑌰𑌤𑍁 𑌨𑌿𑌤𑌰𑌾𑌂 𑌶𑍁𑌦𑍍𑌧𑌬𑍁𑌦𑍍𑌧𑌿𑌂 𑌶𑌿𑌵𑍋 𑌨𑌃 ॥

𑌸𑍍𑌤𑍋𑌤𑍍𑌰𑌂
𑌵𑌿𑌦𑍍𑌯𑌾𑌰𑍂𑌪𑍀 𑌮𑌹𑌾𑌯𑍋𑌗𑍀 𑌶𑍁𑌦𑍍𑌧𑌜𑍍𑌞𑌾𑌨𑍀 𑌪𑌿𑌨𑌾𑌕𑌧𑍃𑌤𑍍 ।
𑌰𑌤𑍍𑌨𑌾𑌲𑌂𑌕𑍃𑌤𑌸𑌰𑍍𑌵𑌾𑌂𑌗𑍋 𑌰𑌤𑍍𑌨𑌮𑌾𑌲𑍀 𑌜𑌟𑌾𑌧𑌰𑌃 ॥ 1 ॥

𑌗𑌂𑌗𑌾𑌧𑌾𑌰𑍍𑌯𑌚𑌲𑌾𑌵𑌾𑌸𑍀 𑌸𑌰𑍍𑌵𑌜𑍍𑌞𑌾𑌨𑍀 𑌸𑌮𑌾𑌧𑌿𑌧𑍃𑌤𑍍 ।
𑌅𑌪𑍍𑌰𑌮𑍇𑌯𑍋 𑌯𑍋𑌗𑌨𑌿𑌧𑌿𑌸𑍍𑌤𑌾𑌰𑌕𑍋 𑌭𑌕𑍍𑌤𑌵𑌤𑍍𑌸𑌲𑌃 ॥ 2 ॥

𑌬𑍍𑌰𑌹𑍍𑌮𑌰𑍂𑌪𑍀 𑌜𑌗𑌦𑍍𑌵𑍍𑌯𑌾𑌪𑍀 𑌵𑌿𑌷𑍍𑌣𑍁𑌮𑍂𑌰𑍍𑌤𑌿𑌃 𑌪𑍁𑌰𑌾𑌂𑌤𑌕𑌃 ।
𑌉𑌕𑍍𑌷𑌵𑌾𑌹𑌶𑍍𑌚𑌰𑍍𑌮𑌵𑌾𑌸𑌾𑌃 𑌪𑍀𑌤𑌾𑌂𑌬𑌰𑌵𑌿𑌭𑍂𑌷𑌣𑌃 ॥ 3 ॥

𑌮𑍋𑌕𑍍𑌷𑌸𑌿𑌦𑍍𑌧𑌿𑌰𑍍𑌮𑍋𑌕𑍍𑌷𑌦𑌾𑌯𑍀 𑌦𑌾𑌨𑌵𑌾𑌰𑌿𑌰𑍍𑌜𑌗𑌤𑍍𑌪𑌤𑌿𑌃 ।
𑌵𑌿𑌦𑍍𑌯𑌾𑌧𑌾𑌰𑍀 𑌶𑍁𑌕𑍍𑌲𑌤𑌨𑍁𑌃 𑌵𑌿𑌦𑍍𑌯𑌾𑌦𑌾𑌯𑍀 𑌗𑌣𑌾𑌧𑌿𑌪𑌃 ॥ 4 ॥

𑌪𑌾𑌪𑌾𑌪𑌸𑍍𑌮𑍃𑌤𑌿𑌸𑌂𑌹𑌰𑍍𑌤𑌾 𑌶𑌶𑌿𑌮𑍌𑌳𑌿𑌰𑍍𑌮𑌹𑌾𑌸𑍍𑌵𑌨𑌃 ।
𑌸𑌾𑌮𑌪𑍍𑌰𑌿𑌯𑌃 𑌸𑍍𑌵𑌯𑌂 𑌸𑌾𑌧𑍁𑌃 𑌸𑌰𑍍𑌵𑌦𑍇𑌵𑍈𑌰𑍍𑌨𑌮𑌸𑍍𑌕𑍃𑌤𑌃 ॥ 5 ॥

𑌹𑌸𑍍𑌤𑌵𑌹𑍍𑌨𑌿𑌧𑌰𑌃 𑌶𑍍𑌰𑍀𑌮𑌾𑌨𑍍 𑌮𑍃𑌗𑌧𑌾𑌰𑍀 𑌚 𑌶𑌂𑌕𑌰𑌃 ।
𑌯𑌜𑍍𑌞𑌨𑌾𑌥𑌃 𑌕𑍍𑌰𑌤𑍁𑌧𑍍𑌵𑌂𑌸𑍀 𑌯𑌜𑍍𑌞𑌭𑍋𑌕𑍍𑌤𑌾 𑌯𑌮𑌾𑌂𑌤𑌕𑌃 ॥ 6 ॥

𑌭𑌕𑍍𑌤𑌾𑌨𑍁𑌗𑍍𑌰𑌹𑌮𑍂𑌰𑍍𑌤𑌿𑌶𑍍𑌚 𑌭𑌕𑍍𑌤𑌸𑍇𑌵𑍍𑌯𑍋 𑌵𑍃𑌷𑌧𑍍𑌵𑌜𑌃 ।
𑌭𑌸𑍍𑌮𑍋𑌦𑍍𑌧𑍂𑌳𑌿𑌤𑌸𑌰𑍍𑌵𑌾𑌂𑌗𑍋𑌽𑌪𑍍𑌯𑌕𑍍𑌷𑌮𑌾𑌲𑌾𑌧𑌰𑍋 𑌮𑌹𑌾𑌨𑍍 ॥ 𑍭 ॥

𑌤𑍍𑌰𑌯𑍀𑌮𑍂𑌰𑍍𑌤𑌿𑌃 𑌪𑌰𑌂 𑌬𑍍𑌰𑌹𑍍𑌮 𑌨𑌾𑌗𑌰𑌾𑌜𑍈𑌰𑌲𑌂𑌕𑍃𑌤𑌃 ।
𑌶𑌾𑌂𑌤𑌰𑍂𑌪𑍋 𑌮𑌹𑌾𑌜𑍍𑌞𑌾𑌨𑍀 𑌸𑌰𑍍𑌵𑌲𑍋𑌕𑌵𑌿𑌭𑍂𑌷𑌣𑌃 ॥ 𑍮 ॥

𑌅𑌰𑍍𑌧𑌨𑌾𑌰𑍀𑌶𑍍𑌵𑌰𑍋 𑌦𑍇𑌵𑍋 𑌮𑍁𑌨𑌿𑌸𑍇𑌵𑍍𑌯𑌃 𑌸𑍁𑌰𑍋𑌤𑍍𑌤𑌮𑌃 ।
𑌵𑍍𑌯𑌾𑌖𑍍𑌯𑌾𑌨𑌦𑍇𑌵𑍋 𑌭𑌗𑌵𑌾𑌨𑍍 𑌅𑌗𑍍𑌨𑌿𑌚𑌂𑌦𑍍𑌰𑌾𑌰𑍍𑌕𑌲𑍋𑌚𑌨𑌃 ॥ 𑍯 ॥

𑌜𑌗𑌤𑍍𑌸𑍍𑌰𑌷𑍍𑌟𑌾 𑌜𑌗𑌦𑍍𑌗𑍋𑌪𑍍𑌤𑌾 𑌜𑌗𑌦𑍍𑌧𑍍𑌵𑌂𑌸𑍀 𑌤𑍍𑌰𑌿𑌲𑍋𑌚𑌨𑌃 ।
𑌜𑌗𑌦𑍍𑌗𑍁𑌰𑍁𑌰𑍍𑌮𑌹𑌾𑌦𑍇𑌵𑍋 𑌮𑌹𑌾𑌨𑌂𑌦𑌪𑌰𑌾𑌯𑌣𑌃 ॥ 10 ॥

𑌜𑌟𑌾𑌧𑌾𑌰𑍀 𑌮𑌹𑌾𑌵𑍀𑌰𑍋 𑌜𑍍𑌞𑌾𑌨𑌦𑍇𑌵𑍈𑌰𑌲𑌂𑌕𑍃𑌤𑌃 ।
𑌵𑍍𑌯𑍋𑌮𑌗𑌂𑌗𑌾𑌜𑌲𑌸𑍍𑌨𑌾𑌤𑌾 𑌸𑌿𑌦𑍍𑌧𑌸𑌂𑌘𑌸𑌮𑌰𑍍𑌚𑌿𑌤𑌃 ॥ 11 ॥

𑌤𑌤𑍍𑌤𑍍𑌵𑌮𑍂𑌰𑍍𑌤𑌿𑌰𑍍𑌮𑌹𑌾𑌯𑍋𑌗𑍀 𑌮𑌹𑌾𑌸𑌾𑌰𑌸𑍍𑌵𑌤𑌪𑍍𑌰𑌦𑌃 ।
𑌵𑍍𑌯𑍋𑌮𑌮𑍂𑌰𑍍𑌤𑌿𑌶𑍍𑌚 𑌭𑌕𑍍𑌤𑌾𑌨𑌾𑌮𑌿𑌷𑍍𑌟𑌕𑌾𑌮𑌫𑌲𑌪𑍍𑌰𑌦𑌃 ॥ 12 ॥

