𑌧𑍍𑌯𑌾𑌨𑌮𑍍
𑌶𑍍𑌰𑍀𑌮𑌨𑍍𑌮𑌾𑌤𑌰𑌮𑌂𑌬𑌿𑌕𑌾𑌂 𑌵𑌿𑌧𑌿𑌮𑌨𑍋𑌜𑌾𑌤𑌾𑌂 𑌸𑌦𑌾𑌭𑍀𑌷𑍍𑌟𑌦𑌾𑌂
𑌸𑍍𑌕𑌂𑌦𑍇𑌷𑍍𑌟𑌾𑌂 𑌚 𑌜𑌗𑌤𑍍𑌪𑍍𑌰𑌸𑍂𑌂 𑌵𑌿𑌜𑌯𑌦𑌾𑌂 𑌸𑌤𑍍𑌪𑍁𑌤𑍍𑌰 𑌸𑍌𑌭𑌾𑌗𑍍𑌯𑌦𑌾𑌮𑍍 ।
𑌸𑌦𑍍𑌰𑌤𑍍𑌨𑌾𑌭𑌰𑌣𑌾𑌨𑍍𑌵𑌿𑌤𑌾𑌂 𑌸𑌕𑌰𑍁𑌣𑌾𑌂 𑌶𑍁𑌭𑍍𑌰𑌾𑌂 𑌶𑍁𑌭𑌾𑌂 𑌸𑍁𑌪𑍍𑌰𑌭𑌾𑌂
𑌷𑌷𑍍𑌠𑌾𑌂𑌶𑌾𑌂 𑌪𑍍𑌰𑌕𑍃𑌤𑍇𑌃 𑌪𑌰𑌂 𑌭𑌗𑌵𑌤𑍀𑌂 𑌶𑍍𑌰𑍀𑌦𑍇𑌵𑌸𑍇𑌨𑌾𑌂 𑌭𑌜𑍇 ॥ 1 ॥
𑌷𑌷𑍍𑌠𑌾𑌂𑌶𑌾𑌂 𑌪𑍍𑌰𑌕𑍃𑌤𑍇𑌃 𑌶𑍁𑌦𑍍𑌧𑌾𑌂 𑌸𑍁𑌪𑍍𑌰𑌤𑌿𑌷𑍍𑌠𑌾𑌂 𑌚 𑌸𑍁𑌵𑍍𑌰𑌤𑌾𑌂
𑌸𑍁𑌪𑍁𑌤𑍍𑌰𑌦𑌾𑌂 𑌚 𑌶𑍁𑌭𑌦𑌾𑌂 𑌦𑌯𑌾𑌰𑍂𑌪𑌾𑌂 𑌜𑌗𑌤𑍍𑌪𑍍𑌰𑌸𑍂𑌮𑍍 ।
𑌶𑍍𑌵𑍇𑌤𑌚𑌂𑌪𑌕𑌵𑌰𑍍𑌣𑌾𑌭𑌾𑌂 𑌰𑌕𑍍𑌤𑌭𑍂𑌷𑌣𑌭𑍂𑌷𑌿𑌤𑌾𑌂
𑌪𑌵𑌿𑌤𑍍𑌰𑌰𑍂𑌪𑌾𑌂 𑌪𑌰𑌮𑌂 𑌦𑍇𑌵𑌸𑍇𑌨𑌾 𑌪𑌰𑌾𑌂 𑌭𑌜𑍇 ॥ 2 ॥
𑌸𑍍𑌤𑍋𑌤𑍍𑌰𑌮𑍍
𑌨𑌮𑍋 𑌦𑍇𑌵𑍍𑌯𑍈 𑌮𑌹𑌾𑌦𑍇𑌵𑍍𑌯𑍈 𑌸𑌿𑌦𑍍𑌧𑍍𑌯𑍈 𑌶𑌾𑌂𑌤𑍍𑌯𑍈 𑌨𑌮𑍋 𑌨𑌮𑌃 ।
𑌶𑍁𑌭𑌾𑌯𑍈 𑌦𑍇𑌵𑌸𑍇𑌨𑌾𑌯𑍈 𑌷𑌷𑍍𑌠𑍀𑌦𑍇𑌵𑍍𑌯𑍈 𑌨𑌮𑍋 𑌨𑌮𑌃 ॥ 1 ॥
