ತೈತ್ತಿರೀಯ ಸಂಹಿತಾ - 1.5.3
ತೈತ್ತಿರೀಯ ಬ್ರಾಹ್ಮಣಮ್ - 3.1.2

ಓಮ್ ॥ ಓ-ಮ್ಭೂಮಿ॑ರ್ಭೂ॒ಮ್ನಾ ದ್ಯೌರ್ವ॑ರಿ॒ಣಾ-ಽನ್ತರಿ॑ಖ್ಷ-ಮ್ಮಹಿ॒ತ್ವಾ ।
ಉ॒ಪಸ್ಥೇ॑ ತೇ ದೇವ್ಯದಿತೇ॒-ಽಗ್ನಿಮ॑ನ್ನಾ॒ದ-ಮ॒ನ್ನಾದ್ಯಾ॒ಯಾದ॑ಧೇ ॥

ಆ-ಽಯಙ್ಗೌಃ ಪೃಶ್ಞಿ॑ರಕ್ರಮೀ॒-ದಸ॑ನನ್ಮಾ॒ತರ॒-ಮ್ಪುನಃ॑ ।
ಪಿ॒ತರ॑-ಞ್ಚ ಪ್ರ॒ಯನ್-ಥ್ಸುವಃ॑ ॥

ತ್ರಿ॒ಗ್ಂ॒ಶದ್ಧಾಮ॒ ವಿರಾ॑ಜತಿ॒ ವಾಕ್ಪ॑ತ॒ಙ್ಗಾಯ॑ ಶಿಶ್ರಿಯೇ ।
ಪ್ರತ್ಯ॑ಸ್ಯ ವಹ॒ದ್ಯುಭಿಃ॑ ॥

ಅ॒ಸ್ಯ ಪ್ರಾ॒ಣಾದ॑ಪಾನ॒ತ್ಯ॑ನ್ತಶ್ಚ॑ರತಿ ರೋಚ॒ನಾ ।
ವ್ಯ॑ಖ್ಯ-ನ್ಮಹಿ॒ಷ-ಸ್ಸುವಃ॑ ॥

ಯತ್ತ್ವಾ᳚ ಕ್ರು॒ದ್ಧಃ ಪ॑ರೋ॒ವಪ॑ಮ॒ನ್ಯುನಾ॒ ಯದವ॑ರ್ತ್ಯಾ ।
ಸು॒ಕಲ್ಪ॑ಮಗ್ನೇ॒ ತತ್ತವ॒ ಪುನ॒ಸ್ತ್ವೋದ್ದೀ॑ಪಯಾಮಸಿ ॥

ಯತ್ತೇ॑ ಮ॒ನ್ಯುಪ॑ರೋಪ್ತಸ್ಯ ಪೃಥಿ॒ವೀ-ಮನು॑ದಧ್ವ॒ಸೇ ।
ಆ॒ದಿ॒ತ್ಯಾ ವಿಶ್ವೇ॒ ತದ್ದೇ॒ವಾ ವಸ॑ವಶ್ಚ ಸ॒ಮಾಭ॑ರನ್ನ್ ॥

ಮೇ॒ದಿನೀ॑ ದೇ॒ವೀ ವ॒ಸುನ್ಧ॑ರಾ ಸ್ಯಾ॒ದ್ವಸು॑ಧಾ ದೇ॒ವೀ ವಾ॒ಸವೀ᳚ ।
ಬ್ರ॒ಹ್ಮ॒ವ॒ರ್ಚ॒ಸಃ ಪಿ॑ತೃ॒ಣಾಂ ಶ್ರೋತ್ರ॒-ಞ್ಚಖ್ಷು॒ರ್ಮನಃ॑ ॥

ದೇ॒ವೀ ಹಿ॑ರಣ್ಯಗ॒ರ್ಭಿಣೀ॑ ದೇ॒ವೀ ಪ್ರ॑ಸೋ॒ದರೀ᳚ ।
ಸದ॑ನೇ ಸ॒ತ್ಯಾಯ॑ನೇ ಸೀದ ।

ಸ॒ಮು॒ದ್ರವ॑ತೀ ಸಾವಿ॒ತ್ರೀ ಆಹ॒ನೋ ದೇ॒ವೀ ಮ॒ಹ್ಯ॑ಙ್ಗೀ᳚ ।
ಮ॒ಹೋ ಧರ॑ಣೀ ಮ॒ಹೋ-ಽತ್ಯ॑ತಿಷ್ಠತ್ ॥

ಶೃ॒ಙ್ಗೇ ಶೃ॑ಙ್ಗೇ ಯ॒ಜ್ಞೇ ಯ॑ಜ್ಞೇ ವಿಭೀ॒ಷಣೀ᳚ ಇನ್ದ್ರ॑ಪತ್ನೀ ವ್ಯಾ॒ಪಿನೀ॒ ಸರ॑ಸಿಜ ಇ॒ಹ ।
ವಾ॒ಯು॒ಮತೀ॑ ಜ॒ಲಶಯ॑ನೀ ಸ್ವ॒ಯ-ನ್ಧಾ॒ರಾಜಾ॑ ಸ॒ತ್ಯನ್ತೋ॒ ಪರಿ॑ಮೇದಿನೀ
ಸೋ॒ಪರಿ॑ಧತ್ತಙ್ಗಾಯ ॥

ವಿ॒ಷ್ಣು॒ಪ॒ತ್ನೀ-ಮ್ಮ॑ಹೀ-ನ್ದೇ॒ವೀ᳚-ಮ್ಮಾ॒ಧ॒ವೀ-ಮ್ಮಾ॑ಧವ॒ಪ್ರಿಯಾಮ್ ।
ಲಖ್ಷ್ಮೀ᳚-ಮ್ಪ್ರಿಯಸ॑ಖೀ-ನ್ದೇ॒ವೀ॒-ನ್ನ॒ಮಾ॒ಮ್ಯಚ್ಯು॑ತವ॒ಲ್ಲಭಾಮ್ ॥

ಓ-ನ್ಧ॒ನು॒ರ್ಧ॒ರಾಯೈ॑ ವಿ॒ದ್ಮಹೇ॑ ಸರ್ವಸಿ॒ದ್ಧ್ಯೈ ಚ॑ ಧೀಮಹಿ ।
ತನ್ನೋ॑ ಧರಾ ಪ್ರಚೋ॒ದಯಾ᳚ತ್ ।

ಶೃ॒ಣ್ವನ್ತಿ॑ ಶ್ರೋ॒ಣಾಮಮೃತ॑ಸ್ಯ ಗೋ॒ಪಾ-ಮ್ಪುಣ್ಯಾ॑ಮಸ್ಯಾ॒ ಉಪ॑ಶೃಣೋಮಿ॒ ವಾಚ᳚ಮ್ ।
ಮ॒ಹೀನ್ದೇ॒ವೀಂ-ವಿಁಷ್ಣು॑ಪತ್ನೀ ಮಜೂ॒ರ್ಯಾ-ಮ್ಪ್ರತೀ॒ಚೀ॑ಮೇನಾಗ್ಂ ಹ॒ವಿಷಾ॑ ಯಜಾಮಃ ॥

ತ್ರೇ॒ಧಾ ವಿಷ್ಣು॑-ರುರುಗಾ॒ಯೋ ವಿಚ॑ಕ್ರಮೇ ಮ॒ಹೀ-ನ್ದಿವ॑-ಮ್ಪೃಥಿ॒ವೀ-ಮ॒ನ್ತರಿ॑ಖ್ಷಮ್ ।
ತಚ್ಛ್ರೋ॒ಣೈತ್ರಿಶವ॑ ಇ॒ಚ್ಛಮಾ॑ನಾ ಪುಣ್ಯ॒ಗ್ಗ್॒ ಶ್ಲೋಕಂ॒-ಯಁಜ॑ಮಾನಾಯ ಕೃಣ್ವ॒ತೀ ॥

ಸ್ಯೋ॒ನಾಪೃ॑ಥಿವಿ॒ಭವಾ॑ನೃಖ್ಷ॒ರಾನಿ॒ವೇಶ॑ನೀ ಯಚ್ಛಾ॑ನ॒ಶ್ಶರ್ಮ॑ ಸ॒ಪ್ರಥಾಃ᳚ ॥

ಅದಿ॑ತಿರ್ದೇ॒ವಾ ಗ॑ನ್ಧ॒ರ್ವಾ ಮ॑ನು॒ಷ್ಯಾಃ᳚ ಪಿ॒ತರೋ ಸು॑ರಾಸ್ತೇಷಾಗ್ಂ ಸ॒ರ್ವ ಭೂ॒ತಾ॒ನಾ᳚-ಮ್ಮಾ॒ತಾ ಮೇ॒ದಿನೀ॑ ಮಹತಾ ಮ॒ಹೀ ।
ಸಾವಿ॒ತ್ರೀ ಗಾ॑ಯ॒ತ್ರೀ ಜಗ॑ತ್ಯು॒ರ್ವೀ ಪೃ॒ಥ್ವೀ ಬ॑ಹುಲಾ॒ ವಿಶ್ವಾ॑ ಭೂ॒ತಾಕ॒ತಮಾಕಾಯಾಸಾ ಸ॒ತ್ಯೇತ್ಯ॒ಮೃತೇ॑ತಿ ವಸಿ॒ಷ್ಠಃ ॥

ಇಖ್ಷುಶಾಲಿಯವಸಸ್ಯಫಲಾಢ್ಯೇ ಪಾರಿಜಾತ ತರುಶೋಭಿತಮೂಲೇ ।
ಸ್ವರ್ಣ ರತ್ನ ಮಣಿ ಮಣ್ಟಪ ಮಧ್ಯೇ ಚಿನ್ತಯೇ-ಥ್ಸಕಲ ಲೋಕಧರಿತ್ರೀಮ್ ॥

ಶ್ಯಾಮಾಂ-ವಿಁಚಿತ್ರಾ-ನ್ನವರತ್ನ ಭೂಷಿತಾ-ಞ್ಚತುರ್ಭುಜಾ-ನ್ತುಙ್ಗಪಯೋಧರಾನ್ವಿತಾಮ್ ।
ಇನ್ದೀವರಾಖ್ಷೀ-ನ್ನವಶಾಲಿ ಮಞ್ಜರೀಂ ಶುಕ-ನ್ದಧಾನಾಂ ಶರಣ-ಮ್ಭಜಾಮಹೇ ॥

ಸಕ್ತು॑ಮಿವ॒ ತಿತ॑ಉನಾ ಪುನನ್ತೋ॒ ಯತ್ರ॒ ಧೀರಾ॒ ಮನ॑ಸಾ॒ ವಾಚ॒ ಮಕ್ರ॑ತ ।
ಅತ್ರಾ॒ ಸಖಾ᳚ಸ್ಸ॒ಖ್ಯಾನಿ॑ ಜಾನತೇ ಭ॒ದ್ರೈಷಾಂ᳚-ಲಁ॒ಖ್ಷ್ಮೀರ್ನಿ॑ಹಿ॒ತಾಧಿ॑ವಾ॒ಚಿ ॥

ಓಂ ಶಾನ್ತಿ॒-ಶ್ಶಾನ್ತಿ॒-ಶ್ಶಾನ್ತಿಃ॑ ॥