කල්යාණවෘෂ්ටිභිරිවාමෘතපූරිතාභි-
-ර්ලක්ෂ්මීස්වයංවරණමංගලදීපිකාභිඃ ।
සේවාභිරංබ තව පාදසරෝජමූලේ
නාකාරි කිං මනසි භාග්යවතාං ජනානාම් ॥ 1 ॥
ඒතාවදේව ජනනි ස්පෘහණීයමාස්තේ
ත්වද්වංදනේෂු සලිලස්ථගිතේ ච නේත්රේ ।
සාංනිධ්යමුද්යදරුණායුතසෝදරස්ය
ත්වද්විග්රහස්ය පරයා සුධයාප්ලුතස්ය ॥ 2 ॥
ඊශත්වනාමකලුෂාඃ කති වා න සංති
බ්රහ්මාදයඃ ප්රතිභවං ප්රලයාභිභූතාඃ ।
ඒකඃ ස ඒව ජනනි ස්ථිරසිද්ධිරාස්තේ
යඃ පාදයෝස්තව සකෘත්ප්රණතිං කරෝති ॥ 3 ॥
ලබ්ධ්වා සකෘත්ත්රිපුරසුංදරි තාවකීනං
කාරුණ්යකංදලිතකාංතිභරං කටාක්ෂම් ।
කංදර්පකෝටිසුභගාස්ත්වයි භක්තිභාජඃ
සංමෝහයංති තරුණීර්භුවනත්රයේऽපි ॥ 4 ॥
හ්රීං‍කාරමේව තව නාම ගෘණංති වේදා
මාතස්ත්රිකෝණනිලයේ ත්රිපුරේ ත්රිනේත්රේ ।
ත්වත්සංස්මෘතෞ යමභටාභිභවං විහාය
දීව්යංති නංදනවනේ සහ ලෝකපාලෛඃ ॥ 5 ॥
හංතුඃ පුරාමධිගලං පරිපීයමානඃ
ක්රූරඃ කථං න භවිතා ගරලස්ය වේගඃ ।
නාශ්වාසනාය යදි මාතරිදං තවාර්ථං
දේහස්ය ශශ්වදමෘතාප්ලුතශීතලස්ය ॥ 6 ॥
සර්වජ්ඤතාං සදසි වාක්පටුතාං ප්රසූතේ
දේවි ත්වදංඝ්රිසරසීරුහයෝඃ ප්රණාමඃ ।
කිං ච ස්ඵුරන්මකුටමුජ්ජ්වලමාතපත්රං
ද්වේ චාමරේ ච මහතීං වසුධාං දදාති ॥ 7 ॥
කල්පද්රුමෛරභිමතප්රතිපාදනේෂු
කාරුණ්යවාරිධිභිරංබ භවාත්කටාක්ෂෛඃ ।
ආලෝකය ත්රිපුරසුංදරි මාමනාථං
ත්වය්යේව භක්තිභරිතං ත්වයි බද්ධතෘෂ්ණම් ॥ 8 ॥
හංතේතරේෂ්වපි මනාංසි නිධාය චාන්යේ
භක්තිං වහංති කිල පාමරදෛවතේෂු ।
ත්වාමේව දේවි මනසා සමනුස්මරාමි
ත්වාමේව නෞමි ශරණං ජනනි ත්වමේව ॥ 9 ॥
ලක්ෂ්යේෂු සත්ස්වපි කටාක්ෂනිරීක්ෂණානා-
-මාලෝකය ත්රිපුරසුංදරි මාං කදාචිත් ।
නූනං මයා තු සදෘශඃ කරුණෛකපාත්රං
ජාතෝ ජනිෂ්යති ජනෝ න ච ජායතේ වා ॥ 10 ॥
හ්රීං හ්රීමිති ප්රතිදිනං ජපතාං තවාඛ්යාං
කිං නාම දුර්ලභමිහ ත්රිපුරාධිවාසේ ।
මාලාකිරීටමදවාරණමානනීයා
තාන්සේවතේ වසුමතී ස්වයමේව ලක්ෂ්මීඃ ॥ 11 ॥
සංපත්කරාණි සකලේංද්රියනංදනානි
සාම්රාජ්යදානනිරතානි සරෝරුහාක්ෂි ।
ත්වද්වංදනානි දුරිතාහරණෝද්යතානි
මාමේව මාතරනිශං කලයංතු නාන්යම් ॥ 12 ॥
කල්පෝපසංහෘතිෂු කල්පිතතාංඩවස්ය
දේවස්ය ඛංඩපරශෝඃ පරභෛරවස්ය ।
පාශාංකුශෛක්ෂවශරාසනපුෂ්පබාණා
සා සාක්ෂිණී විජයතේ තව මූර්තිරේකා ॥ 13 ॥
ලග්නං සදා භවතු මාතරිදං තවාර්ධං
තේජඃ පරං බහුලකුංකුමපංකශෝණම් ।
භාස්වත්කිරීටමමෘතාංශුකලාවතංසං
මධ්යේ ත්රිකෝණනිලයං පරමාමෘතාර්ද්රම් ॥ 14 ॥
හ්රීං‍කාරමේව තව නාම තදේව රූපං
ත්වන්නාම දුර්ලභමිහ ත්රිපුරේ ගෘණංති ।
ත්වත්තේජසා පරිණතං වියදාදිභූතං
සෞඛ්යං තනෝති සරසීරුහසංභවාදේඃ ॥ 15 ॥
හ්රීං‍කාරත්රයසංපුටේන මහතා මංත්රේණ සංදීපිතං
ස්තෝත්රං යඃ ප්රතිවාසරං තව පුරෝ මාතර්ජපේන්මංත්රවිත් ।
තස්ය ක්ෂෝණිභුජෝ භවංති වශගා ලක්ෂ්මීශ්චිරස්ථායිනී
වාණී නිර්මලසූක්තිභාරභාරිතා ජාගර්ති දීර්ඝං වයඃ ॥ 16 ॥
ඉති ශ්රීමත්පරමහංසපරිව්රාජකාචාර්යස්ය ශ්රීගෝවිංදභගවත්පූජ්යපාදශිෂ්යස්ය ශ්රීමච්ඡංකරභගවතඃ කෘතෞ කල්යාණවෘෂ්ටි ස්තවඃ ।