𑌵𑌰𑌦𑌾𑌯𑍈 𑌪𑍁𑌤𑍍𑌰𑌦𑌾𑌯𑍈 𑌧𑌨𑌦𑌾𑌯𑍈 𑌨𑌮𑍋 𑌨𑌮𑌃 ।
𑌸𑍁𑌖𑌦𑌾𑌯𑍈 𑌮𑍋𑌕𑍍𑌷𑌦𑌾𑌯𑍈 𑌷𑌷𑍍𑌠𑍀𑌦𑍇𑌵𑍍𑌯𑍈 𑌨𑌮𑍋 𑌨𑌮𑌃 ॥ 2 ॥
𑌸𑍃𑌷𑍍𑌟𑍍𑌯𑍈 𑌷𑌷𑍍𑌠𑌾𑌂𑌶𑌰𑍂𑌪𑌾𑌯𑍈 𑌸𑌿𑌦𑍍𑌧𑌾𑌯𑍈 𑌚 𑌨𑌮𑍋 𑌨𑌮𑌃 ।
𑌮𑌾𑌯𑌾𑌯𑍈 𑌸𑌿𑌦𑍍𑌧𑌯𑍋𑌗𑌿𑌨𑍍𑌯𑍈 𑌷𑌷𑍍𑌠𑍀𑌦𑍇𑌵𑍍𑌯𑍈 𑌨𑌮𑍋 𑌨𑌮𑌃 ॥ 3 ॥
𑌸𑌾𑌰𑌾𑌯𑍈 𑌶𑌾𑌰𑌦𑌾𑌯𑍈 𑌚 𑌪𑌰𑌾𑌦𑍇𑌵𑍍𑌯𑍈 𑌨𑌮𑍋 𑌨𑌮𑌃 ।
𑌬𑌾𑌲𑌾𑌧𑌿𑌷𑍍𑌟𑌾𑌤𑍃𑌦𑍇𑌵𑍍𑌯𑍈 𑌚 𑌷𑌷𑍍𑌠𑍀𑌦𑍇𑌵𑍍𑌯𑍈 𑌨𑌮𑍋 𑌨𑌮𑌃 ॥ 4 ॥
𑌕𑌳𑍍𑌯𑌾𑌣𑌦𑌾𑌯𑍈 𑌕𑌳𑍍𑌯𑌾𑌣𑍍𑌯𑍈 𑌫𑌲𑌦𑌾𑌯𑍈 𑌚 𑌕𑌰𑍍𑌮𑌣𑌾𑌮𑍍 ।
𑌪𑍍𑌰𑌤𑍍𑌯𑌕𑍍𑌷𑌾𑌯𑍈 𑌸𑌰𑍍𑌵𑌭𑌕𑍍𑌤𑌾𑌨𑌾𑌂 𑌷𑌷𑍍𑌠𑍀𑌦𑍇𑌵𑍍𑌯𑍈 𑌨𑌮𑍋 𑌨𑌮𑌃 ॥ 5 ॥
𑌪𑍂𑌜𑍍𑌯𑌾𑌯𑍈 𑌸𑍍𑌕𑌂𑌦𑌕𑌾𑌂𑌤𑌾𑌯𑍈 𑌸𑌰𑍍𑌵𑍇𑌷𑌾𑌂 𑌸𑌰𑍍𑌵𑌕𑌰𑍍𑌮𑌸𑍁 ।
𑌦𑍇𑌵𑌰𑌕𑍍𑌷𑌣𑌕𑌾𑌰𑌿𑌣𑍍𑌯𑍈 𑌷𑌷𑍍𑌠𑍀𑌦𑍇𑌵𑍍𑌯𑍈 𑌨𑌮𑍋 𑌨𑌮𑌃 ॥ 6 ॥
𑌶𑍁𑌦𑍍𑌧𑌸𑌤𑍍𑌤𑍍𑌵𑌸𑍍𑌵𑌰𑍂𑌪𑌾𑌯𑍈 𑌵𑌂𑌦𑌿𑌤𑌾𑌯𑍈 𑌨𑍃𑌣𑌾𑌂 𑌸𑌦𑌾 ।
