Maya Panchakam - Shuddha Kannada

Collection of Spiritual and Devotional Literature in Various Indian Languages

View this in:

This document is in ಶುದ್ಧ ಕನ್ನಡ with the right anusvaras marked. View this in ಸರಳ ಕನ್ನಡ, with simplified anusvaras for easier reading.

ಮಾಯಾ ಪಞ್ಚಕಂ

ನಿರುಪಮನಿತ್ಯನಿರಂಶಕೇಽಪ್ಯಖಣ್ಡೇ –
ಮಯಿ ಚಿತಿ ಸರ್ವವಿಕಲ್ಪನಾದಿಶೂನ್ಯೇ ।
ಘಟಯತಿ ಜಗದೀಶಜೀವಭೇದಂ –
ತ್ವಘಟಿತಘಟನಾಪಟೀಯಸೀ ಮಾಯಾ ॥ 1 ॥

ಶ್ರುತಿಶತನಿಗಮಾನ್ತಶೋಧಕಾನ-
ಪ್ಯಹಹ ಧನಾದಿನಿದರ್ಶನೇನ ಸದ್ಯಃ ।
ಕಲುಷಯತಿ ಚತುಷ್ಪದಾದ್ಯಭಿನ್ನಾ-
ನಘಟಿತಘಟನಾಪಟೀಯಸೀ ಮಾಯಾ ॥ 2 ॥

ಸುಖಚಿದಖಣ್ಡವಿಬೋಧಮದ್ವಿತೀಯಂ –
ವಿಯದನಲಾದಿವಿನಿರ್ಮಿತೇ ನಿಯೋಜ್ಯ ।
ಭ್ರಮಯತಿ ಭವಸಾಗರೇ ನಿತಾನ್ತಂ –
ತ್ವಘಟಿತಘಟನಾಪಟೀಯಸೀ ಮಾಯಾ ॥ 3 ॥

ಅಪಗತಗುಣವರ್ಣಜಾತಿಭೇದೇ –
ಸುಖಚಿತಿ ವಿಪ್ರವಿಡಾದ್ಯಹಙ್ಕೃತಿಂ ಚ ।
ಸ್ಫುಟಯತಿ ಸುತದಾರಗೇಹಮೋಹಂ –
ತ್ವಘಟಿತಘಟನಾಪಟೀಯಸೀ ಮಾಯಾ ॥ 4 ॥

ವಿಧಿಹರಿಹರವಿಭೇದಮಪ್ಯಖಣ್ಡೇ –
ಬತ ವಿರಚಯ್ಯ ಬುಧಾನಪಿ ಪ್ರಕಾಮಮ್ ।
ಭ್ರಮಯತಿ ಹರಿಹರಭೇದಭಾವಾ-
ನಘಟಿತಘಟನಾಪಟೀಯಸೀ ಮಾಯಾ ॥ 5 ॥

Browse Related Categories: