ಶ್ರೀ ದೇವ್ಯುವಾಚ ।
ಮಮ ನಾಮ ಸಹಸ್ರಂ ಚ ಶಿವ ಪೂರ್ವವಿನಿರ್ಮಿತಮ್ ।
ತತ್ಪಠ್ಯತಾಂ ವಿಧಾನೇನ ತಥಾ ಸರ್ವಂ ಭವಿಷ್ಯತಿ ॥
ಇತ್ಯುಕ್ತ್ವಾ ಪಾರ್ವತೀ ದೇವಿ ಶ್ರಾವಯಾಮಾಸ ತಚ್ಚತಾನ್ ।
ತದೇವ ನಾಮಸಾಹಸ್ರಂ ದಕಾರಾದಿ ವರಾನನೇ ॥
ರೋಗದಾರಿದ್ರ್ಯದೌರ್ಭಾಗ್ಯಶೋಕದುಃಖವಿನಾಶಕಮ್ ।
ಸರ್ವಾಸಾಂ ಪೂಜಿತಂ ನಾಮ ಶ್ರೀದುರ್ಗಾದೇವತಾ ಮತಾ ॥
ನಿಜಬೀಜಂ ಭವೇದ್ಬೀಜಂ ಮನ್ತ್ರಂ ಕೀಲಕಮುಚ್ಯತೇ ।
ಸರ್ವಾಶಾಪೂರಣೇ ದೇವೀ ವಿನಿಯೋಗಃ ಪ್ರಕೀರ್ತಿತಃ ॥
ಓಂ ಅಸ್ಯ ಶ್ರೀದಕಾರಾದಿ ದುರ್ಗಾಸಹಸ್ರನಾಮ ಸ್ತೋತ್ರಸ್ಯ ಶಿವ ಋಷಿಃ ಅನುಷ್ಟುಪ್ಛನ್ದಃ ಶ್ರೀದುರ್ಗಾ ದೇವತಾ ದುಂ ಬೀಜಂ ದುಂ ಕೀಲಕಂ ದುಃಖದಾರಿದ್ರ್ಯರೋಗಶೋಕ ನಿವೃತ್ತ್ಯರ್ಥಂ ಪಾಠೇ ವಿನಿಯೋಗಃ ।
ಧ್ಯಾನಮ್
ವಿದ್ಯುದ್ದಾಮಸಮಪ್ರಭಾಂ ಮೃಗಪತಿ ಸ್ಕನ್ಧಸ್ಥಿತಾಂ ಭೀಷಣಾಂ
ಕನ್ಯಾಭಿಃ ಕರವಾಲಖೇಟವಿಲದ್ದಸ್ತಾಭಿರಾಸೇವಿತಾಮ್ ।
ಹಸೈಶ್ಚಕ್ರಗದಾಸಿಖೇಟ ವಿಶಿಖಾಂಶ್ಚಾಪಂ ಗುಣಂ ತರ್ಜನೀಂ
ಬಿಭ್ರಾಣಾಮನಲಾತ್ಮಿಕಾಂ ಶಶಿಧರಾಂ ದುರ್ಗಾಂ ತ್ರಿನೇತ್ರಾಂ ಭಜೇ ॥
ಸ್ತೋತ್ರಮ್
ದುಂ ದುರ್ಗಾ ದುರ್ಗತಿಹರಾ ದುರ್ಗಾಚಲನಿವಾಸಿನೀ ।
ದುರ್ಗಮಾರ್ಗಾನುಸಞ್ಚಾರಾ ದುರ್ಗಮಾರ್ಗನಿವಾಸಿನೀ ॥ 1 ॥
ದುರ್ಗಮಾರ್ಗಪ್ರವಿಷ್ಟಾ ಚ ದುರ್ಗಮಾರ್ಗಪ್ರವೇಶಿನೀ ।
ದುರ್ಗಮಾರ್ಗಕೃತಾವಾಸಾ ದುರ್ಗಮಾರ್ಗಜಯಪ್ರಿಯಾ ॥ 2 ॥
ದುರ್ಗಮಾರ್ಗಗೃಹೀತಾರ್ಚಾ ದುರ್ಗಮಾರ್ಗಸ್ಥಿತಾತ್ಮಿಕಾ ।
ದುರ್ಗಮಾರ್ಗಸ್ತುತಿಪರಾ ದುರ್ಗಮಾರ್ಗಸ್ಮೃತಿಃ ಪರಾ ॥ 3 ॥
ದುರ್ಗಮಾರ್ಗಸದಾಸ್ಥಾತ್ರೀ ದುರ್ಗಮಾರ್ಗರತಿಪ್ರಿಯಾ ।
ದುರ್ಗಮಾರ್ಗಸ್ಥಲಸ್ಥಾನಾ ದುರ್ಗಮಾರ್ಗವಿಲಾಸಿನೀ ॥ 4 ॥
ದುರ್ಗಮಾರ್ಗತ್ಯಕ್ತವಸ್ತ್ರಾ ದುರ್ಗಮಾರ್ಗಪ್ರವರ್ತಿನೀ ।
ದುರ್ಗಾಸುರನಿಹನ್ತ್ರೀ ಚ ದುರ್ಗಾಸುರನಿಷೂದಿನೀ ॥ 5 ॥
ದುರ್ಗಾಸುರಹರಾ ದೂತೀ ದುರ್ಗಾಸುರವಿನಾಶಿನೀ ।
ದುರ್ಗಾಸುರವಧೋನ್ಮತ್ತಾ ದುರ್ಗಾಸುರವಧೋತ್ಸುಕಾ ॥ 6 ॥
ದುರ್ಗಾಸುರವಧೋತ್ಸಾಹಾ ದುರ್ಗಾಸುರವಧೋದ್ಯತಾ ।
ದುರ್ಗಾಸುರವಧಪ್ರೇಪ್ಸುಃ ದುರ್ಗಾಸುರಮುಖಾನ್ತಕೃತ್ ॥ 7 ॥
ದುರ್ಗಾಸುರಧ್ವಂಸತೋಷಾ ದುರ್ಗದಾನವದಾರಿಣೀ ।
ದುರ್ಗವಿದ್ರಾವಣಕರೀ ದುರ್ಗವಿದ್ರಾವಣೀ ಸದಾ ॥ 8 ॥
ದುರ್ಗವಿಕ್ಷೋಭಣಕರೀ ದುರ್ಗಶೀರ್ಷನಿಕೃನ್ತನೀ ।
ದುರ್ಗವಿಧ್ವಂಸನಕರೀ ದುರ್ಗದೈತ್ಯನಿಕೃನ್ತನೀ ॥ 9 ॥
ದುರ್ಗದೈತ್ಯಪ್ರಾಣಹರಾ ದುರ್ಗದೈತ್ಯಾನ್ತಕಾರಿಣೀ ।
ದುರ್ಗದೈತ್ಯಹರತ್ರಾತಾ ದುರ್ಗದೈತ್ಯಾಸೃಗುನ್ಮದಾ ॥ 10 ॥
ದುರ್ಗದೈತ್ಯಾಶನಕರೀ ದುರ್ಗಚರ್ಮಾಮ್ಬರಾವೃತಾ ।
ದುರ್ಗಯುದ್ಧೋತ್ಸವಕರೀ ದುರ್ಗಯುದ್ಧವಿಶಾರದಾ ॥ 11 ॥
ದುರ್ಗಯುದ್ಧಾಸವರತಾ ದುರ್ಗಯುದ್ಧವಿಮರ್ದಿನೀ ।
ದುರ್ಗಯುದ್ಧಹಾಸ್ಯರತಾ ದುರ್ಗಯುದ್ಧಾಟ್ಟಹಾಸಿನೀ ॥ 12 ॥
ದುರ್ಗಯುದ್ಧಮಹಾಮತ್ತಾ ದುರ್ಗಯುದ್ಧಾನುಸಾರಿಣೀ ।
ದುರ್ಗಯುದ್ಧೋತ್ಸವೋತ್ಸಾಹಾ ದುರ್ಗದೇಶನಿಷೇವಿಣೀ ॥ 13 ॥
ದುರ್ಗದೇಶವಾಸರತಾ ದುರ್ಗದೇಶವಿಲಾಸಿನೀ ।
ದುರ್ಗದೇಶಾರ್ಚನರತಾ ದುರ್ಗದೇಶಜನಪ್ರಿಯಾ ॥ 14 ॥
ದುರ್ಗಮಸ್ಥಾನಸಂಸ್ಥಾನಾ ದುರ್ಗಮಧ್ಯಾನುಸಾಧನಾ ।
ದುರ್ಗಮಾ ದುರ್ಗಮಧ್ಯಾನಾ ದುರ್ಗಮಾತ್ಮಸ್ವರೂಪಿಣೀ ॥ 15 ॥
ದುರ್ಗಮಾಗಮಸನ್ಧಾನಾ ದುರ್ಗಮಾಗಮಸಂಸ್ತುತಾ ।
ದುರ್ಗಮಾಗಮದುರ್ಜ್ಞೇಯಾ ದುರ್ಗಮಶ್ರುತಿಸಮ್ಮತಾ ॥ 16 ॥
ದುರ್ಗಮಶ್ರುತಿಮಾನ್ಯಾ ಚ ದುರ್ಗಮಶ್ರುತಿಪೂಜಿತಾ ।
ದುರ್ಗಮಶ್ರುತಿಸುಪ್ರೀತಾ ದುರ್ಗಮಶ್ರುತಿಹರ್ಷದಾ ॥ 17 ॥
ದುರ್ಗಮಶ್ರುತಿಸಂಸ್ಥಾನಾ ದುರ್ಗಮಶ್ರುತಿಮಾನಿತಾ ।
ದುರ್ಗಮಾಚಾರಸನ್ತುಷ್ಟಾ ದುರ್ಗಮಾಚಾರತೋಷಿತಾ ॥ 18 ॥
ದುರ್ಗಮಾಚಾರನಿರ್ವೃತ್ತಾ ದುರ್ಗಮಾಚಾರಪೂಜಿತಾ ।
ದುರ್ಗಮಾಚಾರಕಲಿತಾ ದುರ್ಗಮಸ್ಥಾನದಾಯಿನೀ ॥ 19 ॥
ದುರ್ಗಮಪ್ರೇಮನಿರತಾ ದುರ್ಗಮದ್ರವಿಣಪ್ರದಾ ।
ದುರ್ಗಮಾಮ್ಬುಜಮಧ್ಯಸ್ಥಾ ದುರ್ಗಮಾಮ್ಬುಜವಾಸಿನೀ ॥ 20 ॥
ದುರ್ಗನಾಡೀಮಾರ್ಗಗತಿರ್ದುರ್ಗನಾಡೀಪ್ರಚಾರಿಣೀ ।
ದುರ್ಗನಾಡೀಪದ್ಮರತಾ ದುರ್ಗನಾಡ್ಯಮ್ಬುಜಸ್ಥಿತಾ ॥ 21 ॥
ದುರ್ಗನಾಡೀಗತಾಯಾತಾ ದುರ್ಗನಾಡೀಕೃತಾಸ್ಪದಾ ।
ದುರ್ಗನಾಡೀರತರತಾ ದುರ್ಗನಾಡೀಶಸಂಸ್ತುತಾ ॥ 22 ॥
ದುರ್ಗನಾಡೀಶ್ವರರತಾ ದುರ್ಗನಾಡೀಶಚುಮ್ಬಿತಾ ।
ದುರ್ಗನಾಡೀಶಕ್ರೋಡಸ್ಥಾ ದುರ್ಗನಾಡ್ಯತ್ಥಿತೋತ್ಸುಕಾ ॥ 23 ॥
ದುರ್ಗನಾಡ್ಯಾರೋಹಣಾ ಚ ದುರ್ಗನಾಡೀನಿಷೇವಿತಾ ।
ದರಿಸ್ಥಾನಾ ದರಿಸ್ಥಾನವಾಸಿನೀ ದನುಜಾನ್ತಕೃತ್ ॥ 24 ॥
ದರೀಕೃತತಪಸ್ಯಾ ಚ ದರೀಕೃತಹರಾರ್ಚನಾ ।
ದರೀಜಾಪಿತದಿಷ್ಟಾ ಚ ದರೀಕೃತರತಿಪ್ರಿಯಾ ॥ 25 ॥
ದರೀಕೃತಹರಾರ್ಹಾ ಚ ದರೀಕ್ರೀಡಿತಪುತ್ರಿಕಾ ।
ದರೀಸನ್ದರ್ಶನರತಾ ದರೀರೋಪಿತವೃಶ್ಚಿಕಾ ॥ 26 ॥
ದರೀಗುಪ್ತಿಕೌತುಕಾಢ್ಯಾ ದರೀಭ್ರಮಣತತ್ಪರಾ ।
ದನುಜಾನ್ತಕರೀ ದೀನಾ ದನುಸನ್ತಾನದಾರಿಣೀ ॥ 27 ॥
ದನುಜಧ್ವಂಸಿನೀ ದೂನಾ ದನುಜೇನ್ದ್ರವಿನಾಶಿನೀ ।
ದಾನವಧ್ವಂಸಿನೀ ದೇವೀ ದಾನವಾನಾಂ ಭಯಙ್ಕರೀ ॥ 28 ॥
ದಾನವೀ ದಾನವಾರಾಧ್ಯಾ ದಾನವೇನ್ದ್ರವರಪ್ರದಾ ।
ದಾನವೇನ್ದ್ರನಿಹನ್ತ್ರೀ ಚ ದಾನವದ್ವೇಷಿಣೀಸತೀ ॥ 29 ॥
ದಾನವಾರಿಪ್ರೇಮರತಾ ದಾನವಾರಿಪ್ರಪೂಜಿತಾ ।
ದಾನವಾರಿಕೃತಾರ್ಚಾ ಚ ದಾನವಾರಿವಿಭೂತಿದಾ ॥ 30 ॥
ದಾನವಾರಿಮಹಾನನ್ದಾ ದಾನವಾರಿರತಿಪ್ರಿಯಾ ।
ದಾನವಾರಿದಾನರತಾ ದಾನವಾರಿಕೃತಾಸ್ಪದಾ ॥ 31 ॥
ದಾನವಾರಿಸ್ತುತಿರತಾ ದಾನವಾರಿಸ್ಮೃತಿಪ್ರಿಯಾ ।
ದಾನವಾರ್ಯಾಹಾರರತಾ ದಾನವಾರಿಪ್ರಬೋಧಿನೀ ॥ 32 ॥
ದಾನವಾರಿಧೃತಪ್ರೇಮಾ ದುಃಖಶೋಕವಿಮೋಚನೀ ।
ದುಃಖಹನ್ತ್ರೀ ದುಃಖದಾತ್ರೀ ದುಃಖನಿರ್ಮೂಲಕಾರಿಣೀ ॥ 33 ॥
ದುಃಖನಿರ್ಮೂಲನಕರೀ ದುಃಖದಾರಿದ್ರ್ಯನಾಶಿನೀ । [ದಾರ್ಯರಿನಾಶಿನೀ]
ದುಃಖಹರಾ ದುಃಖನಾಶಾ ದುಃಖಗ್ರಾಮಾ ದುರಾಸದಾ ॥ 34 ॥
ದುಃಖಹೀನಾ ದುಃಖದೂರಾ ದ್ರವಿಣಾಚಾರದಾಯಿನೀ ।
ದ್ರವಿಣೋತ್ಸರ್ಗಸನ್ತುಷ್ಟಾ ದ್ರವಿಣತ್ಯಾಗತೋಷಿತಾ ॥ 35 ॥
ದ್ರವಿಣಸ್ಪರ್ಶಸನ್ತುಷ್ಟಾ ದ್ರವಿಣಸ್ಪರ್ಶಮಾನದಾ ।
ದ್ರವಿಣಸ್ಪರ್ಶಹರ್ಷಾಢ್ಯಾ ದ್ರವಿಣಸ್ಪರ್ಶತುಷ್ಟಿದಾ ॥ 36 ॥
ದ್ರವಿಣಸ್ಪರ್ಶನಕರೀ ದ್ರವಿಣಸ್ಪರ್ಶನಾತುರಾ ।
ದ್ರವಿಣಸ್ಪರ್ಶನೋತ್ಸಾಹಾ ದ್ರವಿಣಸ್ಪರ್ಶಸಾಧಿತಾ ॥ 37 ॥
ದ್ರವಿಣಸ್ಪರ್ಶನಮತಾ ದ್ರವಿಣಸ್ಪರ್ಶಪುತ್ರಿಕಾ ।
ದ್ರವಿಣಸ್ಪರ್ಶರಕ್ಷಿಣೀ ದ್ರವಿಣಸ್ತೋಮದಾಯಿನೀ ॥ 38 ॥
ದ್ರವಿಣಾಕರ್ಷಣಕರೀ ದ್ರವಿಣೌಘವಿಸರ್ಜನೀ ।
ದ್ರವಿಣಾಚಲದಾನಾಢ್ಯಾ ದ್ರವಿಣಾಚಲವಾಸಿನೀ ॥ 39 ॥
ದೀನಮಾತಾ ದೀನಬನ್ಧುರ್ದೀನವಿಘ್ನವಿನಾಶಿನೀ ।
ದೀನಸೇವ್ಯಾ ದೀನಸಿದ್ಧಾ ದೀನಸಾಧ್ಯಾ ದಿಗಮ್ಬರೀ ॥ 40 ॥
ದೀನಗೇಹಕೃತಾನನ್ದಾ ದೀನಗೇಹವಿಲಾಸಿನೀ ।
ದೀನಭಾವಪ್ರೇಮರತಾ ದೀನಭಾವವಿನೋದಿನೀ ॥ 41 ॥
ದೀನಮಾನವಚೇತಃಸ್ಥಾ ದೀನಮಾನವಹರ್ಷದಾ ।
ದೀನದೈನ್ಯವಿಘಾತೇಚ್ಛುರ್ದೀನದ್ರವಿಣದಾಯಿನೀ ॥ 42 ॥
ದೀನಸಾಧನಸನ್ತುಷ್ಟಾ ದೀನದರ್ಶನದಾಯಿನೀ ।
ದೀನಪುತ್ರಾದಿದಾತ್ರೀ ಚ ದೀನಸಮ್ಯಗ್ವಿಧಾಯಿನೀ ॥ 43 ॥
ದತ್ತಾತ್ರೇಯಧ್ಯಾನರತಾ ದತ್ತಾತ್ರೇಯಪ್ರಪೂಜಿತಾ ।
ದತ್ತಾತ್ರೇಯರ್ಷಿಸಂಸಿದ್ಧಾ ದತ್ತಾತ್ರೇಯವಿಭಾವಿತಾ ॥ 44 ॥
ದತ್ತಾತ್ರೇಯಕೃತಾರ್ಹಾ ಚ ದತ್ತಾತ್ರೇಯಪ್ರಸಾದಿತಾ ।
ದತ್ತಾತ್ರೇಯಹರ್ಷದಾತ್ರೀ ದತ್ತಾತ್ರೇಯಸುಖಪ್ರದಾ ॥ 45 ॥
ದತ್ತಾತ್ರೇಯಸ್ತುತಾ ಚೈವ ದತ್ತಾತ್ರೇಯನುತಾಸದಾ ।
ದತ್ತಾತ್ರೇಯಪ್ರೇಮರತಾ ದತ್ತಾತ್ರೇಯಾನುಮಾನಿತಾ ॥ 46 ॥
ದತ್ತಾತ್ರೇಯಸಮುದ್ಗೀತಾ ದತ್ತಾತ್ರೇಯಕುಟುಮ್ಬಿನೀ ।
ದತ್ತಾತ್ರೇಯಪ್ರಾಣತುಲ್ಯಾ ದತ್ತಾತ್ರೇಯಶರೀರಿಣೀ ॥ 47 ॥
ದತ್ತಾತ್ರೇಯಕೃತಾನನ್ದಾ ದತ್ತಾತ್ರೇಯಾಂಶಸಮ್ಭವಾ ।
ದತ್ತಾತ್ರೇಯವಿಭೂತಿಸ್ಥಾ ದತ್ತಾತ್ರೇಯಾನುಸಾರಿಣೀ ॥ 48 ॥
ದತ್ತಾತ್ರೇಯಗೀತಿರತಾ ದತ್ತಾತ್ರೇಯಧನಪ್ರದಾ ।
ದತ್ತಾತ್ರೇಯದುಃಖಹರಾ ದತ್ತಾತ್ರೇಯವರಪ್ರದಾ ॥ 49 ॥
ದತ್ತಾತ್ರೇಯಜ್ಞಾನದಾತ್ರೀ ದತ್ತಾತ್ರೇಯಭಯಾಪಹಾ ।
ದೇವಕನ್ಯಾ ದೇವಮಾನ್ಯಾ ದೇವದುಃಖವಿನಾಶಿನೀ ॥ 50 ॥
ದೇವಸಿದ್ಧಾ ದೇವಪೂಜ್ಯಾ ದೇವೇಜ್ಯಾ ದೇವವನ್ದಿತಾ ।
ದೇವಮಾನ್ಯಾ ದೇವಧನ್ಯಾ ದೇವವಿಘ್ನವಿನಾಶಿನೀ ॥ 51 ॥
ದೇವರಮ್ಯಾ ದೇವರತಾ ದೇವಕೌತುಕತತ್ಪರಾ ।
ದೇವಕ್ರೀಡಾ ದೇವವ್ರೀಡಾ ದೇವವೈರಿವಿನಾಶಿನೀ ॥ 52 ॥
ದೇವಕಾಮಾ ದೇವರಾಮಾ ದೇವದ್ವಿಷವಿನಾಶಿನೀ ।
ದೇವದೇವಪ್ರಿಯಾ ದೇವೀ ದೇವದಾನವವನ್ದಿತಾ ॥ 53 ॥
ದೇವದೇವರತಾನನ್ದಾ ದೇವದೇವವರೋತ್ಸುಕಾ ।
ದೇವದೇವಪ್ರೇಮರತಾ ದೇವದೇವಪ್ರಿಯಂವದಾ ॥ 54 ॥
ದೇವದೇವಪ್ರಾಣತುಲ್ಯಾ ದೇವದೇವನಿತಮ್ಬಿನೀ ।
ದೇವದೇವಹೃತಮನಾ ದೇವದೇವಸುಖಾವಹಾ ॥ 55 ॥
ದೇವದೇವಕ್ರೋಡರತಾ ದೇವದೇವಸುಖಪ್ರದಾ ।
ದೇವದೇವಮಹಾನನ್ದಾ ದೇವದೇವಪ್ರಚುಮ್ಬಿತಾ ॥ 56 ॥
ದೇವದೇವೋಪಭುಕ್ತಾ ಚ ದೇವದೇವಾನುಸೇವಿತಾ ।
ದೇವದೇವಗತಪ್ರಾಣಾ ದೇವದೇವಗತಾತ್ಮಿಕಾ ॥ 57 ॥
ದೇವದೇವಹರ್ಷದಾತ್ರೀ ದೇವದೇವಸುಖಪ್ರದಾ ।
ದೇವದೇವಮಹಾನನ್ದಾ ದೇವದೇವವಿಲಾಸಿನೀ ॥ 58 ॥
ದೇವದೇವಧರ್ಮಪತ್ನೀ ದೇವದೇವಮನೋಗತಾ ।
ದೇವದೇವವಧೂರ್ದೇವೀ ದೇವದೇವಾರ್ಚನಪ್ರಿಯಾ ॥ 59 ॥
ದೇವದೇವಾಙ್ಗನಿಲಯಾ ದೇವದೇವಾಙ್ಗಶಾಯಿನೀ ।
ದೇವದೇವಾಙ್ಗಸುಖಿನೀ ದೇವದೇವಾಙ್ಗವಾಸಿನೀ ॥ 60 ॥
ದೇವದೇವಾಙ್ಗಭೂಷಾ ಚ ದೇವದೇವಾಙ್ಗಭೂಷಣಾ ।
ದೇವದೇವಪ್ರಿಯಕರೀ ದೇವದೇವಾಪ್ರಿಯಾನ್ತಕೃತ್ ॥ 61 ॥
ದೇವದೇವಪ್ರಿಯಪ್ರಾಣಾ ದೇವದೇವಪ್ರಿಯಾತ್ಮಿಕಾ ।
ದೇವದೇವಾರ್ಚಕಪ್ರಾಣಾ ದೇವದೇವಾರ್ಚಕಪ್ರಿಯಾ ॥ 62 ॥
ದೇವದೇವಾರ್ಚಕೋತ್ಸಾಹಾ ದೇವದೇವಾರ್ಚಕಾಶ್ರಯಾ ।
ದೇವದೇವಾರ್ಚಕಾವಿಘ್ನಾ ದೇವದೇವಪ್ರಸೂರಪಿ ॥ 63 ॥
ದೇವದೇವಸ್ಯ ಜನನೀ ದೇವದೇವವಿಧಾಯಿನೀ ।
ದೇವದೇವಸ್ಯ ರಮಣೀ ದೇವದೇವಹೃದಾಶ್ರಯಾ ॥ 64 ॥
ದೇವದೇವೇಷ್ಟದೇವೀ ಚ ದೇವತಾಪವಿಪಾತಿನೀ । [ತಾಪಸಪಾಲಿನೀ]
ದೇವತಾಭಾವಸನ್ತುಷ್ಟಾ ದೇವತಾಭಾವತೋಷಿತಾ ॥ 65 ॥
ದೇವತಾಭಾವವರದಾ ದೇವತಾಭಾವಸಿದ್ಧಿದಾ ।
ದೇವತಾಭಾವಸಂಸಿದ್ಧಾ ದೇವತಾಭಾವಸಮ್ಭವಾ ॥ 66 ॥
ದೇವತಾಭಾವಸುಖಿನೀ ದೇವತಾಭಾವವನ್ದಿತಾ ।
ದೇವತಾಭಾವಸುಪ್ರೀತಾ ದೇವತಾಭಾವಹರ್ಷದಾ ॥ 67 ॥
ದೇವತಾವಿಘ್ನಹನ್ತ್ರೀ ಚ ದೇವತಾದ್ವಿಷನಾಶಿನೀ ।
ದೇವತಾಪೂಜಿತಪದಾ ದೇವತಾಪ್ರೇಮತೋಷಿತಾ ॥ 68 ॥
ದೇವತಾಗಾರನಿಲಯಾ ದೇವತಾಸೌಖ್ಯದಾಯಿನೀ ।
ದೇವತಾನಿಜಭಾವಾ ಚ ದೇವತಾಹೃತಮಾನಸಾ ॥ 69 ॥
ದೇವತಾಕೃತಪಾದಾರ್ಚಾ ದೇವತಾಹೃತಭಕ್ತಿಕಾ ।
ದೇವತಾಗರ್ವಮಧ್ಯಸ್ಥಾ ದೇವತಾದೇವತಾತನುಃ ॥ 70 ॥
ದುಂ‍ದುರ್ಗಾಯೈ ನಮೋ ನಾಮ್ನೀ ದುಂ‍ಷಣ್ಮನ್ತ್ರಸ್ವರೂಪಿಣೀ ।
ದೂನ್ನಮೋಮನ್ತ್ರರೂಪಾ ಚ ದೂನ್ನಮೋಮೂರ್ತಿಕಾತ್ಮಿಕಾ ॥ 71 ॥
ದೂರದರ್ಶಿಪ್ರಿಯಾ ದುಷ್ಟಾ ದುಷ್ಟಭೂತನಿಷೇವಿತಾ ।
ದೂರದರ್ಶಿಪ್ರೇಮರತಾ ದೂರದರ್ಶಿಪ್ರಿಯಂವದಾ ॥ 72 ॥
ದೂರದರ್ಶಿಸಿದ್ಧಿದಾತ್ರೀ ದೂರದರ್ಶಿಪ್ರತೋಷಿತಾ ।
ದೂರದರ್ಶಿಕಣ್ಠಸಂಸ್ಥಾ ದೂರದರ್ಶಿಪ್ರಹರ್ಷಿತಾ ॥ 73 ॥
ದೂರದರ್ಶಿಗೃಹೀತಾರ್ಚಾ ದೂರದರ್ಶಿಪ್ರತರ್ಪಿತಾ ।
ದೂರದರ್ಶಿಪ್ರಾಣತುಲ್ಯಾ ದೂರದರ್ಶಿಸುಖಪ್ರದಾ ॥ 74 ॥
ದೂರದರ್ಶಿಭ್ರಾನ್ತಿಹರಾ ದೂರದರ್ಶಿಹೃದಾಸ್ಪದಾ ।
ದೂರದರ್ಶ್ಯರಿವಿದ್ಭಾವಾ ದೀರ್ಘದರ್ಶಿಪ್ರಮೋದಿನೀ ॥ 75 ॥
ದೀರ್ಘದರ್ಶಿಪ್ರಾಣತುಲ್ಯಾ ದೀರ್ಘದರ್ಶಿವರಪ್ರದಾ ।
ದೀರ್ಘದರ್ಶಿಹರ್ಷದಾತ್ರೀ ದೀರ್ಘದರ್ಶಿಪ್ರಹರ್ಷಿತಾ ॥ 76 ॥
ದೀರ್ಘದರ್ಶಿಮಹಾನನ್ದಾ ದೀರ್ಘದರ್ಶಿಗೃಹಾಲಯಾ ।
ದೀರ್ಘದರ್ಶಿಗೃಹೀತಾರ್ಚಾ ದೀರ್ಘದರ್ಶಿಹೃತಾರ್ಹಣಾ ॥ 77 ॥
ದಯಾ ದಾನವತೀ ದಾತ್ರೀ ದಯಾಲುರ್ದೀನವತ್ಸಲಾ ।
ದಯಾರ್ದ್ರಾ ಚ ದಯಾಶೀಲಾ ದಯಾಢ್ಯಾ ಚ ದಯಾತ್ಮಿಕಾ ॥ 78 ॥
ದಯಾಮ್ಬುಧಿರ್ದಯಾಸಾರಾ ದಯಾಸಾಗರಪಾರಗಾ ।
ದಯಾಸಿನ್ಧುರ್ದಯಾಭಾರಾ ದಯಾವತ್ಕರುಣಾಕರೀ ॥ 80 ॥
ದಯಾವದ್ವತ್ಸಲಾದೇವೀ ದಯಾದಾನರತಾಸದಾ ।
ದಯಾವದ್ಭಕ್ತಿಸುಖಿನೀ ದಯಾವತ್ಪರಿತೋಷಿತಾ ॥ 81 ॥
ದಯಾವತ್ಸ್ನೇಹನಿರತಾ ದಯಾವತ್ಪ್ರತಿಪಾದಿಕಾ ।
ದಯಾವತ್ಪ್ರಾಣಕರ್ತ್ರೀ ಚ ದಯಾವನ್ಮುಕ್ತಿದಾಯಿನೀ ॥ 82 ॥
ದಯಾವದ್ಭಾವಸನ್ತುಷ್ಟಾ ದಯಾವತ್ಪರಿತೋಷಿತಾ ।
ದಯಾವತ್ತಾರಣಪರಾ ದಯಾವತ್ಸಿದ್ಧಿದಾಯಿನೀ ॥ 83 ॥
ದಯಾವತ್ಪುತ್ರವದ್ಭಾವಾ ದಯಾವತ್ಪುತ್ರರೂಪಿಣೀ ।
ದಯಾವದ್ದೇಹನಿಲಯಾ ದಯಾಬನ್ಧುರ್ದಯಾಶ್ರಯಾ ॥ 84 ॥
ದಯಾಳುವಾತ್ಸಲ್ಯಕರೀ ದಯಾಳುಸಿದ್ಧಿದಾಯಿನೀ ।
ದಯಾಳುಶರಣಾಸಕ್ತಾ ದಯಾಳುರ್ದೇಹಮನ್ದಿರಾ ॥ 85 ॥
ದಯಾಳುಭಕ್ತಿಭಾವಸ್ಥಾ ದಯಾಳುಪ್ರಾಣರೂಪಿಣೀ ।
ದಯಾಳುಸುಖದಾ ದಮ್ಭಾ ದಯಾಳುಪ್ರೇಮವರ್ಷಿಣೀ ॥ 86 ॥
ದಯಾಳುವಶಗಾ ದೀರ್ಘಾ ದೀರ್ಘಾಙ್ಗೀ ದೀರ್ಘಲೋಚನಾ ।
ದೀರ್ಘನೇತ್ರಾ ದೀರ್ಘಚಕ್ಷುರ್ದೀರ್ಘಬಾಹುಲತಾತ್ಮಿಕಾ ॥ 87 ॥
ದೀರ್ಘಕೇಶೀ ದೀರ್ಘಮುಖೀ ದೀರ್ಘಘೋಣಾ ಚ ದಾರುಣಾ ।
ದಾರುಣಾಸುರಹನ್ತ್ರೀ ಚ ದಾರುಣಾಸುರದಾರಿಣೀ ॥ 88 ॥
ದಾರುಣಾಹವಕರ್ತ್ರೀ ಚ ದಾರುಣಾಹವಹರ್ಷಿತಾ ।
ದಾರುಣಾಹವಹೋಮಾಢ್ಯಾ ದಾರುಣಾಚಲನಾಶಿನೀ ॥ 89 ॥
ದಾರುಣಾಚಾರನಿರತಾ ದಾರುಣೋತ್ಸವಹರ್ಷಿತಾ ।
ದಾರುಣೋದ್ಯತರೂಪಾ ಚ ದಾರುಣಾರಿನಿವಾರಿಣೀ ॥ 90 ॥
ದಾರುಣೇಕ್ಷಣಸಂಯುಕ್ತಾ ದೋಶ್ಚತುಷ್ಕವಿರಾಜಿತಾ ।
ದಶದೋಷ್ಕಾ ದಶಭುಜಾ ದಶಬಾಹುವಿರಾಜಿತಾ ॥ 91 ॥
ದಶಾಸ್ತ್ರಧಾರಿಣೀ ದೇವೀ ದಶದಿಕ್ಖ್ಯಾತವಿಕ್ರಮಾ ।
ದಶರಥಾರ್ಚಿತಪದಾ ದಾಶರಥಿಪ್ರಿಯಾ ಸದಾ ॥ 92 ॥
ದಾಶರಥಿಪ್ರೇಮತುಷ್ಟಾ ದಾಶರಥಿರತಿಪ್ರಿಯಾ ।
ದಾಶರಥಿಪ್ರಿಯಕರೀ ದಾಶರಥಿಪ್ರಿಯಂವದಾ ॥ 93 ॥
ದಾಶರಥೀಷ್ಟಸನ್ದಾತ್ರೀ ದಾಶರಥೀಷ್ಟದೇವತಾ ।
ದಾಶರಥಿದ್ವೇಷಿನಾಶಾ ದಾಶರಥ್ಯಾನುಕೂಲ್ಯದಾ ॥ 94 ॥
ದಾಶರಥಿಪ್ರಿಯತಮಾ ದಾಶರಥಿಪ್ರಪೂಜಿತಾ ।
ದಶಾನನಾರಿಸಮ್ಪೂಜ್ಯಾ ದಶಾನನಾರಿದೇವತಾ ॥ 95 ॥
ದಶಾನನಾರಿಪ್ರಮದಾ ದಶಾನನಾರಿಜನ್ಮಭೂಃ ।
ದಶಾನನಾರಿರತಿದಾ ದಶಾನನಾರಿಸೇವಿತಾ ॥ 96 ॥
ದಶಾನನಾರಿಸುಖದಾ ದಶಾನನಾರಿವೈರಿಹೃತ್ ।
ದಶಾನನಾರೀಷ್ಟದೇವೀ ದಶಗ್ರೀವಾರಿವನ್ದಿತಾ ॥ 97 ॥
ದಶಗ್ರೀವಾರಿಜನನೀ ದಶಗ್ರೀವಾರಿಭಾವಿನೀ ।
ದಶಗ್ರೀವಾರಿಸಹಿತಾ ದಶಗ್ರೀವಸಭಾಜಿತಾ ॥ 98 ॥
ದಶಗ್ರೀವಾರಿರಮಣೀ ದಶಗ್ರೀವವಧೂರಪಿ ।
ದಶಗ್ರೀವನಾಶಕರ್ತ್ರೀ ದಶಗ್ರೀವವರಪ್ರದಾ ॥ 99 ॥
ದಶಗ್ರೀವಪುರಸ್ಥಾ ಚ ದಶಗ್ರೀವವಧೋತ್ಸುಕಾ ।
ದಶಗ್ರೀವಪ್ರೀತಿದಾತ್ರೀ ದಶಗ್ರೀವವಿನಾಶಿನೀ ॥ 100 ॥
ದಶಗ್ರೀವಾಹವಕರೀ ದಶಗ್ರೀವಾನಪಾಯಿನೀ ।
ದಶಗ್ರೀವಪ್ರಿಯಾವನ್ದ್ಯಾ ದಶಗ್ರೀವಾಹೃತಾ ತಥಾ ॥ 101 ॥
ದಶಗ್ರೀವಾಹಿತಕರೀ ದಶಗ್ರೀವೇಶ್ವರಪ್ರಿಯಾ ।
ದಶಗ್ರೀವೇಶ್ವರಪ್ರಾಣಾ ದಶಗ್ರೀವವರಪ್ರದಾ ॥ 102 ॥
ದಶಗ್ರೀವೇಶ್ವರರತಾ ದಶವರ್ಷೀಯಕನ್ಯಕಾ ।
ದಶವರ್ಷೀಯಬಾಲಾ ಚ ದಶವರ್ಷೀಯವಾಸಿನೀ ॥ 103 ॥
ದಶಪಾಪಹರಾ ದಮ್ಯಾ ದಶಹಸ್ತವಿಭೂಷಿತಾ ।
ದಶಶಸ್ತ್ರಲಸದ್ದೋಷ್ಕಾ ದಶದಿಕ್ಪಾಲವನ್ದಿತಾ ॥ 104 ॥
ದಶಾವತಾರರೂಪಾ ಚ ದಶಾವತಾರರೂಪಿಣೀ ।
ದಶವಿದ್ಯಾಭಿನ್ನದೇವೀ ದಶಪ್ರಾಣಸ್ವರೂಪಿಣೀ ॥ 105 ॥
ದಶವಿದ್ಯಾಸ್ವರೂಪಾ ಚ ದಶವಿದ್ಯಾಮಯೀ ತಥಾ ।
ದೃಕ್ಸ್ವರೂಪಾ ದೃಕ್ಪ್ರದಾತ್ರೀ ದೃಗ್ರೂಪಾ ದೃಕ್ಪ್ರಕಾಶಿನೀ ॥ 106 ॥
ದಿಗನ್ತರಾ ದಿಗನ್ತಸ್ಥಾ ದಿಗಮ್ಬರವಿಲಾಸಿನೀ ।
ದಿಗಮ್ಬರಸಮಾಜಸ್ಥಾ ದಿಗಮ್ಬರಪ್ರಪೂಜಿತಾ ॥ 107 ॥
ದಿಗಮ್ಬರಸಹಚರೀ ದಿಗಮ್ಬರಕೃತಾಸ್ಪದಾ ।
ದಿಗಮ್ಬರಹೃತಾಚಿತ್ತಾ ದಿಗಮ್ಬರಕಥಾಪ್ರಿಯಾ ॥ 108 ॥
ದಿಗಮ್ಬರಗುಣರತಾ ದಿಗಮ್ಬರಸ್ವರೂಪಿಣೀ ।
ದಿಗಮ್ಬರಶಿರೋಧಾರ್ಯಾ ದಿಗಮ್ಬರಹೃತಾಶ್ರಯಾ ॥ 109 ॥
ದಿಗಮ್ಬರಪ್ರೇಮರತಾ ದಿಗಮ್ಬರರತಾತುರಾ ।
ದಿಗಮ್ಬರೀಸ್ವರೂಪಾ ಚ ದಿಗಮ್ಬರೀಗಣಾರ್ಚಿತಾ ॥ 110 ॥
ದಿಗಮ್ಬರೀಗಣಪ್ರಾಣಾ ದಿಗಮ್ಬರೀಗಣಪ್ರಿಯಾ ।
ದಿಗಮ್ಬರೀಗಣಾರಾಧ್ಯಾ ದಿಗಮ್ಬರಗಣೇಶ್ವರಾ ॥ 111 ॥
ದಿಗಮ್ಬರಗಣಸ್ಪರ್ಶಾಮದಿರಾಪಾನವಿಹ್ವಲಾ ।
ದಿಗಮ್ಬರೀಕೋಟಿವೃತಾ ದಿಗಮ್ಬರೀಗಣಾವೃತಾ ॥ 112 ॥
ದುರನ್ತಾ ದುಷ್ಕೃತಿಹರಾ ದುರ್ಧ್ಯೇಯಾ ದುರತಿಕ್ರಮಾ ।
ದುರನ್ತದಾನವದ್ವೇಷ್ಟೀ ದುರನ್ತದನುಜಾನ್ತಕೃತ್ ॥ 113 ॥
ದುರನ್ತಪಾಪಹನ್ತ್ರೀ ಚ ದಸ್ರನಿಸ್ತಾರಕಾರಿಣೀ ।
ದಸ್ರಮಾನಸಸಂಸ್ಥಾನಾ ದಸ್ರಜ್ಞಾನವಿವರ್ಧಿನೀ ॥ 114 ॥
ದಸ್ರಸಮ್ಭೋಗಜನನೀ ದಸ್ರಸಮ್ಭೋಗದಾಯಿನೀ ।
ದಸ್ರಸಮ್ಭೋಗಭವನಾ ದಸ್ರವಿದ್ಯಾವಿಧಾಯಿನೀ ॥ 115 ॥
ದಸ್ರೋದ್ವೇಗಹರಾ ದಸ್ರಜನನೀ ದಸ್ರಸುನ್ದರೀ ।
ದಸ್ರಭಕ್ತಿವಿಧಾಜ್ಞಾನಾ ದಸ್ರದ್ವಿಷವಿನಾಶಿನೀ ॥ 116 ॥
ದಸ್ರಾಪಕಾರದಮನೀ ದಸ್ರಸಿದ್ಧಿವಿಧಾಯಿನೀ ।
ದಸ್ರತಾರಾರಾಧಿತಾ ಚ ದಸ್ರಮಾತೃಪ್ರಪೂಜಿತಾ ॥ 117 ॥
ದಸ್ರದೈನ್ಯಹರಾ ಚೈವ ದಸ್ರತಾತನಿಷೇವಿತಾ ।
ದಸ್ರಪಿತೃಶತಜ್ಯೋತಿರ್ದಸ್ರಕೌಶಲದಾಯಿನೀ ॥ 118 ॥
ದಶಶೀರ್ಷಾರಿಸಹಿತಾ ದಶಶೀರ್ಷಾರಿಕಾಮಿನೀ ।
ದಶಶೀರ್ಷಪುರೀ ದೇವೀ ದಶಶೀರ್ಷಸಭಾಜಿತಾ ॥ 119 ॥
ದಶಶೀರ್ಷಾರಿಸುಪ್ರೀತಾ ದಶಶೀರ್ಷವಧೂಪ್ರಿಯಾ ।
ದಶಶೀರ್ಷಶಿರಶ್ಛೇತ್ರೀ ದಶಶೀರ್ಷನಿತಮ್ಬಿನೀ ॥ 120 ॥
ದಶಶೀರ್ಷಹರಪ್ರಾಣಾ ದಶಶೀರ್ಷಹರಾತ್ಮಿಕಾ ।
ದಶಶೀರ್ಷಹರಾರಾಧ್ಯಾ ದಶಶೀರ್ಷಾರಿವನ್ದಿತಾ ॥ 121 ॥
ದಶಶೀರ್ಷಾರಿಸುಖದಾ ದಶಶೀರ್ಷಕಪಾಲಿನೀ ।
ದಶಶೀರ್ಷಜ್ಞಾನದಾತ್ರೀ ದಶಶೀರ್ಷಾರಿದೇಹಿನೀ ॥ 122 ॥
ದಶಶೀರ್ಷವಧೋಪಾತ್ತಶ್ರೀರಾಮಚನ್ದ್ರರೂಪತಾ ।
ದಶಶೀರ್ಷರಾಷ್ಟ್ರದೇವೀ ದಶಶೀರ್ಷಾರಿಸಾರಿಣೀ ॥ 123 ॥
ದಶಶೀರ್ಷಭ್ರಾತೃತುಷ್ಟಾ ದಶಶೀರ್ಷವಧೂಪ್ರಿಯಾ ।
ದಶಶೀರ್ಷವಧೂಪ್ರಾಣಾ ದಶಶೀರ್ಷವಧೂರತಾ ॥ 124 ॥
ದೈತ್ಯಗುರುರತಾ ಸಾಧ್ವೀ ದೈತ್ಯಗುರುಪ್ರಪೂಜಿತಾ ।
ದೈತ್ಯಗುರೂಪದೇಷ್ಟ್ರೀ ಚ ದೈತ್ಯಗುರುನಿಷೇವಿತಾ ॥ 125 ॥
