Kena Upanishad - Part 2 - Shuddha Kannada

Collection of Spiritual and Devotional Literature in Various Indian Languages

View this in:

This document is in ಶುದ್ಧ ಕನ್ನಡ with the right anusvaras marked. View this in ಸರಳ ಕನ್ನಡ, with simplified anusvaras for easier reading.

ಕೇನ ಉಪನಿಷದ್ - ದ್ವಿತೀಯಃ ಖಣ್ಡಃ

ಯದಿ ಮನ್ಯಸೇ ಸುವೇದೇತಿ ದಹರಮೇವಾಪಿ
ನೂನ-ನ್ತ್ವಂ-ವೇಁತ್ಥ ಬ್ರಹ್ಮಣೋ ರೂಪಮ್ ।
ಯದಸ್ಯ ತ್ವಂ-ಯಁದಸ್ಯ ದೇವೇಷ್ವಥ ನು
ಮೀಮಾಮ್ಸ್ಯಮೇವ ತೇ ಮನ್ಯೇ ವಿದಿತಮ್ ॥ 1॥

ನಾಹ-ಮ್ಮನ್ಯೇ ಸುವೇದೇತಿ ನೋ ನ ವೇದೇತಿ ವೇದ ಚ ।
ಯೋ ನಸ್ತದ್ವೇದ ತದ್ವೇದ ನೋ ನ ವೇದೇತಿ ವೇದ ಚ ॥ 2॥

ಯಸ್ಯಾಮತ-ನ್ತಸ್ಯ ಮತ-ಮ್ಮತಂ-ಯಁಸ್ಯ ನ ವೇದ ಸಃ ।
ಅವಿಜ್ಞಾತಂ-ವಿಁಜಾನತಾಂ-ವಿಁಜ್ಞಾತಮವಿಜಾನತಾಮ್ ॥ 3॥

ಪ್ರತಿಬೋಧವಿದಿತ-ಮ್ಮತಮಮೃತತ್ವಂ ಹಿ ವಿನ್ದತೇ ।
ಆತ್ಮನಾ ವಿನ್ದತೇ ವೀರ್ಯಂ-ವಿಁದ್ಯಯಾ ವಿನ್ದತೇ-ಽಮೃತಮ್ ॥ 4॥

ಇಹ ಚೇದವೇದೀದಥ ಸತ್ಯಮಸ್ತಿ
ನ ಚೇದಿಹಾವೇದೀನ್ಮಹತೀ ವಿನಷ್ಟಿಃ ।
ಭೂತೇಷು ಭೂತೇಷು ವಿಚಿತ್ಯ ಧೀರಾಃ
ಪ್ರೇತ್ಯಾಸ್ಮಾಲ್ಲೋಕಾದಮೃತಾ ಭವನ್ತಿ ॥ 5॥

॥ ಇತಿ ಕೇನೋಪನಿಷದಿ ದ್ವಿತೀಯಃ ಖಣ್ಡಃ ॥

Browse Related Categories: