Vishnu Shatpadi - Sinhala | Vaidika Vignanam

Collection of Spiritual and Devotional Literature in Various Indian Languages

View this in:

විෂ්ණු ෂට්පදි

අවිනයමපනය විෂ්ණෝ දමය මනඃ ශමය විෂයමෘගතෘෂ්ණාම් ।
භූතදයාං විස්තාරය තාරය සංසාරසාගරතඃ ॥ 1 ॥

දිව්යධුනීමකරංදේ පරිමළපරිභෝගසච්චිදානංදේ ।
ශ්රීපතිපදාරවිංදේ භවභයඛේදච්ඡිදේ වංදේ ॥ 2 ॥

සත්යපි භේදාපගමේ නාථ තවාऽහං න මාමකීනස්ත්වම් ।
සාමුද්රෝ හි තරංගඃ ක්වචන සමුද්රෝ න තාරංගඃ ॥ 3 ॥

උද්ධෘතනග නගභිදනුජ දනුජකුලාමිත්ර මිත්රශශිදෘෂ්ටේ ।
දෘෂ්ටේ භවති ප්රභවති න භවති කිං භවතිරස්කාරඃ ॥ 4 ॥

මත්ස්යාදිභිරවතාරෛරවතාරවතාऽවතා සදා වසුධාම් ।
පරමේශ්වර පරිපාල්යෝ භවතා භවතාපභීතෝऽහම් ॥ 5 ॥

දාමෝදර ගුණමංදිර සුංදරවදනාරවිංද ගෝවිංද ।
භවජලධිමථනමංදර පරමං දරමපනය ත්වං මේ ॥ 6 ॥

නාරායණ කරුණාමය ශරණං කරවාණි තාවකෞ චරණෞ ।
ඉති ෂට්පදී මදීයේ වදනසරෝජේ සදා වසතු ॥

ඉති ශ්රීමච්චංකරාචාර්ය විරචිතං ශ්රී විෂ්ණු ෂට්පදී ස්තෝත්රං සංපූර්ණම්

Browse Related Categories: