ಓ-ಮ್ಭ॒ದ್ರ-ಙ್ಕರ್ಣೇ॑ಭಿ-ಶ್ಶೃಣು॒ಯಾಮ॑ ದೇವಾಃ ।
ಭ॒ದ್ರ-ಮ್ಪ॑ಶ್ಯೇಮಾ॒ಖ್ಷಭಿ॒ರ್ಯಜ॑ತ್ರಾಃ ।
ಸ್ಥಿ॒ರೈರಙ್ಗೈ᳚ಸ್ತುಷ್ಠು॒ವಾಗ್ಂ ಸ॑ಸ್ತ॒ನೂಭಿಃ॑ ।
ವ್ಯಶೇ॑ಮ ದೇ॒ವಹಿ॑ತಂ॒-ಯಁದಾಯುಃ॑ ।
ಸ್ವ॒ಸ್ತಿ ನ॒ ಇನ್ದ್ರೋ॑ ವೃ॒ದ್ಧಶ್ರ॑ವಾಃ ।
ಸ್ವ॒ಸ್ತಿ ನಃ॑ ಪೂ॒ಷಾ ವಿ॒ಶ್ವವೇ॑ದಾಃ ।
ಸ್ವ॒ಸ್ತಿ ನ॒ಸ್ತಾರ್ಖ್ಷ್ಯೋ॒ ಅರಿ॑ಷ್ಟನೇಮಿಃ ।
ಸ್ವ॒ಸ್ತಿ ನೋ॒ ಬೃಹ॒ಸ್ಪತಿ॑ರ್ದಧಾತು ॥
ಓಂ ಶಾನ್ತಿ॒-ಶ್ಶಾನ್ತಿ॒-ಶ್ಶಾನ್ತಿಃ॑ ॥
ಓ-ನ್ನಮ॑ಸ್ತೇ ಗ॒ಣಪ॑ತಯೇ ।
ತ್ವಮೇ॒ವ ಪ್ರ॒ತ್ಯಖ್ಷ॒-ನ್ತತ್ತ್ವ॑ಮಸಿ ।
ತ್ವಮೇ॒ವ ಕೇ॒ವಲ॒-ಙ್ಕರ್ತಾ॑-ಽಸಿ ।
ತ್ವಮೇ॒ವ ಕೇ॒ವಲಂ॒ ಹರ್ತಾ॑-ಽಸಿ ।
ತ್ವಮೇ॒ವ ಕೇ॒ವಲ॒-ನ್ಧರ್ತಾ॑-ಽಸಿ ।
ತ್ವಮೇವ ಸರ್ವ-ಙ್ಖಲ್ವಿದ॑-ಮ್ಬ್ರಹ್ಮಾ॒ಸಿ ।
ತ್ವಂ ಸಾಖ್ಷಾದಾತ್ಮಾ॑-ಽಸಿ ನಿ॒ತ್ಯಮ್ ॥ 1 ॥
ಋ॑ತಂ-ವಁ॒ಚ್ಮಿ । ಸ॑ತ್ಯಂ-ವಁ॒ಚ್ಮಿ ॥ 2 ॥
ಅ॒ವ ತ್ವ॒-ಮ್ಮಾಮ್ । ಅವ॑ ವ॒ಕ್ತಾರಮ್᳚ ।
ಅವ॑ ಶ್ರೋ॒ತಾರಮ್᳚ । ಅವ॑ ದಾ॒ತಾರಮ್᳚ । ಅವ॑ ಧಾ॒ತಾರಮ್᳚ ।
ಅವಾನೂಚಾನಮ॑ವ ಶಿ॒ಷ್ಯಮ್ । ಅವ॑ ಪ॒ಶ್ಚಾತ್ತಾ᳚ತ್ ।
ಅವ॑ ಪು॒ರಸ್ತಾ᳚ತ್ । ಅವೋತ್ತ॒ರಾತ್ತಾ᳚ತ್ ।
ಅವ॑ ದ॒ಖ್ಷಿಣಾತ್ತಾ᳚ತ್ । ಅವ॑ ಚೋ॒ರ್ಧ್ವಾತ್ತಾ᳚ತ್ ।