𑌵𑍀𑌰𑌮𑍂𑌰𑍍𑌤𑌿𑌰𑍍𑌵𑌿𑌰𑍂𑌪𑍀 𑌚 𑌤𑍇𑌜𑍋𑌮𑍂𑌰𑍍𑌤𑌿𑌰𑌨𑌾𑌮𑌯𑌃 ।
𑌵𑍇𑌦𑌵𑍇𑌦𑌾𑌂𑌗𑌤𑌤𑍍𑌤𑍍𑌵𑌜𑍍𑌞𑌶𑍍𑌚𑌤𑍁𑌷𑍍𑌷𑌷𑍍𑌟𑌿𑌕𑌳𑌾𑌨𑌿𑌧𑌿𑌃 ॥ 13 ॥

𑌭𑌵𑌰𑍋𑌗𑌭𑌯𑌧𑍍𑌵𑌂𑌸𑍀 𑌭𑌕𑍍𑌤𑌾𑌨𑌾𑌮𑌭𑌯𑌪𑍍𑌰𑌦𑌃 ।
𑌨𑍀𑌲𑌗𑍍𑌰𑍀𑌵𑍋 𑌲𑌲𑌾𑌟𑌾𑌕𑍍𑌷𑍋 𑌗𑌜𑌚𑌰𑍍𑌮𑌾 𑌚 𑌜𑍍𑌞𑌾𑌨𑌦𑌃 ॥ 14 ॥

𑌅𑌰𑍋𑌗𑍀 𑌕𑌾𑌮𑌦𑌹𑌨𑌸𑍍𑌤𑌪𑌸𑍍𑌵𑍀 𑌵𑌿𑌷𑍍𑌣𑍁𑌵𑌲𑍍𑌲𑌭𑌃 ।
𑌬𑍍𑌰𑌹𑍍𑌮𑌚𑌾𑌰𑍀 𑌚 𑌸𑌂𑌨𑍍𑌯𑌾𑌸𑍀 𑌗𑍃𑌹𑌸𑍍𑌥𑌾𑌶𑍍𑌰𑌮𑌕𑌾𑌰𑌣𑌃 ॥ 15 ॥

𑌦𑌾𑌂𑌤𑌶𑌮𑌵𑌤𑌾𑌂 𑌶𑍍𑌰𑍇𑌷𑍍𑌠𑌃 𑌸𑌤𑍍𑌤𑍍𑌵𑌰𑍂𑌪𑌦𑌯𑌾𑌨𑌿𑌧𑌿𑌃 ।
𑌯𑍋𑌗𑌪𑌟𑍍𑌟𑌾𑌭𑌿𑌰𑌾𑌮𑌶𑍍𑌚 𑌵𑍀𑌣𑌾𑌧𑌾𑌰𑍀 𑌵𑌿𑌚𑍇𑌤𑌨𑌃 ॥ 16 ॥

𑌮𑌂𑌤𑍍𑌰𑌪𑍍𑌰𑌜𑍍𑌞𑌾𑌨𑍁𑌗𑌾𑌚𑌾𑌰𑍋 𑌮𑍁𑌦𑍍𑌰𑌾𑌪𑍁𑌸𑍍𑌤𑌕𑌧𑌾𑌰𑌕𑌃 ।
𑌰𑌾𑌗𑌹𑌿𑌕𑍍𑌕𑌾𑌦𑌿𑌰𑍋𑌗𑌾𑌣𑌾𑌂 𑌵𑌿𑌨𑌿𑌹𑌂𑌤𑌾 𑌸𑍁𑌰𑍇𑌶𑍍𑌵𑌰𑌃 ॥ 1𑍭 ॥

𑌇𑌤𑌿 𑌶𑍍𑌰𑍀 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑍍𑌯𑌷𑍍𑌟𑍋𑌤𑍍𑌤𑌰𑌶𑌤𑌨𑌾𑌮 𑌸𑍍𑌤𑍋𑌤𑍍𑌰𑌮𑍍 ॥

Browse Related Categories: