(ಕೃಷ್ಣಯಜುರ್ವೇದೀಯ ತೈತ್ತಿರೀಯಾರಣ್ಯಕೇ ತೃತೀಯ ಪ್ರಪಾಠಕಃ)

ಹರಿಃ ಓಮ್ । ತಚ್ಛಂ॒-ಯೋಁರಾವೃ॑ಣೀಮಹೇ । ಗಾ॒ತುಂ-ಯಁ॒ಜ್ಞಾಯ॑ ।
ಗಾ॒ತುಂ-ಯಁ॒ಜ್ಞಪ॑ತಯೇ । ದೈವೀ᳚ ಸ್ವ॒ಸ್ತಿರ॑ಸ್ತು ನಃ ।
ಸ್ವ॒ಸ್ತಿರ್ಮಾನು॑ಷೇಭ್ಯಃ । ಊ॒ರ್ಧ್ವ-ಞ್ಜಿ॑ಗಾತು ಭೇಷ॒ಜಮ್ ।
ಶ-ನ್ನೋ॑ ಅಸ್ತು ದ್ವಿ॒ಪದೇ᳚ । ಶ-ಞ್ಚತು॑ಷ್ಪದೇ ॥
ಓಂ ಶಾನ್ತಿ॒-ಶ್ಶಾನ್ತಿ॒-ಶ್ಶಾನ್ತಿಃ॑ ॥

ಓ-ಞ್ಚಿತ್ತಿ॒ಸ್ಸ್ರುಕ್ । ಚಿ॒ತ್ತಮಾಜ್ಯ᳚ಮ್ । ವಾಗ್ವೇದಿಃ॑ । ಆಧೀ॑ತ-ಮ್ಬ॒ರ್​ಹಿಃ । ಕೇತೋ॑ ಅ॒ಗ್ನಿಃ । ವಿಜ್ಞಾ॑ತಮ॒ಗ್ನಿಃ । ವಾಕ್ಪ॑ತಿ॒ರ್​ಹೋತಾ᳚ । ಮನ॑ ಉಪವ॒ಕ್ತಾ । ಪ್ರಾ॒ಣೋ ಹ॒ವಿಃ । ಸಾಮಾ᳚ಧ್ವ॒ರ್ಯುಃ । ವಾಚ॑ಸ್ಪತೇ ವಿಧೇ ನಾಮನ್ನ್ । ವಿ॒ಧೇಮ॑ ತೇ॒ ನಾಮ॑ । ವಿ॒ಧೇಸ್ತ್ವಮ॒ಸ್ಮಾಕ॒-ನ್ನಾಮ॑ । ವಾ॒ಚಸ್ಪತಿ॒ಸ್ಸೋಮ॑-ಮ್ಪಿಬತು । ಆ-ಽಸ್ಮಾಸು॑ ನೃ॒ಮ್ಣ-ನ್ಧಾ॒ತ್ಸ್ವಾಹಾ᳚ ॥ 1 ॥
ಅ॒ಧ್ವ॒ರ್ಯುಃ ಪಞ್ಚ॑ ಚ ॥ 1 ॥

ಪೃ॒ಥಿ॒ವೀ ಹೋತಾ᳚ । ದ್ಯೌರ॑ಧ್ವ॒ರ್ಯುಃ । ರು॒ದ್ರೋ᳚-ಽಗ್ನೀತ್ । ಬೃಹ॒ಸ್ಪತಿ॑ರುಪವ॒ಕ್ತಾ । ವಾಚ॑ಸ್ಪತೇ ವಾ॒ಚೋ ವೀ॒ರ್ಯೇ॑ಣ । ಸಮ್ಭೃ॑ತತಮೇ॒ನಾ-ಽಽಯ॑ಖ್ಷ್ಯಸೇ । ಯಜ॑ಮಾನಾಯ॒ ವಾರ್ಯ᳚ಮ್ । ಆ ಸುವ॒ಸ್ಕರ॑ಸ್ಮೈ । ವಾ॒ಚಸ್ಪತಿ॒ಸ್ಸೋಮ॑-ಮ್ಪಿಬತಿ । ಜ॒ಜನ॒ದಿನ್ದ್ರ॑ಮಿನ್ದ್ರಿ॒ಯಾಯ॒ ಸ್ವಾಹಾ᳚ ॥ 2 ॥
ಪೃ॒ಥಿ॒ವೀ ಹೋತಾ॒ ದಶ॑ ॥ 2 ॥

ಅ॒ಗ್ನಿರ್​ಹೋತಾ᳚ । ಅ॒ಶ್ವಿನಾ᳚-ಽಧ್ವ॒ರ್ಯೂ । ತ್ವಷ್ಟಾ॒-ಽಗ್ನೀತ್ । ಮಿ॒ತ್ರ ಉ॑ಪವ॒ಕ್ತಾ । ಸೋಮ॒ಸ್ಸೋಮ॑ಸ್ಯ ಪುರೋ॒ಗಾಃ । ಶು॒ಕ್ರಸ್ಶು॒ಕ್ರಸ್ಯ॑ ಪುರೋ॒ಗಾಃ । ಶ್ರಾ॒ತಾಸ್ತ॑ ಇನ್ದ್ರ॒ ಸೋಮಾಃ᳚ । ವಾತಾ॑ಪೇರ್​ಹವನ॒ಶ್ರುತ॒ಸ್ಸ್ವಾಹಾ᳚ ॥ 3 ॥
ಅ॒ಗ್ನಿರ್​ಹೋತಾ॒-ಽಷ್ಟೌ ॥ 3 ॥

ಸೂರ್ಯ॑-ನ್ತೇ॒ ಚಖ್ಷುಃ॑ । ವಾತ॑-ಮ್ಪ್ರಾ॒ಣಃ । ದ್ಯಾ-ಮ್ಪೃ॒ಷ್ಠಮ್ । ಅ॒ನ್ತರಿ॑ಖ್ಷಮಾ॒ತ್ಮಾ । ಅಙ್ಗೈ᳚ರ್ಯ॒ಜ್ಞಮ್ । ಪೃ॒ಥಿ॒ವೀಗ್ಂ ಶರೀ॑ರೈಃ । ವಾಚ॑ಸ್ಪ॒ತೇ-ಽಚ್ಛಿ॑ದ್ರಯಾ ವಾ॒ಚಾ । ಅಚ್ಛಿ॑ದ್ರಯಾ ಜು॒ಹ್ವಾ᳚ । ದಿ॒ವಿ ದೇ॑ವಾ॒ವೃಧ॒ಗ್ಂ॒ ಹೋತ್ರಾ॒ ಮೇರ॑ಯಸ್ವ॒ ಸ್ವಾಹಾ᳚ ॥ 4 ॥
ಸೂರ್ಯ॑-ನ್ತೇ॒ ನವ॑ ॥ 4 ॥

ಮ॒ಹಾಹ॑ವಿ॒ರ್​ಹೋತಾ᳚ । ಸ॒ತ್ಯಹ॑ವಿರಧ್ವ॒ರ್ಯುಃ । ಅಚ್ಯು॑ತಪಾಜಾ ಅ॒ಗ್ನೀತ್ । ಅಚ್ಯು॑ತಮನಾ ಉಪವ॒ಕ್ತಾ । ಅ॒ನಾ॒ಧೃ॒ಷ್ಯಶ್ಚಾ᳚ಪ್ರತಿಧೃ॒ಷ್ಯಶ್ಚ॑ ಯ॒ಜ್ಞಸ್ಯಾ॑ಭಿಗ॒ರೌ । ಅ॒ಯಾಸ್ಯ॑ ಉದ್ಗಾ॒ತಾ । ವಾಚ॑ಸ್ಪತೇ ಹೃದ್ವಿಧೇ ನಾಮನ್ನ್ । ವಿ॒ಧೇಮ॑ ತೇ॒ ನಾಮ॑ । ವಿ॒ಧೇಸ್ತ್ವಮ॒ಸ್ಮಾಕ॒-ನ್ನಾಮ॑ । ವಾ॒ಚಸ್ಪತಿ॒ಸ್ಸೋಮ॑ಮಪಾತ್ । ಮಾ ದೈವ್ಯ॒ಸ್ತನ್ತು॒ಶ್ಛೇದಿ॒ ಮಾ ಮ॑ನು॒ಷ್ಯಃ॑ । ನಮೋ॑ ದಿ॒ವೇ । ನಮಃ॑ ಪೃಥಿ॒ವ್ಯೈ ಸ್ವಾಹಾ᳚ ॥ 5 ॥
ಅ॒ಪಾ॒ತ್ತ್ರೀಣಿ॑ ಚ ॥ 5 ॥

ವಾಘೋತಾ᳚ । ದೀ॒ಖ್ಷಾ ಪತ್ನೀ᳚ । ವಾತೋ᳚-ಽಧ್ವ॒ರ್ಯುಃ । ಆಪೋ॑-ಽಭಿಗ॒ರಃ । ಮನೋ॑ ಹ॒ವಿಃ । ತಪ॑ಸಿ ಜುಹೋಮಿ । ಭೂರ್ಭುವ॒ಸ್ಸುವಃ॑ । ಬ್ರಹ್ಮ॑ ಸ್ವಯ॒ಮ್ಭು । ಬ್ರಹ್ಮ॑ಣೇ ಸ್ವಯ॒ಮ್ಭುವೇ॒ ಸ್ವಾಹಾ᳚ ॥ 6 ॥
ವಾಘೋತಾ॒ ನವ॑ ॥ 6 ॥

ಬ್ರಾ॒ಹ್ಮ॒ಣ ಏಕ॑ಹೋತಾ । ಸ ಯ॒ಜ್ಞಃ । ಸ ಮೇ॑ ದದಾತು ಪ್ರ॒ಜಾ-ಮ್ಪ॒ಶೂನ್ಪುಷ್ಟಿಂ॒-ಯಁಶಃ॑ । ಯ॒ಜ್ಞಶ್ಚ॑ ಮೇ ಭೂಯಾತ್ । ಅ॒ಗ್ನಿರ್ದ್ವಿಹೋ॑ತಾ । ಸ ಭ॒ರ್ತಾ । ಸ ಮೇ॑ ದದಾತು ಪ್ರ॒ಜಾ-ಮ್ಪ॒ಶೂನ್ಪುಷ್ಟಿಂ॒-ಯಁಶಃ॑ । ಭ॒ರ್ತಾ ಚ॑ ಮೇ ಭೂಯಾತ್ । ಪೃ॒ಥಿ॒ವೀ ತ್ರಿಹೋ॑ತಾ । ಸ ಪ್ರ॑ತಿ॒ಷ್ಠಾ ॥ 7 ॥