𑌹𑌿𑌂𑌸𑌾𑌕𑍍𑌰𑍋𑌧𑌵𑌰𑍍𑌜𑌿𑌤𑌾𑌯𑍈 𑌷𑌷𑍍𑌠𑍀𑌦𑍇𑌵𑍍𑌯𑍈 𑌨𑌮𑍋 𑌨𑌮𑌃 ॥ ॥
𑌧𑌨𑌂 𑌦𑍇𑌹𑌿 𑌪𑍍𑌰𑌿𑌯𑌾𑌂 𑌦𑍇𑌹𑌿 𑌪𑍁𑌤𑍍𑌰𑌂 𑌦𑍇𑌹𑌿 𑌸𑍁𑌰𑍇𑌶𑍍𑌵𑌰𑌿 ।
𑌮𑌾𑌨𑌂 𑌦𑍇𑌹𑌿 𑌜𑌯𑌂 𑌦𑍇𑌹𑌿 𑌦𑍍𑌵𑌿𑌷𑍋 𑌜𑌹𑌿 𑌮𑌹𑍇𑌶𑍍𑌵𑌰𑌿 ॥ ॥
𑌧𑌰𑍍𑌮𑌂 𑌦𑍇𑌹𑌿 𑌯𑌶𑍋 𑌦𑍇𑌹𑌿 𑌷𑌷𑍍𑌠𑍀𑌦𑍇𑌵𑍀 𑌨𑌮𑍋 𑌨𑌮𑌃 ।
𑌦𑍇𑌹𑌿 𑌭𑍂𑌮𑌿𑌂 𑌪𑍍𑌰𑌜𑌾𑌂 𑌦𑍇𑌹𑌿 𑌵𑌿𑌦𑍍𑌯𑌾𑌂 𑌦𑍇𑌹𑌿 𑌸𑍁𑌪𑍂𑌜𑌿𑌤𑍇 ।
𑌕𑌳𑍍𑌯𑌾𑌣𑌂 𑌚 𑌜𑌯𑌂 𑌦𑍇𑌹𑌿 𑌷𑌷𑍍𑌠𑍀𑌦𑍇𑌵𑍍𑌯𑍈 𑌨𑌮𑍋 𑌨𑌮𑌃 ॥ ॥
𑌫𑌲𑌶𑍃𑌤𑌿
𑌇𑌤𑌿 𑌦𑍇𑌵𑍀𑌂 𑌚 𑌸𑌂𑌸𑍍𑌤𑍁𑌤𑍍𑌯 𑌲𑌭𑍇𑌤𑍍𑌪𑍁𑌤𑍍𑌰𑌂 𑌪𑍍𑌰𑌿𑌯𑌵𑍍𑌰𑌤𑌮𑍍 ।
𑌯𑌶𑌶𑍍𑌵𑌿𑌨𑌂 𑌚 𑌰𑌾𑌜𑍇𑌂𑌦𑍍𑌰𑌂 𑌷𑌷𑍍𑌠𑍀𑌦𑍇𑌵𑌿 𑌪𑍍𑌰𑌸𑌾𑌦𑌤𑌃 ॥ 10 ॥
𑌷𑌷𑍍𑌠𑍀𑌸𑍍𑌤𑍋𑌤𑍍𑌰𑌮𑌿𑌦𑌂 𑌬𑍍𑌰𑌹𑍍𑌮𑌾𑌨𑍍 𑌯𑌃 𑌶𑍃𑌣𑍋𑌤𑌿 𑌤𑍁 𑌵𑌤𑍍𑌸𑌰𑌮𑍍 ।
𑌅𑌪𑍁𑌤𑍍𑌰𑍋 𑌲𑌭𑌤𑍇 𑌪𑍁𑌤𑍍𑌰𑌂 𑌵𑌰𑌂 𑌸𑍁𑌚𑌿𑌰 𑌜𑍀𑌵𑌨𑌮𑍍 ॥ 11 ॥
