তৈত্তিরীয় সংহিতা - 1.5.3
তৈত্তিরীয় ব্রাহ্মণম্ - 3.1.2
ওম্ ॥ ওং ভূমি॑র্ভূ॒ম্না দ্য়ৌর্ব॑রি॒ণাঽংতরি॑ক্ষং মহি॒ত্বা ।
উ॒পস্থে॑ তে দেব্যদিতে॒ঽগ্নিম॑ন্না॒দ-ম॒ন্নাদ্য়া॒য়াদ॑ধে ॥
আঽয়ংগৌঃ পৃশ্ঞি॑রক্রমী॒-দস॑নন্মা॒তরং॒ পুনঃ॑ ।
পি॒তরং॑ চ প্র॒য়ংথ্-সুবঃ॑ ॥
ত্রি॒গ্ম্॒শদ্ধাম॒ বিরা॑জতি॒ বাক্প॑ত॒ঙ্গায়॑ শিশ্রিয়ে ।
প্রত্য়॑স্য় বহ॒দ্য়ুভিঃ॑ ॥
অ॒স্য় প্রা॒ণাদ॑পান॒ত্য়ং॑তশ্চ॑রতি রোচ॒না ।
ব্য়॑খ্যন্-মহি॒ষঃ সুবঃ॑ ॥
যত্ত্বা᳚ ক্রু॒দ্ধঃ প॑রো॒বপ॑ম॒ন্য়ুনা॒ যদব॑র্ত্য়া ।
সু॒কল্প॑মগ্নে॒ তত্তব॒ পুন॒স্ত্বোদ্দী॑পয়ামসি ॥
যত্তে॑ ম॒ন্য়ুপ॑রোপ্তস্য় পৃথি॒বী-মনু॑দধ্ব॒সে ।
আ॒দি॒ত্য়া বিশ্বে॒ তদ্দে॒বা বস॑বশ্চ স॒মাভ॑রন্ন্ ॥
মে॒দিনী॑ দে॒বী ব॒সুংধ॑রা স্য়া॒দ্বসু॑ধা দে॒বী বা॒সবী᳚ ।
ব্র॒হ্ম॒ব॒র্চ॒সঃ পি॑তৃ॒ণাং শ্রোত্রং॒ চক্ষু॒র্মনঃ॑ ॥
দে॒বী হি॑রণ্যগ॒র্ভিণী॑ দে॒বী প্র॑সো॒দরী᳚ ।
সদ॑নে স॒ত্য়ায়॑নে সীদ ।
স॒মু॒দ্রব॑তী সাবি॒ত্রী আহ॒নো দে॒বী ম॒হ্য়ং॑গী᳚ ।
ম॒হো ধর॑ণী ম॒হোঽত্য়॑তিষ্ঠত্ ॥
শৃ॒ঙ্গে শৃং॑গে য॒জ্ঞে য॑জ্ঞে বিভী॒ষণী᳚ ইংদ্র॑পত্নী ব্য়া॒পিনী॒ সর॑সিজ ই॒হ ।
বা॒য়ু॒মতী॑ জ॒লশয়॑নী স্ব॒য়ং ধা॒রাজা॑ স॒ত্য়ংতো॒ পরি॑মেদিনী
সো॒পরি॑ধত্তংগায় ॥
বি॒ষ্ণু॒প॒ত্নীং ম॑হীং দে॒বীং᳚ মা॒ধ॒বীং মা॑ধব॒প্রিয়াম্ ।
লক্ষ্মীং᳚ প্রিযস॑খীং দে॒বীং॒ ন॒মা॒ম্যচ্য়ু॑তব॒ল্লভাম্ ॥
ওং ধ॒নু॒র্ধ॒রায়ৈ॑ বি॒দ্মহে॑ সর্বসি॒দ্ধ্য়ৈ চ॑ ধীমহি ।
তন্নো॑ ধরা প্রচো॒দয়া᳚ত্ ।
শৃ॒ণ্বংতি॑ শ্রো॒ণামমৃত॑স্য় গো॒পাং পুণ্য়া॑মস্য়া॒ উপ॑শৃণোমি॒ বাচ᳚ম্ ।
ম॒হীংদে॒বীং-বিঁষ্ণু॑পত্নী মজূ॒র্য়াং প্রতী॒চী॑মেনাগ্ম্ হ॒বিষা॑ যজামঃ ॥
ত্রে॒ধা বিষ্ণু॑-রুরুগা॒য়ো বিচ॑ক্রমে ম॒হীং দিবং॑ পৃথি॒বী-মং॒তরি॑ক্ষম্ ।
তচ্ছ্রো॒ণৈত্রিশব॑ ই॒চ্ছমা॑না পুণ্য়॒গ্গ্॒ শ্লোকং॒-য়ঁজ॑মানায় কৃণ্ব॒তী ॥
স্য়ো॒নাপৃ॑থিবি॒ভবা॑নৃক্ষ॒রানি॒বেশ॑নী যচ্ছা॑ন॒শ্শর্ম॑ স॒প্রথাঃ᳚ ॥
অদি॑তির্দে॒বা গং॑ধ॒র্বা ম॑নু॒ষ্য়াঃ᳚ পি॒তরো সু॑রাস্তেষাগ্ম্ স॒র্ব ভূ॒তা॒নাং᳚ মা॒তা মে॒দিনী॑ মহতা ম॒হী ।
সাবি॒ত্রী গা॑য়॒ত্রী জগ॑ত্য়ু॒র্বী পৃ॒থ্বী ব॑হুলা॒ বিশ্বা॑ ভূ॒তাক॒তমাকায়াসা স॒ত্য়েত্য়॒মৃতে॑তি বসি॒ষ্ঠঃ ॥
ইক্ষুশালিযবসস্যফলাঢ্য়ে পারিজাত তরুশোভিতমূলে ।
স্বর্ণ রত্ন মণি মংটপ মধ্য়ে চিংতয়েত্ সকল লোকধরিত্রীম্ ॥
শ্য়ামাং-বিঁচিত্রাং নবরত্ন ভূষিতাং চতুর্ভুজাং তুংগপয়োধরান্বিতাম্ ।
ইংদীবরাক্ষীং নবশালি মংজরীং শুকং দধানাং শরণং ভজামহে ॥
সক্তু॑মিব॒ তিত॑উনা পুনংতো॒ যত্র॒ ধীরা॒ মন॑সা॒ বাচ॒ মক্র॑ত ।
অত্রা॒ সখা᳚স্স॒খ্য়ানি॑ জানতে ভ॒দ্রৈষাং᳚-লঁ॒ক্ষ্মীর্নি॑হি॒তাধি॑বা॒চি ॥
ওং শাংতিঃ॒ শাংতিঃ॒ শাংতিঃ॑ ॥