ಸ ಮೇ॑ ದದಾತು ಪ್ರ॒ಜಾ-ಮ್ಪ॒ಶೂನ್ಪುಷ್ಟಿಂ॒-ಯಁಶಃ॑ । ಪ್ರ॒ತಿ॒ಷ್ಠಾ ಚ॑ ಮೇ ಭೂಯಾತ್ । ಅ॒ನ್ತರಿ॑ಖ್ಷ॒-ಞ್ಚತು॑ರ್​ಹೋತಾ । ಸ ವಿ॒ಷ್ಠಾಃ । ಸ ಮೇ॑ ದದಾತು ಪ್ರ॒ಜಾ-ಮ್ಪ॒ಶೂನ್ಪುಷ್ಟಿಂ॒-ಯಁಶಃ॑ । ವಿ॒ಷ್ಠಾಶ್ಚ॑ ಮೇ ಭೂಯಾತ್ । ವಾ॒ಯುಃ ಪಞ್ಚ॑ಹೋತಾ । ಸ ಪ್ರಾ॒ಣಃ । ಸ ಮೇ॑ ದದಾತು ಪ್ರ॒ಜಾ-ಮ್ಪ॒ಶೂನ್ಪುಷ್ಟಿಂ॒-ಯಁಶಃ॑ । ಪ್ರಾ॒ಣಶ್ಚ॑ ಮೇ ಭೂಯಾತ್ ॥ 8 ॥

ಚ॒ನ್ದ್ರಮಾ॒-ಷ್ಷಡ್ಢೋ॑ತಾ । ಸ ಋ॒ತೂನ್ಕ॑ಲ್ಪಯಾತಿ । ಸ ಮೇ॑ ದದಾತು ಪ್ರ॒ಜಾ-ಮ್ಪ॒ಶೂನ್ಪುಷ್ಟಿಂ॒-ಯಁಶಃ॑ । ಋ॒ತವ॑ಶ್ಚ ಮೇ ಕಲ್ಪನ್ತಾಮ್ । ಅನ್ನಗ್ಂ॑ ಸ॒ಪ್ತಹೋ॑ತಾ । ಸ ಪ್ರಾ॒ಣಸ್ಯ॑ ಪ್ರಾ॒ಣಃ । ಸ ಮೇ॑ ದದಾತು ಪ್ರ॒ಜಾ-ಮ್ಪ॒ಶೂನ್ಪುಷ್ಟಿಂ॒-ಯಁಶಃ॑ । ಪ್ರಾ॒ಣಸ್ಯ॑ ಚ ಮೇ ಪ್ರಾ॒ಣೋ ಭೂ॑ಯಾತ್ । ದ್ಯೌರ॒ಷ್ಟಹೋ॑ತಾ । ಸೋ॑-ಽನಾಧೃ॒ಷ್ಯಃ ॥ 9 ॥

ಸ ಮೇ॑ ದದಾತು ಪ್ರ॒ಜಾ-ಮ್ಪ॒ಶೂನ್ಪುಷ್ಟಿಂ॒-ಯಁಶಃ॑ । ಅ॒ನಾ॒ಧೃ॒ಷ್ಯಶ್ಚ॑ ಭೂಯಾಸಮ್ । ಆ॒ದಿ॒ತ್ಯೋ ನವ॑ಹೋತಾ । ಸ ತೇ॑ಜ॒ಸ್ವೀ । ಸ ಮೇ॑ ದದಾತು ಪ್ರ॒ಜಾ-ಮ್ಪ॒ಶೂನ್ಪುಷ್ಟಿಂ॒-ಯಁಶಃ॑ । ತೇ॒ಜ॒ಸ್ವೀ ಚ॑ ಭೂಯಾಸಮ್ । ಪ್ರ॒ಜಾಪ॑ತಿ॒ರ್ದಶ॑ಹೋತಾ । ಸ ಇ॒ದಗ್ಂ ಸರ್ವ᳚ಮ್ । ಸ ಮೇ॑ ದದಾತು ಪ್ರ॒ಜಾ-ಮ್ಪ॒ಶೂನ್ಪುಷ್ಟಿಂ॒-ಯಁಶಃ॑ । ಸರ್ವ॑-ಞ್ಚ ಮೇ ಭೂಯಾತ್ ॥ 10 ॥

ಪ್ರ॒ತಿ॒ಷ್ಠಾ ಪ್ರಾ॒ಣಶ್ಚ॑ ಮೇ ಭೂಯಾದನಾಧೃ॒ಷ್ಯಸ್ಸರ್ವ-ಞ್ಚ ಮೇ ಭೂಯಾತ್ ॥
ಬ್ರಾ॒ಹ್ಮ॒ಣೋ ಯ॒ಜ್ಞೋ᳚-ಽಗ್ನಿರ್ಭ॒ರ್ತಾ ಪೃ॑ಥಿ॒ವೀ ಪ್ರ॑ತಿ॒ಷ್ಠಾ-ಽನ್ತರಿ॑ಖ್ಷಂ-ವಿಁ॒ಷ್ಠಾ ವಾ॒ಯುಃ ಪ್ರಾ॒ಣಶ್ಚ॒ನ್ದ್ರಮಾ॑ ಸ ಋ॒ತೂನನ್ನ॒ಗ್ಂ॒ ಸ ಪ್ರಾ॒ಣಸ್ಯ॑ ಪ್ರಾ॒ಣೋ ದ್ಯೌರ॑ನಾಧೃ॒ಷ್ಯ ಆ॑ದಿ॒ತ್ಯಸ್ಸ ತೇ॑ಜ॒ಸ್ವೀ ಪ್ರ॒ಜಾಪ॑ತಿ॒-ಸ್ಸ ಇ॒ದಗ್ಂ ಸರ್ವ॒ಗ್ಂ॒ ಸರ್ವ॑-ಞ್ಚ ಮೇ ಭೂಯಾತ್ ॥

ಅ॒ಗ್ನಿರ್ಯಜು॑ರ್ಭಿಃ । ಸ॒ವಿ॒ತಾ ಸ್ತೋಮೈಃ᳚ । ಇನ್ದ್ರ॑ ಉಕ್ಥಾಮ॒ದೈಃ । ಮಿ॒ತ್ರಾವರು॑ಣಾವಾ॒ಶಿಷಾ᳚ । ಅಙ್ಗಿ॑ರಸೋ॒ ಧಿಷ್ಣಿ॑ಯೈರ॒ಗ್ನಿಭಿಃ॑ । ಮ॒ರುತ॑ಸ್ಸದೋಹವಿರ್ಧಾ॒ನಾಭ್ಯಾ᳚ಮ್ । ಆಪಃ॒ ಪ್ರೋಖ್ಷ॑ಣೀಭಿಃ । ಓಷ॑ಧಯೋ ಬ॒ರ್​ಹಿಷಾ᳚ । ಅದಿ॑ತಿ॒ರ್ವೇದ್ಯಾ᳚ । ಸೋಮೋ॑ ದೀ॒ಖ್ಷಯಾ᳚ ॥ 11 ॥

ತ್ವಷ್ಟೇ॒ಧ್ಮೇನ॑ । ವಿಷ್ಣು॑ರ್ಯ॒ಜ್ಞೇನ॑ । ವಸ॑ವ॒ ಆಜ್ಯೇ॑ನ । ಆ॒ದಿ॒ತ್ಯಾ ದಖ್ಷಿ॑ಣಾಭಿಃ । ವಿಶ್ವೇ॑ ದೇ॒ವಾ ಊ॒ರ್ಜಾ । ಪೂ॒ಷಾ ಸ್ವ॑ಗಾಕಾ॒ರೇಣ॑ । ಬೃಹ॒ಸ್ಪತಿಃ॑ ಪುರೋ॒ಧಯಾ᳚ । ಪ್ರ॒ಜಾಪ॑ತಿರುದ್ಗೀ॒ಥೇನ॑ । ಅ॒ನ್ತರಿ॑ಖ್ಷ-ಮ್ಪ॒ವಿತ್ರೇ॑ಣ । ವಾ॒ಯುಃ ಪಾತ್ರೈಃ᳚ । ಅ॒ಹಗ್ಗ್‍ಂ ಶ್ರ॒ದ್ಧಯಾ᳚ ॥ 12 ॥
ದೀ॒ಖ್ಷಯಾ॒ ಪಾತ್ರೈ॒ರೇಕ॑-ಞ್ಚ ॥ 8 ॥

ಸೇನೇನ್ದ್ರ॑ಸ್ಯ । ಧೇನಾ॒ ಬೃಹ॒ಸ್ಪತೇಃ᳚ । ಪ॒ಥ್ಯಾ॑ ಪೂ॒ಷ್ಣಃ । ವಾಗ್ವಾ॒ಯೋಃ । ದೀ॒ಖ್ಷಾ ಸೋಮ॑ಸ್ಯ । ಪೃ॒ಥಿ॒ವ್ಯ॑ಗ್ನೇಃ । ವಸೂ॑ನಾ-ಙ್ಗಾಯ॒ತ್ರೀ । ರು॒ದ್ರಾಣಾ᳚-ನ್ತ್ರಿ॒ಷ್ಟುಕ್ । ಆ॒ದಿ॒ತ್ಯಾನಾ॒-ಞ್ಜಗ॑ತೀ । ವಿಷ್ಣೋ॑ರನು॒ಷ್ಟುಕ್ ॥ 13 ॥

ವರು॑ಣಸ್ಯ ವಿ॒ರಾಟ್ । ಯ॒ಜ್ಞಸ್ಯ॑ ಪ॒ಙ್ಕ್ತಿಃ । ಪ್ರ॒ಜಾಪ॑ತೇ॒ರನು॑ಮತಿಃ । ಮಿ॒ತ್ರಸ್ಯ॑ ಶ್ರ॒ದ್ಧಾ । ಸ॒ವಿ॒ತುಃ ಪ್ರಸೂ॑ತಿಃ । ಸೂರ್ಯ॑ಸ್ಯ॒ ಮರೀ॑ಚಿಃ । ಚ॒ನ್ದ್ರಮ॑ಸೋ ರೋಹಿ॒ಣೀ । ಋಷೀ॑ಣಾಮರುನ್ಧ॒ತೀ । ಪ॒ರ್ಜನ್ಯ॑ಸ್ಯ ವಿ॒ದ್ಯುತ್ । ಚತ॑ಸ್ರೋ॒ ದಿಶಃ॑ । ಚತ॑ಸ್ರೋ-ಽವಾನ್ತರದಿ॒ಶಾಃ । ಅಹ॑ಶ್ಚ॒ ರಾತ್ರಿ॑ಶ್ಚ । ಕೃ॒ಷಿಶ್ಚ॒ ವೃಷ್ಟಿ॑ಶ್ಚ । ತ್ವಿಷಿ॒ಶ್ಚಾಪ॑ಚಿತಿಶ್ಚ । ಆಪ॒ಶ್ಚೌಷ॑ಧಯಶ್ಚ । ಊರ್ಕ್ಚ॑ ಸೂ॒ನೃತಾ॑ ಚ ದೇ॒ವಾನಾ॒-ಮ್ಪತ್ನ॑ಯಃ ॥ 14 ॥
ಅ॒ನು॒ಷ್ಟುಗ್ದಿಶ॒ಷ್ಷಟ್ಚ॑ ॥ 9 ॥

ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇ । ಅ॒ಶ್ವಿನೋ᳚ರ್ಬಾ॒ಹುಭ್ಯಾ᳚ಮ್ । ಪೂ॒ಷ್ಣೋ ಹಸ್ತಾ᳚ಭ್ಯಾ॒-ಮ್ಪ್ರತಿ॑ಗೃಹ್ಣಾಮಿ । ರಾಜಾ᳚ ತ್ವಾ॒ ವರು॑ಣೋ ನಯತು ದೇವಿ ದಖ್ಷಿಣೇ॒-ಽಗ್ನಯೇ॒ ಹಿರ॑ಣ್ಯಮ್ । ತೇನಾ॑ಮೃತ॒ತ್ವಮ॑ಶ್ಯಾಮ್ । ವಯೋ॑ ದಾ॒ತ್ರೇ । ಮಯೋ॒ ಮಹ್ಯ॑ಮಸ್ತು ಪ್ರತಿಗ್ರಹೀ॒ತ್ರೇ । ಕ ಇ॒ದ-ಙ್ಕಸ್ಮಾ॑ ಅದಾತ್ । ಕಾಮಃ॒ ಕಾಮಾ॑ಯ । ಕಾಮೋ॑ ದಾ॒ತಾ ॥ 15 ॥

ಕಾಮಃ॑ ಪ್ರತಿಗ್ರಹೀ॒ತಾ । ಕಾಮಗ್ಂ॑ ಸಮು॒ದ್ರಮಾವಿ॑ಶ । ಕಾಮೇ॑ನ ತ್ವಾ॒ ಪ್ರತಿ॑ಗೃಹ್ಣಾಮಿ । ಕಾಮೈ॒ತತ್ತೇ᳚ । ಏ॒ಷಾ ತೇ॑ ಕಾಮ॒ ದಖ್ಷಿ॑ಣಾ । ಉ॒ತ್ತಾ॒ನಸ್ತ್ವಾ᳚-ಽಽಙ್ಗೀರ॒ಸಃ ಪ್ರತಿ॑ಗೃಹ್ಣಾತು । ಸೋಮಾ॑ಯ॒ ವಾಸಃ॑ । ರು॒ದ್ರಾಯ॒ ಗಾಮ್ । ವರು॑ಣಾ॒ಯಾಶ್ವ᳚ಮ್ । ಪ್ರ॒ಜಾಪ॑ತಯೇ॒ ಪುರು॑ಷಮ್ ॥ 16 ॥

ಮನ॑ವೇ॒ ತಲ್ಪ᳚ಮ್ । ತ್ವಷ್ಟ್ರೇ॒-ಽಜಾಮ್ । ಪೂ॒ಷ್ಣೇ-ಽವಿ᳚ಮ್ । ನಿರ್-ಋ॑ತ್ಯಾ ಅಶ್ವತರಗರ್ದ॒ಭೌ । ಹಿ॒ಮವ॑ತೋ ಹ॒ಸ್ತಿನ᳚ಮ್ । ಗ॒ನ್ಧ॒ರ್ವಾ॒ಪ್ಸ॒ರಾಭ್ಯ॑ಸ್ಸ್ರಗಲಙ್ಕರ॒ಣೇ । ವಿಶ್ವೇ᳚ಭ್ಯೋ ದೇ॒ವೇಭ್ಯೋ॑ ಧಾ॒ನ್ಯಮ್ । ವಾ॒ಚೇ-ಽನ್ನ᳚ಮ್ । ಬ್ರಹ್ಮ॑ಣ ಓದ॒ನಮ್ । ಸ॒ಮು॒ದ್ರಾಯಾಪಃ॑ ॥ 17 ॥

ಉ॒ತ್ತಾ॒ನಾಯಾ᳚ಙ್ಗೀರ॒ಸಾಯಾನಃ॑ । ವೈ॒ಶ್ವಾ॒ನ॒ರಾಯ॒ ರಥ᳚ಮ್ । ವೈ॒ಶ್ವಾ॒ನ॒ರಃ ಪ್ರ॒ತ್ನಥಾ॒ ನಾಕ॒ಮಾರು॑ಹತ್ । ದಿ॒ವಃ ಪೃ॒ಷ್ಠ-ಮ್ಭನ್ದ॑ಮಾನಸ್ಸು॒ಮನ್ಮ॑ಭಿಃ । ಸ ಪೂ᳚ರ್ವ॒ವಜ್ಜ॒ನಯ॑ಜ್ಜ॒ನ್ತವೇ॒ ಧನ᳚ಮ್ । ಸ॒ಮಾ॒ನಮ॑ಜ್ಮಾ॒ ಪರಿ॑ಯಾತಿ॒ ಜಾಗೃ॑ವಿಃ । ರಾಜಾ᳚ ತ್ವಾ॒ ವರು॑ಣೋ ನಯತು ದೇವಿ ದಖ್ಷಿಣೇ ವೈಶ್ವಾನ॒ರಾಯ॒ ರಥ᳚ಮ್ । ತೇನಾ॑ಮೃತ॒ತ್ವಮ॑ಶ್ಯಾಮ್ । ವಯೋ॑ ದಾ॒ತ್ರೇ । ಮಯೋ॒ ಮಹ್ಯ॑ಮಸ್ತು ಪ್ರತಿಗ್ರಹೀ॒ತ್ರೇ ॥ 18 ॥

ಕ ಇ॒ದ-ಙ್ಕಸ್ಮಾ॑ ಅದಾತ್ । ಕಾಮಃ॒ ಕಾಮಾ॑ಯ । ಕಾಮೋ॑ ದಾ॒ತಾ । ಕಾಮಃ॑ ಪ್ರತಿಗ್ರಹೀ॒ತಾ । ಕಾಮಗ್ಂ॑ ಸಮು॒ದ್ರಮಾವಿ॑ಶ । ಕಾಮೇ॑ನ ತ್ವಾ॒ ಪ್ರತಿ॑ಗೃಹ್ಣಾಮಿ । ಕಾಮೈ॒ತತ್ತೇ᳚ । ಏ॒ಷಾ ತೇ॑ ಕಾಮ॒ ದಖ್ಷಿ॑ಣಾ । ಉ॒ತ್ತಾ॒ನಸ್ತ್ವಾ᳚-ಽಽಙ್ಗೀರ॒ಸಃ ಪ್ರತಿ॑ಗೃಹ್ಣಾತು ॥ 19 ॥
ದಾ॒ತಾ ಪುರು॑ಷ॒ಮಾಪಃ॑ ಪ್ರತಿಗ್ರಹೀ॒ತ್ರೇ ನವ॑ ಚ ॥ 10 ॥

ಸು॒ವರ್ಣ॑-ಙ್ಘ॒ರ್ಮ-ಮ್ಪರಿ॑ವೇದ ವೇ॒ನಮ್ । ಇನ್ದ್ರ॑ಸ್ಯಾ॒-ಽಽತ್ಮಾನ॑-ನ್ದಶ॒ಧಾ ಚರ॑ನ್ತಮ್ । ಅ॒ನ್ತಸ್ಸ॑ಮು॒ದ್ರೇ ಮನ॑ಸಾ॒ ಚರ॑ನ್ತಮ್ । ಬ್ರಹ್ಮಾ-ಽನ್ವ॑ವಿನ್ದ॒ದ್ದಶ॑ಹೋತಾರ॒ಮರ್ಣೇ᳚ । ಅ॒ನ್ತಃ ಪ್ರವಿ॑ಷ್ಟಶ್ಶಾ॒ಸ್ತಾ ಜನಾ॑ನಾಮ್ । ಏಕ॒ಸ್ಸನ್ಬ॑ಹು॒ಧಾ ವಿ॑ಚಾರಃ । ಶ॒ತಗ್ಂ ಶು॒ಕ್ರಾಣಿ॒ ಯತ್ರೈಕ॒-ಮ್ಭವ॑ನ್ತಿ । ಸರ್ವೇ॒ ವೇದಾ॒ ಯತ್ರೈಕ॒-ಮ್ಭವ॑ನ್ತಿ । ಸರ್ವೇ॒ ಹೋತಾ॑ರೋ॒ ಯತ್ರೈಕ॒-ಮ್ಭವ॑ನ್ತಿ । ಸ॒ ಮಾನ॑ಸೀನ ಆ॒ತ್ಮಾ ಜನಾ॑ನಾಮ್ ॥ 20 ॥

ಅ॒ನ್ತಃ ಪ್ರವಿ॑ಷ್ಟಶ್ಶಾ॒ಸ್ತಾ ಜನಾ॑ನಾ॒ಗ್ಂ॒ ಸರ್ವಾ᳚ತ್ಮಾ । ಸರ್ವಾಃ᳚ ಪ್ರ॒ಜಾ ಯತ್ರೈಕ॒-ಮ್ಭವ॑ನ್ತಿ । ಚತು॑ರ್​ಹೋತಾರೋ॒ ಯತ್ರ॑ ಸ॒ಮ್ಪದ॒-ಙ್ಗಚ್ಛ॑ನ್ತಿ ದೇ॒ವೈಃ । ಸ॒ ಮಾನ॑ಸೀನ ಆ॒ತ್ಮಾ ಜನಾ॑ನಾಮ್ । ಬ್ರಹ್ಮೇನ್ದ್ರ॑ಮ॒ಗ್ನಿ-ಞ್ಜಗ॑ತಃ ಪ್ರತಿ॒ಷ್ಠಾಮ್ । ದಿ॒ವ ಆ॒ತ್ಮಾನಗ್ಂ॑ ಸವಿ॒ತಾರ॒-ಮ್ಬೃಹ॒ಸ್ಪತಿ᳚ಮ್ । ಚತು॑ರ್​ಹೋತಾರ-ಮ್ಪ್ರ॒ದಿಶೋ-ಽನು॑ಕ್ಲೃ॒ಪ್ತಮ್ । ವಾ॒ಚೋ ವೀ॒ರ್ಯ॑-ನ್ತಪ॒ಸಾ-ಽನ್ವ॑ವಿನ್ದತ್ । ಅ॒ನ್ತಃ ಪ್ರವಿ॑ಷ್ಟ-ಙ್ಕ॒ರ್ತಾರ॑ಮೇ॒ತಮ್ । ತ್ವಷ್ಟಾ॑ರಗ್ಂ ರೂ॒ಪಾಣಿ॑ ವಿಕು॒ರ್ವನ್ತಂ॑-ವಿಁಪ॒ಶ್ಚಿಮ್ ॥ 21 ॥

