Nasadiya Suktam - Shuddha Kannada

Collection of Spiritual and Devotional Literature in Various Indian Languages

View this in:

This document is in ಶುದ್ಧ ಕನ್ನಡ with the right anusvaras marked. View this in ಸರಳ ಕನ್ನಡ, with simplified anusvaras for easier reading.

ನಾಸದೀಯ ಸೂಕ್ತಮ್

(ಋ.10.129)

ನಾಸ॑ದಾಸೀ॒ನ್ನೋ ಸದಾ॑ಸೀತ್ತ॒ದಾನೀ॒-ನ್ನಾಸೀ॒ದ್ರಜೋ॒ ನೋ ವ್ಯೋ॑ಮಾ ಪ॒ರೋ ಯತ್ ।
ಕಿಮಾವ॑ರೀವಃ॒ ಕುಹ॒ ಕಸ್ಯ॒ ಶರ್ಮ॒ನ್ನಮ್ಭಃ॒ ಕಿಮಾ॑ಸೀ॒ದ್ಗಹ॑ನ-ಙ್ಗಭೀ॒ರಮ್ ॥ 1 ॥

ನ ಮೃ॒ತ್ಯುರಾ॑ಸೀದ॒ಮೃತ॒-ನ್ನ ತರ್ಹಿ॒ ನ ರಾತ್ರ್ಯಾ॒ ಅಹ್ನ॑ ಆಸೀತ್ಪ್ರಕೇ॒ತಃ ।
ಆನೀ॑ದವಾ॒ತಂ ಸ್ವ॒ಧಯಾ॒ ತದೇಕ॒-ನ್ತಸ್ಮಾ॑ದ್ಧಾ॒ನ್ಯನ್ನ ಪ॒ರಃ ಕಿ-ಞ್ಚ॒ನಾಸ॑ ॥ 2 ॥

ತಮ॑ ಆಸೀ॒ತ್ತಮ॑ಸಾ ಗೂ॒ಳ್ಹಮಗ್ರೇ॑-ಽಪ್ರಕೇ॒ತಂ ಸ॑ಲಿ॒ಲಂ ಸರ್ವ॑ಮಾ ಇ॒ದಮ್ ।
ತು॒ಚ್ಛ್ಯೇನಾ॒ಭ್ವಪಿ॑ಹಿತಂ॒-ಯಁದಾಸೀ॒ತ್ತಪ॑ಸ॒ಸ್ತನ್ಮ॑ಹಿ॒ನಾಜಾ॑ಯ॒ತೈಕ॑ಮ್ ॥ 3 ॥

ಕಾಮ॒ಸ್ತದಗ್ರೇ॒ ಸಮ॑ವರ್ತ॒ತಾಧಿ॒ ಮನ॑ಸೋ॒ ರೇತಃ॑ ಪ್ರಥ॒ಮಂ-ಯಁದಾಸೀ॑ತ್ ।
ಸ॒ತೋ ಬನ್ಧು॒ಮಸ॑ತಿ॒ ನಿರ॑ವಿನ್ದನ್ ಹೃ॒ದಿ ಪ್ರ॒ತೀಷ್ಯಾ॑ ಕ॒ವಯೋ॑ ಮನೀ॒ಷಾ ॥ 4 ॥

ತಿ॒ರ॒ಶ್ಚೀನೋ॒ ವಿತ॑ತೋ ರ॒ಶ್ಮಿರೇ॑ಷಾಮ॒ಧ-ಸ್ಸ್ವಿ॑ದಾ॒ಸೀ 3 ದು॒ಪರಿ॑ ಸ್ವಿದಾಸೀ 3 ತ್ ।
ರೇ॒ತೋ॒ಧಾ ಆ॑ಸನ್ಮಹಿ॒ಮಾನ॑ ಆಸನ್ತ್ಸ್ವ॒ಧಾ ಅ॒ವಸ್ತಾ॒ತ್ಪ್ರಯ॑ತಿಃ ಪ॒ರಸ್ತಾ॑ತ್ ॥ 5 ॥

ಕೋ ಅ॒ದ್ಧಾ ವೇ॑ದ॒ ಕ ಇ॒ಹ ಪ್ರ ವೋ॑ಚ॒ತ್ಕುತ॒ ಆಜಾ॑ತಾ॒ ಕುತ॑ ಇ॒ಯಂ-ವಿಁಸೃ॑ಷ್ಟಿಃ ।
ಅ॒ರ್ವಾಗ್ದೇ॒ವಾ ಅ॒ಸ್ಯ ವಿ॒ಸರ್ಜ॑ನೇ॒ನಾಥಾ॒ ಕೋ ವೇ॑ದ॒ ಯತ॑ ಆಬ॒ಭೂವ॑ ॥ 6 ॥

ಇ॒ಯಂ-ವಿಁಸೃ॑ಷ್ಟಿ॒ರ್ಯತ॑ ಆಬ॒ಭೂವ॒ ಯದಿ॑ ವಾ ದ॒ಧೇ ಯದಿ॑ ವಾ॒ ನ ।
ಯೋ ಅ॒ಸ್ಯಾಧ್ಯ॑ಖ್ಷಃ ಪರ॒ಮೇ ವ್ಯೋ॑ಮ॒ನ್ತ್ಸೋ ಅ॒ಙ್ಗ ವೇ॑ದ॒ ಯದಿ॑ ವಾ॒ ನ ವೇದ॑ ॥ 7 ॥

Browse Related Categories: