න ධ්යාතං පදමීශ්වරස්ය විධිවත්සංසාරවිච්ඡිත්තයේ
ස්වර්ගද්වාරකපාටපාටනපටුර්ධර්මෝऽපි නෝපාර්ජිතඃ ।
නාරීපීනපයෝධරෝරුයුගලා ස්වප්නේऽපි නාලිංගිතං
මාතුඃ කේවලමේව යෞවනවනච්ඡේදේ කුඨාරා වයම් ॥ 01 ॥

ජල්පංති සාර්ධමන්යේන පශ්යංත්යන්යං සවිභ්රමාඃ ।
හෘදයේ චිංතයංත්යන්යං න ස්ත්රීණාමේකතෝ රතිඃ ॥ 02 ॥

යෝ මෝහාන්මන්යතේ මූඪෝ රක්තේයං මයි කාමිනී ।
ස තස්යා වශගෝ භූත්වා නෘත්යේත් ක්රීඩාශකුංතවත් ॥ 03 ॥

කෝऽර්ථාන්ප්රාප්ය න ගර්විතෝ විෂයිණඃ කස්යාපදෝऽස්තං ගතාඃ
ස්ත්රීභිඃ කස්ය න ඛංඩිතං භුවි මනඃ කෝ නාම රාජප්රියඃ ।
කඃ කාලස්ය න ගෝචරත්වමගමත් කෝऽර්ථී ගතෝ ගෞරවං
කෝ වා දුර්ජනදුර්ගමේෂු පතිතඃ ක්ෂේමේණ යාතඃ පථි ॥ 04 ॥

න නිර්මිතෝ න චෛව න දෘෂ්ටපූර්වෝ
න ශ්රූයතේ හේමමයඃ කුරංගඃ ।
තථාऽපි තෘෂ්ණා රඝුනංදනස්ය
විනාශකාලේ විපරීතබුද්ධිඃ ॥ 05 ॥

ගුණෛරුත්තමතාං යාති නෝච්චෛරාසනසංස්ථිතාඃ ।
ප්රාසාදශිඛරස්ථෝऽපි කාකඃ කිං ගරුඩායතේ ॥ 06 ॥

ගුණාඃ සර්වත්ර පූජ්යංතේ න මහත්යෝऽපි සංපදඃ ।
පූර්ණේංදුඃ කිං තථා වංද්යෝ නිෂ්කලංකෝ යථා කෘශඃ ॥ 07 ॥

පරෛරුක්තගුණෝ යස්තු නිර්ගුණෝऽපි ගුණී භවේත් ।
ඉංද්රෝऽපි ලඝුතාං යාති ස්වයං ප්රඛ්යාපිතෛර්ගුණෛඃ ॥ 08 ॥

විවේකිනමනුප්රාප්තා ගුණා යාංති මනෝජ්ඤතාම් ।
සුතරාං රත්නමාභාති චාමීකරනියෝජිතම් ॥ 09 ॥

ගුණෛඃ සර්වජ්ඤතුල්යෝऽපි සීදත්යේකෝ නිරාශ්රයඃ ।
අනර්ඝ්යමපි මාණික්යං හේමාශ්රයමපේක්ෂතේ ॥ 10 ॥

අතික්ලේශේන යද්ද්රව්යමතිලෝභේන යත්සුඛම් ।
ශත්රූණාං ප්රණිපාතේන තේ හ්යර්ථා මා භවංතු මේ ॥ 11 ॥

කිං තයා ක්රියතේ ලක්ෂ්ම්යා යා වධූරිව කේවලා ।
යා තු වේශ්යේව සාමාන්යා පථිකෛරපි භුජ්යතේ ॥ 12 ॥

ධනේෂු ජීවිතව්යේෂු ස්ත්රීෂු චාහාරකර්මසු ।
අතෘප්තාඃ ප්රාණිනඃ සර්වේ යාතා යාස්යංති යාංති ච ॥ 13 ॥

ක්ෂීයංතේ සර්වදානානි යජ්ඤහෝමබලික්රියාඃ ।
න ක්ෂීයතේ පාත්රදානමභයං සර්වදේහිනාම් ॥ 14 ॥

තෘණං ලඝු තෘණාත්තූලං තූලාදපි ච යාචකඃ ।
වායුනා කිං න නීතෝऽසෞ මාමයං යාචයිෂ්යති ॥ 15 ॥

වරං ප්රාණපරිත්යාගෝ මානභංගේන ජීවනාත් ।
ප්රාණත්යාගේ ක්ෂණං දුඃඛං මානභංගේ දිනේ දිනේ ॥ 16 ॥

ප්රියවාක්යප්රදානේන සර්වේ තුෂ්යංති ජංතවඃ ।
තස්මාත්තදේව වක්තව්යං වචනේ කා දරිද්රතා ॥ 17 ॥

සංසාරකටුවෘක්ෂස්ය ද්වේ ඵලේऽමෘතෝපමේ ।
සුභාෂිතං ච සුස්වාදු සංගතිඃ සජ්ජනේ ජනේ ॥ 18 ॥

ජන්ම ජන්ම යදභ්යස්තං දානමධ්යයනං තපඃ ।
තේනෛවාऽභ්යාසයෝගේන දේහී චාභ්යස්යතේ පුනඃ ॥ 19 ॥

පුස්තකස්ථා තු යා විද්යා පරහස්තගතං ධනම් ।
කාර්යකාලේ සමුත්පන්නේ න සා විද්යා න තද්ධනම් ॥ 20 ॥