ಅವಾಧ॒ರಾತ್ತಾ᳚ತ್ । ಸರ್ವತೋ ಮಾ-ಮ್ಪಾಹಿ ಪಾಹಿ॑ ಸಮ॒ನ್ತಾತ್ ॥ 3 ॥
ತ್ವಂ-ವಾಁಙ್ಮಯ॑ಸ್ತ್ವ-ಞ್ಚಿನ್ಮ॒ಯಃ ।
ತ್ವಮಾನನ್ದಮಯ॑ಸ್ತ್ವ-ಮ್ಬ್ರಹ್ಮ॒ಮಯಃ ।
ತ್ವಂ ಸಚ್ಚಿದಾನನ್ದಾ-ಽದ್ವಿ॑ತೀಯೋ॒-ಽಸಿ ।
ತ್ವ-ಮ್ಪ್ರ॒ತ್ಯಖ್ಷ॒-ಮ್ಬ್ರಹ್ಮಾ॑ಸಿ ।
ತ್ವ-ಞ್ಜ್ಞಾನಮಯೋ ವಿಜ್ಞಾನ॑ಮಯೋ॒-ಽಸಿ ॥ 4 ॥
ಸರ್ವ-ಞ್ಜಗದಿದ-ನ್ತ್ವ॑ತ್ತೋ ಜಾ॒ಯತೇ ।
ಸರ್ವ-ಞ್ಜಗದಿದ-ನ್ತ್ವ॑ತ್ತಸ್ತಿ॒ಷ್ಠತಿ ।
ಸರ್ವ-ಞ್ಜಗದಿದ-ನ್ತ್ವಯಿ ಲಯ॑ಮೇಷ್ಯ॒ತಿ ।
ಸರ್ವ-ಞ್ಜಗದಿದ-ನ್ತ್ವಯಿ॑ ಪ್ರತ್ಯೇ॒ತಿ ।
ತ್ವ-ಮ್ಭೂಮಿರಾಪೋ-ಽನಲೋ-ಽನಿ॑ಲೋ ನ॒ಭಃ ।
ತ್ವ-ಞ್ಚತ್ವಾರಿ ವಾ᳚ಕ್ಪದಾ॒ನಿ ॥ 5 ॥
ತ್ವ-ಙ್ಗು॒ಣತ್ರ॑ಯಾತೀ॒ತಃ । ತ್ವಂ ಅವಸ್ಥಾತ್ರ॑ಯಾತೀ॒ತಃ ।
ತ್ವ-ನ್ದೇ॒ಹತ್ರ॑ಯಾತೀ॒ತಃ । ತ್ವ-ಙ್ಕಾ॒ಲತ್ರ॑ಯಾತೀ॒ತಃ ।
ತ್ವ-ಮ್ಮೂಲಾಧಾರಸ್ಥಿತೋ॑-ಽಸಿ ನಿ॒ತ್ಯಮ್ । ತ್ವಂ ಶಕ್ತಿತ್ರ॑ಯಾತ್ಮ॒ಕಃ ।
ತ್ವಾಂ-ಯೋಁಗಿನೋ ಧ್ಯಾಯ॑ನ್ತಿ ನಿ॒ತ್ಯಮ್ ।
ತ್ವ-ಮ್ಬ್ರಹ್ಮಾ ತ್ವಂ-ವಿಁಷ್ಣುಸ್ತ್ವಂ ರುದ್ರಸ್ತ್ವಮಿನ್ದ್ರಸ್ತ್ವಮಗ್ನಿಸ್ತ್ವಂ-ವಾಁಯುಸ್ತ್ವಂ ಸೂರ್ಯಸ್ತ್ವ-ಞ್ಚನ್ದ್ರಮಾಸ್ತ್ವ-ಮ್ಬ್ರಹ್ಮ॒ ಭೂರ್ಭುವ॒-ಸ್ಸ್ವರೋಮ್ ॥ 6 ॥
ಗ॒ಣಾದಿಂ᳚ ಪೂರ್ವ॑ಮುಚ್ಚಾ॒ರ್ಯ॒ ವ॒ರ್ಣಾದೀಂ᳚ ಸ್ತದನ॒ನ್ತರಮ್ ।
ಅನುಸ್ವಾರಃ ಪ॑ರತ॒ರಃ । ಅರ್ಧೇ᳚ನ್ದುಲ॒ಸಿತಮ್ ।
ತಾರೇ॑ಣ ಋ॒ದ್ಧಮ್ । ಏತತ್ತವ ಮನು॑ಸ್ವರೂ॒ಪಮ್ ।
ಗಕಾರಃ ಪೂ᳚ರ್ವರೂ॒ಪಮ್ । ಅಕಾರೋ ಮಧ್ಯ॑ಮರೂ॒ಪಮ್ ।
ಅನುಸ್ವಾರಶ್ಚಾ᳚ನ್ತ್ಯರೂ॒ಪಮ್ । ಬಿನ್ದುರುತ್ತ॑ರರೂ॒ಪಮ್ ।
ನಾದ॑-ಸ್ಸನ್ಧಾ॒ನಮ್ । ಸಗ್ಂಹಿ॑ತಾ ಸ॒ನ್ಧಿಃ ।
ಸೈಷಾ ಗಣೇ॑ಶವಿ॒ದ್ಯಾ । ಗಣ॑ಕ ಋ॒ಷಿಃ ।
ನಿಚೃದ್ಗಾಯ॑ತ್ರೀಚ್ಛ॒ನ್ದಃ । ಶ್ರೀ ಮಹಾಗಣಪತಿ॑ರ್ದೇವತಾ ।
ಓ-ಙ್ಗ-ಙ್ಗ॒ಣಪ॑ತಯೇ ನಮಃ ॥ 7 ॥
ಏಕದ॒ನ್ತಾಯ॑ ವಿ॒ದ್ಮಹೇ॑ ವಕ್ರತು॒ಣ್ಡಾಯ॑ ಧೀಮಹಿ ।
ತನ್ನೋ॑ ದನ್ತಿಃ ಪ್ರಚೋ॒ದಯಾ᳚ತ್ ॥ 8 ॥
ಏಕದ॒ನ್ತ-ಞ್ಚ॑ತುರ್ಹ॒ಸ್ತ॒-ಮ್ಪಾ॒ಶಮ॑ಙ್ಕುಶ॒ಧಾರಿ॑ಣಮ್ ।
ರದ॑-ಞ್ಚ॒ ವರ॑ದಂ ಹ॒ಸ್ತೈ॒ರ್ಬಿ॒ಭ್ರಾಣ॑-ಮ್ಮೂಷ॒ಕಧ್ವ॑ಜಮ್ ।
ರಕ್ತಂ॑-ಲಁ॒ಮ್ಬೋದ॑ರಂ ಶೂ॒ರ್ಪ॒ಕರ್ಣಕಂ॑ ರಕ್ತ॒ವಾಸ॑ಸಮ್ ।
ರಕ್ತ॑ಗ॒ನ್ಧಾನು॑ಲಿಪ್ತಾ॒ಙ್ಗಂ॒ ರ॒ಕ್ತಪು॑ಷ್ಪೈ-ಸ್ಸು॒ಪೂಜಿ॑ತಮ್ ।
ಭಕ್ತಾ॑ನು॒ಕಮ್ಪಿ॑ನ-ನ್ದೇ॒ವ॒-ಞ್ಜ॒ಗತ್ಕಾ॑ರಣ॒ಮಚ್ಯು॑ತಮ್ ।
ಆವಿ॑ರ್ಭೂ॒ತ-ಞ್ಚ॑ ಸೃ॒ಷ್ಟ್ಯಾ॒ದೌ॒ ಪ್ರ॒ಕೃತೇಃ᳚ ಪುರು॒ಷಾತ್ಪ॑ರಮ್ ।
ಏವ॑-ನ್ಧ್ಯಾ॒ಯತಿ॑ ಯೋ ನಿ॒ತ್ಯಂ॒ ಸ॒ ಯೋಗೀ॑ ಯೋಗಿ॒ನಾಂ-ವಁ॑ರಃ ॥ 9 ॥
ನಮೋ ವ್ರಾತಪತಯೇ ನಮೋ ಗಣಪತಯೇ ನಮಃ ಪ್ರಮಥಪತಯೇ ನಮಸ್ತೇ-ಽಸ್ತು ಲಮ್ಬೋದರಾಯೈಕದನ್ತಾಯ ವಿಘ್ನವಿನಾಶಿನೇ ಶಿವಸುತಾಯ ಶ್ರೀವರದಮೂರ್ತಯೇ॒ ನಮಃ ॥ 10 ॥
ಏತದಥರ್ವಶೀರ್ಷಂ-ಯೋಁ-ಽಧೀ॒ತೇ । ಸ ಬ್ರಹ್ಮಭೂಯಾ॑ಯ ಕ॒ಲ್ಪತೇ ।
ಸ ಸರ್ವವಿಘ್ನೈ᳚ರ್ನ ಬಾ॒ಧ್ಯತೇ । ಸ ಸರ್ವತ-ಸ್ಸುಖ॑ಮೇಧ॒ತೇ ।
ಸ ಪಞ್ಚಮಹಾಪಾಪಾ᳚-ತ್ಪ್ರಮು॒ಚ್ಯತೇ । ಸಾ॒ಯಮ॑ಧೀಯಾ॒ನೋ॒ ದಿವಸಕೃತ-ಮ್ಪಾಪ॑-ನ್ನಾಶ॒ಯತಿ ।
ಪ್ರಾ॒ತರ॑ಧೀಯಾ॒ನೋ॒ ರಾತ್ರಿಕೃತ-ಮ್ಪಾಪ॑-ನ್ನಾಶ॒ಯತಿ ।
ಸಾಯ-ಮ್ಪ್ರಾತಃ ಪ್ರ॑ಯುಞ್ಜಾ॒ನೋ॒ ಪಾಪೋ-ಽಪಾ॑ಪೋ ಭ॒ವತಿ ।
ಸರ್ವತ್ರಾಧೀಯಾನೋ-ಽಪವಿ॑ಘ್ನೋ ಭವತಿ । ಧರ್ಮಾರ್ಥಕಾಮಮೋಖ್ಷ॑-ಞ್ಚ ವಿ॒ನ್ದತಿ ।
ಇದಮಥರ್ವಶೀರ್ಷಮಶಿಷ್ಯಾಯ॑ ನ ದೇ॒ಯಮ್ । ಯೋ ಯದಿ ಮೋ॑ಹಾದ್ ದಾ॒ಸ್ಯತಿ ಸ ಪಾಪೀ॑ಯಾ-ನ್ಭ॒ವತಿ ।
ಸಹಸ್ರಾವರ್ತನಾದ್ಯಂ-ಯಁ-ಙ್ಕಾಮ॑ಮಧೀ॒ತೇ । ತ-ನ್ತಮನೇ॑ನ ಸಾ॒ಧಯೇತ್ ॥ 11 ॥
ಅನೇನ ಗಣಪತಿಮ॑ಭಿಷಿ॒ಞ್ಚತಿ । ಸ ವಾ᳚ಗ್ಮೀ ಭ॒ವತಿ ।
ಚತುರ್ಥ್ಯಾಮನ॑ಶ್ನನ್ ಜ॒ಪತಿ ಸ ವಿದ್ಯಾ॑ವಾ-ನ್ಭ॒ವತಿ ।
ಇತ್ಯಥರ್ವ॑ಣವಾ॒ಕ್ಯಮ್ । ಬ್ರಹ್ಮಾದ್ಯಾ॒ಚರ॑ಣಂ-ವಿಁ॒ದ್ಯಾನ್ನ ಬಿಭೇತಿ ಕದಾ॑ಚನೇ॒ತಿ ॥ 12 ॥
ಯೋ ದೂರ್ವಾಙ್ಕು॑ರೈರ್ಯ॒ಜತಿ ಸ ವೈಶ್ರವಣೋಪ॑ಮೋ ಭ॒ವತಿ ।
ಯೋ ಲಾ॑ಜೈರ್ಯ॒ಜತಿ ಸ ಯಶೋ॑ವಾ-ನ್ಭ॒ವತಿ । ಸ ಮೇಧಾ॑ವಾ-ನ್ಭ॒ವತಿ ।
ಯೋ ಮೋದಕಸಹಸ್ರೇ॑ಣ ಯ॒ಜತಿ ಸ ವಾಞ್ಛಿತಫಲಮ॑ವಾಪ್ನೋ॒ತಿ ।
ಯ-ಸ್ಸಾಜ್ಯ ಸಮಿ॑ದ್ಭಿರ್ಯ॒ಜತಿ ಸ ಸರ್ವಂ-ಲಁಭತೇ ಸ ಸ॑ರ್ವಂ-ಲಁ॒ಭತೇ ॥ 13 ॥
ಅಷ್ಟೌ ಬ್ರಾಹ್ಮಣಾನ್ ಸಮ್ಯಗ್ ಗ್ರಾ॑ಹಯಿ॒ತ್ವಾ ಸೂರ್ಯವರ್ಚ॑ಸ್ವೀ ಭ॒ವತಿ ।
ಸೂರ್ಯಗ್ರಹೇ ಮ॑ಹಾನ॒ದ್ಯಾ-ಮ್ಪ್ರತಿಮಾಸನ್ನಿಧೌ ವಾ ಜ॒ಪ್ತ್ವಾ ಸಿದ್ಧಮ॑ನ್ತ್ರೋ ಭ॒ವತಿ ।
ಮಹಾವಿಘ್ನಾ᳚-ತ್ಪ್ರಮು॒ಚ್ಯತೇ । ಮಹಾದೋಷಾ᳚-ತ್ಪ್ರಮು॒ಚ್ಯತೇ ।
ಮಹಾಪಾಪಾ᳚-ತ್ಪ್ರಮು॒ಚ್ಯತೇ । [ಮಹಾಪ್ರತ್ಯವಾಯಾ᳚-ತ್ಪ್ರಮು॒ಚ್ಯತೇ । ]
ಸ ಸರ್ವ॑ವಿದ್ಭವತಿ ಸ ಸರ್ವ॑ವಿದ್ಭ॒ವತಿ ।
ಯ ಏ॑ವಂ-ವೇಁ॒ದ । ಇತ್ಯು॑ಪ॒ನಿಷ॑ತ್ ॥ 14 ॥
ಓ-ಮ್ಭ॒ದ್ರ-ಙ್ಕರ್ಣೇ॑ಭಿ-ಶ್ಶೃಣು॒ಯಾಮ॑ ದೇವಾಃ ।
ಭ॒ದ್ರ-ಮ್ಪ॑ಶ್ಯೇಮಾ॒ಖ್ಷಭಿ॒ರ್ಯಜ॑ತ್ರಾಃ ।
ಸ್ಥಿ॒ರೈರಙ್ಗೈ᳚ಸ್ತುಷ್ಠು॒ವಾಗ್ಂ ಸ॑ಸ್ತ॒ನೂಭಿಃ॑ ।
ವ್ಯಶೇ॑ಮ ದೇ॒ವಹಿ॑ತಂ॒-ಯಁದಾಯುಃ॑ ।
ಸ್ವ॒ಸ್ತಿ ನ॒ ಇನ್ದ್ರೋ॑ ವೃ॒ದ್ಧಶ್ರ॑ವಾಃ ।
ಸ್ವ॒ಸ್ತಿ ನಃ॑ ಪೂ॒ಷಾ ವಿ॒ಶ್ವವೇ॑ದಾಃ ।
ಸ್ವ॒ಸ್ತಿ ನ॒ಸ್ತಾರ್ಖ್ಷ್ಯೋ॒ ಅರಿ॑ಷ್ಟನೇಮಿಃ ।
ಸ್ವ॒ಸ್ತಿ ನೋ॒ ಬೃಹ॒ಸ್ಪತಿ॑ರ್ದಧಾತು ॥
ಓಂ ಶಾನ್ತಿ॒-ಶ್ಶಾನ್ತಿ॒-ಶ್ಶಾನ್ತಿಃ॑ ॥
