ಅಥಶ್ರೀಲಲಿತಾಹೃದಯಸ್ತೋತ್ರಮ್ ॥

ಶ್ರೀಲಲಿತಾಮ್ಬಿಕಾಯೈ ನಮಃ ।
ದೇವ್ಯುವಾಚ ।
ದೇವದೇವ ಮಹಾದೇವ ಸಚ್ಚಿದಾನನ್ದವಿಗ್ರಹಾ ।
ಸುನ್ದರ್ಯಾಹೃದಯಂ ಸ್ತೋತ್ರಂ ಪರಂ ಕೌತೂಹಲಂ ವಿಭೋ ॥ 1॥

ಈಶ್ವರೌವಾಚ ।

ಸಾಧು ಸಾಧುತ್ವಯಾ ಪ್ರಾಜ್ಞೇ ಲೋಕಾನುಗ್ರಹಕಾರಕಮ್ ।
ರಹಸ್ಯಮಪಿವಕ್ಷ್ಯಾಮಿ ಸಾವಧಾನಮನಾಃಶ‍ಋಣು ॥ 2॥

ಶ್ರೀವಿದ್ಯಾಂ ಜಗತಾಂ ಧಾತ್ರೀಂ ಸರ್ಗ್ಗಸ್ಥಿತಿಲಯೇಶ್ವರೀಮ್ ।
ನಮಾಮಿಲಲಿತಾಂ ನಿತ್ಯಾಂ ಭಕ್ತಾನಾಮಿಷ್ಟದಾಯಿನೀಮ್ ॥ 3॥

ಬಿನ್ದುತ್ರಿಕೋಣಸಮ್ಯುಕ್ತಂ ವಸುಕೋಣಸಮನ್ವಿತಮ್ ।
ದಶಕೋಣದ್ವಯೋಪೇತಂ ಚತುರ್ದ್ದಶ ಸಮನ್ವಿತಮ್ ॥ 4॥

ದಲಾಷ್ಟಕೇಸರೋಪೇತಂ ದಲಷೋಡಶಕಾನ್ವಿತಮ್ ।
ವೃತ್ತತ್ರಯಯಾನ್ವಿತಮ್ಭೂಮಿಸದನತ್ರಯಭೂಷಿತಮ್ ॥ 5॥

ನಮಾಮಿ ಲಲಿತಾಚಕ್ರಂ ಭಕ್ತಾನಾಮಿಷ್ಟದಾಯಕಮ್ ।
ಅಮೃತಾಮ್ಭೋನಿಧಿನ್ತತ್ರ ರತ್ನದ್ವೀಪಂ ನಮಾಮ್ಯಹಮ್ ॥ 6॥

ನಾನಾವೃಕ್ಷಮಹೋದ್ಯಾನಂ ವನ್ದೇಹಂ ಕಲ್ಪವಾಟಿಕಾಮ್ ।
ಸನ್ತಾನವಾಟಿಕಾಂವನ್ದೇ ಹರಿಚನ್ದನವಾಟಿಕಾಮ್ ॥ 7॥

ಮನ್ದಾರವಾಟಿಕಾಂ ಪಾರಿಜಾತವಾಟೀಂ ಮುದಾ ಭಜೇ ।
ನಮಾಮಿತವ ದೇವೇಶಿ ಕದಮ್ಬವನವಾಟಿಕಾಮ್ ॥ 8॥

ಪುಷ್ಯರಾಗಮಹಾರತ್ನಪ್ರಾಕಾರಂ ಪ್ರಣಮಾಮ್ಯಹಮ್ ।
ಪದ್ಮರಾಗಾದಿಮಣಿಭಿಃಪ್ರಾಕಾರಂ ಸರ್ವದಾ ಭಜೇ ॥ 9॥

ಗೋಮೇದರತ್ನಪ್ರಾಕಾರಂ ವಜ್ರಪ್ರಾಕಾರಮಾಶ್ರಯೇ ।
ವೈಡೂರ್ಯರತ್ನಪ್ರಾಕಾರಮ್ಪ್ರಣಮಾಮಿ ಕುಲೇಶ್ವರೀ ॥ 10॥

ಇನ್ದ್ರನೀಲಾಖ್ಯರತ್ನಾನಾಂ ಪ್ರಾಕಾರಂ ಪ್ರಣಮಾಮ್ಯಹಮ್ ।
ಮುಕ್ತಾಫಲಮಹಾರತ್ನಪ್ರಾಕಾರಮ್ಪ್ರಣಮಾಮ್ಯಹಮ್ ॥ 11॥

ಮರತಾಖ್ಯಮಹಾರತ್ನಪ್ರಾಕಾರಾಯ ನಮೋನಮಃ ।
ವಿದ್ರುಮಾಖ್ಯಮಹಾರತ್ನಪ್ರಾಕಾರಮ್ಪ್ರಣಮಾಮ್ಯಹಮ್ ॥ 12॥

ಮಾಣಿಕ್ಯಮಣ್ಡಪಂ ರತ್ನಸಹಸ್ರಸ್ತಮ್ಭಮಣ್ಡಪಮ್ ।
ಲಲಿತೇ!ತವದೇವೇಶಿ ಭಜಾಮ್ಯಮೃತವಾಪಿಕಾಮ್ ॥ 13॥

ಆನನ್ದವಾಪಿಕಾಂ ವನ್ದೇವಿಮರ್ಶವಾಪಿಕಾಂ ಭಜೇ ।
ಭಜೇಬಾಲಾತಪೋಲ್ಗಾರಂ ಚನ್ದ್ರಿಕೋಗಾರಿಕಾಂ ಭಜೇ ॥ 14॥

ಮಹಾಶ‍ಋಙ್ಗಾರಪರಿಖಾಂ ಮಹಾಪತ್ಮಾಟವೀಂ ಭಜೇ ।
ಚಿನ್ತಾಮಣಿಮಹಾರತ್ನಗೃಹರಾಜಂ ನಮಾಮ್ಯಹಮ್ ॥ 15॥

ಪೂರ್ವಾನ್ನಾಯಮಯಂ ಪೂರ್ವ್ವದ್ವಾರಂ ದೇವಿ ನಮಾಮ್ಯಹಮ್ ।
ದಕ್ಷಿಣಾನ್ನಾಯರೂಪನ್ತೇದಕ್ಷಿಣದ್ವಾರಮಾಶ್ರಯೇ ॥ 16॥

ನಮಾಮಿ ಪಶ್ಚಿಮದ್ವಾರಂ ಪಶ್ಚಿಮಾಮ್ನಾಯ ರೂಪಕಮ್ ।
ವನ್ದೇಹಮುತ್ತರದ್ವಾರಮುತ್ತರಾಮ್ನಾಯರೂಪಕಮ್ ॥ 17॥

ಊರ್ದ್ಧ್ವಾಮ್ನಾಯಮಯಂ ವನ್ದೇ ಹ್ಯೂರ್ದ್ಧದ್ವಾರಂ ಕುಲೇಶ್ವರಿ ।
ಲಲಿತೇತವ ದೇವೇಶಿ ಮಹಾಸಿಂಹಾಸನಂ ಭಜೇ ॥ 18॥

ಬ್ರಹ್ಮಾತ್ಮಕಂ ಮಞ್ಚಪಾದಮೇಕಂ ತವ ನಮಾಮ್ಯಹಮ್ ।
ಏಕಂವಿಷ್ಣುಮಯಂ ಮಞ್ಚಪಾದಮನ್ಯಂ ನಮಾಮ್ಯಹಮ್ ॥ 19॥

ಏಕಂ ರುದ್ರಮಯಂ ಮಞ್ಚಪಾದಮನ್ಯಂ ನಮಾಮ್ಯಹಮ್ ।
ಮಞ್ಚಪಾದಮ್ಮಮಾಮ್ಯೇಕಂ ತವ ದೇವೀಶ್ವರಾತ್ಮಕಮ್ ॥ 20॥

ಮಞ್ಚೈಕಫಲಕಂ ವನ್ದೇ ಸದಾಶಿವಮಯಂ ಶುಭಮ್ ।
ನಮಾಮಿತೇಹಂಸತೂಲತಲ್ಪಕಂ ಪರಮೇಶ್ವರೀ! ॥ 21॥

ನಮಾಮಿತೇ ಹಂಸತೂಲಮಹೋಪಾಧಾನಮುತ್ತಮಮ್ ।
ಕೌಸ್ತುಭಾಸ್ತರಣಂವನ್ದೇ ತವ ನಿತ್ಯಂ ಕುಲೇಶ್ವರೀ ॥ 22॥

ಮಹಾವಿತಾನಿಕಾಂ ವನ್ದೇ ಮಹಾಯವಿನಿಕಾಂ ಭಜೇ ।
ಏವಂ ಪೂಜಾಗೃಹಂ ಧ್ಯಾತ್ವಾ ಶ್ರೀಚಕ್ರೇ ಶ್ರೀಶಿವಾಂ ಭಜೇ ॥ 23॥

ಸ್ವದಕ್ಷಿಣೇ ಸ್ಥಾಪಯಾಮಿ ಭಾಗೇ ಪುಷ್ಪಾಕ್ಷತಾದಿಕಾನ್ ।
ಅಮಿತಾಂಸ್ತೇಮಹಾದೇವಿ ದೀಪಾನ್ ಸನ್ದರ್ಶಯಾಮ್ಯಹಮ್ ॥ 24॥

ಮೂಲೇನ ತ್ರಿಪುರಾಚಕ್ರಂ ತವ ಸಮ್ಪೂಜ್ಯಯಾಮ್ಯಹಮ್ ।
ತ್ರಿಭಿಃಖಣ್ಡೈಸ್ತವಖ್ಯಾತೈಃ ಪೂಜಯಾಮಿ ಮಹೇಶ್ವರಿ! ॥ 25॥

ವಾಯ್ವಗ್ನಿ ಜಲಸಮ್ಯುಕ್ತಂ ಪ್ರಾಣಾಯಾಮೈರಹಂ ಶಿವೈ ।
ಶೋಷಾಣಾನ್ದಾಹನಂ ಚೈವ ಕರೋಮಿ ಪ್ಲಾವನಂ ತಥಾ ॥ 26॥

ತ್ರಿವಾರಂ ಮೂಲಮನ್ತ್ರೇಣ ಪ್ರಾಣಾಯಾಮಂ ಕರೋಮ್ಯಹಮ್ ।
ಪಾಷಣ್ಡಕಾರಿಣೋಭೂತಾ ಭೂಮೌಯೇ ಚಾನ್ತರಿಕ್ಷಕೇ ॥ 27॥

ಕರೋಮ್ಯನೇನ ಮನ್ತ್ರೇಣ ತಾಲತ್ರಯಮಹಂ ಶಿವೇ ।
ನಾರಾಯಣೋಽಹಮ್ಬ್ರಹ್ಮಾಹಂ ಭೈರವೋಽಹಂ ಶಿವೋಸ್ಮ್ಯಹಮ್ ॥ 28॥

ದೇವೋಹಂ ಪರಮಾನನ್ದೋಽಸ್ಮ್ಯಹಂ ತ್ರಿಪುರಸುನ್ದರಿ ।
ಧ್ಯಾತ್ವಾವೈ ವಜ್ರಕವಚಂ ನ್ಯಾಸಂ ತವ ಕರೋಮ್ಯಹಮ್ ॥ 29॥

ಕುಮಾರೀಬೀಜಸಮ್ಯುಕ್ತಂ ಮಹಾತ್ರಿಪುರಸುನ್ದರಿ! ।
ಮಾಂರಕ್ಷರಕ್ಷೇತಿ ಹೃದಿ ಕರೋಮ್ಯಜ್ಞಲಿಮೀಶ್ವರಿ! ॥ 30॥

ಮಹಾದೇವ್ಯಾಸನಾಯೇತಿ ಪ್ರಕರೋಮ್ಯಾಸನಂ ಶಿವೇ ।
ಚಕ್ರಾಸನನ್ನಮಸ್ಯಾಮಿ ಸರ್ವಮನ್ತ್ರಾಸನಂ ಶಿವೇ ॥ 31॥

ಸಾದ್ಧ್ಯಸಿದ್ಧಾಸನಂ ಮನ್ತ್ರೈರೇಭಿರ್ಯುಕ್ತಂ ಮಹೇಶ್ವರಿ ।
ಕರೋಮ್ಯಸ್ಮಿಞ್ಚಕ್ರಮನ್ತ್ರೈರ್ದೇವತಾಸನಮುತ್ತಮಮ್ ॥ 32॥

ಕರೋಮ್ಯಥ ಷಡಙ್ಗಾಖ್ಯಂ ಮಾತೃಕಾಂ ಚ ಕಲಾಂ ನ್ಯಸೇ ।
ಶ್ರೀಕಣ್ಟಙ್ಕೇಶವಂ ಚೈವ ಪ್ರಪಞ್ಚಂ ಯೋಗಮಾತೃಕಾಮ್ ॥ 33॥

ತತ್ತ್ವನ್ಯಾಸಂ ತತಃ ಕೂರ್ವ್ವೇ ಚತುಷ್ಪೀಟಂ ಯಥಾಚರೇ ।
ಲಘುಷೋಢಾನ್ತತಃ ಕೂರ್ವ್ವೇ ಶಕ್ತಿನ್ಯಾಸಂ ಮಹೋತ್ತಮಮ್ ॥ 34॥

ಪೀಟನ್ಯಾಸಂ ತತಃ ಕುರ್ವೇ ದೇವತಾವಾಹನಂ ಪ್ರಿಯೇ ।
ಕುಙ್ಕುಮನ್ಯಾಸಕಞ್ಚೈವ ಚಕ್ರನ್ಯಾಸಮಥಾಚರೇ ॥ 35॥

ಚಕ್ರನ್ಯಾಸಂ ತತಃ ಕುರ್ವ್ವೇ ನ್ಯಾಸಂ ಕಾಮಕಲಾದ್ವಯಮ್ ।
ಷೋಡಶಾರ್ಣ್ಣಮಹಾಮನ್ತ್ರೈರಙ್ಗನ್ಯಾಸಙ್ಕರೋಮ್ಯಹಮ್ ॥ 36॥

ಮಹಾಷೋಢಾಂ ತತಃ ಕುರ್ವ್ವೇ ಶಾಮ್ಭವಂ ಚ ಮಹಾಪ್ರಿಯೇ ।
ತತೋಮೂಲಮ್ಪ್ರಜಪ್ತ್ವಾಥ ಪಾದುಕಾಞ್ಚ ತತಃ ಪರಮ್ ॥ 37॥

ಗುರವೇ ಸಮ್ಯಗರ್ಚ್ಯಾಥ ದೇವತಾಂ ಹೃದಿಸಮ್ಭಜೇ ।
ಕರೋಮಿಮಣ್ಡಲಂ ವೃತ್ತಂ ಚತುರಶ್ರಂ ಶಿವಪ್ರಿಯೇ ॥ 38॥

ಪುಷ್ಪೈರಭ್ಯರ್ಚ್ಚ್ಯಸಾಧಾರಂ ಶಙ್ಖಂ ಸಮ್ಪೂಜಯಾಮಹಮ್ ।
ಅರ್ಚ್ಚಯಾಮಿಷಡಙ್ಗೇನ ಜಲಮಾಪೂರಯಾಮ್ಯಹಮ್ ॥ 39॥

ದದಾಮಿ ಚಾದಿಮಂ ಬಿನ್ದುಂ ಕುರ್ವೇ ಮೂಲಾಭಿಮನ್ತ್ರಿತಮ್ ।
ತಜ್ಜಲೇನಜಗನ್ಮಾತಸ್ತ್ರಿಕೋಣಂ ವೃತ್ತಸಮ್ಯುತಮ್ ॥ 40॥

ಷಲ್ಕೋಣಂ ಚತುರಶ್ರಞ್ಚ ಮಣ್ಡಲಂ ಪ್ರಣಮಾಮ್ಯಹಮ್ ।
ವಿದ್ಯಯಾಪೂಜಯಾಮೀಹ ತ್ರಿಖಣ್ಡೇನ ತು ಪೂಜನಮ್ ॥ 41॥

ಬೀಜೇನವೃತ್ತಷಲ್ಕೋಣಂ ಪೂಜಯಾಮಿ ತವಪ್ರಿಯೇ ।
ತಸ್ಮಿನ್ದೇವೀಕಲಾತ್ಮಾನಾಂ ಮಣಿಮಣ್ಡಲಮಾಶ್ರಯೇ ॥ 42॥

ಧೂಮ್ರಾರ್ಚ್ಚಿಷಂ ನಮಸ್ಯಾಮಿ ಊಷ್ಮಾಂ ಚ ಜ್ವಲನೀಂ ತಥಾ ।
ಜ್ವಾಲಿನೀಞ್ಚ ನಮಸ್ಯಾಮಿ ವನ್ದೇಹಂ ವಿಸ್ಪುಲಿಙ್ಗಿನೀಮ್ ॥ 43॥

ಸುಶ್ರಿಯಂ ಚ ಸುರೂಪಾಞ್ಚಕಮ್ಪಿಲಾಂ ಪ್ರಣಮಾಮ್ಯಹಮ್ ।
ನೌಮಿಹವ್ಯವಹಾಂ ನಿತ್ಯಾಂ ಭಜೇ ಕವ್ಯವಹಾಂ ಕಲಾಮ್ ॥ 44॥

ಸೂರ್ಯಾಗ್ನಿಮಣ್ಡಲಾಂ ತತ್ರ ಸಕಲಾದ್ವಾದಶಾತ್ಮಕಮ್ ।
ಅರ್ಘ್ಯಪಾದ್ಯಮಹನ್ತತ್ರ ತಪಿನೀಂ ತಾಪಿನೀಂ ಭಜೇ ॥ 45॥

ಧೂಮ್ರಾಂ ಮರೀಚೀಂ ವನ್ದೇಹಂ ಜ್ವಾಲಿನೀಂ ಮರುಹಂ ಭಜೇ ।
ಸುಷುಮ್ನಾಮ್ಭೋಗದಾಂ ವನ್ದೇ ಭಜೇ ವಿಶ್ವಾಂ ಚ ಬೋಧಿನೀಮ್ ॥ 46॥

ಧಾರಿಣೀಂ ಚ ಕ್ಷಮಾಂ ವನ್ದೇ ಸೌರೀರೇತಾಃ ಕಲಾಭಜೇ ।
ಆಶ್ರಯೇಮಣ್ಮಲಂ ಚಾನ್ದ್ರಂ ತಲ್ಕಲಾಷೋಡಶಾತ್ಮಕಮ್ ॥ 47॥

ಅಮೃತಾಂ ಮಾನದಾಂ ವನ್ದೇ ಪೂಷಾಂ ತುಷ್ಟೀಂ ಭಜಾಮ್ಯಹಮ್ ।
ಪುಷ್ಟಿಮ್ಭಜೇ ಮಹಾದೇವಿ ಭಜೇಽಹಂ ಚ ರತಿಂ ಧೃತಿಮ್ ॥ 48॥

ರಶನಿಂ ಚನ್ದ್ರಿಕಾಂ ವನ್ದೇ ಕಾನ್ತೀಂ ಜೋತ್ಸನಾ ಶ್ರಿಯಂ ಭಜೇ ।
ನೇಔಮಿಪ್ರೀತಿಞ್ಚಾಗತದಾಞ್ಚಪೂರ್ಣ್ಣಿಮಾಮಮೃತಾಮ್ಭಜೇ ॥ 49॥

ತ್ರಿಕೋಣಲೇಖನಂ ಕುರ್ವ್ವೇ ಆಕಾರಾದಿಸುರೇಖಕಮ್ ।
ಹಲಕ್ಷವರ್ಣ್ಣಸಮ್ಯುಕ್ತಂಸ್ಪೀತಂ ತಂ ಹಂಸಭಾಸ್ಕರಮ್ ॥ 50॥

ವಾಕ್ಕಾಮಶಕ್ತಿ ಸಂಯುಕ್ತಂ ಹಂಸಮಾರಾಧಯಾಮ್ಯಹಮ್ ।
ವೃತ್ತಾದ್ಬಹಿಃಷಡಶ್ರಸ್ಯಲೇಖನಂ ಪ್ರಕರೋಮ್ಯಹಮ್ ॥ 51॥

ಪುರತೋಗ್ನ್ಯಾದಿಷಲ್ಖ಼ಓಣಂ ಕಖಗೇನಾರ್ಚ್ಚಯಾಮ್ಯಹಮ್ ।
ಶ್ರೀವಿದ್ಯಯಾಸಪ್ತವಾರಂ ಕರೋಮ್ಯತ್ರಾಭಿ ಮನ್ತ್ರಿತಮ್ ॥ 52॥

ಸಮರ್ಪ್ಪಯಾಮಿ ದೇವೇಶಿ ತಸ್ಮಾತ್ ಗನ್ಧಾಕ್ಷತಾದಿಕಮ್ ।
ಧ್ಯಾಯಾಮಿಪೂಜಾದ್ರವ್ಯೇಷು ತತ್ ಸರ್ವಂ ವಿದ್ಯಯಾಯುತಮ್ ॥ 53॥

ಚತುರ್ನ್ನವತಿಸನ್ಮನ್ತ್ರಾನ್ ಸ್ಪೃಷ್ಟ್ವಾ ತತ್ ಪ್ರಜಪಾಮ್ಯಹಮ್ ।
ವಹ್ನೇರ್ದ್ದಶಕಲಾಃಸೂರ್ಯಕಲಾದ್ವಾದಶಕಂ ಭಜೇ ॥ 54॥

ಆಶ್ರಯೇ ಶೋಡಷಕಲಾಸ್ತತ್ರ ಚನ್ದ್ರಮಸಸ್ತದಾ ।
ಸೃಷ್ಟಿಮ್ವೃದ್ಧಿಂ ಸ್ಮೃತಿಂ ವನ್ದೇ ಮೇಧಾಂ ಕಾನ್ತೀಂ ತಥೈವ ಚ ॥ 55॥

ಲಕ್ಷ್ಮೀಂ ದ್ಯುಥಿಂ ಸ್ಥಿತಾಂ ವನ್ದೇ ಸ್ಥಿತಿಂ ಸಿದ್ಧಿಂ ಭಜಾಮ್ಯಹಮ್ ।
ಏತಾಬ್ರಹ್ಮಕಲಾವನ್ದೇ ಜರಾನ್ಥಾಂ ಪಾಲಿನೀಂ ಭಜೇ ॥ 56॥

ಶಾನ್ತಿಂ ನಮಾಮೀಶ್ವರೀಂ ಚ ರತೀಂ ವನ್ದೇ ಚ ಕಾರಿಕಾಮ್ ।
ವರದಾಂಹ್ಲಾದಿನೀಂ ವನ್ದೇ ಪ್ರೀತಿಂ ದೀರ್ಘಾಂ ಭಜಾಭಮ್ಯಹಮ್ ॥ 57॥

ಏತಾ ವಿಷ್ಣುಅಕಲಾವನ್ದೇ ತೀಕ್ಷಣಾಂ ರೌದ್ರಿಂ ಭಯಾಂ ಭಜೇ ।
ನಿದ್ರಾನ್ತನ್ದ್ರೀಂ ಕ್ಷುಧಾಂ ವನ್ದೇ ನಮಾಮಿ ಕ್ರೋಧಿನೀಂ ಕ್ರಿಯಾಮ್ ॥ 58॥

ಉಲ್ಕಾರೀಂ ಮೃತ್ಯುರೂಪಾಂ ಚ ಏತಾ ರುದ್ರಕಲಾ ಭಜೇ ।
ನೀಲಾಮ್ಪೀತಾಂ ಭಜೇ ಶ್ವೇತಾಂ ವನ್ದೇಹಮರುಣಾಂ ಕಲಾಮ್ ॥ 59॥

ಅನನ್ತಖ್ಯಾಂ ಕಲಾಞ್ಚೇತಿ ಈಶ್ವರಸ್ಯ ಕಲಾಭಜೇ ।
ನಿವೃತ್ತಿಞ್ಚಪ್ರತಿಷ್ಠಾಞ್ಚವಿದ್ಯಾಂಶಾನ್ತಿಂ ಭಜಾಮ್ಯಹಮ್ ॥ 60॥

ರೋಧಿಕಾಂ ದೀಪಿಕಾಂ ವನ್ದೇ ರೇಚಿಕಾಂ ಮೋಚಿಕಾಂ ಭಜೇ ।
ಪರಾಂಸೂಕ್ಷಾಮೃತಾಂ ಸೂಕ್ಷಾಂ ಪ್ರಣಾಮಿ ಕುಲೇಶ್ವರಿ! ॥ 61॥

ಜ್ಞಾನಾಖ್ಯಾಞ್ಚನಮಸ್ಯಾಮಿ ನೌಮಿಜ್ಞಾನಾಮೃತಾಂ ಕಲಾಮ್ ।
ಆಪ್ಯಾಯಿನೀಂವ್ಯಾಪಿನೀಂ ಚ ಮೋದಿನೀಂ ಪ್ರಣಮಾಮ್ಯಹಮ್ ॥ 62॥

ಕಲಾಃ ಸದಾಶಿವಸ್ಯೈತಾಃ ಷೋಡಶ ಪ್ರಣಮಾಮ್ಯಹಮ್ ।
ವಿಷ್ಣುಯೋನಿನ್ನಮಸ್ಯಾಮಿ ಮೂಲವಿದ್ಯಾಂ ನಮಾಮ್ಯಹಮ್ ॥ 63॥

ತ್ರೈಯಮ್ಬಕಂ ನಮಸ್ಯಾಮಿ ತದ್ವಿಷ್ಣುಂ ಪ್ರಣಮಾಮ್ಯಹಮ್ ।
ವಿಷ್ಣುಯೋನಿಮ್ನಮಸ್ಯಾಮಿ ಮೂಲವಿದ್ಯಾಂ ನಮಾಮ್ಯಹಮ್ ॥ 64॥

ಅಮೃತಂ ಮನ್ತ್ರಿತಂ ವನ್ದೇ ಚತುರ್ನ್ನವತಿಭಿಸ್ತಥಾ ।
ಅಖಣ್ಡೈಕರಸಾನನ್ದಕರೇಪರಸುಧಾತ್ಮನಿ ॥ 65॥

ಸ್ವಚ್ಛನ್ದಸ್ಪಪುರಣಂ ಮನ್ತ್ರಂ ನೀಧೇಹಿ ಕುಲರೂಪಿಣಿ ।
ಅಕುಲಸ್ಥಾಮೃತಾಕಾರೇಸಿದ್ಧಿಜ್ಞಾನಕರೇಪರೇ ॥ 66॥

ಅಮೃತಂ ನಿಧೇಹ್ಯಸ್ಮಿನ್ ವಸ್ತುನಿಕ್ಲಿನ್ನರೂಪಿಣಿ ।
ತದ್ರೂಪಾಣೇಕರಸ್ಯತ್ವಙ್ಕೃತ್ವಾಹ್ಯೇತತ್ಸ್ವರೂಪಿಣಿ ॥ 67॥

ಭೂತ್ವಾ ಪರಾಮೃತಾಕಾರಮಯಿ ಚಿತ್ ಸ್ಪುರಣಂ ಕುರು ।
ಏಭಿರ್ಮ್ಮನೂತ್ತಮೈರ್ವನ್ದೇಮನ್ತ್ರಿತಂ ಪರಮಾಮೃತಮ್ ॥ 68॥

ಜೋತಿಮ್ಮಯಮಿದಂ ವನ್ದೇ ಪರಮರ್ಘ್ಯಞ್ಚ ಸುನ್ದರಿ ।
ತದ್ವಿನ್ದುಭಿರ್ಮೇಶಿರಸಿ ಗುರುಂ ಸನ್ತರ್ಪ್ಪಯಾಮ್ಯಹಮ್ ॥ 69॥

ಬ್ರಹ್ಮಾಸ್ಮಿನ್ ತದ್ವಿನ್ದುಂ ಕುಣ್ಡಲಿನ್ಯಾಂ ಜುಹೋಮ್ಯಹಮ್ ।
ಹೃಚ್ಚಕ್ರಸ್ತಾಂ-ಮಹಾದೇವೀಮ್ಮಹಾತ್ರಿಪುರಸುನ್ದರೀಮ್ ॥ 70॥

ನಿರಸ್ತಮೋಹತಿಮಿರಾಂ ಸಾಕ್ಷಾತ್ ಸಂವಿತ್ಸ್ವರೂಪಿಣೀಮ್ ।
ನಾಸಾಪುಟಾತ್ಪರಕಲಾಮಥನಿರ್ಗ್ಗಮಯಾಮ್ಯಹಮ್ ॥ 71॥

ನಮಾಮಿಯೋನಿಮದ್ಧ್ಯಾಸ್ಥಾಂ ತ್ರಿಖಣ್ಡಕುಸುಮಾಂಞ್ಜಲಿಮ್ ।
ಜಗನ್ಮಾತರ್ಮಹಾದೇವಿಯನ್ತ್ರೇತ್ವಾಂ ಸ್ಥಾಪಯಾಮ್ಯಹಮ್ ॥ 72॥

ಸುಧಾಚೈತನ್ಯಮೂರ್ತ್ತೀಂ ತೇ ಕಲ್ಪಯಾಮಿಮನುಂ ತವ ।
ಅನೇನದೇವಿಮನ್ತ್ರಯನ್ತ್ರೇತ್ವಾಂ ಸ್ಥಾಪಯಾಮ್ಯಹಮ್ ॥ 73॥

ಮಹಾಪದ್ಮವನಾನ್ತಸ್ಥೇ ಕಾರಣಾನನ್ತವಿಗ್ರಹೇ ।
ಸರ್ವಭೂತಹಿತೇಮಾತರೇಹ್ಯಪಿ ಪರಮೇಶ್ವರಿ ॥ 74॥

ದೇವೇಶೀ ಭಕ್ತಸುಲಭೇ ಸರ್ವಾಭರಣಭೂಷಿತೇ ।
ಯಾವತ್ವಮ್ಪೂಜಯಾಮೀಹತಾವತ್ತ್ವಂ ಸುಸ್ಥಿರಾಭವ ॥ 75॥

ಅನೇನ ಮನ್ತ್ರಯುಗ್ಮೇನ ತ್ವಾಮತ್ರಾವಾಹಯಾಮ್ಯಹಮ್ ।
ಕಲ್ಪಯಾಮಿನಮಃ ಪಾದಮರ್ಘ್ಯಂ ತೇ ಕಲ್ಪಯಾಮ್ಯಹಮ್ ॥ 76॥

ಗನ್ಧತೈಲಾಭ್ಯಞ್ಜನಞ್ಚಮಜ್ಜಶಾಲಾಪ್ರವೇಶಮ್ ।
ಕಲ್ಪಯಾಮಿನಮಸ್ತಸ್ಮೈ ಮಣಿಪೀಠೋಪ್ರವೇಶನಮ್ ॥ 77॥

ದಿವ್ಯಸ್ನಾನೀಯಮೀಶಾನಿ ಗೃಹಾಣೋದ್ವರ್ತ್ತನಂ ಶುಭೇ ।
ಗೃಹಾಣೋಷ್ಣಾದಕಸ್ನಾನಙ್ಕಲ್ಪಯಾಮ್ಯಭಿಷೇಚನಮ್ ॥ 78॥

ಹೇಮಕುಮ್ಭಾಯುತೈಃ ಸ್ನಿಗ್ದ್ಧೈಃ ಕಲ್ಪಯಾಮ್ಯಭಿಷೇಚನಮ್ ।
ಕಲ್ಪಯಾಮಿನಮಸ್ತುಭ್ಯಂ ಧೇಔತೇನ ಪರಿಮಾರ್ಜ್ಜನಮ್ ॥ 79॥

ಬಾಲಭಾನು ಪ್ರತೀಕಾಶಂ ದುಕೂಲಂ ಪರಿಧಾನಕಮ್ ।
ಅರುಣೇನದುಕುಲೇನೋತ್ತರೀಯಂ ಕಲ್ಪಯಾಮ್ಯಹಮ್ ॥ 80॥

ಪ್ರವೇಶನಂ ಕಲ್ಪಯಾಮಿ ಸರ್ವಾಙ್ಗಾನಿ ವಿಲೇಪನಮ್ ।
ನಮಸ್ತೇಕಲ್ಪಯಾಮ್ಯತ್ರ ಮಣಿಪೀಠೋಪವೇಶನಮ್ ॥ 81॥

ಅಷ್ಟಗನ್ಧೈಃ ಕಲ್ಪಯಾಮಿ ತವಲೇಖನಮಮ್ಬಿಕೇ ।
ಕಾಲಾಗರುಮಹಾಧೂಪಙ್ಕಲ್ಪಯಾಮಿ ನಮಶ್ಶಿವೇ ॥ 82॥

ಮಲ್ಲಿಕಾಮಾಲಾತೀಜಾತಿ ಚಮ್ಪಕಾದಿ ಮನೋರಮೈಃ ।
ಅರ್ಚ್ಚಿತಾಙ್ಕುಸುಮೈರ್ಮ್ಮಾಲಾಂ ಕಲ್ಪಯಾಮಿ ನಮಶ್ಶಿವೇ ॥ 83॥

ಪ್ರವೇಶನಂ ಕಲ್ಪಯಾಮಿ ನಮೋ ಭೂಷಣಮಣ್ಡಪೇ ।
ಉಪವೇಶ್ಯಂರತ್ನಪೀಠೇ ತತ್ರತೇ ಕಲ್ಪಯಾಮ್ಯಹಮ್ ॥ 84॥

ನವಮಾಣಿಕ್ಯಮಕುಟಂ ತತ್ರತೇ ಕಲ್ಪಯಾಮ್ಯಹಮ್ ।
ಶರಚ್ಚನ್ದ್ರನಿಭಂಯುಕ್ತಂ ತಚ್ಚನ್ದ್ರಶಕಲಂ ತವ ॥ 85॥

ತತ ಸೀಮನ್ತಸಿನ್ದೂರಂ ಕಸ್ತೂರೀತಿಲಕಂ ತವ ।
ಕಾಲಾಜ್ಞನಙ್ಕಲ್ಪಯಾಮಿ ಪಾಲೀಯುಗಲಮುತ್ತಮಮ್ ॥ 86॥

ಮಣಿಕುಣ್ಡಲಯುಗ್ಮಞ್ಚ ನಾಸಾಭರಣಮೀಶ್ವರೀ! ।
ತಾಟಙ್ಕಯುಗಲನ್ದೇವಿ ಲಲಿತೇ ಧಾರಯಾಮ್ಯಹಮ್ ॥ 87॥

ಅಥಾದ್ಯಾಂ ಭೂಷಣಂ ಕಣ್ಠೇ ಮಹಾಚಿನ್ತಾಕಮುತ್ತಮಮ್ ।
ಪದಕನ್ತೇ ಕಲ್ಪಯಾಮಿ ಮಹಾಪದಕಮುತ್ತಮಮ್ ॥ 88॥

ಮುಕ್ತಾವಲೀಂ ಕಲ್ಪಯಾಮಿ ಚೈಕಾವಲಿ ಸಮನ್ವಿತಾಮ್ ।
ಛನ್ನವೀರಞ್ಚಕೇಯೂರಯುಗಲಾನಾಂ ಚತುಷ್ಟಯಮ್ ॥ 89॥

ವಲಯಾವಲಿಮಾಲಾನೀಂ ಚೋರ್ಮಿಕಾವಲಿಮೀಶ್ವರಿ ।
ಕಾಞ್ಚೀದಾಮಕಟೀಸೂತ್ರಂಸೌಭಗ್ಯಾಭರಣಂ ಚ ತೇ ॥ 90॥

ತ್ರಿಪುರೇ ಪಾದಕಟಕಂ ಕಲ್ಪಯೇ ರತ್ನನೂಪುರಮ್ ।
ಪಾದಾಙ್ಗುಲೀಯಕನ್ತುಭ್ಯಂ ಪಾಶಮೇಕಂ ಕರೇತವ ॥ 91॥

ಅನ್ಯೇ ಕರೇಙ್ಕುಶಂ ದೇವಿ ಪೂಣ್ಡ್ರೇಕ್ಷುಧನುಷಂ ತವ ।
ಅಪರೇಪುಷ್ಪಬಾಣಞ್ಚ ಶ್ರೀಮನ್ಮಾಣಿಕ್ಯಪಾದುಕೇ ॥ 92॥

ತದಾವರಣ ದೇವೇಶಿ ಮಹಾಮಞ್ಚಾದಿರೋಹಣಮ್ ।
ಕಾಮೇಶ್ವರಾಙ್ಕಪರ್ಯಙ್ಕಮುಪವೇಶನಮುತ್ತಮಮ್ ॥ 93॥

ಸುಧಯಾ ಪೂರ್ಣ್ಣಚಷಕಂ ತತಸ್ತತ್ ಪಾನಮುತ್ತಮಮ್ ।
ಕರ್ಪ್ಪೂರವೀಟಿಕಾನ್ತುಭ್ಯಂ ಕಲ್ಪಯಾಮಿ ನಮಃ ಶಿವೇ ॥ 94॥

ಆನನ್ದೋಲ್ಲಾಸವಿಲಸದ್ಧಂಸಂ ತೇ ಕಲ್ಪಯಾಮ್ಯಹಮ್ ।
ಮಙ್ಗಲಾರಾತ್ರಿಕಂವನ್ದೇ ಛತ್ರಂ ತೇ ಕಲ್ಪಯಾಮ್ಯಹಮ್ ॥ 95॥

ಚಾಮರಂ ಯೂಗಲಂ ದೇವಿದರ್ಪ್ಪಣಂ ಕಲ್ಪಯಾಮ್ಯಹಮ್ ।
ತಾಲವ್ರಿನ್ತಙ್ಕಲ್ಪಯಾಮಿಗನ್ಧಪುಷ್ಪಾಕ್ಷತೈರಪಿ ॥ 96॥

ಧೂಪಂ ದೀಪಶ್ಚನೈವೇದ್ಯಂ ಕಲ್ಪಯಾಮಿ ಶಿವಪ್ರಿಯೇ ।
ಅಥಾಹಮ್ಬೈನ್ದವೇ ಚಕ್ರೇ ಸರ್ವಾನನ್ದಮಯಾತ್ಮಕೇ ॥ 97॥

ರತ್ನಸಿಂಹಾಸನೇ ರಮ್ಯೇ ಸಮಾಸೀನಾಂ ಶಿವಪ್ರಿಯಾಮ್ ।
ಉದ್ಯದ್ಭಾನುಸಹಸ್ರಾಭಾಞ್ಜಪಾಪುಷ್ಪಸಮಪ್ರಭಾಮ್ ॥ 98॥

ನವರತ್ನಪ್ರಭಾಯುಕ್ತಮಕುಟೇನ ವಿರಾಜಿತಾಮ್ ।
ಚನ್ದ್ರರೇಖಾಸಮೋಪೇತಾಙ್ಕಸ್ತೂರಿತಿಲಕಾಙ್ಕಿತಾಮ್ ॥ 99॥

ಕಾಮಕೋದಣ್ಡಸೌನ್ದರ್ಯನಿರ್ಜ್ಜಿತಭ್ರೂಲತಾಯುತಾಮ್ ।
ಅಞ್ಜನಾಞ್ಚಿತನೇತ್ರಾನ್ತುಪದ್ಮಪತ್ರನಿಭೇಷಣಾಮ್ ॥ 100॥

ಮಣಿಕುಣ್ಡಲಸಮ್ಯುಕ್ತ ಕರ್ಣ್ಣದ್ವಯವಿರಾಜಿತಾಮ್ ।
ತಾಮ್ಬೂಲಪೂರಿತಮುಖೀಂಸುಸ್ಮಿತಾಸ್ಯವಿರಾಜಿತಾಮ್ ॥ 101॥

ಆದ್ಯಭೂಷಣಸಮ್ಯುಕ್ತಾಂ ಹೇಮಚಿನ್ತಾಕಸಂಯುತಾಮ್ ।
ಪದಕೇನಸಮೋಪೇತಾಂ ಮಹಾಪದಕಸಂಯುತಾಮ್ ॥ 102॥

ಮುಕ್ತಾಫಲಸಮೋಪೇತಾಮೇಕಾವಲಿಸಮನ್ವಿತಾಮ್ ।
ಕೌಸುಭಾಙ್ಗದಸಂಯುಕ್ತಚತುರ್ಬಾಹುಸಮನ್ವಿತಾಮ್ ॥ 103॥

ಅಷ್ಟಗನ್ಧಸಮೋಪೇತಾಂ ಶ್ರೀಚನ್ದನವಿರಾಜಿತಾಮ್ ।
ಹೇಮಕುಮ್ಭೋಪಮಪ್ರಖ್ಯಸ್ತನದ್ವನ್ದವಿರಾಜಿತಾಮ್ ॥ 104॥

ರಕ್ತವಸ್ತ್ರಪರೀಧಾನಾಂ ರಕ್ತಕಞ್ಚುಕಸಂಯುತಾಮ್ ।
ಸೂಕ್ಷ್ಮರೋಮಾವಲಿಯುಕ್ತತನುಮದ್ಧ್ಯವಿರಾಜಿತಾಮ್ ॥ 105॥

ಮುಕ್ತಾಮಾಣಿಕ್ಯಖಚಿತ ಕಾಞ್ಚೀಯುತನಿತಮ್ಬನೀಮ್ ।
ಸದಾಶಿವಾಙಕಸ್ಥಬೃಹನ್ಮಹಾಜಘನಮಣ್ಡಲಾಮ್ ॥ 106॥

ಕದಲಿಸ್ತಮ್ಭಸಂರಾಜದೂರುದ್ವಯವಿರಾಜಿತಾಮ್ ।
ಕಪಾಲೀಕಾನ್ತಿಸಙ್ಕಾಶಜಙ್ಘಾಯುಗಲಶೋಭಿತಾಮ್ ॥ 107॥

ಗ್ರೂಢಗುಲ್ಫದ್ವೇಯೋಪೇತಾಂ ರಕ್ತಪಾದಸಮನ್ವಿತಾಮ್ ।
ಬ್ರಹ್ಮವಿಷ್ಣುಮಹೇಶಾದಿಕಿರೀಟಸ್ಫೂರ್ಜ್ಜಿತಾಙ್ಘ್ರಿಕಾಮ್ ॥ 108॥

ಕಾನ್ತ್ಯಾ ವಿರಾಜಿತಪದಾಂ ಭಕ್ತತ್ರಾಣ ಪರಾಯಣಾಮ್ ।
ಇಕ್ಷುಕಾರ್ಮುಕಪುಷ್ಪೇಷುಪಾಶಾಙ್ಕುಶಧರಾಂಶುಭಾಮ್ ॥ 109॥

ಸಂವಿತ್ಸ್ವರೂಪಿಣೀಂ ವನ್ದೇ ಧ್ಯಾಯಾಮಿ ಪರಮೇಶ್ವರೀಮ್ ।
ಪ್ರದರ್ಶಯಾಮ್ಯಥಶಿವೇದಶಾಮುದ್ರಾಃ ಫಲಪ್ರದಾಃ ॥ 110॥

ತ್ವಾಂ ತರ್ಪ್ಪಯಾಮಿ ತ್ರಿಪುರೇ ತ್ರಿಧನಾ ಪಾರ್ವ್ವತಿ ।
ಅಗ್ನೌಮಹೇಶದಿಗ್ಭಾಗೇ ನೈರೃತ್ರ್ಯಾಂ ಮಾರುತೇ ತಥಾ ॥ 111॥

ಇನ್ದ್ರಾಶಾವಾರುಣೀ ಭಾಗೇ ಷಡಙ್ಗಾನ್ಯರ್ಚ್ಚಯೇ ಕ್ರಮಾತ್ ।
ಆದ್ಯಾಙ್ಕಾಮೇಶ್ವರೀಂ ವನ್ದೇ ನಮಾಮಿ ಭಗಮಾಲಿನೀಮ್ ॥ 112॥

ನಿತ್ಯಕ್ಲಿನ್ನಾಂ ನಮಸ್ಯಾಮಿ ಭೇರುಣ್ಡಾಂ ಪ್ರಣಮಾಮ್ಯಹಮ್ ।
ವಹ್ನಿವಾಸಾನ್ನಮಸ್ಯಾಮಿ ಮಹಾವಿದ್ಯೇಶ್ವರೀಂ ಭಜೇ ॥ 113॥

ಶಿವದೂತಿಂ ನಮಸ್ಯಾಮಿ ತ್ವರಿತಾಂ ಕುಲ ಸುನ್ದರೀಮ್ ।
ನಿತ್ಯಾನ್ನೀಲಪತಾಕಾಞ್ಚ ವಿಜಯಾಂ ಸರ್ವಮಙ್ಗಲಾಮ್ ॥ 114॥

ಜ್ವಾಲಾಮಾಲಾಞ್ಚ ಚಿತ್ರಾಞ್ಚ ಮಹಾನಿತ್ಯಾಂ ಚ ಸಂಸ್ತುವೇ ।
ಪ್ರಕಾಶಾನನ್ದನಾಥಾಖ್ಯಾಮ್ಪರಾಶಕ್ತಿನಮಾಮ್ಯಹಮ್ ॥ 115॥

ಶುಕ್ಲದೇವೀಂ ನಮಸ್ಯಾಮಿ ಪ್ರಣಮಾಮಿ ಕುಲೇಶ್ವರೀಮ್ ।
ಪರಶಿವಾನನ್ದನಾಥಾಖ್ಯಾಮ್ಪರಾಶಕ್ತಿ ನಮಾಮ್ಯಹಮ್ ॥ 116॥

ಕೌಲೇಶ್ವರಾನನ್ದನಾಥಂ ನೌಮಿ ಕಾಮೇಶ್ವರೀಂ ಸದಾ ।
ಭೋಗಾನನ್ದನ್ನಮಸ್ಯಾಮಿ ಸಿದ್ಧೌಘಞ್ಚ ವರಾನನೇ ॥ 117॥

ಕ್ಲಿನ್ನಾನನ್ದಂ ನಮಸ್ಯಾಮಿ ಸಮಯಾನನ್ದಮೇವಚ ।
ಸಹಜಾನನ್ದನಾಥಞ್ಚಪ್ರಣಮಾಮಿ ಮುಹುರ್ಮುಹು ॥ 118॥

ಮಾನವೌಘಂ ನಮಸ್ಯಾಮಿ ಗಗನಾನನ್ದಗಪ್ಯಹಮ್ ।
ವಿಶ್ವಾನನ್ದನ್ನಮಸ್ಯಾಮಿ ವಿಮಲಾನನ್ದಮೇವಚ ॥ 119॥

ಮದನಾನನ್ದನಾಥಞ್ಚ ಭುವನಾನನ್ದರೂಪಿಣೀಮ್ ।
ಲೀಲಾನನ್ದನ್ನಮಸ್ಯಾಮಿ ಸ್ವಾತ್ಮಾನನ್ದಂ ಮಹೇಶ್ವರಿ ॥ 120॥

ಪ್ರಣಮಾಮಿಪ್ರಿಯಾನನ್ದಂ ಸರ್ವಕಾಮಫಲಪ್ರದಮ್ ।
ಪರಮೇಷ್ಟಿಗುರುಂವನ್ದೇ ಪರಮಙ್ಗುರುಮಾಶ್ರಯೇ ॥ 121॥

ಶ್ರೀಗುರುಂ ಪ್ರಣಮಸ್ಯಾಮಿ ಮೂರ್ದ್ಧ್ನಿ ಬ್ರಹ್ಮಬಿಲೇಶ್ವರೀಮ್ ।
ಶ್ರೀಮದಾನನ್ದನಾಥಾಖ್ಯಶ್ರಿಗುರೋಪಾದುಕಾಂ ತಥಾ ॥ 122॥

ಅಥ ಪ್ರಾಥಮಿಕೇ ದೇವಿ ಚತುರಶ್ರೇ ಕುಲೇಶ್ವರಿ ।
ಅಣಿಮಾಂಲಖಿಮಾಂ ವನ್ದೇ ಮಹಿಮಾಂ ಪ್ರಣಮಾಮ್ಯಹಮ್ ॥ 123॥

