ವೇದಾನ್ತಡಿಣ್ಡಿಮಾಸ್ತತ್ವಮೇಕಮುದ್ಧೋಷಯನ್ತಿ ಯತ್ ।
ಆಸ್ತಾಂ ಪುರಸ್ತಾನ್ತತ್ತೇಜೋ ದಕ್ಷಿಣಾಮೂರ್ತಿಸಞ್ಜ್ಞಿತಮ್ ॥ 1

ಆತ್ಮಾಽನಾತ್ಮಾ ಪದಾರ್ಥೌ ದ್ವೌ ಭೋಕ್ತೃಭೋಗ್ಯತ್ವಲಕ್ಷಣೌ ।
ಬ್ರಹ್ಮೇವಾಽಽತ್ಮಾನ ದೇಹಾದಿರಿತಿ ವೇದಾನ್ತಡಿಣ್ಡಿಮಃ ॥ 2

ಜ್ಞಾನಾಽಜ್ಞಾನೇ ಪದಾರ್ಥೋಂ ದ್ವಾವಾತ್ಮನೋ ಬನ್ಧಮುಕ್ತಿದೌ ।
ಜ್ಞಾನಾನ್ಮುಕ್ತಿ ನಿರ್ಬನ್ಧೋಽನ್ಯದಿತಿ ವೇದಾನ್ತಡಿಣ್ಡಿಮಃ ॥ 3

ಜ್ಞಾತೃ ಜ್ಞೇಯಂ ಪದಾರ್ಥೌ ದ್ವೌ ಭಾಸ್ಯ ಭಾಸಕಲಕ್ಷಣೌ ।
ಜ್ಞಾತಾ ಬ್ರಹ್ಮ ಜಗತ್ ಜ್ಞೇಯ ಮಿತಿ ವೇದಾನ್ತಡಿಣ್ಡಿಮಃ ॥ 4

ಸುಖದುಃಖೇ ಪದಾರ್ಥೌ ದ್ವೌ ಪ್ರಿಯವಿಪ್ರಿಯಕಾರಕೌ ।
ಸುಖಂ ಬ್ರಹ್ಮ ಜಗಹುಃಖ ಮಿತಿ ವೇದಾನ್ತಡಿಣ್ಡಿಮಃ॥ 5

ಸಮಷ್ಟಿವ್ಯಷ್ಟಿರೂಪೌ ದ್ವೌ ಪದಾರ್ಥೌ ಸರ್ವಸಮ್ಮತೌ ।
ಸಮಷ್ಟಿರೀಶ್ವರೋ ವ್ಯಷ್ಟಿರ್ಜೀವೋ ವೇದಾನ್ತಡಿಣ್ಡಿಮಃ ॥ 6

ಜ್ಞಾನಂ ಕರ್ಮ ಪದಾರ್ಥೌ ದ್ವೌ ವಸ್ತುಕತ್ರಾತ್ಮ ತನ್ತ್ರಕೌ ।
ಜ್ಞಾನಾನ್ಮೋಕ್ಷೋ ನ ಕರ್ಮಭ್ಯ ಇತಿ ವೇದಾನ್ತಡಿಣ್ಡಿಮಃ ॥ 7

ಶ್ರೋತವ್ಯಾಽಶ್ರವ್ಯರೂಪೀ ದ್ವೌ ಪದಾರ್ಥೋಂ ಸುಖದುಃಖದೌ ।
ಶ್ರೋತವ್ಯಂ ಬ್ರಹ್ಮ ನೈವಾಽನ್ಯ ದಿತಿ ವೇದಾನ್ತಡಿಣ್ಡಿಮಃ॥ 8

ಚಿನ್ತ್ಯಾಽಚಿನ್ತ್ಯೇ ಪದಾಥೌ ದ್ವೌ ವಿಶ್ರಾನ್ತಿ ಶ್ರಾನ್ತಿದಾಯಕೌ ।
ಚಿನ್ತ್ಯಂ ಬ್ರಹ್ಮ ಪರಂ ನಾಽನ್ಯ ದಿತಿ ವೇದಾನ್ತಡಿಣ್ಡಿಮಃ॥ 9

ಧ್ಯೇಯಾಽಧ್ವೇಯೇ ಪದಾರ್ಥೌ ದ್ವೌ ದ್ವೌ ಧೀಸಮಾಧ್ಯಸಮಾಧಿದೌ ।
ಧ್ಯಾತವ್ಯಂ ಬ್ರಹ್ಮ ನೈವಾಽನ್ಯ ದಿತಿ ವೇದಾನ್ತಡಿಣ್ಡಿಮಃ॥ 10

ಯೋಗಿನೋ ಭೋಗಿನೋ ವಾಽಪಿ ತ್ಯಾಗಿನೋ ರಾಗಿಣೋಽಪಿ ಚ ।
ಜ್ಞಾನಾನ್ಮೋಕ್ಷೋ ನ ಸನ್ದೇಹ ಇತಿ ವೇದಾನ್ತಡಿಣ್ಡಿಮಃ ॥ 11

ನ ವರ್ಣಾಶ್ರಮ ಸಙ್ಕೇತೈಃ ನ ಕೋಪಾಸನಾದಿಭಿಃ।
ಬ್ರಹ್ಮಜ್ಞಾನಂ ವಿನಾ ಮೋಕ್ಷಃ ಇತಿ ವೇದಾನ್ತಡಿಣ್ಡಿಮಃ ॥ 12

ಅಸತ್ಯಸ್ಸರ್ವಸಂಸಾರೋ ರಸಾಮಾಸಾದಿದೂಷಿತಃ ।
ಉಪೇಕ್ಷ್ಯೋ ಬ್ರಹ್ಮ ವಿಜ್ಞೇಯ ಮಿತಿ ವೇದಾನ್ತಡಿಣ್ಡಿಮಃ ॥ 13

ವೃಥಾ ಕ್ರಿಯಾಂ ವೃಥಾಽಲಾಪಾನ್ ವೃಥಾವಾದಾನ್ ಮನೋರಥಾನ್ ।
ತ್ಯತ್ವೈಕಂ ಬ್ರಹ್ಮ ವಿಜ್ಞೇಯ ಮಿತಿ ವೇದಾನ್ತಡಿಣ್ಡಿಮಃ ॥ 14

ಸ್ಥಿತೋ ಬ್ರಹ್ಮಾತ್ಮನಾ ಜೀವೋ ಬ್ರಹ್ಮ ಜೀವಾತ್ಮನಾ ಸ್ಥಿತಮ್ ।
ಇತಿ ಸಮ್ಪಶ್ಯತಾಂ ಮುಕ್ತಿ ರಿತಿ ವೇದಾನ್ತಡಿಣ್ಡಿಮಃ॥ 15

ಜೀವೋ ಬ್ರಹ್ಮಾತ್ಮನಾ ಜ್ಞೇಯೋ ಜ್ಞೇಯಂ ಜೀವಾತ್ಮನಾ ಪರಮ್ ।
ಮುಕ್ತಿಸ್ತ ದೈಕ್ಯವಿಜ್ಞಾನ ಮಿತಿ ವೇದಾನ್ತಡಿಣ್ಡಿಮಃ ॥ 16

ಸರ್ವಾತ್ಮನಾ ಪರಂ ಬ್ರಹ್ಮ ಶ್ರೋತುರಾತ್ಮತಯಾ ಸ್ಥಿತಮ್ ।
ನಾಽಽಯಾಸ ಸ್ತವ ವಿಜ್ಞಪ್ತೌ ಇತಿ ವೇದಾನ್ತಡಿಣ್ಡಿಮಃ ॥ 17

ಐಹಿಕಂ ಚಾಽಽಮುಧ್ಮಿಕಂ ಚ ತಾಪಾನ್ತಂ ಕರ್ಮಸಞ್ಚಯಮ್ ।
ತ್ಯತ್ವಾ ಬ್ರಹ್ಮೈವ ವಿಜ್ಞೇಯ ಮಿತಿ ವೇದಾನ್ತಡಿಣ್ಡಿಮಃ ॥ 18

ಅದ್ವೈತದ್ವೈತವಾದೌ ದ್ವೌ ಸೂಕ್ಷ್ಮಸ್ಥೂಲದಶಾಂ ಗತೌ ।
ಅದ್ವೈತವಾದಾನ್ಮೋಕ್ಷಸ್ಸ್ಯಾ ದಿತಿ ವೇದಾನ್ತಡಿಣ್ಡಿಮಃ ॥19

ಕರ್ಮಿಣೋ ವಿನಿವರ್ತನ್ತೇ ನಿವರ್ತನ್ತ ಉಪಾಸಕಾಃ।
ಜ್ಞಾನಿನೋ ನ ನಿವರ್ತನ್ತೇ ಇತಿ ವೇದಾನ್ತಡಿಣ್ಡಿಮಃ ॥ 20

ಪರೋಕ್ಷಾಽಸತ್ಫಲಂ ಕರ್ಮಜ್ಞಾನಂ ಪ್ರತ್ಯಕ್ಷಸತ್ಫಲಮ್ ।
ಜ್ಞಾನಮೇವಾಽಭ್ಯಸೇತ್ತಸ್ಮಾತ್ ಇತಿ ವೇದಾನ್ತಡಿಣ್ಡಿಮಃ ॥21

ವೃಥಾ ಶ್ರಮೋಽಯಂ ವಿದುಷಾ ವೃಥಾಽಯಂ-ಕರ್ಮಿಣಾಂ ಶ್ರಮಃ ।
ಯದಿ ನ ಬ್ರಹ್ಮವಿಜ್ಞಾನಂ ಇತಿ ॥ ವೇದಾನ್ತಡಿಣ್ಡಿಮಃ ॥ 22

ಅಲಂ ಯಾಗೈರಲಂ ಯೋಗೈರಲಂ ಭೋಗೈ ರಲಂ ಧನೈಃ ।
ಪರಸ್ಮಿನ್ಬ್ರಹ್ಮಣಿ ಜ್ಞಾತ ಇತಿ ವೇದಾನ್ತಡಿಣ್ಡಿಮಃ ॥23

ಅಲಂ ವೇದೈರಲಂ ಶಾಸ್ತ್ರೈರಲಮಂ ಸ್ಮೃತಿಪುರಾಣಕೈಃ ।
ಪರಮಾತ್ಮನಿ ವಿಜ್ಞಾತೇ ಇತಿ ವೇದಾನ್ತಡಿಣ್ಡಿಮಃ ॥ 24

ನರ್ಚಾ ನ ಯಜುಷೋಽರ್ಥೋಽಸ್ತಿ ನ ಸಾನ್ನರ್ಥೋಽತಿ ಕಶ್ಚನ ।
ಜಾತೇ ಬ್ರಹ್ಮಾತ್ಮವಿಜ್ಞಾನೇ ಇತಿ ವೇದಾನ್ತಡಿಣ್ಡಿಮಃ ॥ 25

ಕರ್ಮಾಣಿ ಚಿತ್ತಶುದ್ಧ್ಯರ್ಥಂ ಮೈಕಾಗ್ರ್ಯಾರ್ಥ ಮುಪಾಸನಮ್ ।
ಮೋಕ್ಷಾರ್ಥಂ ಬ್ರಹ್ಮವಿಜ್ಞಾನ ಮಿತಿ ವೇದಾನ್ತಡಿಣ್ಡಿಮಃ ॥ 26

ಸಞ್ಚಿತಾಗಾಮಿಕರ್ಮಾಣಿ ದಹ್ಯನ್ತೇ ಜ್ಞಾನಕರ್ಮಣಾ ।
ಪ್ರಾರಬ್ಧಾನುಭವಾನ್ಮೋಕ್ಷ ಇತಿ ವೇದಾನ್ತಡಿಣ್ಡಿಮಃ॥ 27

ನ ಪುಣ್ಯಕರ್ಮಣಾ ವೃದ್ಧಿಃ ನ ಹಾನಿಃ ಪಾಪಕರ್ಮಣಾ ।
ನಿತ್ಯಾಸಙ್ಗಾತ್ಮನಿಷ್ಠಾನಾಮಿತಿ ವೇದಾನ್ತಡಿಣ್ಡಿಮಃ॥ 28

ದೃಗ್ದೃಶ್ಯೌ ದ್ವೌ ಪದಾರ್ಥೌ ತೌ ಪರಸ್ಪರವಿಲಕ್ಷಣೌ ।
ದೃಗ್ಬ್ರಹ್ಮ ದೃಶ್ಯಂ ಮಾಯಾ ಸ್ಯಾದಿತಿ ವೇದಾನ್ತಡಿಣ್ಡಿಮಃ ॥ 29

ಅವಿದ್ಯೋಪಾಧಿಕೋ ಜೀವೋ ಮಾಯೋಪಾಧಿಕ ಈಶ್ವರಃ ।
ಮಾಯಾಽವಿದ್ಯಾಗುಣಾತೀತಃ ಇತಿ ವೇದಾನ್ತಡಿಣ್ಡಿಮಃ ॥ 30

ಬುದ್ಧಿಪೂರ್ವಾಽಬುದ್ಧಿಪೂರ್ವಕೃತಾನಾಂ ಪಾಪಕರ್ಮಣಾಮ್ ।
ಪ್ರಾಯಶ್ಚಿತ್ತಮಹೋಜ್ಞಾನ ಮಿತಿ ವೇದಾನ್ತಡಿಣ್ಡಿಮಃ ॥ 31

ಸಾಕಾರಂ ಚ ನಿರಾಕಾರಂ ನಿರ್ಗುಣಂ ಚ ಗುಣಾತ್ಮಕಮ್ ।
ತತ್ತ್ವಂ ತತ್ಪರಮಂ ಬ್ರಹ್ಮ ಇತಿ ವೇದಾನ್ತಡಿಣ್ಡಿಮಃ ॥ 32

ದ್ವಿಜತ್ವಂ ವಿಧ್ಯನುಷ್ಠಾನಾತ್ ವಿಪ್ರತ್ವಂ ವೇದಪಾಠತಃ ।
ಬ್ರಾಹ್ಮಣ್ಯಂ ಬ್ರಹ್ಮವಿಜ್ಞಾನಾತ್ ಇತಿ ವೇದಾನ್ತಡಿಣ್ಡಿಮಃ ॥ 33

ಸರ್ವಾತ್ಮನಾ ಸ್ಥಿತಂ ಬ್ರಹ್ಮ ಸರ್ವಂ ಬ್ರಹ್ಮಾತ್ಮನಾ ಸ್ಥಿತಮ್ ।
ನ ಕಾರ್ಯಂ ಕಾರಣಾದ್ಭಿನ್ನ ಮಿತಿ ವೇದಾನ್ತಡಿಣ್ಡಿಮಃ ॥ 34

ಸತ್ತಾಸ್ಫುರಣಸೌಖ್ಯಾನಿ ಭಾಸನ್ತೇ ಸರ್ವವಸ್ತುಷು ।
ತಸ್ಮಾದ್ಬ್ರಹ್ಮಮಯಂ ಸರ್ವ ಮಿತಿ ವೇದಾನ್ತಡಿಣ್ಡಿಮಃ ॥ 35

ಅವಸ್ಥಾತ್ರಿತಯಂ ಯಸ್ಯ ಕ್ರೀಡಾಭೂಮಿತಯಾ ಸ್ಥಿತಮ್ ।
ತದೇವ ಬ್ರಹ್ಮ ಜಾನೀಯಾತ್ ಇತಿ ವೇದಾನ್ತಡಿಣ್ಡಿಮಃ॥ 36

ಯನ್ನಾಽಽದೌ ಯಶ್ಚ ನಾಽಸ್ತ್ಯನ್ತೇ ತನ್ಮಧ್ಯೇ ಭಾತಮಪ್ಯಸತ್ ।
ಅತೋ ಮಿಥ್ಯಾ ಜಗತ್ಸರ್ವಮಿತಿ ವೇದಾನ್ತಡಿಣ್ಡಿಮಃ ॥ 37

ಯದಸ್ತ್ಯಾದೌ ಯದಸ್ತ್ಯನ್ತೇ ಯನ್ಮಧ್ಯೇ ಭಾತಿ ತತ್ಸ್ವಯಮ್ ।
ಪ್ರೌಕಮಿದಂ ಸತ್ಯ ಮಿತಿ ವೇದಾನ್ತಡಿಣ್ಡಿಮಃ ॥ 38

ಪುರುಷಾರ್ಥತ್ರಯಾವಿಷ್ಟಾಃ ಪುರುಷಾಃ ಪಶವೋ ಧೃವಮ್ ।
ಮೋಕ್ಷಾರ್ಥೀ ಪುರುಷಃ ಶ್ರೇಷ್ಠಃ ಇತಿ ವೇದಾನ್ತಡಿಣ್ಡಿಮಃ ॥ 39

ಘಟಕುಡ್ಯಾದಿಕಂ ಸರ್ವಂ ಮೃತ್ತಿಕಾಮಾತ್ರಮೇವ ಚ ।
ತಥಾ ಬ್ರಹ್ಮ ಜಗತ್ಸರ್ವ ಮಿತಿ ವೇದಾನ್ತಡಿಣ್ಡಿಮಃ ॥ 40

ಷಣ್ಣಿಹತ್ಯ ತ್ರಯಂ ಹಿತ್ವಾ ದ್ವಯಂ ಭಿಸ್ವಾಽಖಿಲಾಗತಿಮ್ ।
ಏಕಂ ಬುದ್ಧಾಽಽಶ್ರುತೇ ಮೋಕ್ಷ ಮಿತಿ ವೇದಾನ್ತಡಿಣ್ಡಿಮಃ ॥ 41

ಭಿತ್ವಾ ಷಟ್ ಪಞ್ಚ ಭಿತ್ತ್ವಾಽಥ ಭಿಶ್ವಾಽಥ ಚತುರಖಿಕಮ್ ।
ದ್ವಯಂ ಹಿತ್ವಾ ಶ್ರಯೇದೇಕ ಮಿತಿ ವೇದಾನ್ತಡಿಣ್ಡಿಮಃ ॥ 42

ದೇಹೋ ನಾಹ ಮಹಂ ದೇಹೀ ದೇಹಸಾಕ್ಷೀತಿ ನಿಶ್ಚಯಾತ್ ।
ಜನ್ಮಮೃತ್ಯುಪಹೀಣೋಽಸೌ ಇತಿ ವೇದಾನ್ತಡಿಣ್ಡಿಮಃ ॥ 43

ಪ್ರಾಣೋನಾಹಮಹಂ ದೇವಃ ಪ್ರಾಣಸ್ಸಾಕ್ಷೀತಿ ನಿಶ್ಚಯಾತ್ ।
ಕ್ಷುತ್ಪಿಪಾಸೋಪಶಾನ್ತಿ ಸ್ಸ್ಯಾತ್ ಇತಿ ವೇದಾನ್ತಡಿಣ್ಡಿಮಃ ॥ 44

ಮನೋ ನಾಽಹ ಮಹಂ ದೇವೋ ಮನಸ್ಸಾಕ್ಷೀತಿ ನಿಶ್ಚಯಾತ್ ।
ಶೋಕಮೋಹಾಪಹಾನಿರಸ್ಯಾತ್ ವೇದಾನ್ತಡಿಣ್ಡಿಮಃ ॥ 45

ಬುದ್ಧಿರ್ನಾಽಹಮಹಂ ದೇವೋ ಬುದ್ಧಿಸಾಕ್ಷೀತಿ ನಿಶ್ಚಯಾತ್ ।
ಕರ್ತೃಭಾವನಿರ್ವೃತ್ತಿಸ್ಸ್ಯಾತ್ ಇತಿ ವೇದಾನ್ತಡಿಣ್ಡಿಮಃ ॥ 46

ನಾಜ್ಞಾನಂ ಸ್ಯಾಮಹಂ ದೇವೋಽಜ್ಞಾನಸಾಕ್ಷೀತಿ ನಿಶ್ಚಯಾತ್ ।
ಸರ್ವಾನರ್ಥನಿವೃತ್ತಿಸ್ಯಾತ್ ಇತಿ ವೇದಾನ್ತಡಿಣ್ಡಿಮಃ ॥ 47

ಅಹಂ ಸಾಕ್ಷೀತಿ ಯೋ ವಿದ್ಯಾತ್ ವಿವಿಚ್ಯೈವಂ ಪುನ: ಪುನಃ ।
ಸ ಏವ ಮುಕ್ತೋಽಸೌ ವಿದ್ವಾನ್ ಇತಿ ವೇದಾನ್ತಡಿಣ್ಡಿಮಃ ॥ 48

ನಾಹಂ ಮಾಯಾ ನ ತತ್ಕಾರ್ಯಂ ನ ಸಾಕ್ಷೀ ಪರಮೋಽಸ್ಮ್ಯಹಮ್ ।
ಇತಿ ನಿಸ್ಸಂಶಯಜ್ಞಾನಾತ್ ಮುಕ್ತಿರ್ವೇ ವೇದಾನ್ತಡಿಣ್ಡಿಮಃ ॥ 49

ನಾಽಹಂ ಸರ್ವ ಮಹಂ ಸರ್ವಂ ಮಯಿ ಸರ್ವಮಿತಿ ಸ್ಫುಟಮ್ ।
ಜ್ಞಾತೇ ತತ್ವೇ ಕುತೋ ದುಃಖ ಮಿತಿ ವೇದಾನ್ತಡಿಣ್ಡಿಮಃ ॥ 50

ದೇಹಾದಿಪಞ್ಚಕೋಶಸ್ಥಾ ಯಾ ಸತ್ತಾ ಪ್ರತಿಭಾಸತೇ ।
ಸಾ ಸತ್ತಾಸ್ಸ್ತ್ಮಾ ನ ಸನ್ದೇಹ ಇತಿ ವೇದಾನ್ತಡಿಣ್ಡಿಮಃ ॥ 51

ದೇಹಾದಿಪಞ್ಚಕೋಶಸ್ಥಾ ಯಾ ಸ್ಫೂರ್ತಿ ರನುಭೂಯತೇ ।
ಸಾ ಸ್ಫೂರ್ತಿರಾತ್ಮಾ ನೈವಾಽನ್ಯ ದಿತಿ ವೇದಾನ್ತಡಿಣ್ಡಿಮಃ ॥ 52

ದೇಹಾದಿಪಞ್ಚಕೋಶಸ್ಥಾ ಯಾ ಪ್ರೀತಿರನುಭೂಯತೇ ।
ಸಾ ಪ್ರೀತಿರಾತ್ಮಾ ಕೂಟಸ್ಥಃ ಇತಿ ವೇದಾನ್ತಡಿಣ್ಡಿಮಃ ॥ 53

ವ್ಯೋಮಾದಿಪಞ್ಚಭೂತಸ್ಥಾ ಯಾಸತ್ತಾ ಭಾಸತೇ ನೃಣಾಮ್ ।
ಸಾ ಸತ್ತಾ ಪರಮಂ ಬ್ರಹ್ಮ ಇತಿ ವೇದಾನ್ತಡಿಣ್ಡಿಮಃ ॥ 54

ವ್ಯೋಮಾದಿಪಞ್ಚಭೂತಸ್ಥಾ ಯಾ ಚಿದೇಕಾಽನುಭೂಯತೇ ।
ಸಾ ಚಿದೇವ ಪರಂ ಬ್ರಹ್ಮ ಇತಿ ವೇದಾನ್ತಡಿಣ್ಡಿಮಃ ॥ 55

ವ್ಯೋಮಾದಿಪಞ್ಚಭೂತಸ್ಥಾ ಯಾ ಪ್ರೀತಿರನುಭೂಯತೇ ।
ಸಾಪ್ರೀತಿರೇವ ಬ್ರಹ್ಮ ಸ್ಯಾತ್ ಇತಿ ವೇದಾನ್ತಡಿಣ್ಡಿಮಃ ॥ 56

ದೇಹಾದಿಕೋಶಗಾ ಸತ್ತಾ ಯಾ ಸಾ ವ್ಯೋಮಾದಿಭೂತಗಾ ।
ಮಾನೋಽಭಾವಾನ್ನ ತದ್ಭೇದಃ ಇತಿ ವೇದಾನ್ತಡಿಣ್ಡಿಮಃ ॥ 57

ದೇಹಾವಿಕೋಶಗಾ ಸ್ಫೂರ್ತಿರ್ಯಾ ಸಾ ವ್ಯೋಮಾದಿಭೂತಗಾ ।
ಮಾನೋಽಭಾವಾ ನ ತದ್ಭೇದ ಇತಿ ವೇದಾನ್ತಡಿಣ್ಡಿಮಃ ॥ 58

ದೇಹಾದಿಕೋಶಗಾ ಪ್ರೀತಿರ್ಯಾ ಸಾ ವ್ಯೋಮಾದಿಭೂತಗಾ ।
ಮಾನಾಽಭಾವಾ ನ್ನ ತದ್ಭೇದ ಇತಿ ವೇದಾನ್ತಡಿಣ್ಡಿಮಃ॥ 59

ಸಚ್ಚಿದಾನನ್ದರೂಪತ್ವಾತ್ ಬ್ರಹ್ಮೈವಾಽತ್ಮಾ ನ ಸಂಶಯಃ।
ಪ್ರಮಾಣಕೋಟಿಸಙ್ಘಾನಾತ್ ಇತಿ ವೇದಾನ್ತಡಿಣ್ಡಿಮಃ॥60

ನ ಜೀವಬ್ರಹ್ಮಣೋರ್ಭೇದಃ ಸತ್ತಾರೂಪೇಣ ವಿದ್ಯತೇ।
ಸತ್ತಾಭೇದೇ ನ ಮಾನಂ ಸ್ಯಾತ್ ಇತಿ ವೇದಾನ್ತಡಿಣ್ಡಿಮಃ॥61

ನ ಜೀವಬ್ರಹ್ಮಣೋರ್ಭೇದಃ ಸ್ಫೂರ್ತಿರೂಪೇಣ ವಿದ್ಯತೇ ।
ಸ್ಫೂರ್ತಿಭೇದೇ ನ ಮಾನಂ ಸ್ಯಾತ್ ಇತಿ ವೇದಾನ್ತಡಿಣ್ಡಿಮಃ ॥62

ನ ಜೀವಬ್ರಹ್ಮಣೋರ್ಭೇದಃ ಪ್ರಿಯರೂಪೇಣ ವಿದ್ಯತೇ ।
ಪ್ರಿಯಭೇದೇ ನ ಮಾನಂ ಸ್ಯಾತ್ ಇತಿ ವೇದಾನ್ತಡಿಣ್ಡಿಮಃ ॥ 63

ನ ಜೀವಬ್ರಹ್ಮಣೋರ್ಭೇದೋ ನಾನಾ ರೂಪೇಣ ವಿದ್ಯತೇ ।
ನಾಮ್ನೋ ರೂಪಸ್ಯ ಮಿಥ್ಯಾತ್ವಾತ್ ಇತಿ ವೇದಾನ್ತಡಿಣ್ಡಿಮಃ ॥ 64

ನ ಜೀವಬ್ರಹ್ಮಣೋರ್ಭೇದಃ ಪಿಣ್ಡಬ್ರಹ್ಮಾಣ್ಡಭೇದತಃ ।
ವ್ಯಷ್ಟೇಸ್ಸಮಷ್ಟೇರೇಕತ್ವಾತ್ ಇತಿ ವೇದಾನ್ತಡಿಣ್ಡಿಮಃ ॥ 65

ಬ್ರಹ್ಮ ಸತ್ಯಂ ಜಗನ್ಮಿಥ್ಯಾ ಜೀವೋ ಬ್ರಹ್ಮೈವ ನಾಽಪರಃ ।
ಜೀವನ್ಮುಕ್ತಸ್ತು ತದ್ವಿದ್ವಾನ್ ಇತಿ ವೇದಾನ್ತಡಿಣ್ಡಿಮಃ ॥ 66

ನ ನಾಮರೂಪೇ ನಿಯತೇ ಸರ್ವತ್ರ ವ್ಯಭಿಚಾರತಃ ।
ಅನಾಮರೂಪಂ ಸರ್ವಂ ಸ್ಯಾತ್ ಇತಿ ವೇದಾನ್ತಡಿಣ್ಡಿಮಃ ॥ 67

ಅನಾಮರೂಪಂ ಸಕಲಂ ಸನ್ಮಯಂ ಚಿನ್ಮಯಂ ಪರಮ್ ।
ಕುತೋ ಭೇದಃ ಕುತೋ ಬನ್ಧಃ ಇತಿ ವೇದಾನ್ತಡಿಣ್ಡಿಮಃ ॥ 68

ನ ತತ್ತ್ವಾತ್ಕಥ್ಯತೇ ಲೋಕೋ ನಾಮಾದ್ಯೈರ್ವ್ಯಭಿಚಾರತಃ।
ವಟುರ್ಜರಠ ಇತ್ಯಾದ್ಯೈ ರಿತಿ ವೇದಾನ್ತಡಿಣ್ಡಿಮಃ ॥ 69

ನಾಮರೂಪಾತ್ಮಕಂ ವಿಶ್ವಮಿನ್ದ್ರಜಾಲಂ ವಿದುರ್ಬುಧಾಃ ।
ಅನಾಮತ್ವಾದಯುಕ್ತತ್ವಾತ್ ಇತಿ ವೇದಾನ್ತಡಿಣ್ಡಿಮಃ ॥ 70

ಅಭೇದದರ್ಶನಂ ಮೋಕ್ಷಃ ಸಂಸಾಯೇ ಭೇದದರ್ಶನಮ್ ।
ಸರ್ವವೇದಾನ್ತಸಿದ್ಧಾನ್ತಃ ಇತಿ ವೇದಾನ್ತಡಿಣ್ಡಿಮಃ ॥ 71

ನ ಮತಾಭಿನಿವೇಶಿತ್ವಾತ್ ನ ಭಾಷಾವೇಶಮಾತ್ರತಃ ।
ಮುಕ್ತಿ ರ್ವಿನಾಽಽತ್ಮವಿಜ್ಞಾನಾತ್ ಇತಿ ವೇದಾನ್ತಡಿಣ್ಡಿಮಃ ॥ 72

ನ ಕಾಸ್ಯಪ್ರತಿಷಿದ್ಧಾಭಿಃ ಕ್ರಿಯಾಭಿ ಮೋಕ್ಷವಾಸನಾ ।
ಈಶ್ವರಾನುಗ್ರಹಾತ್ಸಾ ಸ್ಯಾತ್ ಇತಿ ವೇದಾನ್ತಡಿಣ್ಡಿಮಃ ॥ 73

ಅವಿಜ್ಞಾತೇ ಜನ್ಮ ನಷ್ಟಂ ವಿಜ್ಞಾತೇ ಜನ್ಮ ಸಾರ್ಥಕಮ್ ।
ಜ್ಞಾತುರಾತ್ಮಾ ನ ದೂರೇ ಸ್ಯಾತ್ ಇತಿ ವೇದಾನ್ತಡಿಣ್ಡಿಮಃ ॥ 74

ದಶಮಸ್ಯ ಪರಿಜ್ಞಾನೇನಾಽಽಯಾಸೋಽಸ್ತಿ ಯಥಾಃ ತಥಾ ।
ಸ್ವಸ್ಥ ಬ್ರಹ್ಮಾತ್ಮವಿಜ್ಞಾನೇ ಇತಿ ವೇದಾನ್ತಡಿಣ್ಡಿಮಃ ॥ 75

ಉಪೇಕ್ಷ್ಯೋಪಾಧಿಕಾನ್ ದೋಷಾನ್ ಗೃಹ್ಯನ್ತೇ ವಿಷಮಾ ಯಥಾ ।
ಉಪೇಕ್ಷ್ಯ ದೃಶ್ಯಂ ಯ ದ್ಬ್ರಹ್ಮ ಇತಿ ವೇದಾನ್ತಡಿಣ್ಡಿಮಃ ॥ 76

ಸುಖಮಲ್ಪಂ ಬಹುಃ ಕ್ಲೇಶೋವಿಷಯಮಾಹಿಣಾಂ ನೃಣಾಮ್ ।
ಅನನ್ತಂ ಬ್ರಹ್ಮನಿಷ್ಠಾನಾಂ ಇತಿ ವೇದಾನ್ತಡಿಣ್ಡಿಮಃ ॥ 77

ಧನೈರ್ವಾ ಧನದೈಃ ಪುತ್ರೈಃ ದಾರಾಗಾರಸಹೋದರೈಃ ।
ಧೃವಂ ಪ್ರಾಣಹರೈರ್ದುಃಖಂ ಇತಿ ವೇದಾನ್ತಡಿಣ್ಡಿಮಃ॥ 78

ಸುಪ್ತೇ ರುತ್ಥಾಯ ಸುಪ್ತ್ಯನ್ತ್ಯಂ ಬ್ರಹ್ಮೈಕಂ ಪ್ರವಿಚಿನ್ತ್ಯತಾಮ್ ।
ನಾತಿದೂರೇ ನೃಣಾಂ ಮೃತ್ಯುಃ ಇತಿ ವೇದಾನ್ತಡಿಣ್ಡಿಮಃ ॥ 79

ಪಞ್ಚಾನಾಮಪಿಕೋಶಾನಾಂ ಮಾಯಾಽನರ್ಥಾವ್ಯಯೋಚಿತಾ ।
ತತ್ಸಾಕ್ಷಿ ಬ್ರಹ್ಮ ವಿಜ್ಞಾನ ಮಿತಿ ವೇದಾನ್ತಡಿಣ್ಡಿಮಃ ॥ 80

ದಶಮತ್ವಪರಿಜ್ಞಾನೇ ನನಜ್ಞಸ್ಯ ಯಥಾ ಸುಖಮ್ ।
ತಥಾ ಜೀವಸ್ಯ ಸತ್ಪ್ರಾಪ್ತೌ ಇತಿ ವೇದಾನ್ತಡಿಣ್ಡಿಮಃ॥ 81

ನವಭ್ಯೋಽಸ್ತಿ ಪರಂ ಪ್ರತ್ಯಕ್ನಸ ವೇದ ಪರಂ ಪರಮ್ ।
ತದ್ವಿಜ್ಞಾನಾದ್ಭವೇತ್ತುರ್ಯಾ ಮುಕ್ತಿ ರ್ವೇದಾನ್ತಡಿಣ್ಡಿಮಃ ॥ 82

ನವಾಽಽಭಾಸಾನವಜ್ಞತ್ವಾತ್ ನವೋಪಾಧೀನ್ನವಾತ್ಮನಾ ।
ಮಿಥ್ಯಾ ಜ್ಞಾತ್ವಾಽವಶಿಷ್ಟೇ ತು ಮೌನಂ ವೇದಾನ್ತಡಿಣ್ಡಿಮಃ॥ 83

