𑌸𑍁𑌵𑌰𑍍𑌣 𑌵𑌰𑍍𑌣 𑌸𑍁𑌂𑌦𑌰𑌂 𑌸𑌿𑌤𑍈𑌕 𑌦𑌂𑌤-𑌬𑌂𑌧𑍁𑌰𑌂
𑌗𑍃𑌹𑍀𑌤 𑌪𑌾𑌶-𑌮𑌂𑌕𑍁𑌶𑌂 𑌵𑌰𑌪𑍍𑌰𑌦𑌾-𑌽𑌭𑌯𑌪𑍍𑌰𑌧𑌮𑍍 ।
𑌚𑌤𑍁𑌰𑍍𑌭𑍁𑌜𑌂 𑌤𑍍𑌰𑌿𑌲𑍋𑌚𑌨𑌂 𑌭𑍁𑌜𑌂𑌗-𑌮𑍋𑌪𑌵𑍀𑌤𑌿𑌨𑌂
𑌪𑍍𑌰𑌫𑍁𑌲𑍍𑌲 𑌵𑌾𑌰𑌿𑌜𑌾𑌸𑌨𑌂 𑌭𑌜𑌾𑌮𑌿 𑌸𑌿𑌂𑌧𑍁𑌰𑌾𑌨𑌨𑌮𑍍 ॥
𑌕𑌿𑌰𑍀𑌟 𑌹𑌾𑌰 𑌕𑍁𑌂𑌡𑌲𑌂 𑌪𑍍𑌰𑌦𑍀𑌪𑍍𑌤 𑌬𑌾𑌹𑍁 𑌭𑍂𑌷𑌣𑌂
𑌪𑍍𑌰𑌚𑌂𑌡 𑌰𑌤𑍍𑌨 𑌕𑌂𑌕𑌣𑌂 𑌪𑍍𑌰𑌶𑍋𑌭𑌿𑌤𑌾𑌂𑌘𑍍𑌰𑌿-𑌯𑌷𑍍𑌟𑌿𑌕𑌮𑍍 ।
𑌪𑍍𑌰𑌭𑌾𑌤 𑌸𑍂𑌰𑍍𑌯 𑌸𑍁𑌂𑌦𑌰𑌾𑌂𑌬𑌰-𑌦𑍍𑌵𑌯 𑌪𑍍𑌰𑌧𑌾𑌰𑌿𑌣𑌂
𑌸𑌰𑌤𑍍𑌨 𑌹𑍇𑌮𑌨𑍂𑌪𑍁𑌰 𑌪𑍍𑌰𑌶𑍋𑌭𑌿𑌤𑌾𑌂𑌘𑍍𑌰𑌿-𑌪𑌂𑌕𑌜𑌮𑍍 ॥
𑌸𑍁𑌵𑌰𑍍𑌣 𑌦𑌂𑌡 𑌮𑌂𑌡𑌿𑌤 𑌪𑍍𑌰𑌚𑌂𑌡 𑌚𑌾𑌰𑍁 𑌚𑌾𑌮𑌰𑌂
𑌗𑍃𑌹 𑌪𑍍𑌰𑌤𑍀𑌰𑍍𑌣 𑌸𑍁𑌂𑌦𑌰𑌂 𑌯𑍁𑌗𑌕𑍍𑌷𑌣 𑌪𑍍𑌰𑌮𑍋𑌦𑌿𑌤𑌮𑍍 ।
𑌕𑌵𑍀𑌂𑌦𑍍𑌰 𑌚𑌿𑌤𑍍𑌤𑌰𑌂𑌜𑌕𑌂 𑌮𑌹𑌾 𑌵𑌿𑌪𑌤𑍍𑌤𑌿 𑌭𑌂𑌜𑌕𑌂
𑌷𑌡𑌕𑍍𑌷𑌰 𑌸𑍍𑌵𑌰𑍂𑌪𑌿𑌣𑌂 𑌭𑌜𑍇𑌦𑍍𑌗𑌜𑍇𑌂𑌦𑍍𑌰 𑌰𑍂𑌪𑌿𑌣𑌮𑍍 ॥
𑌵𑌿𑌰𑌿𑌂𑌚𑌿 𑌵𑌿𑌷𑍍𑌣𑍁 𑌵𑌂𑌦𑌿𑌤𑌂 𑌵𑌿𑌰𑍁𑌪𑌲𑍋𑌚𑌨 𑌸𑍍𑌤𑍁𑌤𑌿𑌂
𑌗𑌿𑌰𑍀𑌶 𑌦𑌰𑍍𑌶𑌨𑍇𑌚𑍍𑌛𑌯𑌾 𑌸𑌮𑌾𑌰𑍍𑌪𑌿𑌤𑌂 𑌪𑌰𑌾𑌶𑌾𑌯𑌾 ।
𑌨𑌿𑌰𑌂𑌤𑌰𑌂 𑌸𑍁𑌰𑌾𑌸𑍁𑌰𑍈𑌃 𑌸𑍁𑌪𑍁𑌤𑍍𑌰 𑌵𑌾𑌮𑌲𑍋𑌚𑌨𑍈𑌃
𑌮𑌹𑌾𑌮𑌖𑍇𑌷𑍍𑌟-𑌮𑌿𑌷𑍍𑌟-𑌕𑌰𑍍𑌮𑌨𑍁 𑌭𑌜𑌾𑌮𑌿 𑌤𑍁𑌂𑌦𑌿𑌲𑌮𑍍 ॥
𑌮𑌦𑍌𑌘 𑌲𑍁𑌬𑍍𑌧 𑌚𑌂𑌚𑌲𑌾𑌰𑍍𑌕 𑌮𑌂𑌜𑍁 𑌗𑍁𑌂𑌜𑌿𑌤𑌾 𑌰𑌵𑌂
𑌪𑍍𑌰𑌬𑍁𑌦𑍍𑌧 𑌚𑌿𑌤𑍍𑌤𑌰𑌂𑌜𑌕𑌂 𑌪𑍍𑌰𑌮𑍋𑌦 𑌕𑌰𑍍𑌣𑌚𑌾𑌲𑌕𑌮𑍍 ।
𑌅𑌨𑌨𑍍𑌯 𑌭𑌕𑍍𑌤𑌿 𑌮𑌾𑌨𑌨𑌂 𑌪𑍍𑌰𑌚𑌂𑌡 𑌮𑍁𑌕𑍍𑌤𑌿 𑌦𑌾𑌯𑌕𑌂
𑌨𑌮𑌾𑌮𑌿 𑌨𑌿𑌤𑍍𑌯-𑌮𑌾𑌦𑌰𑍇𑌣 𑌵𑌕𑍍𑌰𑌤𑍁𑌂𑌡 𑌨𑌾𑌯𑌕𑌮𑍍 ॥
𑌦𑌾𑌰𑌿𑌦𑍍𑌰𑍍𑌯 𑌵𑌿𑌦𑍍𑌰𑌾𑌵𑌣 𑌮𑌾𑌶𑍁 𑌕𑌾𑌮𑌦𑌂
𑌸𑍍𑌤𑍋𑌤𑍍𑌰𑌂 𑌪𑌠𑍇𑌦𑍇𑌤-𑌦𑌜𑌸𑍍𑌰-𑌮𑌾𑌦𑌰𑌾𑌤𑍍 ।
𑌪𑍁𑌤𑍍𑌰𑍀 𑌕𑌳𑌤𑍍𑌰 𑌸𑍍𑌵𑌜𑌨𑍇𑌷𑍁 𑌮𑍈𑌤𑍍𑌰𑍀
𑌪𑍁𑌮𑌾𑌨𑍍-𑌭𑌵𑍇-𑌦𑍇𑌕𑌦𑌂𑌤 𑌵𑌰𑌪𑍍𑌰𑌾𑌸𑌾𑌦𑌾𑌤𑍍 ॥
𑌇𑌤𑌿 𑌶𑍍𑌰𑍀𑌮𑌚𑍍𑌛𑌂𑌕𑌰𑌾𑌚𑌾𑌰𑍍𑌯 𑌵𑌿𑌰𑌚𑌿𑌤𑌂 𑌦𑌾𑌰𑌿𑌦𑍍𑌰𑍍𑌯 𑌦𑌹𑌨 𑌗𑌣𑌪𑌤𑌿 𑌸𑍍𑌤𑍋𑌤𑍍𑌰𑌂 𑌸𑌂𑌪𑍂𑌰𑍍𑌣𑌮𑍍 ॥