𑌵𑌰𑍍𑌷𑌮𑍇𑌕𑌂 𑌚 𑌯𑌾 𑌭𑌕𑍍𑌤𑍍𑌯𑌾 𑌸𑌂𑌸𑍍𑌤𑍁𑌤𑍍𑌯𑍇𑌦𑌂 𑌶𑍃𑌣𑍋𑌤𑌿 𑌚 ।
𑌸𑌰𑍍𑌵𑌪𑌾𑌪𑌾𑌦𑍍𑌵𑌿𑌨𑌿𑌰𑍍𑌮𑍁𑌕𑍍𑌤𑌾 𑌮𑌹𑌾𑌵𑌂𑌧𑍍𑌯𑌾 𑌪𑍍𑌰𑌸𑍂𑌯𑌤𑍇 ॥ 12 ॥
𑌵𑍀𑌰𑌂 𑌪𑍁𑌤𑍍𑌰𑌂 𑌚 𑌗𑍁𑌣𑌿𑌨𑌂 𑌵𑌿𑌦𑍍𑌯𑌾𑌵𑌂𑌤𑌂 𑌯𑌶𑌸𑍍𑌵𑌿𑌨𑌮𑍍 ।
𑌸𑍁𑌚𑌿𑌰𑌾𑌯𑍁𑌷𑍍𑌯𑌵𑌂𑌤𑌂 𑌚 𑌸𑍂𑌤𑍇 𑌦𑍇𑌵𑌿 𑌪𑍍𑌰𑌸𑌾𑌦𑌤𑌃 ॥ 13 ॥
𑌕𑌾𑌕𑌵𑌂𑌧𑍍𑌯𑌾 𑌚 𑌯𑌾 𑌨𑌾𑌰𑍀 𑌮𑍃𑌤𑌵𑌤𑍍𑌸𑌾 𑌚 𑌯𑌾 𑌭𑌵𑍇𑌤𑍍 ।
𑌵𑌰𑍍𑌷𑌂 𑌶𑍃𑌤𑍍𑌵𑌾 𑌲𑌭𑍇𑌤𑍍𑌪𑍁𑌤𑍍𑌰𑌂 𑌷𑌷𑍍𑌠𑍀𑌦𑍇𑌵𑌿 𑌪𑍍𑌰𑌸𑌾𑌦𑌤𑌃 ॥ 14 ॥
𑌰𑍋𑌗𑌯𑍁𑌕𑍍𑌤𑍇 𑌚 𑌬𑌾𑌲𑍇 𑌚 𑌪𑌿𑌤𑌾𑌮𑌾𑌤𑌾 𑌶𑍃𑌣𑍋𑌤𑌿 𑌚𑍇𑌤𑍍 ।
𑌮𑌾𑌸𑍇𑌨 𑌮𑍁𑌚𑍍𑌯𑌤𑍇 𑌰𑍋𑌗𑌾𑌨𑍍 𑌷𑌷𑍍𑌠𑍀𑌦𑍇𑌵𑌿 𑌪𑍍𑌰𑌸𑌾𑌦𑌤𑌃 ॥ 15 ॥
𑌜𑌯 𑌦𑍇𑌵𑌿 𑌜𑌗𑌨𑍍𑌮𑌾𑌤𑌃 𑌜𑌗𑌦𑌾𑌨𑌂𑌦𑌕𑌾𑌰𑌿𑌣𑌿 ।
𑌪𑍍𑌰𑌸𑍀𑌦 𑌮𑌮 𑌕𑌳𑍍𑌯𑌾𑌣𑌿 𑌨𑌮𑌸𑍍𑌤𑍇 𑌷𑌷𑍍𑌠𑍀𑌦𑍇𑌵𑌤𑍇 ॥ 16 ॥
𑌇𑌤𑌿 𑌶𑍍𑌰𑍀 𑌷𑌷𑍍𑌠𑍀𑌦𑍇𑌵𑌿 𑌸𑍍𑌤𑍋𑌤𑍍𑌰𑌮𑍍 ।