ಪರಮೇ ಬ್ರಹ್ಮಣಿ ಸ್ವಸ್ಮಿನ್ ಪ್ರವಿಲಾಪ್ಯಾಽಖಿಲಂ ಜಗತ್ ।
ಗಾಯನದ್ವತಮಾನನ್ದಂ ಆಸ್ತೇ ವೇದಾನ್ತಡಿಣ್ಡಿಮಃ ॥ 84

ಪ್ರತಿಲೋಮಾನುಲೋಮಾಭ್ಯಾಂ ವಿಶ್ವಾರೋಪಾಪವಾದಯೋಃ ।
ಚಿನ್ತನೇ ಶಿಷ್ಯತೇ ತತ್ವಂ ಇತಿ ವೇದಾನ್ತಡಿಣ್ಡಿಮಃ ॥ 85

ನಾಮರೂಪಾಭಿಮಾನಸ್ಥಾತ್ ಸಂಸಾರಸರ್ವದೇಹಿನಾಮ್ ।
ಸಚ್ಚಿದಾನನ್ದದೃಷ್ಟಿಸ್ತ್ಯಾತ್ ಮುಕ್ತಿರ್ವೇದಾನ್ತಡಿಣ್ಡಿಮಃ ॥ 86

ಸಚಿದಾನನ್ದಸತ್ಯತ್ವೇ ಮಿಥ್ಯಾತ್ವೇ ನಾಮರೂಪಯೋಃ।
ವಿಜ್ಞಾತೇ ಕಿಮಿದಂ ಜ್ಞೇಯಂ ಇತಿ ವೇದಾನ್ತಡಿಣ್ಡಿಮಃ ॥ 86

ಸಾಲಮ್ಬನಂ ನಿರಾಲಮ್ಬಂ ಸರ್ವಾಲಮ್ಬಾವಲಮ್ಬಿತಮ್ ।
ಆಲಮ್ಬೇನಾಽಖಿಲಾಲಮ್ಬ ಮಿತಿ ವೇದಾನ್ತಡಿಣ್ಡಿಮಃ॥ 88

ನ ಕುರ್ಯಾ ನ್ನ ವಿಜಾನೀಯಾತ್ ಸರ್ವಂ ಬ್ರಹ್ಮೇತ್ಯನುಸ್ಮರನ್ ।
ಯಥಾ ಸುಖಂ ತಥಾ ತಿಷ್ಠೇತ್ ಇತಿ ವೇದಾನ್ತಡಿಣ್ಡಿಮಃ॥ 89

ಸ್ವಕರ್ಮಪಾಶವಶಗಃ ಪ್ರಾಜ್ಞೋಽನ್ಯೋ ವಾ ಜನೋ ಧ್ರುವಮ್ ।
ಪ್ರಾಜ್ಞಸ್ಸುಖಂ ನಯೇತ್ಕಾಲ ಮಿತಿ ವೇದಾನ್ತಡಿಣ್ಡಿಮಃ॥ 90

ನ ವಿದ್ವಾನ್ ಸನ್ತಪೇ ಚಿತ್ತಂ ಕರಣಾಕರಣೇ ಧ್ರುವಮ್ ।
ಸರ್ವಮಾತ್ಮೇತಿ ವಿಜ್ಞಾನಾತ್ ಇತಿ ವೇದಾನ್ತಡಿಣ್ಡಿಮಃ. ॥ 91

ನೈವಾಸ್ಸ್ಭಾಸಂ ಸ್ಪೃಶೇತ್ಕರ್ಮಮಿಥ್ಯೋಪಾಧಿಮಪಿ ಸ್ವಯಮ್ ।
ಕುತೋಽಧಿಷ್ಠಾನಮತ್ಯಚ್ಛಮಿತಿ ವೇದಾನ್ತಡಿಣ್ಡಿಮಃ॥ 92

ಅಹೋಽಸ್ಮಾಕ ಮಲಂ ಮೋಹೈರಾತ್ಮಾ ಬ್ರಹ್ಮೇತಿ ನಿರ್ಭಯಮ್ ।
ಶ್ರುತಿಭೇರೀರವೋಽದ್ಯಾಽಪಿ ಶ್ರೂಯತೇ ಶ್ರುತಿರಞ್ಜನಃ ॥ 93

ವೇದಾನ್ತಭೇರೀಝವಾರಃ ಪ್ರತಿವಾದಿಭಯಙ್ಕರಃ ।
ಶ್ರೂಯತಾಂ ಬ್ರಾಹ್ಮಣೈಃ ಶ್ರೀಮದ್ದಕ್ಷಿಣಾಮೂರ್ತ್ಯನುಗ್ರಹಾತ್ ॥ 94

ಇತಿ ಶ್ರೀಮತ್ಪರಮಹಂಸ ಪರಿವ್ರಾಜಕಾಚಾರ್ಯ ಶ್ರೀಮಚ್ಛಙ್ಕರ-
ಭಗವತ್ಪೂಜ್ಯಪಾದಕೃತಿಷು ವೇದಾನ್ತಡಿಣ್ಡಿಮಃ॥