ಯೋ ಬ್ರಹ್ಮಾ ಬ್ರಹ್ಮಣ ಉ॑ಜ್ಜಹಾ॒ರ ಪ್ರಾ॒ಣೈ-ಶ್ಶಿ॒ರಃ ಕೃತ್ತಿವಾಸಾಃ᳚ ಪಿನಾ॒ಕೀ ।
ಈಶಾನೋ ದೇವ-ಸ್ಸ ನ ಆಯು॑ರ್ದಧಾ॒ತು॒ ತಸ್ಮೈ ಜುಹೋಮಿ ಹವಿಷಾ॑ ಘೃತೇ॒ನ ॥ 1 ॥
ವಿಭ್ರಾಜಮಾನ-ಸ್ಸರಿರ॑ಸ್ಯ ಮ॒ಧ್ಯಾ॒-ದ್ರೋ॒ಚ॒ಮಾ॒ನೋ ಘರ್ಮರುಚಿ॑ರ್ಯ ಆ॒ಗಾತ್ ।
ಸ ಮೃತ್ಯುಪಾಶಾನಪನು॑ದ್ಯ ಘೋ॒ರಾ॒ನಿ॒ಹಾ॒ಯು॒ಷೇ॒ಣೋ ಘೃತಮ॑ತ್ತು ದೇ॒ವಃ ॥ 2 ॥
ಬ್ರಹ್ಮಜ್ಯೋತಿ-ರ್ಬ್ರಹ್ಮ-ಪತ್ನೀ॑ಷು ಗ॒ರ್ಭಂ॒-ಯಁ॒ಮಾ॒ದ॒ಧಾ-ತ್ಪುರುರೂಪ॑-ಞ್ಜಯ॒ನ್ತಮ್ ।
ಸುವರ್ಣರಮ್ಭಗ್ರಹ-ಮ॑ರ್ಕಮ॒ರ್ಚ್ಯ॒-ನ್ತ॒ಮಾ॒ಯು॒ಷೇ ವರ್ಧಯಾಮೋ॑ ಘೃತೇ॒ನ ॥ 3 ॥
ಶ್ರಿಯಂ-ಲಁಖ್ಷ್ಮೀ-ಮೌಬಲಾ-ಮಮ್ಬಿಕಾ॒-ಙ್ಗಾಂ॒ ಷ॒ಷ್ಠೀ-ಞ್ಚ ಯಾ॒ಮಿನ್ದ್ರಸೇನೇ᳚ತ್ಯುದಾ॒ಹುಃ ।
ತಾಂ-ವಿಁದ್ಯಾ-ಮ್ಬ್ರಹ್ಮಯೋನಿಗ್ಂ॑ ಸರೂ॒ಪಾ॒ಮಿ॒ಹಾ॒ಯು॒ಷೇ ತರ್ಪಯಾಮೋ॑ ಘೃತೇ॒ನ ॥ 4 ॥
ದಾಖ್ಷಾಯಣ್ಯ-ಸ್ಸರ್ವಯೋನ್ಯ॑-ಸ್ಸ ಯೋ॒ನ್ಯ॒-ಸ್ಸ॒ಹ॒ಸ್ರ॒ಶೋ ವಿಶ್ವರೂಪಾ॑ ವಿರೂ॒ಪಾಃ ।
ಸಸೂನವ-ಸ್ಸಪತಯ॑-ಸ್ಸಯೂ॒ಥ್ಯಾ॒ ಆ॒ಯು॒ಷೇ॒ಣೋ ಘೃತಮಿದ॑-ಞ್ಜುಷ॒ನ್ತಾಮ್ ॥ 5 ॥
ದಿವ್ಯಾ ಗಣಾ ಬಹುರೂಪಾಃ᳚ ಪುರಾ॒ಣಾ॒ ಆಯುಶ್ಛಿದೋ ನಃ ಪ್ರಮಥ್ನ॑ನ್ತು ವೀ॒ರಾನ್ ।
ತೇಭ್ಯೋ ಜುಹೋಮಿ ಬಹುಧಾ॑ ಘೃತೇ॒ನ॒ ಮಾ॒ ನಃ॒ ಪ್ರ॒ಜಾಗ್ಂ ರೀರಿಷೋ ಮೋ॑ತ ವೀ॒ರಾನ್ ॥ 6 ॥
ಏ॒ಕಃ॒ ಪು॒ರ॒ಸ್ತಾತ್ ಯ ಇದ॑-ಮ್ಬಭೂ॒ವ॒ ಯತೋ ಬಭೂವ ಭುವನ॑ಸ್ಯ ಗೋ॒ಪಾಃ ।
ಯಮಪ್ಯೇತಿ ಭುವನಗ್ಂ ಸಾ᳚ಮ್ಪರಾ॒ಯೇ॒ ಸ ನೋ ಹವಿರ್ಘೃತ-ಮಿಹಾಯುಷೇ᳚ತ್ತು ದೇ॒ವಃ ॥ 7 ॥
ವ॒ಸೂ॒-ನ್ರುದ್ರಾ॑-ನಾದಿ॒ತ್ಯಾ-ನ್ಮರುತೋ॑-ಽಥ ಸಾ॒ಧ್ಯಾ॒ನ್ ಋ॑ಭೂನ್ ಯ॒ಖ್ಷಾ॒-ನ್ಗನ್ಧರ್ವಾಗ್‍ಶ್ಚ ಪಿತೄಗ್‍ಶ್ಚ ವಿ॒ಶ್ವಾನ್ ।
ಭೃಗೂನ್ ಸರ್ಪಾಗ್‍ಶ್ಚಾಙ್ಗಿರಸೋ॑-ಽಥ ಸ॒ರ್ವಾ॒-ನ್ಘೃ॒ತ॒ಗ್ಂ ಹು॒ತ್ವಾ ಸ್ವಾಯುಷ್ಯಾ ಮಹಯಾ॑ಮ ಶ॒ಶ್ವತ್ ॥ 8 ॥
ವಿಷ್ಣೋ॒ ತ್ವ-ನ್ನೋ॒ ಅನ್ತ॑ಮ॒ಶ್ಶರ್ಮ॑ಯಚ್ಛ ಸಹನ್ತ್ಯ ।
ಪ್ರತೇ॒ಧಾರಾ॑ ಮಧು॒ಶ್ಚುತ॒ ಉಥ್ಸ॑-ನ್ದುಹ್ರತೇ॒ ಅಖ್ಷಿ॑ತಮ್ ॥
॥ ಓಂ ಶಾನ್ತಿ॒-ಶ್ಶಾನ್ತಿ॒-ಶ್ಶಾನ್ತಿಃ॑ ॥