ಅ॒ಮೃತ॑ಸ್ಯ ಪ್ರಾ॒ಣಂ-ಯಁ॒ಜ್ಞಮೇ॒ತಮ್ । ಚತು॑ರ್​ಹೋತೃಣಾಮಾ॒ತ್ಮಾನ॑-ಙ್ಕ॒ವಯೋ॒ ನಿಚಿ॑ಕ್ಯುಃ । ಅ॒ನ್ತಃ ಪ್ರವಿ॑ಷ್ಟ-ಙ್ಕ॒ರ್ತಾರ॑ಮೇ॒ತಮ್ । ದೇ॒ವಾನಾ॒-ಮ್ಬನ್ಧು॒ ನಿಹಿ॑ತ॒-ಙ್ಗುಹಾ॑ಸು । ಅ॒ಮೃತೇ॑ನ ಕ್ಲೃ॒ಪ್ತಂ-ಯಁ॒ಜ್ಞಮೇ॒ತಮ್ । ಚತು॑ರ್​ಹೋತೃಣಾಮಾ॒ತ್ಮಾನ॑-ಙ್ಕ॒ವಯೋ॒ ನಿಚಿ॑ಕ್ಯುಃ । ಶ॒ತ-ನ್ನಿ॒ಯುತಃ॒ ಪರಿ॑ವೇದ॒ ವಿಶ್ವಾ॑ ವಿ॒ಶ್ವವಾ॑ರಃ । ವಿಶ್ವ॑ಮಿ॒ದಂ-ವೃಁ॑ಣಾತಿ । ಇನ್ದ್ರ॑ಸ್ಯಾ॒-ಽಽತ್ಮಾ ನಿಹಿ॑ತಃ॒ ಪಞ್ಚ॑ಹೋತಾ । ಅ॒ಮೃತ॑-ನ್ದೇ॒ವಾನಾ॒ಮಾಯುಃ॑ ಪ್ರ॒ಜಾನಾ᳚ಮ್ ॥ 22 ॥

ಇನ್ದ್ರ॒ಗ್ಂ॒ ರಾಜಾ॑ನಗ್ಂ ಸವಿ॒ತಾರ॑ಮೇ॒ತಮ್ । ವಾ॒ಯೋರಾ॒ತ್ಮಾನ॑-ಙ್ಕ॒ವಯೋ॒ ನಿಚಿ॑ಕ್ಯುಃ । ರ॒ಶ್ಮಿಗ್ಂ ರ॑ಶ್ಮೀ॒ನಾ-ಮ್ಮಧ್ಯೇ॒ ತಪ॑ನ್ತಮ್ । ಋ॒ತಸ್ಯ॑ ಪ॒ದೇ ಕ॒ವಯೋ॒ ನಿಪಾ᳚ನ್ತಿ । ಯ ಆ᳚ಣ್ಡಕೋ॒ಶೇ ಭುವ॑ನ-ಮ್ಬಿ॒ಭರ್ತಿ॑ । ಅನಿ॑ರ್ಭಿಣ್ಣ॒ಸ್ಸನ್ನಥ॑ ಲೋ॒ಕಾನ್ ವಿ॒ಚಷ್ಟೇ᳚ । ಯಸ್ಯಾ᳚ಣ್ಡಕೋ॒ಶಗ್ಂ ಶುಷ್ಮ॑ಮಾ॒ಹುಃ ಪ್ರಾ॒ಣಮುಲ್ಬ᳚ಮ್ । ತೇನ॑ ಕ್ಲೃ॒ಪ್ತೋ॑-ಽಮೃತೇ॑ನಾ॒ಹಮ॑ಸ್ಮಿ । ಸು॒ವರ್ಣ॒-ಙ್ಕೋಶ॒ಗ್ಂ॒ ರಜ॑ಸಾ॒ ಪರೀ॑ವೃತಮ್ । ದೇ॒ವಾನಾಂ᳚-ವಁಸು॒ಧಾನೀಂ᳚-ವಿಁ॒ರಾಜ᳚ಮ್ ॥ 23 ॥

ಅ॒ಮೃತ॑ಸ್ಯ ಪೂ॒ರ್ಣಾ-ನ್ತಾಮು॑ ಕ॒ಲಾಂ-ವಿಁಚ॑ಖ್ಷತೇ । ಪಾದ॒ಗ್ಂ॒ ಷಡ್ಢೋ॑ತು॒ರ್ನ ಕಿಲಾ॑-ಽಽವಿವಿತ್ಸೇ । ಯೇನ॒ರ್ತವಃ॑ ಪಞ್ಚ॒ಧೋತ ಕ್ಲೃ॒ಪ್ತಾಃ । ಉ॒ತ ವಾ॑ ಷ॒ಡ್ಧಾ ಮನ॒ಸೋತ ಕ್ಲೃ॒ಪ್ತಾಃ । ತಗ್ಂ ಷಡ್ಢೋ॑ತಾರಮೃ॒ತುಭಿಃ॒ ಕಲ್ಪ॑ಮಾನಮ್ । ಋ॒ತಸ್ಯ॑ ಪ॒ದೇ ಕ॒ವಯೋ॒ ನಿಪಾ᳚ನ್ತಿ । ಅ॒ನ್ತಃ ಪ್ರವಿ॑ಷ್ಟ-ಙ್ಕ॒ರ್ತಾರ॑ಮೇ॒ತಮ್ । ಅ॒ನ್ತಶ್ಚ॒ನ್ದ್ರಮ॑ಸಿ॒ ಮನ॑ಸಾ॒ ಚರ॑ನ್ತಮ್ । ಸ॒ಹೈವ ಸನ್ತ॒-ನ್ನ ವಿಜಾ॑ನನ್ತಿ ದೇ॒ವಾಃ । ಇನ್ದ್ರ॑ಸ್ಯಾ॒-ಽಽತ್ಮಾನಗ್ಂ॑ ಶತ॒ಧಾ ಚರ॑ನ್ತಮ್ ॥ 24 ॥

ಇನ್ದ್ರೋ॒ ರಾಜಾ॒ ಜಗ॑ತೋ॒ ಯ ಈಶೇ᳚ । ಸ॒ಪ್ತಹೋ॑ತಾ ಸಪ್ತ॒ಧಾ ವಿಕ್ಲೃ॑ಪ್ತಃ । ಪರೇ॑ಣ॒ ತನ್ತು॑-ಮ್ಪರಿಷಿ॒ಚ್ಯಮಾ॑ನಮ್ । ಅ॒ನ್ತರಾ॑ದಿ॒ತ್ಯೇ ಮನ॑ಸಾ॒ ಚರ॑ನ್ತಮ್ । ದೇ॒ವಾನಾ॒ಗ್ಂ॒ ಹೃದ॑ಯ॒-ಮ್ಬ್ರಹ್ಮಾ-ಽನ್ವ॑ವಿನ್ದತ್ । ಬ್ರಹ್ಮೈ॒ತದ್ಬ್ರಹ್ಮ॑ಣ॒ ಉಜ್ಜ॑ಭಾರ । ಅ॒ರ್ಕಗ್ಗ್‍ಂ ಶ್ಚೋತ॑ನ್ತಗ್ಂ ಸರಿ॒ರಸ್ಯ॒ ಮಧ್ಯೇ᳚ । ಆ ಯಸ್ಮಿ॑ನ್​ಥ್ಸ॒ಪ್ತ ಪೇರ॑ವಃ । ಮೇಹ॑ನ್ತಿ ಬಹು॒ಲಾಗ್ಂ ಶ್ರಿಯ᳚ಮ್ । ಬ॒ಹ್ವ॒ಶ್ವಾಮಿ॑ನ್ದ್ರ॒ ಗೋಮ॑ತೀಮ್ ॥ 25 ॥

ಅಚ್ಯು॑ತಾ-ಮ್ಬಹು॒ಲಾಗ್ಂ ಶ್ರಿಯ᳚ಮ್ । ಸ ಹರಿ॑ರ್ವಸು॒ವಿತ್ತ॑ಮಃ । ಪೇ॒ರುರಿನ್ದ್ರಾ॑ಯ ಪಿನ್ವತೇ । ಬ॒ಹ್ವ॒ಶ್ವಾಮಿ॑ನ್ದ್ರ॒ ಗೋಮ॑ತೀಮ್ । ಅಚ್ಯು॑ತಾ-ಮ್ಬಹು॒ಲಾಗ್ಂ ಶ್ರಿಯ᳚ಮ್ । ಮಹ್ಯ॒ಮಿನ್ದ್ರೋ॒ ನಿಯ॑ಚ್ಛತು । ಶ॒ತಗ್ಂ ಶ॒ತಾ ಅ॑ಸ್ಯ ಯು॒ಕ್ತಾ ಹರೀ॑ಣಾಮ್ । ಅ॒ರ್ವಾಙಾ ಯಾ॑ತು॒ ವಸು॑ಭೀ ರ॒ಶ್ಮಿರಿನ್ದ್ರಃ॑ । ಪ್ರಮಗ್ಂ‍ಹ॑ ಮಾಣೋ ಬಹು॒ಲಾಗ್ಂ ಶ್ರಿಯ᳚ಮ್ । ರ॒ಶ್ಮಿರಿನ್ದ್ರ॑ಸ್ಸವಿ॒ತಾ ಮೇ॒ ನಿಯ॑ಚ್ಛತು ॥ 26 ॥

ಘೃ॒ತ-ನ್ತೇಜೋ॒ ಮಧು॑ಮದಿನ್ದ್ರಿ॒ಯಮ್ । ಮಯ್ಯ॒ಯಮ॒ಗ್ನಿರ್ದ॑ಧಾತು । ಹರಿಃ॑ ಪತ॒ಙ್ಗಃ ಪ॑ಟ॒ರೀ ಸು॑ಪ॒ರ್ಣಃ । ದಿ॒ವಿ॒ಖ್ಷಯೋ॒ ನಭ॑ಸಾ॒ ಯ ಏತಿ॑ । ಸ ನ॒ ಇನ್ದ್ರಃ॑ ಕಾಮವ॒ರ-ನ್ದ॑ದಾತು । ಪಞ್ಚಾ॑ರ-ಞ್ಚ॒ಕ್ರ-ಮ್ಪರಿ॑ವರ್ತತೇ ಪೃ॒ಥು । ಹಿರ॑ಣ್ಯಜ್ಯೋತಿಸ್ಸರಿ॒ರಸ್ಯ॒ ಮಧ್ಯೇ᳚ । ಅಜ॑ಸ್ರ॒-ಞ್ಜ್ಯೋತಿ॒ರ್ನಭ॑ಸಾ॒ ಸರ್ಪ॑ದೇತಿ । ಸ ನ॒ ಇನ್ದ್ರಃ॑ ಕಾಮವ॒ರ-ನ್ದ॑ದಾತು । ಸ॒ಪ್ತ ಯು॑ಞ್ಜನ್ತಿ॒ ರಥ॒ಮೇಕ॑ಚಕ್ರಮ್ ॥ 27 ॥

ಏಕೋ॒ ಅಶ್ವೋ॑ ವಹತಿ ಸಪ್ತನಾ॒ಮಾ । ತ್ರಿ॒ನಾಭಿ॑ ಚ॒ಕ್ರಮ॒ಜರ॒ಮನ॑ರ್ವಮ್ । ಯೇನೇ॒ಮಾ ವಿಶ್ವಾ॒ ಭುವ॑ನಾನಿ ತಸ್ಥುಃ । ಭ॒ದ್ರ-ಮ್ಪಶ್ಯ॑ನ್ತ॒ ಉಪ॑ಸೇದು॒ರಗ್ರೇ᳚ । ತಪೋ॑ ದೀ॒ಖ್ಷಾಮೃಷ॑ಯಸ್ಸುವ॒ರ್ವಿದಃ॑ । ತತಃ॑, ಖ್ಷ॒ತ್ತ್ರ-ಮ್ಬಲ॒ಮೋಜ॑ಶ್ಚ ಜಾ॒ತಮ್ । ತದ॒ಸ್ಮೈ ದೇ॒ವಾ ಅ॒ಭಿಸ-ನ್ನ॑ಮನ್ತು । ಶ್ವೇ॒ತಗ್ಂ ರ॒ಶ್ಮಿ-ಮ್ಬೋ॑ಭು॒ಜ್ಯಮಾ॑ನಮ್ । ಅ॒ಪಾ-ನ್ನೇ॒ತಾರ॒-ಮ್ಭುವ॑ನಸ್ಯ ಗೋ॒ಪಾಮ್ । ಇನ್ದ್ರ॒-ನ್ನಿಚಿ॑ಕ್ಯುಃ ಪರ॒ಮೇ ವ್ಯೋ॑ಮನ್ನ್ ॥ 28 ॥

ರೋಹಿ॑ಣೀಃ ಪಿಙ್ಗ॒ಲಾ ಏಕ॑ರೂಪಾಃ । ಖ್ಷರ॑ನ್ತೀಃ ಪಿಙ್ಗ॒ಲಾ ಏಕ॑ರೂಪಾಃ । ಶ॒ತಗ್ಂ ಸ॒ಹಸ್ರಾ॑ಣಿ ಪ್ರ॒ಯುತಾ॑ನಿ॒ ನಾವ್ಯಾ॑ನಾಮ್ । ಅ॒ಯಂ-ಯಁಶ್ಶ್ವೇ॒ತೋ ರ॒ಶ್ಮಿಃ । ಪರಿ॒ ಸರ್ವ॑ಮಿ॒ದ-ಞ್ಜಗ॑ತ್ । ಪ್ರ॒ಜಾ-ಮ್ಪ॒ಶೂನ್ಧನಾ॑ನಿ । ಅ॒ಸ್ಮಾಕ॑-ನ್ದದಾತು । ಶ್ವೇ॒ತೋ ರ॒ಶ್ಮಿಃ ಪರಿ॒ ಸರ್ವ॑-ಮ್ಬಭೂವ । ಸುವ॒ನ್ಮಹ್ಯ॑-ಮ್ಪ॒ಶೂನ್ ವಿ॒ಶ್ವರೂ॑ಪಾನ್ । ಪ॒ತ॒ಙ್ಗಮ॒ಕ್ತಮಸು॑ರಸ್ಯ ಮಾ॒ಯಯಾ᳚ ॥ 29 ॥

ಹೃ॒ದಾ ಪ॑ಶ್ಯನ್ತಿ॒ ಮನ॑ಸಾ ಮನೀ॒ಷಿಣಃ॑ । ಸ॒ಮು॒ದ್ರೇ ಅ॒ನ್ತಃ ಕ॒ವಯೋ॒ ವಿಚ॑ಖ್ಷತೇ । ಮರೀ॑ಚೀನಾ-ಮ್ಪ॒ದಮಿ॑ಚ್ಛನ್ತಿ ವೇ॒ಧಸಃ॑ । ಪ॒ತ॒ಙ್ಗೋ ವಾಚ॒-ಮ್ಮನ॑ಸಾ ಬಿಭರ್ತಿ । ತಾ-ಙ್ಗ॑ನ್ಧ॒ರ್ವೋ॑-ಽವದ॒ದ್ಗರ್ಭೇ॑ ಅ॒ನ್ತಃ । ತಾ-ನ್ದ್ಯೋತ॑ಮಾನಾಗ್ಂ ಸ್ವ॒ರ್ಯ॑-ಮ್ಮನೀ॒ಷಾಮ್ । ಋ॒ತಸ್ಯ॑ ಪ॒ದೇ ಕ॒ವಯೋ॒ ನಿಪಾ᳚ನ್ತಿ । ಯೇ ಗ್ರಾ॒ಮ್ಯಾಃ ಪ॒ಶವೋ॑ ವಿ॒ಶ್ವರೂ॑ಪಾಃ । ವಿರೂ॑ಪಾ॒ಸ್ಸನ್ತೋ॑ ಬಹು॒ಧೈಕ॑ರೂಪಾಃ । ಅ॒ಗ್ನಿಸ್ತಾಗ್ಂ ಅಗ್ರೇ॒ ಪ್ರಮು॑ಮೋಕ್ತು ದೇ॒ವಃ ॥ 30 ॥

ಪ್ರ॒ಜಾಪ॑ತಿಃ ಪ್ರ॒ಜಯಾ॑ ಸಂ​ವಿಁದಾ॒ನಃ । ವೀ॒ತಗ್ಗ್‍ಂ ಸ್ತು॑ಕೇ ಸ್ತುಕೇ । ಯು॒ವಮ॒ಸ್ಮಾಸು॒ ನಿಯ॑ಚ್ಛತಮ್ । ಪ್ರ ಪ್ರ॑ ಯ॒ಜ್ಞಪ॑ತಿ-ನ್ತಿರ । ಯೇ ಗ್ರಾ॒ಮ್ಯಾಃ ಪ॒ಶವೋ॑ ವಿ॒ಶ್ವರೂ॑ಪಾಃ । ವಿರೂ॑ಪಾ॒ಸ್ಸನ್ತೋ॑ ಬಹು॒ಧೈಕ॑ರೂಪಾಃ । ತೇಷಾಗ್ಂ॑ ಸಪ್ತಾ॒ನಾಮಿ॒ಹ ರನ್ತಿ॑ರಸ್ತು । ರಾ॒ಯಸ್ಪೋಷಾ॑ಯ ಸುಪ್ರಜಾ॒ಸ್ತ್ವಾಯ॑ ಸು॒ವೀರ್ಯಾ॑ಯ । ಯ ಆ॑ರ॒ಣ್ಯಾಃ ಪ॒ಶವೋ॑ ವಿ॒ಶ್ವರೂ॑ಪಾಃ । ವಿರೂ॑ಪಾ॒ಸ್ಸನ್ತೋ॑ ಬಹು॒ಧೈಕ॑ರೂಪಾಃ । ವಾ॒ಯುಸ್ತಾಗ್ಂ ಅಗ್ರೇ॒ ಪ್ರಮು॑ಮೋಕ್ತು ದೇ॒ವಃ । ಪ್ರ॒ಜಾಪ॑ತಿಃ ಪ್ರ॒ಜಯಾ॑ ಸಂ​ವಿಁದಾ॒ನಃ । ಇಡಾ॑ಯೈ ಸೃ॒ಪ್ತ-ಙ್ಘೃ॒ತವ॑ಚ್ಚರಾಚ॒ರಮ್ । ದೇ॒ವಾ ಅನ್ವ॑ವಿನ್ದ॒ನ್ಗುಹಾ॑ ಹಿ॒ತಮ್ । ಯ ಆ॑ರ॒ಣ್ಯಾಃ ಪ॒ಶವೋ॑ ವಿ॒ಶ್ವರೂ॑ಪಾಃ । ವಿರೂ॑ಪಾ॒ಸ್ಸನ್ತೋ॑ ಬಹು॒ಧೈಕ॑ರೂಪಾಃ । ತೇಷಾಗ್ಂ॑ ಸಪ್ತಾ॒ನಾಮಿ॒ಹ ರನ್ತಿ॑ರಸ್ತು । ರಾ॒ಯಸ್ಪೋಷಾ॑ಯ ಸುಪ್ರಜಾ॒ಸ್ತ್ವಾಯ॑ ಸು॒ವೀರ್ಯಾ॑ಯ ॥ 31 ॥

ಆ॒ತ್ಮಾ ಜನಾ॑ನಾಂ-ವಿಁಕು॒ರ್ವನ್ತಂ॑-ವಿಁಪ॒ಶ್ಚಿ-ಮ್ಪ್ರ॒ಜಾನಾಂ᳚-ವಁಸು॒ಧಾನೀಂ᳚-ವಿಁ॒ರಾಜ॒-ಞ್ಚರ॑ನ್ತ॒-ಙ್ಗೋಮ॑ತೀ-ಮ್ಮೇ॒ ನಿಯ॑ಚ್ಛ॒ತ್ವೇಕ॑ಚಕ್ರಂ॒-ವ್ಯೋಁ॑ಮನ್ಮಾ॒ಯಯಾ॑ ದೇ॒ವ ಏಕ॑ರೂಪಾ ಅ॒ಷ್ಟೌ ಚ॑ ॥ 11 ॥

ಸ॒ಹಸ್ರ॑ಶೀರ್​ಷಾ॒ ಪುರು॑ಷಃ । ಸ॒ಹ॒ಸ್ರಾ॒ಖ್ಷಸ್ಸ॒ಹಸ್ರ॑ಪಾತ್ ।
ಸ ಭೂಮಿಂ॑-ವಿಁ॒ಶ್ವತೋ॑ ವೃ॒ತ್ವಾ । ಅತ್ಯ॑ತಿಷ್ಠದ್ದಶಾಙ್ಗು॒ಲಮ್ ।
ಪುರು॑ಷ ಏ॒ವೇದಗ್ಂ ಸರ್ವ᳚ಮ್ । ಯದ್ಭೂ॒ತಂ-ಯಁಚ್ಚ॒ ಭವ್ಯ᳚ಮ್ ।
ಉ॒ತಾಮೃ॑ತ॒ತ್ವಸ್ಯೇಶಾ॑ನಃ । ಯದನ್ನೇ॑ನಾತಿ॒ರೋಹ॑ತಿ । ಏ॒ತಾವಾ॑ನಸ್ಯ ಮಹಿ॒ಮಾ । ಅತೋ॒ ಜ್ಯಾಯಾಗ್ಂ॑ಶ್ಚ॒ ಪೂರು॑ಷಃ ॥ 32,33 ॥

ಪಾದೋ᳚-ಽಸ್ಯ॒ ವಿಶ್ವಾ॑ ಭೂ॒ತಾನಿ॑ । ತ್ರಿ॒ಪಾದ॑ಸ್ಯಾ॒ಮೃತ॑-ನ್ದಿ॒ವಿ ।
ತ್ರಿ॒ಪಾದೂ॒ರ್ಧ್ವ ಉದೈ॒ತ್ಪುರು॑ಷಃ । ಪಾದೋ᳚-ಽಸ್ಯೇ॒ಹಾಭ॑ವಾ॒ತ್ಪುನಃ॑ ।
ತತೋ॒ ವಿಷ್ವ॒ಙ್ವ್ಯ॑ಕ್ರಾಮತ್ । ಸಾ॒ಶ॒ನಾ॒ನ॒ಶ॒ನೇ ಅ॒ಭಿ ।
ತಸ್ಮಾ᳚ದ್ವಿ॒ರಾಡ॑ಜಾಯತ । ವಿ॒ರಾಜೋ॒ ಅಧಿ॒ ಪೂರು॑ಷಃ । ಸ ಜಾ॒ತೋ ಅತ್ಯ॑ರಿಚ್ಯತ । ಪ॒ಶ್ಚಾದ್ಭೂಮಿ॒ಮಥೋ॑ ಪು॒ರಃ ॥ 34,35 ॥

ಯತ್ಪುರು॑ಷೇಣ ಹ॒ವಿಷಾ᳚ । ದೇ॒ವಾ ಯ॒ಜ್ಞಮತ॑ನ್ವತ ।
ವ॒ಸ॒ನ್ತೋ ಅ॑ಸ್ಯಾ-ಽಽಸೀ॒ದಾಜ್ಯ᳚ಮ್ । ಗ್ರೀ॒ಷ್ಮ ಇ॒ಧ್ಮಶ್ಶ॒ರದ್ಧ॒ವಿಃ ।
ಸ॒ಪ್ತಾಸ್ಯಾ॑-ಽಽಸನ್ಪರಿ॒ಧಯಃ॑ । ತ್ರಿಸ್ಸ॒ಪ್ತ ಸ॒ಮಿಧಃ॑ ಕೃ॒ತಾಃ ।
ದೇ॒ವಾ ಯದ್ಯ॒ಜ್ಞ-ನ್ತ॑ನ್ವಾ॒ನಾಃ । ಅಬ॑ಧ್ನ॒ನ್ಪುರು॑ಷ-ಮ್ಪ॒ಶುಮ್ ।
ತಂ-ಯಁ॒ಜ್ಞ-ಮ್ಬ॒ರ್​ಹಿಷಿ॒ ಪ್ರೌಖ್ಷನ್॑ । ಪುರು॑ಷ-ಞ್ಜಾ॒ತಮ॑ಗ್ರ॒ತಃ ॥ 34,35 ॥

ತೇನ॑ ದೇ॒ವಾ ಅಯ॑ಜನ್ತ । ಸಾ॒ಧ್ಯಾ ಋಷ॑ಯಶ್ಚ॒ ಯೇ ।
ತಸ್ಮಾ᳚ದ್ಯ॒ಜ್ಞಾಥ್ಸ॑ರ್ವ॒ಹುತಃ॑ । ಸಮ್ಭೃ॑ತ-ಮ್ಪೃಷದಾ॒ಜ್ಯಮ್ ।
ಪ॒ಶೂಗ್‍ಸ್ತಾಗ್‍ಶ್ಚ॑ಕ್ರೇ ವಾಯ॒ವ್ಯಾನ್॑ । ಆ॒ರ॒ಣ್ಯಾನ್ಗ್ರಾ॒ಮ್ಯಾಶ್ಚ॒ ಯೇ ।
ತಸ್ಮಾ᳚ದ್ಯ॒ಜ್ಞಾಥ್ಸ॑ರ್ವ॒ಹುತಃ॑ । ಋಚ॒ಸ್ಸಾಮಾ॑ನಿ ಜಜ್ಞಿರೇ ।
ಛನ್ದಾಗ್ಂ॑ಸಿ ಜಜ್ಞಿರೇ॒ ತಸ್ಮಾ᳚ತ್ । ಯಜು॒ಸ್ತಸ್ಮಾ॑ದಜಾಯತ ॥ 35,36 ॥

ತಸ್ಮಾ॒ದಶ್ವಾ॑ ಅಜಾಯನ್ತ । ಯೇ ಕೇ ಚೋ॑ಭ॒ಯಾದ॑ತಃ ।
ಗಾವೋ॑ ಹ ಜಜ್ಞಿರೇ॒ ತಸ್ಮಾ᳚ತ್ । ತಸ್ಮಾ᳚ಜ್ಜಾ॒ತಾ ಅ॑ಜಾ॒ವಯಃ॑ ।
ಯತ್ಪುರು॑ಷಂ॒-ವ್ಯಁ॑ದಧುಃ । ಕ॒ತಿ॒ಧಾ ವ್ಯ॑ಕಲ್ಪಯನ್ನ್ ।
ಮುಖ॒-ಙ್ಕಿಮ॑ಸ್ಯ॒ ಕೌ ಬಾ॒ಹೂ । ಕಾ ವೂ॒ರೂ ಪಾದಾ॑ವುಚ್ಯೇತೇ ।
ಬ್ರಾ॒ಹ್ಮ॒ಣೋ᳚-ಽಸ್ಯ॒ ಮುಖ॑ಮಾಸೀತ್ । ಬಾ॒ಹೂ ರಾ॑ಜ॒ನ್ಯಃ॑ ಕೃ॒ತಃ ॥ 36,37 ॥

ಊ॒ರೂ ತದ॑ಸ್ಯ॒ ಯದ್ವೈಶ್ಯಃ॑ । ಪ॒ದ್ಭ್ಯಾಗ್ಂ ಶೂ॒ದ್ರೋ ಅ॑ಜಾಯತ ।
ಚ॒ನ್ದ್ರಮಾ॒ ಮನ॑ಸೋ ಜಾ॒ತಃ । ಚಖ್ಷೋ॒ಸ್ಸೂರ್ಯೋ॑ ಅಜಾಯತ ।
ಮುಖಾ॒ದಿನ್ದ್ರ॑ಶ್ಚಾ॒ಗ್ನಿಶ್ಚ॑ । ಪ್ರಾ॒ಣಾದ್ವಾ॒ಯುರ॑ಜಾಯತ ।
ನಾಭ್ಯಾ॑ ಆಸೀದ॒ನ್ತರಿ॑ಖ್ಷಮ್ । ಶೀ॒ರ್​ಷ್ಣೋ ದ್ಯೌಸ್ಸಮ॑ವರ್ತತ ।
ಪ॒ದ್ಭ್ಯಾ-ಮ್ಭೂಮಿ॒ರ್ದಿಶ॒-ಶ್ಶ್ರೋತ್ರಾ᳚ತ್ ।
ತಥಾ॑ ಲೋ॒ಕಾಗ್ಂ ಅ॑ಕಲ್ಪಯನ್ನ್ ॥ 37,38 ॥

ವೇದಾ॒ಹಮೇ॒ತ-ಮ್ಪುರು॑ಷ-ಮ್ಮ॒ಹಾನ್ತ᳚ಮ್ ।
ಆ॒ದಿ॒ತ್ಯವ॑ರ್ಣಂ॒ ತಮ॑ಸ॒ಸ್ತು ಪಾ॒ರೇ ।
ಸರ್ವಾ॑ಣಿ ರೂ॒ಪಾಣಿ॑ ವಿ॒ಚಿತ್ಯ॒ ಧೀರಃ॑ ।
ನಾಮಾ॑ನಿ ಕೃ॒ತ್ವಾ-ಽಭಿ॒ವದ॒ನ್ ಯದಾಸ್ತೇ᳚ ।
ಧಾ॒ತಾ ಪು॒ರಸ್ತಾ॒ದ್ಯಮು॑ದಾಜ॒ಹಾರ॑ ।
ಶ॒ಕ್ರಃ ಪ್ರವಿ॒ದ್ವಾನ್ಪ್ರ॒ದಿಶ॒ಶ್ಚತ॑ಸ್ರಃ ।
ತಮೇ॒ವಂ-ವಿಁ॒ದ್ವಾನ॒ಮೃತ॑ ಇ॒ಹ ಭ॑ವತಿ ।
ನಾನ್ಯಃ ಪನ್ಥಾ॒ ಅಯ॑ನಾಯ ವಿದ್ಯತೇ ।
ಯ॒ಜ್ಞೇನ॑ ಯ॒ಜ್ಞಮ॑ಯಜನ್ತ ದೇ॒ವಾಃ ।
ತಾನಿ॒ ಧರ್ಮಾ॑ಣಿ ಪ್ರಥ॒ಮಾನ್ಯಾ॑ಸನ್ನ್ ।
ತೇ ಹ॒ ನಾಕ॑-ಮ್ಮಹಿ॒ಮಾನ॑ಸ್ಸಚನ್ತೇ ।
ಯತ್ರ॒ ಪೂರ್ವೇ॑ ಸಾ॒ಧ್ಯಾಸ್ಸನ್ತಿ॑ ದೇ॒ವಾಃ ॥ 38,39 ॥

ಪುರು॑ಷಃ ಪು॒ರೋ᳚-ಽಗ್ರ॒ತೋ॑-ಽಜಾಯತ ಕೃ॒ತೋ॑-ಽಕಲ್ಪಯನ್ನಾಸ॒ನ್ದ್ವೇ ಚ॑ ॥ 12 ॥
ಜ್ಯಾಯಾ॒ನಧಿ॒ ಪೂರು॑ಷಃ । ಅನ್ಯತ್ರ॒ ಪುರು॑ಷಃ ॥

ಅ॒ದ್ಭ್ಯಸ್ಸಮ್ಭೂ॑ತಃ ಪೃಥಿ॒ವ್ಯೈ ರಸಾ᳚ಚ್ಚ ।
ವಿ॒ಶ್ವಕ॑ರ್ಮಣ॒ಸ್ಸಮ॑ವರ್ತ॒ತಾಧಿ॑ ।
ತಸ್ಯ॒ ತ್ವಷ್ಟಾ॑ ವಿ॒ದಧ॑ದ್ರೂ॒ಪಮೇ॑ತಿ ।
ತತ್ಪುರು॑ಷಸ್ಯ॒ ವಿಶ್ವ॒ಮಾಜಾ॑ನ॒ಮಗ್ರೇ᳚ ।
ವೇದಾ॒ಹಮೇ॒ತ-ಮ್ಪುರು॑ಷ-ಮ್ಮ॒ಹಾನ್ತ᳚ಮ್ ।
ಆ॒ದಿ॒ತ್ಯವ॑ರ್ಣ॒-ನ್ತಮ॑ಸಃ॒ ಪರ॑ಸ್ತಾತ್ ।
ತಮೇ॒ವಂ-ವಿಁ॒ದ್ವಾನ॒ಮೃತ॑ ಇ॒ಹ ಭ॑ವತಿ ।
ನಾನ್ಯಃ ಪನ್ಥಾ॑ ವಿದ್ಯ॒ತೇ-ಽಯ॑ನಾಯ ।
ಪ್ರ॒ಜಾಪ॑ತಿಶ್ಚರತಿ॒ ಗರ್ಭೇ॑ ಅ॒ನ್ತಃ ।
ಅ॒ಜಾಯ॑ಮಾನೋ ಬಹು॒ಧಾ ವಿಜಾ॑ಯತೇ ॥ 39,40 ॥