ಈಶಿತ್ವಸಿದ್ಧಿಂ ಕಲಯೇ ವಶಿತ್ವಂ ಪ್ರಣಮಾಮ್ಯಹಮ್ ।
ಪ್ರಾಕಾಮ್ಯಸಿದ್ಧಿಮ್ಭುಕ್ತಿಞ್ಚ ಇಚ್ಛಾಪ್ರಾಪ್ರ್ತಿಮಹಂ ಭಜೇ ॥ 124॥

ಸರ್ವಕಾಮಪ್ರದಾಂ ಸರ್ವಕಾಮಸಿದ್ಧಿಮಹಂ ಭಜೇ ।
ಮದ್ಧ್ಯಮೇಚತುರಶ್ರೇಹಂ ಬ್ರಾಹ್ಮೀಂ ಮಾಹೇಶ್ವರೀಂ ಭಜೇ ॥ 125॥

ಕೌಮಾರೀಂ ವೈಷ್ಣವೀಂ ವನ್ದೇ ವಾರಾಹೀಂ ಪ್ರಣಮಾಮ್ಯಹಮ್ ।
ಮಾಹೇನ್ದ್ರೀಮಪಿಚಾಮುಣ್ಡಾಮ್ಮಹಾಲಕ್ಷ್ಮೀಮಹಂ ಭಜೇ ॥ 126॥

ತೃತೀಯೇ ಚತುರಶ್ರೇ ತು ಸರ್ವಸಙ್ಕ್ಷೋಭಿಣೀಂ ಭಜೇ ।
ಸರ್ವವಿದ್ರಾಪಿಣೀಮ್ಮುದ್ರಾಂ ಸರ್ವಾಕರ್ಷಿಣಿಕಾಂ ಭಜೇ ॥ 127॥

ಮುದ್ರಾಂ ವಶಙ್ಕರೀಂ ವನ್ದೇ ಸರ್ವೋನ್ಮಾದಿನಿಕಾಂ ಭಜೇ ।
ಭಜೇಮಹಾಙ್ಕುಶಾಂ ಮುದ್ರಾಂ ಖೇಚರೀಂ ಪ್ರಣಮಾಮ್ಯಹಮ್ ॥ 128॥

ಬೀಜಾಮುದ್ರಾಂ ಯೋನಿಮುದ್ರಾಂ ಭಜೇ ಸರ್ವತ್ರಿಖಣ್ಡಿನೀಮ್ ।
ತ್ರೈಲೋಕ್ಯಮೋಹನಞ್ಚಕ್ರಂ ನಮಾಮಿ ಲಲಿತೇ ತವ ॥ 129॥

ನಮಾಮಿ ಯೋಗಿನೀಂ ತತ್ರ ಪ್ರಖಟಾಖ್ಯಾಮಭೀಷ್ಟದಾಮ್ ।
ಸುಧಾರ್ಣ್ಣವಾಸನಂವನ್ದೇ ತತ್ರ ತೇ ಪರಮೇಶ್ವರಿ ॥ 130॥

ಚಕ್ರೇಶ್ವರಿ ಮಹಂ ವನ್ದೇ ತ್ರಿಪುರಾಂ ಪ್ರಣಮಾಮ್ಯಹಮ್ ।
ಸರ್ವಸಙ್ಕ್ಷೋಭಿಣೀಮ್ಮುದ್ರಾಂ ತತೋಹಂ ಕಲಯೇ ಶಿವೇ ॥ 131॥

ಅಥಾಹಂ ಷೋಡಶದಲೇ ಕಾಮಾಕರ್ಷಿಣಿಕಾಂ ಭಜೇ ।
ಬುದ್ಧ್ಯಾಕರ್ಷಿಣಿಕಾಂ ವನ್ದೇಽಹಙ್ಕಾರಾಕರ್ಷಿಣೀಂ ಭಜೇ ॥ 132॥

ಶಬ್ದಾಕರ್ಷಿಣಿಕಾಂ ವನ್ದೇ ಸ್ಪರ್ಶಾಕರ್ಷಿಣಿಕಾಂ ಭಜೇ ।
ರೂಪಾಕರ್ಷಿಣಿಕಾಂವನ್ದೇ ರಸಾಕರ್ಷಿಣಿಕಾಂ ಭಜೇ ॥ 133॥

ಗನ್ಧಾಕರ್ಷಿಣಿಕಾಂ ವನ್ದೇ ಚಿತ್ತಾಕರ್ಷಿಣಿಕಾಂ ಭಜೇ ।
ಧೈರ್ಯಾಕರ್ಷಿಣಿಕಾಂವನ್ದೇ ಸ್ಮೃತ್ಯಾಕರ್ಷಿಣಿಕಾಂ ಭಜೇ ॥ 134॥

ನಾಮಾಕರ್ಷಿಣಿಕಾಂ ವನ್ದೇ ಬೀಜಾಕರ್ಷಿಣಿಕಾಂ ಭಜೇ ।
ಆತ್ಮಾಕರ್ಷಿಣಿಕಾಂವನ್ದೇ ಅಮೃತಾಕರ್ಷಿಣಿಕಾಂ ಭಜೇ ॥ 135॥

ಶರೀರಾಕರ್ಷಿಣಿಕಾಂ ವನ್ದೇ ನಿತ್ಯಾಂ ಶ್ರೀಪರಮೇಶ್ವರಿ ।
ಸರ್ವಾಶಾಪೂರಕಂವನ್ದೇ ಕಲ್ಪಯೇಹಂ ತವೇಶ್ವರಿ ॥ 136॥

ಗುಪ್ತಾಖ್ಯಾಂ ಯೋಗಿನೀಂ ವನ್ದೇ ಮಾತರಂ ಗುಪ್ತಪೂಜ್ಯತಾಮ್ ।
ಪೋತಾಮ್ಬುಜಾಸನನ್ತತ್ರ ನಮಾಮಿ ಲಲಿತೇ ತವ ॥ 137॥

ತ್ರಿಪುರೇಶೀಂ ನಮಸ್ಯಾಮಿ ಭಜಾಮಿಷ್ಟಾರ್ತ್ಥಸಿದ್ಧಿದಾಮ್ ।
ಸರ್ವವಿದ್ರಾವಿಣಿಮುದ್ರಾನ್ತತ್ರಾಹಂ ತೇ ವಿಚನ್ತಯೇ ॥ 138॥

ಸಿವೇ ತವಾಷ್ಟಪತ್ರೇಹಮನಙ್ಗಕುಸುಮಾಂ ಭಜೇ ।
ಅನಙ್ಗಮೇಖಲಾಂವನ್ದೇ ಅನಙ್ಗಮದನಾಂ ಭಜೇ ॥ 139॥

ನಮೋಹಂ ಪ್ರಣಸ್ಯಾಮಿ ಅನಙ್ಗಮದನಾತುರಾಮ್ ।
ಅನಙ್ಗರೇಖಾಙ್ಕಲಯೇ ಭಜೇನಙ್ಗಾಂ ಚ ವೇಗಿನೀಮ್ ॥ 140॥

ಅನಙ್ಗಾಕುಶವನ್ದೇಽಹಮನಙ್ಗಮಾಲಿನೀಂ ಭಜೇ ।
ತತ್ರಾಹಮ್ಪ್ರಣಸ್ಯಾಮಿ ದೇವ್ಯಾ ಆಸನಮುತ್ತಮಮ್ ॥ 141॥

ನಮಾಮಿ ಜಗತೀಶಾನೀಂ ತತ್ರ ತ್ರಿಪುರಸುನ್ದರೀಮ್ ।
ಸರ್ವಾಕರ್ಷಿಣಿಕಾಮ್ಮುದ್ರಾಂ ತತ್ರಾಹ ಕಲ್ಪಯಾಮಿತೇ ॥ 142॥

ಭುವನಾಶ್ರಯೇ ತವ ಶಿವೇ ಸರ್ವಸಙ್ಕ್ಷೋಭಿಣೀಂ ಭಜೇ ।
ಸರ್ವವಿದ್ರಾವಿಣೀಂವನ್ದೇ ಸರ್ವಕರ್ಷಿಣಿಕಾಂ ಭಜೇ ॥ 143॥

ಸರ್ವಹ್ಲಾದಿನೀಂ ವನ್ದೇ ಸರ್ವಸಮ್ಮೋಹಿನೀಂ ಭಜೇ ।
ಸಕಲಸ್ತಮ್ಭಿನೀಂ ವನ್ದೇ ಕಲಯೇ ಸರ್ವಜೃಮ್ಭಿಣೀಮ್ ॥ 144॥

ವಶಙ್ಕರೀಂ ನಮಸ್ಯಾಮಿ ಸರ್ವರಜ್ಞಿನಿಕಾಂ ಭಜೇ ।
ಸಕಲೋನ್ಮದಿನೀಂ ವನ್ದೇ ಭಜೇ ಸರ್ವಾರ್ಥಸಾಧಕೇ ॥ 145॥

ಸಮ್ಪತ್ತಿಪುರಿಕಾಂ ವನ್ದೇ ಸರ್ವಮನ್ತ್ರಮಯೀಂ ಭಜೇ ।
ಭಜಾಮ್ಯೇವತತಶ್ಶಕ್ತಿಂ ಸರ್ವದ್ವನ್ದ್ವಕ್ಷ್ಯಙ್ಕರೀಮ್ ॥ 146॥

ತತ್ರಾಹಂ ಕಲಯೇ ಚಕ್ರಂ ಸರ್ವಸೌಭಾಗ್ಯದಾಯಕಮ್ ।
ನಮಾಮಿಜಗತಾಂ ಧಾತ್ರೀಂ ಸಮ್ಪ್ರದಾಯಾಖ್ಯಯೋಗಿನಿಮ್ ॥ 147॥

ನಮಾಮಿ ಪರಮೇಶಾನೀಂ ಮಹಾತ್ರಿಪುರವಾಸಿನಿಮ್ ।
ಕಲಯೇಹನ್ತವ ಶಿವೇ ಮುದ್ರಾಂ ಸರ್ವಶಙ್ಕರೀಮ್ ॥ 148॥

ಬಹಿರ್ದ್ದಶಾರೇ ತೇ ದೇವಿ ಸರ್ವಸಿದ್ಧಿಪ್ರದಾಂ ಭಜೇ ।
ಸರ್ವಸಮ್ಪತ್ಪ್ರದಾಂ ವನ್ದೇ ಸರ್ವಪ್ರಿಯಙ್ಕರೀಂ ಭಜೇ ॥ 149॥

ನಮಾಮ್ಯಹಂ ತತೋ ದೇವೀಂ ಸರ್ವಮಙ್ಗಲಕಾರಿಣೀಮ್ ।
ಸರ್ವಕಾಮಪ್ರದಾಂವನ್ದೇ ಸರ್ವದುಃಖವಿಮೋಚಿನಿಮ್ ॥ 150॥

ಸರ್ವಮೃತ್ಯುಪ್ರಶಮನೀಂ ಸರ್ವವಿಘ್ನನಿವಾರಿಣೀಮ್ ।
ಸರ್ವಾಙ್ಗಸುನ್ದರೀಂವನ್ದೇ ಸರ್ವಸೌಭಾಗ್ಯದಾಯಿನೀಮ್ ॥ 151॥

ಸರ್ವಾರ್ತ್ಥಸಾಧಕಂ ಚಕ್ರಂ ತತ್ರಾಹಂ ನೇ ವಿಚಿನ್ತಯೇ ।
ತತ್ರಾಹನ್ತೇ ನಮಸ್ಯಾಮಿ ಕುಲೋತ್ತೀರ್ಣಾಖ್ಯ ಯೋಗಿನೀಮ್ ॥ 152॥

ಸರ್ವಮನ್ತ್ರಸನಂ ವನ್ದೇ ತ್ರಿಪುರಾಶ್ರಿಯಮಾಶ್ರಯೇ ।
ಕಲಯಾಮಿತತೋ ಮುದ್ರಾಂ ಸರ್ವೋನ್ಮಾದನ ಕಾರಿಣೀಮ್ ॥ 153॥

ಅನ್ತರ್ದ್ದಶಾರೇ ತೇ ದೇವಿ ಸರ್ವಜ್ಞಾಂ ಪ್ರಣಮಾಮ್ಯಹಮ್ ।
ಸರ್ವಶಕ್ತಿನ್ನಮಸ್ಯಾಮಿ ಸರ್ವೈಶ್ವರ್ಯಪ್ರದಾಂ ಭಜೇ ॥ 154॥

ಸರ್ವಜ್ಞಾನಮಯೀಂ ವನ್ದೇ ಸರ್ವವ್ಯಾಧಿವಿನಾಶಿನೀಮ್ ।
ಸರ್ವಾಧಾರಸ್ವರೂಪಾಞ್ಚಸರ್ವಪಾಪಹರಾಮ್ಭಜೇ ॥ 155॥

ಸರ್ವಾನನ್ದಮಯಿಂ ವನ್ದೇ ಸರ್ವರಕ್ಷಾಸ್ವರೂಪಿಣೀಮ್ ।
ಪ್ರಣಮಾಮಿಮಹಾದೇವೀಂ ಸರ್ವೇಪ್ಸಿತ ಫಲಪ್ರದಾಮ್ ॥ 156॥

ಸರ್ವರಕ್ಷಾಕರಂ ಚಕ್ರಂ ಸುನ್ದರೀಂ ಕಲಯೇ ಸದಾ ।
ನಿಗರ್ಭಯೋನೀಂವನ್ದೇ ತತ್ರಾಹಂ ಪ್ರಣಮಾಮ್ಯಹಮ್ ॥ 157॥

ಸಾದ್ಧ್ಯಸಿದ್ಧಾಸನಂ ವನ್ದೇ ಭಜೇ ತ್ರಿಪುರಮಾಲಿನೀಮ್ ।
ಕಲಯಾಮಿತತೋ ದೇವೀಂ ಮುದ್ರಾಂ ಸರ್ವಮಹಾಙ್ಕುಶಾಮ್ ॥ 158॥

ಅಷ್ಟಾರೇ ವಶಿನೀಂ ವನ್ದೇ ಮಹಾ ಕಾಮೇಶ್ವರೀಂ ಭಜೇ ।
ಮೋದಿನೀಂವಿಮಲಾಂವನ್ದೇ ಅರುಣಾಜಯಿನೀಂ ಭಜೇ ॥ 159॥

ಸರ್ವೇಶ್ವರೀಂ ನಮಸ್ಯಾಮಿ ಕೌಲಿನೀಂ ಪ್ರಣಮಾಮ್ಯಹಮ್ ।
ಸರ್ವರೋಗಹರಞ್ಚಕ್ರಂ ತತ್ರಾಹಂ ಕಲಯೇ ಸದಾ ॥ 160॥

ನಮಾಮಿ ತ್ರಿಪುರಾ ಸಿದ್ಧಿಂ ಭಜೇ ಮುದ್ರಾಂ ಚ ಖೇಚರೀಮ್ ।
ಮಹಾತ್ರಿಕೋಣವತ್ಬಾಹುಚತುರಶ್ರೇ ಕುಲೇಶ್ವರಿ ॥ 161॥

ನಮಾಮಿ ಜೃಮ್ಭಣಾಬಾಣಂ ಸರ್ವಸಮ್ಮೋಹಿನೀಂ ಭಜೇ ।
ಪಾಶಞ್ಚಾಪಂ ಭಜೇ ನಿತ್ಯಂ ಭಜೇ ಸ್ತಮ್ಭನಮಙ್ಕುಶಮ್ ॥ 162॥

ತ್ರಿಕೋಣೇಹಂ ಜಗದ್ಧಾತ್ರೀಂ ಮಹಾಕಾಮೇಶ್ವರೀಂ ಭಜೇ ।
ಮಹಾವಜ್ರೇಶ್ವರೀಂವನ್ದೇ ಮಹಾಶ್ರೀಭಗಮಾಲಿನೀಮ್ ॥ 163॥

ಮಹಾಶ್ರೀಸುನ್ದರೀಂ ವನ್ದೇ ಸರ್ವಕಾಮಫಲಪ್ರದಾಮ್ ।
ಸರ್ವಸಿದ್ಧಿಪ್ರದಞ್ಚಕ್ರಂ ತವದೇವಿ ನಮಾಮ್ಯಹಮ್ ॥ 164॥

ನಮಾಮ್ಯತಿರಹಸ್ಯಾಖ್ಯಾಂ ಯೋಗಿನೀಂ ತವಕಾಮದಾಮ್ ।
ತ್ರಿಪುರಾಮ್ಬಾನ್ನಮಸ್ಯಾಮಿ ಬೀಜಾಮುದ್ರಾಮಹಾಮ್ಭಜೇ ॥ 165॥

ಮೂಲಮನ್ತ್ರೇಣ ಲಲಿತೇ ತಲ್ಬಿನ್ದೌ ಪೂಜಯಾಮ್ಯಹಮ್ ।
ಸರ್ವಾನನ್ದಮಯಞ್ಚಕ್ರಂ ತವದೇವಿ ಭಜಾಮ್ಯಹಮ್ ॥ 166॥

ಪರಾಂ ಪರರಹಸ್ಯಾಖ್ಯಾಂ ಯೋಗಿನೀಂ ತತ್ರಕಾಮದಾಮ್ ।
ಮಹಾಚಕ್ರೇಶ್ವರೀಂವನ್ದೇ ಯೋನಿಮುದ್ರಾಮಹಂ ಭಜೇ ॥ 167॥

ಧೂಪದೀಪಾದಿಕಂ ಸರ್ವಮರ್ಪ್ಪಿತಂ ಕಲ್ಪಯಾಮ್ಯಹಮ್ ।
ತ್ವಲ್ಪ್ರೀತಯೇಮಹಾಮುದ್ರಾಂ ದರ್ಶಯಾಮಿ ತತಶ್ಶಿವೇ ॥ 168॥

ಶಾಲ್ಯನ್ನಂ ಮಧುಸಮ್ಯುಕ್ತಂ ಪಾಯಸಾಪೂಪ ಸಮ್ಯುಕ್ತಮ್ ।
ಘೃತಸೂಪಸಮಾಯುಕ್ತನ್ದಧಿಕ್ಷೀರಸಮನ್ವಿತಮ್ ॥ 169॥

ಸರ್ವಭಕ್ಷ್ಯಸಮಾಯುಕ್ತಂ ಬಹುಶಾಕಸಮನ್ವಿತಮ್ ।
ನಿಕ್ಷಿಪ್ಯಕಾಞ್ಚನೇ ಪಾತ್ರೇ ನೈವೇದ್ಯಂ ಕಲ್ಪಯಾಮಿ ತೇ ॥ 170॥

ಸಙ್ಕಲ್ಪಬಿನ್ದುನಾ ಚಕ್ರಂ ಕುಚೌ ಬಿನ್ದುದ್ವಯೇನ ಚ ।
ಯೋನಿಶ್ಚಸಪರಾರ್ದ್ಧೇನ ಕೃತ್ವಾ ಶ್ರೀಲಲಿತೇ ತವ ॥ 171॥

ಏತತ್ ಕಾಮಕಲಾ ರೂಪಂ ಭಕ್ತಾನಾಂ ಸರ್ವಕಾಮದಮ್ ।
ಸರ್ವಸೌಭಾಗ್ಯದಂವನ್ದೇ ತತ್ರ ತ್ರಿಪುರಸುನ್ದರೀಮ್ ॥ 172॥

