දාතෘත්වං ප්රියවක්තෘත්වං ධීරත්වමුචිතජ්ඤතා ।
අභ්යාසේන න ලභ්යංතේ චත්වාරඃ සහජා ගුණාඃ ॥ 01 ॥

ආත්මවර්ගං පරිත්යජ්ය පරවර්ගං සමාශ්රයේත් ।
ස්වයමේව ලයං යාති යථා රාජාන්යධර්මතඃ ॥ 02 ॥

හස්තී ස්ථූලතනුඃ ස චාංකුශවශඃ කිං හස්තිමාත්රෝऽංකුශෝ
දීපේ ප්රජ්වලිතේ ප්රණශ්යති තමඃ කිං දීපමාත්රං තමඃ ।
වජ්රේණාපි හතාඃ පතංති ගිරයඃ කිං වජ්රමාත්රං නගා-
ස්තේජෝ යස්ය විරාජතේ ස බලවාන්ස්ථූලේෂු කඃ ප්රත්යයඃ ॥ 03 ॥

කලෞ දශසහස්රාණි හරිස්ත්යජති මේදිනීම් ।
තදර්ධං ජාහ්නවීතෝයං තදර්ධං ග්රාමදේවතාඃ ॥ 04 ॥

ගෘහාසක්තස්ය නෝ විද්යා නෝ දයා මාංසභෝජිනඃ ।
ද්රව්යලුබ්ධස්ය නෝ සත්යං ස්ත්රෛණස්ය න පවිත්රතා ॥ 05 ॥

න දුර්ජනඃ සාධුදශාමුපෛති
බහුප්රකාරෛරපි ශික්ෂ්යමාණඃ ।
ආමූලසික්තඃ පයසා ඝෘතේන
න නිංබවෘක්ෂෝ මධුරත්වමේති ॥ 06 ॥

අංතර්ගතමලෝ දුෂ්ටස්තීර්ථස්නානශතෛරපි ।
න ශුධ්යති යථා භාංඩං සුරායා දාහිතං ච සත් ॥ 07 ॥

න වේත්ති යෝ යස්ය ගුණප්රකර්ෂං
ස තං සදා නිංදති නාත්ර චිත්රම් ।
යථා කිරාතී කරිකුංභලබ්ධාං
මුක්තාං පරිත්යජ්ය බිභර්ති ගුංජාම් ॥ 08 ॥

යේ තු සංවත්සරං පූර්ණං නිත්යං මෞනේන භුංජතේ ।
යුගකෝටිසහස්රං තෛඃ ස්වර්ගලෝකේ මහීයතේ ॥ 09 ॥

කාමක්රෝධෞ තථා ලෝභං ස්වාදුශ‍ඍංගාරකෞතුකේ ।
අතිනිද්රාතිසේවේ ච විද්යාර්ථී හ්යෂ්ට වර්ජයේත් ॥ 10 ॥

අකෘෂ්ටඵලමූලේන වනවාසරතඃ සදා ।
කුරුතේऽහරහඃ ශ්රාද්ධමෘෂිර්විප්රඃ ස උච්යතේ ॥ 11 ॥

ඒකාහාරේණ සංතුෂ්ටඃ ෂට්කර්මනිරතඃ සදා ।
ඍතුකාලාභිගාමී ච ස විප්රෝ ද්විජ උච්යතේ ॥ 12 ॥

ලෞකිකේ කර්මණි රතඃ පශූනාං පරිපාලකඃ ।
වාණිජ්යකෘෂිකර්මා යඃ ස විප්රෝ වෛශ්ය උච්යතේ ॥ 13 ॥

ලාක්ෂාදිතෛලනීලීනාං කෞසුංභමධුසර්පිෂාම් ।
වික්රේතා මද්යමාංසානාං ස විප්රඃ ශූද්ර උච්යතේ ॥ 14 ॥

පරකාර්යවිහංතා ච දාංභිකඃ ස්වාර්ථසාධකඃ ।
ඡලී ද්වේෂී මෘදුඃ ක්රූරෝ විප්රෝ මාර්ජාර උච්යතේ ॥ 15 ॥

වාපීකූපතඩාගානාමාරාමසුරවේශ්මනාම් ।
උච්ඡේදනේ නිරාශංකඃ ස විප්රෝ ම්ලේච්ඡ උච්යතේ ॥ 16 ॥

දේවද්රව්යං ගුරුද්රව්යං පරදාරාභිමර්ශනම් ।
නිර්වාහඃ සර්වභූතේෂු විප්රශ්චාංඩාල උච්යතේ ॥ 17 ॥

දේයං භෝජ්යධනං ධනං සුකෘතිභිර්නෝ සංචයස්තස්ය වෛ
ශ්රීකර්ණස්ය බලේශ්ච වික්රමපතේරද්යාපි කීර්තිඃ ස්ථිතා ।
අස්මාකං මධුදානභෝගරහිතං නාථං චිරාත්සංචිතං
නිර්වාණාදිති නෛජපාදයුගලං ධර්ෂංත්යහෝ මක්ෂිකාඃ ॥ 18 ॥