ತಸ್ಯ॒ ಧೀರಾಃ॒ ಪರಿ॑ಜಾನನ್ತಿ॒ ಯೋನಿ᳚ಮ್ । ಮರೀ॑ಚೀನಾ-ಮ್ಪ॒ದಮಿ॑ಚ್ಛನ್ತಿ ವೇ॒ಧಸಃ॑ । ಯೋ ದೇ॒ವೇಭ್ಯ॒ ಆತ॑ಪತಿ । ಯೋ ದೇ॒ವಾನಾ᳚-ಮ್ಪು॒ರೋಹಿ॑ತಃ ।
ಪೂರ್ವೋ॒ ಯೋ ದೇ॒ವೇಭ್ಯೋ॑ ಜಾ॒ತಃ । ನಮೋ॑ ರು॒ಚಾಯ॒ ಬ್ರಾಹ್ಮ॑ಯೇ । ರುಚ॑-ಮ್ಬ್ರಾ॒ಹ್ಮ-ಞ್ಜ॒ನಯ॑ನ್ತಃ । ದೇ॒ವಾ ಅಗ್ರೇ॒ ತದ॑ಬ್ರುವನ್ನ್ । ಯಸ್ತ್ವೈ॒ವ-ಮ್ಬ್ರಾ᳚ಹ್ಮ॒ಣೋ ವಿ॒ದ್ಯಾತ್ । ತಸ್ಯ॑ ದೇ॒ವಾ ಅಸ॒ನ್ವಶೇ᳚ । ಹ್ರೀಶ್ಚ॑ ತೇ ಲ॒ಖ್ಷ್ಮೀಶ್ಚ॒ ಪತ್ನ್ಯೌ᳚ । ಅ॒ಹೋ॒ರಾ॒ತ್ರೇ ಪಾ॒ರ್​ಶ್ವೇ । ನಖ್ಷ॑ತ್ರಾಣಿ ರೂ॒ಪಮ್ । ಅ॒ಶ್ವಿನೌ॒ ವ್ಯಾತ್ತ᳚ಮ್ । ಇ॒ಷ್ಟ-ಮ್ಮ॑ನಿಷಾಣ । ಅ॒ಮು-ಮ್ಮ॑ನಿಷಾಣ । ಸರ್ವ॑-ಮ್ಮನಿಷಾಣ ॥ 40,41 ॥
ಜಾ॒ಯ॒ತೇ॒ ವಶೇ॑ ಸ॒ಪ್ತ ಚ॑ ॥ 13 ॥

ಭ॒ರ್ತಾ ಸನ್ಭ್ರಿ॒ಯಮಾ॑ಣೋ ಬಿಭರ್ತಿ । ಏಕೋ॑ ದೇ॒ವೋ ಬ॑ಹು॒ಧಾ ನಿವಿ॑ಷ್ಟಃ । ಯ॒ದಾ ಭಾ॒ರ-ನ್ತ॒ನ್ದ್ರಯ॑ತೇ॒ ಸ ಭರ್ತು᳚ಮ್ । ನಿ॒ಧಾಯ॑ ಭಾ॒ರ-ಮ್ಪುನ॒ರಸ್ತ॑ಮೇತಿ । ತಮೇ॒ವ ಮೃ॒ತ್ಯುಮ॒ಮೃತ॒-ನ್ತಮಾ॑ಹುಃ । ತ-ಮ್ಭ॒ರ್ತಾರ॒-ನ್ತಮು॑ ಗೋ॒ಪ್ತಾರ॑ಮಾಹುಃ । ಸ ಭೃ॒ತೋ ಭ್ರಿ॒ಯಮಾ॑ಣೋ ಬಿಭರ್ತಿ । ಯ ಏ॑ನಂ॒-ವೇಁದ॑ ಸ॒ತ್ಯೇನ॒ ಭರ್ತು᳚ಮ್ । ಸ॒ದ್ಯೋ ಜಾ॒ತಮು॒ತ ಜ॑ಹಾತ್ಯೇ॒ಷಃ । ಉ॒ತೋ ಜರ॑ನ್ತ॒-ನ್ನ ಜ॑ಹಾ॒ತ್ಯೇಕ᳚ಮ್ ॥ 41,42 ॥

ಉ॒ತೋ ಬ॒ಹೂನೇಕ॒ಮಹ॑ರ್ಜಹಾರ । ಅತ॑ನ್ದ್ರೋ ದೇ॒ವಸ್ಸದ॑ಮೇ॒ವ ಪ್ರಾರ್ಥಃ॑ । ಯಸ್ತದ್ವೇದ॒ ಯತ॑ ಆಬ॒ಭೂವ॑ । ಸ॒ನ್ಧಾ-ಞ್ಚ॒ ಯಾಗ್ಂ ಸ॑ನ್ದ॒ಧೇ ಬ್ರಹ್ಮ॑ಣೈ॒ಷಃ । ರಮ॑ತೇ॒ ತಸ್ಮಿ᳚ನ್ನು॒ತ ಜೀ॒ರ್ಣೇ ಶಯಾ॑ನೇ । ನೈನ॑-ಞ್ಜಹಾ॒ತ್ಯಹ॑ಸ್ಸು ಪೂ॒ರ್ವ್ಯೇಷು॑ । ತ್ವಾಮಾಪೋ॒ ಅನು॒ ಸರ್ವಾ᳚ಶ್ಚರನ್ತಿ ಜಾನ॒ತೀಃ । ವ॒ಥ್ಸ-ಮ್ಪಯ॑ಸಾ ಪುನಾ॒ನಾಃ । ತ್ವಮ॒ಗ್ನಿಗ್ಂ ಹ॑ವ್ಯ॒ವಾಹ॒ಗ್ಂ॒ ಸಮಿ॑ನ್​ಥ್ಸೇ । ತ್ವ-ಮ್ಭ॒ರ್ತಾ ಮಾ॑ತ॒ರಿಶ್ವಾ᳚ ಪ್ರ॒ಜಾನಾ᳚ಮ್ ॥ 42,43 ॥

ತ್ವಂ-ಯಁ॒ಜ್ಞಸ್ತ್ವಮು॑ವೇ॒ವಾಸಿ॒ ಸೋಮಃ॑ । ತವ॑ ದೇ॒ವಾ ಹವ॒ಮಾಯ॑ನ್ತಿ॒ ಸರ್ವೇ᳚ । ತ್ವಮೇಕೋ॑-ಽಸಿ ಬ॒ಹೂನನು॒ಪ್ರವಿ॑ಷ್ಟಃ । ನಮ॑ಸ್ತೇ ಅಸ್ತು ಸು॒ಹವೋ॑ ಮ ಏಧಿ । ನಮೋ॑ ವಾಮಸ್ತು ಶೃಣು॒ತಗ್ಂ ಹವ॑-ಮ್ಮೇ । ಪ್ರಾಣಾ॑ಪಾನಾವಜಿ॒ರಗ್ಂ ಸ॒ಞ್ಚರ॑ನ್ತೌ । ಹ್ವಯಾ॑ಮಿ ವಾ॒-ಮ್ಬ್ರಹ್ಮ॑ಣಾ ತೂ॒ರ್ತಮೇತ᳚ಮ್ । ಯೋ ಮಾ-ನ್ದ್ವೇಷ್ಟಿ॒ ತ-ಞ್ಜ॑ಹಿತಂ-ಯುಁವಾನಾ । ಪ್ರಾಣಾ॑ಪಾನೌ ಸಂ​ವಿಁದಾ॒ನೌ ಜ॑ಹಿತಮ್ । ಅ॒ಮುಷ್ಯಾಸು॑ನಾ॒ ಮಾ ಸಙ್ಗ॑ಸಾಥಾಮ್ ॥ 43 ॥

ತ-ಮ್ಮೇ॑ ದೇವಾ॒ ಬ್ರಹ್ಮ॑ಣಾ ಸಂ​ವಿಁದಾ॒ನೌ । ವ॒ಧಾಯ॑ ದತ್ತ॒-ನ್ತಮ॒ಹಗ್ಂ ಹ॑ನಾಮಿ । ಅಸ॑ಜ್ಜಜಾನ ಸ॒ತ ಆಬ॑ಭೂವ । ಯಂ-ಯಁ॑-ಞ್ಜ॒ಜಾನ॒ ಸ ಉ॑ ಗೋ॒ಪೋ ಅ॑ಸ್ಯ । ಯ॒ದಾ ಭಾ॒ರ-ನ್ತ॒ನ್ದ್ರಯ॑ತೇ॒ ಸ ಭರ್ತು᳚ಮ್ । ಪ॒ರಾಸ್ಯ॑ ಭಾ॒ರ-ಮ್ಪುನ॒ರಸ್ತ॑ಮೇತಿ । ತದ್ವೈ ತ್ವ-ಮ್ಪ್ರಾ॒ಣೋ ಅ॑ಭವಃ । ಮ॒ಹಾನ್ಭೋಗಃ॑ ಪ್ರ॒ಜಾಪ॑ತೇಃ । ಭುಜಃ॑ ಕರಿ॒ಷ್ಯಮಾ॑ಣಃ । ಯದ್ದೇ॒ವಾನ್ಪ್ರಾಣ॑ಯೋ॒ ನವ॑ ॥ 44 ॥
ಏಕ॑-ಮ್ಪ್ರ॒ಜಾನಾ᳚-ಙ್ಗಸಾಥಾ॒-ನ್ನವ॑ ॥ 14 ॥

ಹರಿ॒ಗ್ಂ॒ ಹರ॑ನ್ತ॒ಮನು॑ಯನ್ತಿ ದೇ॒ವಾಃ । ವಿಶ್ವ॒ಸ್ಯೇಶಾ॑ನಂ-ವೃಁಷ॒ಭ-ಮ್ಮ॑ತೀ॒ನಾಮ್ । ಬ್ರಹ್ಮ॒ ಸರೂ॑ಪ॒ಮನು॑ಮೇ॒ದಮಾಗಾ᳚ತ್ । ಅಯ॑ನ॒-ಮ್ಮಾ ವಿವ॑ಧೀ॒ರ್ವಿಕ್ರ॑ಮಸ್ವ । ಮಾ ಛಿ॑ದೋ ಮೃತ್ಯೋ॒ ಮಾ ವ॑ಧೀಃ । ಮಾ ಮೇ॒ ಬಲಂ॒-ವಿಁವೃ॑ಹೋ॒ ಮಾ ಪ್ರಮೋ॑ಷೀಃ । ಪ್ರ॒ಜಾ-ಮ್ಮಾ ಮೇ॑ ರೀರಿಷ॒ ಆಯು॑ರುಗ್ರ । ನೃ॒ಚಖ್ಷ॑ಸ-ನ್ತ್ವಾ ಹ॒ವಿಷಾ॑ ವಿಧೇಮ । ಸ॒ದ್ಯಶ್ಚ॑ಕಮಾ॒ನಾಯ॑ । ಪ್ರ॒ವೇ॒ಪಾ॒ನಾಯ॑ ಮೃ॒ತ್ಯವೇ᳚ ॥ 45 ॥

ಪ್ರಾಸ್ಮಾ॒ ಆಶಾ॑ ಅಶೃಣ್ವನ್ನ್ । ಕಾಮೇ॑ನಾಜನಯ॒ನ್ಪುನಃ॑ । ಕಾಮೇ॑ನ ಮೇ॒ ಕಾಮ॒ ಆಗಾ᳚ತ್ । ಹೃದ॑ಯಾ॒ದ್ಧೃದ॑ಯ-ಮ್ಮೃ॒ತ್ಯೋಃ । ಯದ॒ಮೀಷಾ॑ಮ॒ದಃ ಪ್ರಿ॒ಯಮ್ । ತದೈತೂಪ॒ಮಾಮ॒ಭಿ । ಪರ॑-ಮ್ಮೃತ್ಯೋ॒ ಅನು॒ ಪರೇ॑ಹಿ॒ ಪನ್ಥಾ᳚ಮ್ । ಯಸ್ತೇ॒ ಸ್ವ ಇತ॑ರೋ ದೇವ॒ಯಾನಾ᳚ತ್ । ಚಖ್ಷು॑ಷ್ಮತೇ ಶೃಣ್ವ॒ತೇ ತೇ᳚ ಬ್ರವೀಮಿ । ಮಾ ನಃ॑ ಪ್ರ॒ಜಾಗ್ಂ ರೀ॑ರಿಷೋ॒ ಮೋತ ವೀ॒ರಾನ್ । ಪ್ರ ಪೂ॒ರ್ವ್ಯ-ಮ್ಮನ॑ಸಾ॒ ವನ್ದ॑ಮಾನಃ । ನಾಧ॑ಮಾನೋ ವೃಷ॒ಭ-ಞ್ಚ॑ರ್​ಷಣೀ॒ನಾಮ್ । ಯಃ ಪ್ರ॒ಜಾನಾ॑ಮೇಕ॒ರಾಣ್ಮಾನು॑ಷೀಣಾಮ್ । ಮೃ॒ತ್ಯುಂ-ಯಁ॑ಜೇ ಪ್ರಥಮ॒ಜಾಮೃ॒ತಸ್ಯ॑ ॥ 46 ॥
ಮೃ॒ತ್ಯವೇ॑ ವೀ॒ರಾಗ್ಂಶ್ಚ॒ತ್ವಾರಿ॑ ಚ ॥ 15 ॥

ತ॒ರಣಿ॑ರ್ವಿ॒ಶ್ವದ॑ರ್​ಶತೋ ಜ್ಯೋತಿ॒ಷ್ಕೃದ॑ಸಿ ಸೂರ್ಯ । ವಿಶ್ವ॒ಮಾ ಭಾ॑ಸಿ ರೋಚ॒ನಮ್ । ಉ॒ಪ॒ಯಾ॒ಮಗೃ॑ಹೀತೋ-ಽಸಿ॒ ಸೂರ್ಯಾ॑ಯ ತ್ವಾ॒ ಭ್ರಾಜ॑ಸ್ವತ ಏ॒ಷ ತೇ॒ ಯೋನಿ॒ಸ್ಸೂರ್ಯಾ॑ಯ ತ್ವಾ॒ ಭ್ರಾಜ॑ಸ್ವತೇ ॥ 47 ॥ 16 ॥

ಆಪ್ಯಾ॑ಯಸ್ವ ಮದಿನ್ತಮ॒ ಸೋಮ॒ ವಿಶ್ವಾ॑ಭಿರೂ॒ತಿಭಿಃ॑ । ಭವಾ॑ ನಸ್ಸ॒ಪ್ರಥ॑ಸ್ತಮಃ ॥ (48) ॥ 17 ॥

ಈ॒ಯುಷ್ಟೇ ಯೇ ಪೂರ್ವ॑ತರಾ॒ಮಪ॑ಶ್ಯನ್ ವ್ಯು॒ಚ್ಛನ್ತೀ॑ಮು॒ಷಸ॒-ಮ್ಮರ್ತ್ಯಾ॑ಸಃ । ಅ॒ಸ್ಮಾಭಿ॑ರೂ॒ ನು ಪ್ರ॑ತಿ॒ಚಖ್ಷ್ಯಾ॑-ಽಭೂ॒ದೋ ತೇ ಯ॑ನ್ತಿ॒ ಯೇ ಅ॑ಪ॒ರೀಷು॒ ಪಶ್ಯಾನ್॑ ॥ 49 ॥ 18 ॥

ಜ್ಯೋತಿ॑ಷ್ಮತೀ-ನ್ತ್ವಾ ಸಾದಯಾಮಿ ಜ್ಯೋತಿ॒ಷ್ಕೃತ॑-ನ್ತ್ವಾ ಸಾದಯಾಮಿ ಜ್ಯೋತಿ॒ರ್ವಿದ॑-ನ್ತ್ವಾ ಸಾದಯಾಮಿ॒ ಭಾಸ್ವ॑ತೀ-ನ್ತ್ವಾ ಸಾದಯಾಮಿ॒ ಜ್ವಲ॑ನ್ತೀ-ನ್ತ್ವಾ ಸಾದಯಾಮಿ ಮಲ್ಮಲಾ॒ಭವ॑ನ್ತೀ-ನ್ತ್ವಾ ಸಾದಯಾಮಿ॒ ದೀಪ್ಯ॑ಮಾನಾ-ನ್ತ್ವಾ ಸಾದಯಾಮಿ॒ ರೋಚ॑ಮಾನಾ-ನ್ತ್ವಾ ಸಾದಯಾ॒ಮ್ಯಜ॑ಸ್ರಾ-ನ್ತ್ವಾ ಸಾದಯಾಮಿ ಬೃ॒ಹಜ್ಜ್ಯೋ॑ತಿಷ-ನ್ತ್ವಾ ಸಾದಯಾಮಿ ಬೋ॒ಧಯ॑ನ್ತೀ-ನ್ತ್ವಾ ಸಾದಯಾಮಿ॒ ಜಾಗ್ರ॑ತೀ-ನ್ತ್ವಾ ಸಾದಯಾಮಿ ॥ 50 ॥ 19 ॥

ಪ್ರ॒ಯಾ॒ಸಾಯ॒ ಸ್ವಾಹಾ॑-ಽಽಯಾ॒ಸಾಯ॒ ಸ್ವಾಹಾ॑ ವಿಯಾ॒ಸಾಯ॒ ಸ್ವಾಹಾ॑ ಸಂ​ಯಾಁ॒ಸಾಯ॒ ಸ್ವಾಹೋ᳚ದ್ಯಾ॒ಸಾಯ॒ ಸ್ವಾಹಾ॑-ಽವಯಾ॒ಸಾಯ॒ ಸ್ವಾಹಾ॑ ಶು॒ಚೇ ಸ್ವಾಹಾ॒ ಶೋಕಾ॑ಯ॒ ಸ್ವಾಹಾ॑ ತಪ್ಯ॒ತ್ವೈ ಸ್ವಾಹಾ॒ ತಪ॑ತೇ॒ ಸ್ವಾಹಾ᳚ ಬ್ರಹ್ಮಹ॒ತ್ಯಾಯೈ॒ ಸ್ವಾಹಾ॒ ಸರ್ವ॑ಸ್ಮೈ॒ ಸ್ವಾಹಾ᳚ ॥ 51 ॥ 20 ॥

ಚಿ॒ತ್ತಗ್ಂ ಸ॑ನ್ತಾ॒ನೇನ॑ ಭ॒ವಂ-ಯಁ॒ಕ್ನಾ ರು॒ದ್ರ-ನ್ತನಿ॑ಮ್ನಾ ಪಶು॒ಪತಿಗ್ಗ್ಂ॑ ಸ್ಥೂಲಹೃದ॒ಯೇನಾ॒ಗ್ನಿಗ್ಂ ಹೃದ॑ಯೇನ ರು॒ದ್ರಂ-ಲೋಁಹಿ॑ತೇನ ಶ॒ರ್ವ-ಮ್ಮತ॑ಸ್ನಾಭ್ಯಾ-ಮ್ಮಹಾದೇ॒ವಮ॒ನ್ತಃ ಪಾ᳚ರ್​ಶ್ವೇನೌಷಿಷ್ಠ॒ಹನಗ್ಂ॑ ಶಿಙ್ಗೀನಿಕೋ॒ಶ್ಯಾ᳚ಭ್ಯಾಮ್ ॥ 52 ॥ 21 ॥

ಚಿ॒ತ್ತಿಃ॑ ಪೃಥಿ॒ವ್ಯ॑ಗ್ನಿ॒ಸ್ಸೂರ್ಯ॑-ನ್ತೇ॒ ಚಖ್ಷು॑ರ್ಮ॒ಹಾಹ॑ವಿ॒ರ್​ಹೋತಾ॒ ವಾಘೋತಾ᳚ ಬ್ರಾಹ್ಮ॒ಣ ಏಕ॑ಹೋತಾ॒-ಽಗ್ನಿರ್ಯಜು॑ರ್ಭಿ॒ಸ್ಸೇನೇನ್ದ್ರ॑ಸ್ಯ ದೇ॒ವಸ್ಯ॑ ಸು॒ವರ್ಣ॑-ಙ್ಘ॒ರ್ಮಗ್ಂ ಸ॒ಹಸ್ರ॑ಶೀರ್​ಷಾ॒-ಽದ್ಭ್ಯೋ ಭ॒ರ್ತಾ ಹರಿ॑-ನ್ತ॒ರಣಿ॒ರಾಪ್ಯಾ॑ಯಸ್ವೇ॒ಯುಷ್ಟೇ ಯೇ ಜ್ಯೋತಿ॑ಷ್ಮತೀ-ಮ್ಪ್ರಯಾ॒ಸಾಯ॑ ಚಿ॒ತ್ತಮೇಕ॑ವಿಗ್ಂಶತಿಃ ॥ 21 ॥

ಚಿತ್ತಿ॑ರ॒ಗ್ನಿರ್ಯಜು॑ರ್ಭಿರ॒ನ್ತಃ ಪ್ರವಿ॑ಷ್ಟಃ ಪ್ರ॒ಜಾಪ॑ತಿರ್ಭ॒ರ್ತಾಸನ್ಪ್ರಯಾ॒ಸಾಯ॒ ದ್ವಿಪ॑ಞ್ಚಾ॒ಶತ್ ॥ 52 ॥

ಚಿತ್ತಿ॑ರ॒ಗ್ನಿರ್ಯಜು॑ರ್ಭಿರ॒ನ್ತಃ ಪ್ರವಿ॑ಷ್ಟಃ ಪ್ರ॒ಜಾಪ॑ತಿಃ ಪ್ರ॒ಜಯಾ॑ ಸಂ​ವಿಁದಾ॒ನಸ್ತಸ್ಯ॒ ಧೀರಾ॒ ಜ್ಯೋತಿ॑ಷ್ಮತೀ॒-ನ್ತ್ರಿಪ॑ಞ್ಚಾ॒ಶತ್ ॥ 53 ॥

ತಚ್ಛಂ॒-ಯೋಁರಾವೃ॑ಣೀಮಹೇ । ಗಾ॒ತುಂ-ಯಁ॒ಜ್ಞಾಯ॑ ।
ಗಾ॒ತುಂ-ಯಁ॒ಜ್ಞಪ॑ತಯೇ । ದೈವೀ᳚ ಸ್ವ॒ಸ್ತಿರ॑ಸ್ತು ನಃ ।
ಸ್ವ॒ಸ್ತಿರ್ಮಾನು॑ಷೇಭ್ಯಃ । ಊ॒ರ್ಧ್ವ-ಞ್ಜಿ॑ಗಾತು ಭೇಷ॒ಜಮ್ ।
ಶ-ನ್ನೋ॑ ಅಸ್ತು ದ್ವಿ॒ಪದೇ᳚ । ಶ-ಞ್ಚತು॑ಷ್ಪದೇ ॥
ಓಂ ಶಾನ್ತಿ॒-ಶ್ಶಾನ್ತಿ॒-ಶ್ಶಾನ್ತಿಃ॑ ॥