ವಾಮಭಾಗೇ ಮಹೇಶಾನಿ ವೃತ್ತಂ ಚ ಚತುರಸ್ರಕಮ್ ।
ಕೃತ್ವಾಗನ್ಧಾಕ್ಷತಾದ್ಯೈಶ್ಚಾಪ್ಯರ್ಚ್ಚಯಾಮಿ ಮಹೇಶ್ವರೀಮ್ ॥ 173॥

ವಾಗ್ದವಾದ್ಯಂ ನಮಸ್ಯಾಮಿ ತತ್ರ ವ್ಯಾಪಕಮಣ್ಡಲಮ್ ।
ಜಲಯುಕ್ತೇನಪಾಣೌ ಚ ಶುದ್ಧಮುದ್ರಾ ಸಮನ್ವಿತಮ್ ॥ 174॥

ತತ್ರ ಮನ್ತ್ರೇಣ ದಾಸ್ಯಾಮಿ ದೇವಿ ತೇ ಬಲಿಮುತ್ತಮಮ್ ।
ನಮಸ್ತೇದೇವದೇವೇಶಿ ನಮ ಸ್ತ್ರೈಲೋಕ್ಯವನ್ದಿತೇ ॥ 175॥

ನಮಶ್ಶಿವವರಾಙ್ಕಸ್ಥೇ ನಮಸ್ತ್ರೀಪುರಸುನ್ದರಿ ।
ಪ್ರದಕ್ಷಿಣನಮಸ್ಕಾರಮನೇನಾಹಂ ಕರೋಮಿ ತೇ ॥ 176॥

ತತ ಸಙ್ಕಲ್ಪಮನ್ತ್ರಾಣಾಂ ಸಮಾಜಂ ಪರಮೇಶ್ವರಿ ।
ಪ್ರಜಪಾಮಿಮಹಾವಿದ್ಯಾಂ ತ್ವತ್ ಪ್ರೀತ್ಯರ್ತ್ಥಮಹಂ ಶಿವೇ ॥ 177॥

ತವ ವಿದ್ಯಾಂ ಪ್ರಜಪ್ತ್ವಾಥ ನೌಮಿ ತ್ವಾಂ ಪರಮೇಶ್ವರಿ ।
ಮಹಾದೇವಿಮಹೇಶಾನಿ ಮಹಾಶಿವಮಯೇ ಪ್ರಿಯೇ ॥ 178॥

ಮಹಾನಿತ್ಯೇ ಮಹಾಸಿದ್ಧೇ ತ್ವಾಮಹಂ ಶರಣಂ ಶಿವೇ ।
ಜಯತ್ವನ್ತ್ರಿಪುರೇ ದೇವಿ ಲಲಿತೇ ಪರಮೇಶ್ವರಿ ॥ 179॥

ಸದಾಶಿವ ಪ್ರಿಯಙ್ಕರಿ ಪಾಹಿಮಾಂ ಕರುಣಾನಿಧೇ ।
ಜಗನ್ಮಾತರ್ಜ್ಜಗದ್ರೂಪೇಜಗದೀಶ್ವರವಲ್ಲಭೇ ॥ 180॥

ಜಗನ್ಮಯಿ ಜಗತ್ ಸ್ತುತ್ಯೇ ಗೌರಿ ತ್ವಾಮಹಮಾಶ್ರಯೇ ।
ಅನಾದ್ಯೇಸರ್ವಲೋಕಾನಾಮಾದ್ಯೇ ಭಕ್ತೇಷ್ಟದಾಯಿನಿ ॥ 181॥

ಗಿರಿರಾಜೇನ್ದ್ರತನಯೇ ನಮಸ್ತೀಪುರಸುನ್ದರಿ ।
ಜಯಾರೀಞ್ಜಯದೇವೇಶಿಬ್ರಹ್ಮಮಾತರ್ಮಹೇಶ್ವರಿ ॥ 182॥

ವಿಷ್ಣುಮಾತರಮಾದ್ಯನ್ತೇ ಹರಮಾತಸ್ಸುರೇಶ್ವರಿ ।
ಬ್ರಹ್ಮ್ಯಾದಿಮಾತೃಸಂಸ್ತುತ್ಯೇ ಸರ್ವಾಭರಣ ಸಮ್ಯುಕ್ತೇ ॥ 183॥

ಜ್ಯೋತಿರ್ಮಯಿ ಮಹಾರೂಪೇ ಪಾಹಿಮಾಂ ತ್ರಿಪುರೇ ಸದಾ ।
ಲಕ್ಷ್ಮೀವಾಣ್ಯಾದಿಸಂ ಪೂಜ್ಯೇ ಬ್ರಹ್ಮವಿಷ್ಣುಶಿವಪ್ರಿಯ ॥ 184॥

ಭಜಾಮಿ ತವ ಪಾದಾಬ್ಜಂ ದೇವಿ ತ್ರಿಪುರಸುನ್ದರಿ ।
ತ್ವಲ್ಪ್ರೀತ್ಯರ್ತ್ಥಂಯತಃ ಕಾಞ್ಚೀಚ್ಛಕ್ತಿಂ ವೈಪೂಜಯಾಮ್ಯಹಮ್ ॥ 185॥

ತತಶ್ಚ ಕೇತನಾಂ ಶಕ್ತಿಂ ತರ್ಪಯಾಮಿ ಮಹೇಶ್ವರಿ ।
ತಥಾಪಿತ್ವಾಂ ಭಜಂಸ್ತೋಷಂ ಚಿದಗ್ನೌ ಚ ದದಾಮ್ಯಹಮ್ ॥ 186॥

ತ್ವಲ್ಪ್ರೀತ್ಯರ್ಥ್ಯಂ ಮಹಾದೇವಿ ಮಮಾಭೀಷ್ಟಾರ್ತ್ಥ ಸಿದ್ಧಯೇ ।
ಬದ್ಧ್ವಾತ್ವಾಂ ಖೈಚರೀಮುದ್ರಾಂ ಕ್ಷಮಸ್ವೋದ್ವಾಸಯಾಮ್ಯಹಮ್ ॥ 187॥

ತಿಷ್ಠಮೇ ಹೃದಯೇನಿತ್ಯಂ ತ್ರಿಪುರೇ ಪರಮೇಶ್ವರಿ ।
ಜಗದಮ್ಬಮಹಾರಾಜ್ಞಿ ಮಹಾಶಕ್ತಿ ಶಿವಪ್ರಿಯೇ ॥ 188॥

ಹೃಚ್ಚಕ್ರೇ ತಿಷ್ತಮೇ ನಿತ್ಯಂ ಮಹಾತ್ರಿಪುರಸುನ್ದರಿ ।
ಏತತ್ತ್ರಿಪುರಸುನ್ದರ್ಯಾ ಹೃದಯಂ ಸರ್ವಕಾಮದಮ್ ॥ 189॥

ಮಹಾರಹಸ್ಯಂ ಸತತಂ ದುರ್ಲ್ಲಭಂ ದೈವತೈರಪಿ ।
ಸಾಕ್ಷಾತ್ಸದಾಶಿವೇನೋಕ್ತಂ ಗುಹ್ಯಾತ್ ಗುಹ್ಯಮನುತ್ತಮಮ್ ॥ 190॥

ಯಃ ಪತೇತ್ ಶ್ರದ್ಧಯಾ ನಿತ್ಯಂ ಶ‍ಋಣುಯಾದ್ವಾ ಸಮಾಹಿತಃ ।
ನಿತ್ಯಪೂಜಾಫಲನ್ದೇವ್ಯಾಸ್ಸಲಭೇನ್ನಾತ್ರ ಸಂಶಯಃ ॥ 191॥

ಪಾಪೈಃ ಸಮುಚ್ಯತೇ ಸದ್ಯಃ ಕಾಯವಾಕ್ಕ್ ಸಿತ್ತಸಮ್ಭವೈಃ ।
ಪೂರ್ವಜನ್ಮಸಮುತ್ ಭ್ರದತೈರ್ಜ್ಞಾನಾಜ್ಞಕೃತೈರಪಿ ॥ 192॥

ಸರ್ವಕ್ರತುಷುಯತ್ ಪುಣ್ಯಂ ಸರ್ವತೀರ್ತ್ಥೇಷು ಯರ್ಫಲಮ್ ।
ತತ್ಪುಣ್ಯಂ ಲಭತೇ ನಿತ್ಯಂ ಮಾನವೋ ನಾತ್ರ ಸಂಶಯಃ ॥ 193॥

ಅಚಲಾಂ ಲಭತೇ ಲಕ್ಷ್ಮೀಂ ತ್ರೈಲೋಕ್ಯೇನಾತಿ ದುರ್ಲಭಾಮ್ ।
ಸಾಕ್ಷಾದ್ವಿಷ್ಣುರ್ಮಹಾಲಕ್ಷ್ಯಾಶೀಘ್ರಮೇವ ಭವಿಷ್ಯತಿ ॥ 194॥

ಅಷ್ಟೈಶ್ವರ್ಯ ಮವಾಪ್ನೋತಿ ಸ ಶೀಘ್ರಂ ಮಾನವೋತ್ತಮಃ ।
ಘಣ್ಡಿಕಾಪಾದುಕಾಸಿದ್ಧ್ಯಾದಿಷ್ಟಕಂಶೀಘ್ರಮಶ್ನುತೇ ॥ 195॥

ಶ್ರೀಮತ್ತ್ರಿಪುರಾಮ್ಬಿಕಾಯೈ ನಮಃ ।
॥ ಶ್ರೀಲಲಿತಾಹೃದಯಸ್ತೋತ್ರಂ ಸಮ್ಪೂರ್ಣಮ್ ॥

ಓಂ ತತ್ ಸತ್ ॥