ಓ-ಮ್ಪ್ರಾ॒ತರ॒ಗ್ನಿ-ಮ್ಪ್ರಾ॒ತರಿನ್ದ್ರಗ್ಂ॑ ಹವಾಮಹೇ ಪ್ರಾ॒ತರ್ಮಿ॒ತ್ರಾ ವರು॑ಣಾ ಪ್ರಾ॒ತರ॒ಶ್ವಿನಾ᳚ ।
ಪ್ರಾ॒ತರ್ಭಗ॑-ಮ್ಪೂ॒ಷಣ॒-ಮ್ಬ್ರಹ್ಮ॑ಣ॒ಸ್ಪತಿ॑-ಮ್ಪ್ರಾ॒ತ-ಸ್ಸೋಮ॑ಮು॒ತ ರು॒ದ್ರಗ್ಂ ಹು॑ವೇಮ ॥ 1 ॥
ಪ್ರಾ॒ತ॒ರ್ಜಿತ॒-ಮ್ಭ॑ಗಮು॒ಗ್ರಗ್ಂ ಹು॑ವೇಮ ವ॒ಯ-ಮ್ಪು॒ತ್ರಮದಿ॑ತೇ॒ರ್ಯೋ ವಿ॑ಧ॒ರ್ತಾ ।
ಆ॒ದ್ಧ್ರಶ್ಚಿ॒ದ್ಯ-ಮ್ಮನ್ಯ॑ಮಾನಸ್ತು॒ರಶ್ಚಿ॒ದ್ರಾಜಾ॑ ಚಿ॒ದ್ಯ-ಮ್ಭಗ॑-ಮ್ಭ॒ಖ್ಷೀತ್ಯಾಹ॑ ॥ 2 ॥
ಭಗ॒ ಪ್ರಣೇ॑ತ॒ರ್ಭಗ॒ ಸತ್ಯ॑ರಾಧೋ॒ ಭಗೇ॒ಮಾ-ನ್ಧಿಯ॒ಮುದ॑ವ॒ದದ॑ನ್ನಃ ।
ಭಗ॒ಪ್ರಣೋ॑ ಜನಯ॒ ಗೋಭಿ॒ರಶ್ವೈ॒ರ್ಭಗ॒ಪ್ರನೃಭಿ॑ರ್ನೃ॒ವನ್ತ॑ಸ್ಸ್ಯಾಮ ॥ 3 ॥
ಉ॒ತೇದಾನೀ॒-ಮ್ಭಗ॑ವನ್ತಸ್ಸ್ಯಾಮೋ॒ತ ಪ್ರಪಿ॒ತ್ವ ಉ॒ತ ಮಧ್ಯೇ॒ ಅಹ್ನಾ᳚ಮ್ ।
ಉ॒ತೋದಿ॑ತಾ ಮಘವ॒ನ್ಥ್ಸೂರ್ಯ॑ಸ್ಯ ವ॒ಯ-ನ್ದೇ॒ವಾನಾಗ್ಂ॑ ಸುಮ॒ತೌ ಸ್ಯಾ॑ಮ ॥ 4 ॥
ಭಗ॑ ಏ॒ವ ಭಗ॑ವಾಗ್ಂ ಅಸ್ತು ದೇವಾ॒ಸ್ತೇನ॑ ವ॒ಯ-ಮ್ಭಗ॑ವನ್ತಸ್ಸ್ಯಾಮ ।
ತ-ನ್ತ್ವಾ॑ ಭಗ॒ ಸರ್ವ॒ ಇಜ್ಜೋ॑ಹವೀಮಿ॒ ಸನೋ॑ ಭಗ ಪುರ ಏ॒ತಾ ಭ॑ವೇಹ ॥ 5 ॥
ಸಮ॑ಧ್ವ॒ರಾಯೋ॒ಷಸೋ॑-ಽನಮನ್ತ ದಧಿ॒ಕ್ರಾವೇ॑ವ॒ ಶುಚಯೇ॑ ಪ॒ದಾಯ॑ ।
ಅ॒ರ್ವಾ॒ಚೀ॒ನಂ-ವಁ॑ಸು॒ವಿದ॒-ಮ್ಭಗ॑ನ್ನೋ॒ ರಥ॑ಮಿ॒ವಾ-ಽಶ್ವಾ॑ವಾ॒ಜಿನ॒ ಆವ॑ಹನ್ತು ॥ 6 ॥
ಅಶ್ವಾ॑ವತೀ॒ರ್ಗೋಮ॑ತೀರ್ನ ಉ॒ಷಾಸೋ॑ ವೀ॒ರವ॑ತೀ॒ಸ್ಸದ॑ಮುಚ್ಛನ್ತು ಭ॒ದ್ರಾಃ ।
ಘೃ॒ತ-ನ್ದುಹಾ॑ನಾ ವಿ॒ಶ್ವತಃ॒ ಪ್ರಪೀ॑ನಾ ಯೂ॒ಯ-ಮ್ಪಾ॑ತ ಸ್ವ॒ಸ್ತಿಭಿ॒ಸ್ಸದಾ॑ ನಃ ॥ 7 ॥
ಯೋ ಮಾ᳚-ಽಗ್ನೇ ಭಾ॒ಗಿನಗ್ಂ॑ ಸ॒ನ್ತಮಥಾ॑ಭಾ॒ಗ॑-ಞ್ಚಿಕೀ॑ಋಷತಿ ।
ಅಭಾ॒ಗಮ॑ಗ್ನೇ॒ ತ-ಙ್ಕು॑ರು॒ ಮಾಮ॑ಗ್ನೇ ಭಾ॒ಗಿನ॑-ಙ್ಕುರು ॥ 8 ॥
ಓಂ ಶಾನ್ತಿ॒-ಶ್ಶಾನ್ತಿ॒-ಶ್ಶಾನ್ತಿಃ॑ ॥