ದೈತ್ಯಗುರುಗತಪ್ರಾಣಾ ದೈತ್ಯಗುರುತಾಪನಾಶಿನೀ ।
ದುರನ್ತದುಃಖಶಮನೀ ದುರನ್ತದಮನೀತಮೀ ॥ 126 ॥
ದುರನ್ತಶೋಕಶಮನೀ ದುರನ್ತರೋಗನಾಶಿನೀ ।
ದುರನ್ತವೈರಿದಮನೀ ದುರನ್ತದೈತ್ಯನಾಶಿನೀ ॥ 127 ॥
ದುರನ್ತಕಲುಷಘ್ನೀ ಚ ದುಷ್ಕೃತಿಸ್ತೋಮನಾಶಿನೀ ।
ದುರಾಶಯಾ ದುರಾಧಾರಾ ದುರ್ಜಯಾ ದುಷ್ಟಕಾಮಿನೀ ॥ 128 ॥
ದರ್ಶನೀಯಾ ಚ ದೃಶ್ಯಾ ಚ ದೃಷ್ಟ್ವಾ ಚ ದೃಷ್ಟಿಗೋಚರಾ ।
ದೂತೀಯಾಗಪ್ರಿಯಾ ದೂತೀ ದೂತೀಯಾಗಕರಪ್ರಿಯಾ ॥ 129 ॥
ದೂತೀಯಾಗಕರಾನನ್ದಾ ದೂತೀಯಾಗಸುಖಪ್ರದಾ ।
ದೂತೀಯಾಗಕರಾಯಾತಾ ದೂತೀಯಾಗಪ್ರಮೋದಿನೀ ॥ 130 ॥
ದುರ್ವಾಸಃಪೂಜಿತಾ ಚೈವ ದುರ್ವಾಸೋಮುನಿಭಾವಿತಾ ।
ದುರ್ವಾಸೋಽರ್ಚಿತಪಾದಾ ಚ ದುರ್ವಾಸೋಮುನಿಭಾವಿತಾ ॥ 131 ॥
ದುರ್ವಾಸೋಮುನಿವನ್ದ್ಯಾ ಚ ದುರ್ವಾಸೋಮುನಿದೇವತಾ ।
ದುರ್ವಾಸೋಮುನಿಮಾತಾ ಚ ದುರ್ವಾಸೋಮುನಿಸಿದ್ಧಿದಾ ॥ 132 ॥
ದುರ್ವಾಸೋಮುನಿಭಾವಸ್ಥಾ ದುರ್ವಾಸೋಮುನಿಸೇವಿತಾ ।
ದುರ್ವಾಸೋಮುನಿಚಿತ್ತಸ್ಥಾ ದುರ್ವಾಸೋಮುನಿಮಣ್ಡಿತಾ ॥ 133 ॥
ದುರ್ವಾಸೋಮುನಿಸಞ್ಚಾರಾ ದುರ್ವಾಸೋಹೃದಯಙ್ಗಮಾ ।
ದುರ್ವಾಸೋಹೃದಯಾರಾಧ್ಯಾ ದುರ್ವಾಸೋಹೃತ್ಸರೋಜಗಾ ॥ 134 ॥
ದುರ್ವಾಸಸ್ತಾಪಸಾರಾಧ್ಯಾ ದುರ್ವಾಸಸ್ತಾಪಸಾಶ್ರಯಾ ।
ದುರ್ವಾಸಸ್ತಾಪಸರತಾ ದುರ್ವಾಸಸ್ತಾಪಸೇಶ್ವರೀ ॥ 135 ॥
ದುರ್ವಾಸೋಮುನಿಕನ್ಯಾ ಚ ದುರ್ವಾಸೋಽದ್ಭುತಸಿದ್ಧಿದಾ ।
ದರರಾತ್ರೀ ದರಹರಾ ದರಯುಕ್ತಾ ದರಾಪಹಾ ॥ 136 ॥
ದರಘ್ನೀ ದರಹನ್ತ್ರೀ ಚ ದರಯುಕ್ತಾ ದರಾಶ್ರಯಾ ।
ದರಸ್ಮೇರಾ ದರಾಪಾಙ್ಗೀ ದಯಾದಾತ್ರೀ ದಯಾಶ್ರಯಾ ।
ದಸ್ರಪೂಜ್ಯಾ ದಸ್ರಮಾತಾ ದಸ್ರದೇವೀ ದರೋನ್ಮದಾ ॥ 137 ॥
ದಸ್ರಸಿದ್ಧಾ ದಸ್ರಸಂಸ್ಥಾ ದಸ್ರತಾಪವಿಮೋಚನೀ ।
ದಸ್ರಕ್ಷೋಭಹರಾ ನಿತ್ಯಾ ದಸ್ರಲೋಕಗತಾತ್ಮಿಕಾ ॥ 138 ॥
ದೈತ್ಯಗುರ್ವಙ್ಗನಾವನ್ದ್ಯಾ ದೈತ್ಯಗುರ್ವಙ್ಗನಾಪ್ರಿಯಾ ।
ದೈತ್ಯಗುರ್ವಙ್ಗನಾಸಿದ್ಧಾ ದೈತ್ಯಗುರ್ವಙ್ಗನೋತ್ಸುಕಾ ॥ 139 ॥
ದೈತ್ಯಗುರುಪ್ರಿಯತಮಾ ದೇವಗುರುನಿಷೇವಿತಾ ।
ದೇವಗುರುಪ್ರಸೂರೂಪಾ ದೇವಗುರುಕೃತಾರ್ಹಣಾ ॥ 140 ॥
ದೇವಗುರುಪ್ರೇಮಯುತಾ ದೇವಗುರ್ವನುಮಾನಿತಾ ।
ದೇವಗುರುಪ್ರಭಾವಜ್ಞಾ ದೇವಗುರುಸುಖಪ್ರದಾ ॥ 141 ॥
ದೇವಗುರುಜ್ಞಾನದಾತ್ರೀ ದೇವಗುರುಪ್ರಮೋದಿನೀ ।
ದೈತ್ಯಸ್ತ್ರೀಗಣಸಮ್ಪೂಜ್ಯಾ ದೈತ್ಯಸ್ತ್ರೀಗಣಪೂಜಿತಾ ॥ 142 ॥
ದೈತ್ಯಸ್ತ್ರೀಗಣರೂಪಾ ಚ ದೈತ್ಯಸ್ತ್ರೀಚಿತ್ತಹಾರಿಣೀ ।
ದೇವಸ್ತ್ರೀಗಣಪೂಜ್ಯಾ ಚ ದೇವಸ್ತ್ರೀಗಣವನ್ದಿತಾ ॥ 143 ॥
ದೇವಸ್ತ್ರೀಗಣಚಿತ್ತಸ್ಥಾ ದೇವಸ್ತ್ರೀಗಣಭೂಷಿತಾ ।
ದೇವಸ್ತ್ರೀಗಣಸಂಸಿದ್ಧಾ ದೇವಸ್ತ್ರೀಗಣತೋಷಿತಾ ॥ 144 ॥
ದೇವಸ್ತ್ರೀಗಣಹಸ್ತಸ್ಥಚಾರುಚಾಮರವೀಜಿತಾ ।
ದೇವಸ್ತ್ರೀಗಣಹಸ್ತಸ್ಥಚಾರುಗನ್ಧವಿಲೇಪಿತಾ ॥ 145 ॥
ದೇವಾಙ್ಗನಾಧೃತಾದರ್ಶದೃಷ್ಟ್ಯರ್ಥಮುಖಚನ್ದ್ರಮಾ ।
ದೇವಾಙ್ಗನೋತ್ಸೃಷ್ಟನಾಗವಲ್ಲೀದಳಕೃತೋತ್ಸುಕಾ ॥ 146 ॥
ದೇವಸ್ತ್ರೀಗಣಹಸ್ತಸ್ಥಧೂಪಾಘ್ರಾಣವಿನೋದಿನೀ ।
ದೇವಸ್ತ್ರೀಗಣಹಸ್ತಸ್ಥದೀಪಮಾಲಾವಿಲೋಕನಾ ॥ 147 ॥
ದೇವನಾರೀಕರಗತವಾಸಕಾಸವಪಾಯಿನೀ ।
ದೇವನಾರೀಕಙ್ಕತಿಕಾಕೃತಕೇಶನಿಮಾರ್ಜನಾ ॥ 148 ॥
ದೇವನಾರೀಸೇವ್ಯಗಾತ್ರಾ ದೇವನಾರೀಕೃತೋತ್ಸುಕಾ ।
ದೇವನಾರೀವಿರಚಿತಪುಷ್ಪಮಾಲಾವಿರಾಜಿತಾ ॥ 149 ॥
ದೇವನಾರೀವಿಚಿತ್ರಾಙ್ಗೀ ದೇವಸ್ತ್ರೀದತ್ತಭೋಜನಾ ।
ದೇವಸ್ತ್ರೀಗಣಗೀತಾ ಚ ದೇವಸ್ತ್ರೀಗೀತಸೋತ್ಸುಕಾ ॥ 150 ॥
ದೇವಸ್ತ್ರೀನೃತ್ಯಸುಖಿನೀ ದೇವಸ್ತ್ರೀನೃತ್ಯದರ್ಶಿನೀ ।
ದೇವಸ್ತ್ರೀಯೋಜಿತಲಸದ್ರತ್ನಪಾದಪದಾಮ್ಬುಜಾ ॥ 151 ॥
ದೇವಸ್ತ್ರೀಗಣವಿಸ್ತೀರ್ಣಚಾರುತಲ್ಪನಿಷೇದುಷೀ ।
ದೇವನಾರೀಚಾರುಕರಾಕಲಿತಾಙ್ಘ್ರ್ಯಾದಿದೇಹಿಕಾ ॥ 152 ॥
ದೇವನಾರೀಕರವ್ಯಗ್ರತಾಲವೃನ್ತಮರುತ್ಸಕಾ ।
ದೇವನಾರೀವೇಣುವೀಣಾನಾದಸೋತ್ಕಣ್ಠಮಾನಸಾ ॥ 153 ॥
ದೇವಕೋಟಿಸ್ತುತಿನುತಾ ದೇವಕೋಟಿಕೃತಾರ್ಹಣಾ ।
ದೇವಕೋಟಿಗೀತಗುಣಾ ದೇವಕೋಟಿಕೃತಸ್ತುತಿಃ ॥ 154 ॥
ದನ್ತದಾಷ್ಟ್ಯೋದ್ವೇಗಫಲಾ ದೇವಕೋಲಾಹಲಾಕುಲಾ ।
ದ್ವೇಷರಾಗಪರಿತ್ಯಕ್ತಾ ದ್ವೇಷರಾಗವಿವರ್ಜಿತಾ ॥ 155 ॥
ದಾಮಪೂಜ್ಯಾ ದಾಮಭೂಷಾ ದಾಮೋದರವಿಲಾಸಿನೀ ।
ದಾಮೋದರಪ್ರೇಮರತಾ ದಾಮೋದರಭಗಿನ್ಯಪಿ ॥ 156 ॥
ದಾಮೋದರಪ್ರಸೂರ್ದಾಮೋದರಪತ್ನೀಪತಿವ್ರತಾ ।
ದಾಮೋದರಾಽಭಿನ್ನದೇಹಾ ದಾಮೋದರರತಿಪ್ರಿಯಾ ॥ 157 ॥
ದಾಮೋದರಾಭಿನ್ನತನುರ್ದಾಮೋದರಕೃತಾಸ್ಪದಾ ।
ದಾಮೋದರಕೃತಪ್ರಾಣಾ ದಾಮೋದರಗತಾತ್ಮಿಕಾ ॥ 158 ॥
ದಾಮೋದರಕೌತುಕಾಢ್ಯಾ ದಾಮೋದರಕಲಾಕಲಾ ।
ದಾಮೋದರಾಲಿಙ್ಗಿತಾಙ್ಗೀ ದಾಮೋದರಕುತೂಹಲಾ ॥ 159 ॥
ದಾಮೋದರಕೃತಾಹ್ಲಾದಾ ದಾಮೋದರಸುಚುಮ್ಬಿತಾ ।
ದಾಮೋದರಸುತಾಕೃಷ್ಟಾ ದಾಮೋದರಸುಖಪ್ರದಾ ॥ 160 ॥
ದಾಮೋದರಸಹಾಢ್ಯಾ ಚ ದಾಮೋದರಸಹಾಯಿನೀ ।
ದಾಮೋದರಗುಣಜ್ಞಾ ಚ ದಾಮೋದರವರಪ್ರದಾ ॥ 161 ॥
ದಾಮೋದರಾನುಕೂಲಾ ಚ ದಾಮೋದರನಿತಮ್ಬಿನೀ ।
ದಾಮೋದರಜಲಕ್ರೀಡಾಕುಶಲಾ ದರ್ಶನಪ್ರಿಯಾ ॥ 162 ॥
ದಾಮೋದರಜಲಕ್ರೀಡಾತ್ಯಕ್ತಸ್ವಜನಸೌಹೃದಾ ।
ದಾಮೋದರಲಸದ್ರಾಸಕೇಲಿಕೌತುಕಿನೀ ತಥಾ ॥ 163 ॥
ದಾಮೋದರಭ್ರಾತೃಕಾ ಚ ದಾಮೋದರಪರಾಯಣಾ ।
ದಾಮೋದರಧರಾ ದಾಮೋದರವೈರಿವಿನಾಶಿನೀ ॥ 164 ॥
ದಾಮೋದರೋಪಜಾಯಾ ಚ ದಾಮೋದರನಿಮನ್ತ್ರಿತಾ ।
ದಾಮೋದರಪರಾಭೂತಾ ದಾಮೋದರಪರಾಜಿತಾ ॥ 165 ॥
ದಾಮೋದರಸಮಾಕ್ರಾನ್ತಾ ದಾಮೋದರಹತಾಶುಭಾ ।
ದಾಮೋದರೋತ್ಸವರತಾ ದಾಮೋದರೋತ್ಸವಾವಹಾ ॥ 166 ॥
ದಾಮೋದರಸ್ತನ್ಯದಾತ್ರೀ ದಾಮೋದರಗವೇಷಿತಾ ।
ದಮಯನ್ತೀಸಿದ್ಧಿದಾತ್ರೀ ದಮಯನ್ತೀಪ್ರಸಾದಿತಾ ॥ 167 ॥
ದಮಯನ್ತೀಷ್ಟದೇವೀ ಚ ದಮಯನ್ತೀಸ್ವರೂಪಿಣೀ ।
ದಮಯನ್ತೀಕೃತಾರ್ಚಾ ಚ ದಮನರ್ಷಿವಿಭಾವಿತಾ ॥ 168 ॥
ದಮನರ್ಷಿಪ್ರಾಣತುಲ್ಯಾ ದಮನರ್ಷಿಸ್ವರೂಪಿಣೀ ।
ದಮನರ್ಷಿಸ್ವರೂಪಾ ಚ ದಮ್ಭಪೂರಿತವಿಗ್ರಹಾ ॥ 169 ॥
ದಮ್ಭಹನ್ತ್ರೀ ದಮ್ಭಧಾತ್ರೀ ದಮ್ಭಲೋಕವಿಮೋಹಿನೀ ।
ದಮ್ಭಶೀಲಾ ದಮ್ಭಹರಾ ದಮ್ಭವತ್ಪರಿಮರ್ದಿನೀ ॥ 170 ॥
ದಮ್ಭರೂಪಾ ದಮ್ಭಕರೀ ದಮ್ಭಸನ್ತಾನಧಾರಿಣೀ ।
ದತ್ತಮೋಕ್ಷಾ ದತ್ತಧನಾ ದತ್ತಾರೋಗ್ಯಾ ಚ ದಾಮ್ಭಿಕಾ ॥ 171 ॥
ದತ್ತಪುತ್ರಾ ದತ್ತದಾರಾ ದತ್ತಹಾರಾ ಚ ದಾರಿಕಾ ।
ದತ್ತಭೋಗಾ ದತ್ತಶೋಕಾ ದತ್ತಹಸ್ತ್ಯಾದಿವಾಹನಾ ॥ 172 ॥
ದತ್ತಮತಿರ್ದತ್ತಭಾರ್ಯಾ ದತ್ತಶಾಸ್ತ್ರಾವಬೋಧಿಕಾ ।
ದತ್ತಪಾನಾ ದತ್ತದಾನಾ ದತ್ತದಾರಿದ್ರ್ಯನಾಶಿನೀ ॥ 173 ॥
ದತ್ತಸೌಧಾವನೀವಾಸಾ ದತ್ತಸ್ವರ್ಗಾ ಚ ದಾಸದಾ ।
ದಾಸ್ಯತುಷ್ಟಾ ದಾಸ್ಯಹರಾ ದಾಸದಾಸೀಶತಪ್ರದಾ ॥ 174 ॥
ದಾರರೂಪಾ ದಾರವಾಸಾ ದಾರವಾಸಿಹೃದಾಸ್ಪದಾ ।
ದಾರವಾಸಿಜನಾರಾಧ್ಯಾ ದಾರವಾಸಿಜನಪ್ರಿಯಾ ॥ 175 ॥
ದಾರವಾಸಿವಿನಿರ್ಣೀತಾ ದಾರವಾಸಿಸಮರ್ಚಿತಾ ।
ದಾರವಾಸ್ಯಾಹೃತಪ್ರಾಣಾ ದಾರವಾಸ್ಯಾರಿನಾಶಿನೀ ॥ 176 ॥
ದಾರವಾಸಿವಿಘ್ನಹರಾ ದಾರವಾಸಿವಿಮುಕ್ತಿದಾ ।
ದಾರಾಗ್ನಿರೂಪಿಣೀ ದಾರಾ ದಾರಕಾರ್ಯರಿನಾಶಿನೀ ॥ 177 ॥
ದಮ್ಪತೀ ದಮ್ಪತೀಷ್ಟಾ ಚ ದಮ್ಪತೀಪ್ರಾಣರೂಪಿಕಾ ।
ದಮ್ಪತೀಸ್ನೇಹನಿರತಾ ದಾಮ್ಪತ್ಯಸಾಧನಪ್ರಿಯಾ ॥ 178 ॥
ದಾಮ್ಪತ್ಯಸುಖಸೇವಾ ಚ ದಾಮ್ಪತ್ಯಸುಖದಾಯಿನೀ ।
ದಾಮ್ಪತ್ಯಾಚಾರನಿರತಾ ದಾಮ್ಪತ್ಯಾಮೋದಮೋದಿತಾ ॥ 179 ॥
ದಾಮ್ಪತ್ಯಾಮೋದಸುಖಿನೀ ದಾಮ್ಪತ್ಯಾಹ್ಲಾದಕಾರಿಣೀ ।
ದಮ್ಪತೀಷ್ಟಪಾದಪದ್ಮಾ ದಾಮ್ಪತ್ಯಪ್ರೇಮರೂಪಿಣೀ ॥ 180 ॥
ದಾಮ್ಪತ್ಯಭೋಗಭವನಾ ದಾಡಿಮೀಫಲಭೋಜಿನೀ ।
ದಾಡಿಮೀಫಲಸನ್ತುಷ್ಟಾ ದಾಡಿಮೀಫಲಮಾನಸಾ ॥ 181 ॥
ದಾಡಿಮೀವೃಕ್ಷಸಂಸ್ಥಾನಾ ದಾಡಿಮೀವೃಕ್ಷವಾಸಿನೀ ।
ದಾಡಿಮೀವೃಕ್ಷರೂಪಾ ಚ ದಾಡಿಮೀವನವಾಸಿನೀ ॥ 182 ॥
ದಾಡಿಮೀಫಲಸಾಮ್ಯೋರುಪಯೋಧರಹೃದಾಯುತಾ । [ಸಮನ್ವಿತಾ]
ದಕ್ಷಿಣಾ ದಕ್ಷಿಣಾರೂಪಾ ದಕ್ಷಿಣಾರೂಪಧಾರಿಣೀ ॥ 183 ॥
ದಕ್ಷಕನ್ಯಾ ದಕ್ಷಪುತ್ರೀ ದಕ್ಷಮಾತಾ ಚ ದಕ್ಷಸೂಃ ।
ದಕ್ಷಗೋತ್ರಾ ದಕ್ಷಸುತಾ ದಕ್ಷಯಜ್ಞವಿನಾಶಿನೀ ॥ 184 ॥
ದಕ್ಷಯಜ್ಞನಾಶಕರ್ತ್ರೀ ದಕ್ಷಯಜ್ಞಾನ್ತಕಾರಿಣೀ ।
ದಕ್ಷಪ್ರಸೂತಿರ್ದಕ್ಷೇಜ್ಯಾ ದಕ್ಷವಂಶೈಕಪಾವನೀ ॥ 185 ॥
ದಕ್ಷಾತ್ಮಜಾ ದಕ್ಷಸೂನುರ್ದಕ್ಷಜಾ ದಕ್ಷಜಾತಿಕಾ ।
ದಕ್ಷಜನ್ಮಾ ದಕ್ಷಜನುರ್ದಕ್ಷದೇಹಸಮುದ್ಭವಾ ॥ 186 ॥
ದಕ್ಷಜನಿರ್ದಕ್ಷಯಾಗಧ್ವಂಸಿನೀ ದಕ್ಷಕನ್ಯಕಾ ।
ದಕ್ಷಿಣಾಚಾರನಿರತಾ ದಕ್ಷಿಣಾಚಾರತುಷ್ಟಿದಾ ॥ 187 ॥
ದಕ್ಷಿಣಾಚಾರಸಂಸಿದ್ಧಾ ದಕ್ಷಿಣಾಚಾರಭಾವಿತಾ ।
ದಕ್ಷಿಣಾಚಾರಸುಖಿನೀ ದಕ್ಷಿಣಾಚಾರಸಾಧಿತಾ ॥ 188 ॥
ದಕ್ಷಿಣಾಚಾರಮೋಕ್ಷಾಪ್ತಿರ್ದಕ್ಷಿಣಾಚಾರವನ್ದಿತಾ ।
ದಕ್ಷಿಣಾಚಾರಶರಣಾ ದಕ್ಷಿಣಾಚಾರಹರ್ಷಿತಾ ॥ 189 ॥
ದ್ವಾರಪಾಲಪ್ರಿಯಾ ದ್ವಾರವಾಸಿನೀ ದ್ವಾರಸಂಸ್ಥಿತಾ ।
ದ್ವಾರರೂಪಾ ದ್ವಾರಸಂಸ್ಥಾ ದ್ವಾರದೇಶನಿವಾಸಿನೀ ॥ 190 ॥
ದ್ವಾರಕರೀ ದ್ವಾರಧಾತ್ರೀ ದೋಷಮಾತ್ರವಿವರ್ಜಿತಾ ।
ದೋಷಕರಾ ದೋಷಹರಾ ದೋಷರಾಶಿವಿನಾಶಿನೀ ॥ 191 ॥
ದೋಷಾಕರವಿಭೂಷಾಢ್ಯಾ ದೋಷಾಕರಕಪಾಲಿನೀ ।
ದೋಷಾಕರಸಹಸ್ರಾಭಾ ದೋಷಾಕರಸಮಾನನಾ ॥ 192 ॥
ದೋಷಾಕರಮುಖೀ ದಿವ್ಯಾ ದೋಷಾಕರಕರಾಗ್ರಜಾ ।
ದೋಷಾಕರಸಮಜ್ಯೋತಿರ್ದೋಷಾಕರಸುಶೀತಲಾ ॥ 193 ॥
ದೋಷಾಕರಶ್ರೇಣೀ ದೋಷಸದೃಶಾಪಾಙ್ಗವೀಕ್ಷಣಾ ।
ದೋಷಾಕರೇಷ್ಟದೇವೀ ಚ ದೋಷಾಕರನಿಷೇವಿತಾ ॥ 194 ॥
ದೋಷಾಕರಪ್ರಾಣರೂಪಾ ದೋಷಾಕರಮರೀಚಿಕಾ ।
ದೋಷಾಕರೋಲ್ಲಸತ್ಫಾಲಾ ದೋಷಾಕರಸುಹರ್ಷಿಣೀ ॥ 195 ॥
ದೋಷಾಕರಶಿರೋಭೂಷಾ ದೋಷಾಕರವಧೂಪ್ರಿಯಾ ।
ದೋಷಾಕರವಧೂಪ್ರಾಣಾ ದೋಷಾಕರವಧೂರ್ಮತಾ ॥ 196 ॥
ದೋಷಾಕರವಧೂಪ್ರೀತಾ ದೋಷಾಕರವಧೂರಪಿ ।
ದೋಷಾಪೂಜ್ಯಾ ತಥಾ ದೋಷಾಪೂಜಿತಾ ದೋಷಹಾರಿಣೀ ॥ 197 ॥
ದೋಷಾಜಾಪಮಹಾನನ್ದಾ ದೋಷಾಜಪಪರಾಯಣಾ ।
ದೋಷಾಪುರಶ್ಚಾರರತಾ ದೋಷಾಪೂಜಕಪುತ್ರಿಕಾ ॥ 198 ॥
ದೋಷಾಪೂಜಕವಾತ್ಸಲ್ಯಕಾರಿಣೀಜಗದಮ್ಬಿಕಾ ।
ದೋಷಾಪೂಜಕವೈರಿಘ್ನೀ ದೋಷಾಪೂಜಕವಿಘ್ನಹೃತ್ ॥ 199 ॥
ದೋಷಾಪೂಜಕಸನ್ತುಷ್ಟಾ ದೋಷಾಪೂಜಕಮುಕ್ತಿದಾ ।
ದಮಪ್ರಸೂನಸಮ್ಪೂಜ್ಯಾ ದಮಪುಷ್ಪಪ್ರಿಯಾ ಸದಾ ॥ 200 ॥
ದುರ್ಯೋಧನಪ್ರಪೂಜ್ಯಾ ಚ ದುಶ್ಶಾಸನಸಮರ್ಚಿತಾ ।
ದಣ್ಡಪಾಣಿಪ್ರಿಯಾ ದಣ್ಡಪಾಣಿಮಾತಾ ದಯಾನಿಧಿಃ ॥ 201 ॥
ದಣ್ಡಪಾಣಿಸಮಾರಾಧ್ಯಾ ದಣ್ಡಪಾಣಿಪ್ರಪೂಜಿತಾ ।
ದಣ್ಡಪಾಣಿಗೃಹಾಸಕ್ತಾ ದಣ್ಡಪಾಣಿಪ್ರಿಯಂವದಾ ॥ 202 ॥
ದಣ್ಡಪಾಣಿಪ್ರಿಯತಮಾ ದಣ್ಡಪಾಣಿಮನೋಹರಾ ।
ದಣ್ಡಪಾಣಿಹೃತಪ್ರಾಣಾ ದಣ್ಡಪಾಣಿಸುಸಿದ್ಧಿದಾ ॥ 203 ॥
ದಣ್ಡಪಾಣಿಪರಾಮೃಷ್ಟಾ ದಣ್ಡಪಾಣಿಪ್ರಹರ್ಷಿತಾ ।
ದಣ್ಡಪಾಣಿವಿಘ್ನಹರಾ ದಣ್ಡಪಾಣಿಶಿರೋಧೃತಾ ॥ 204 ॥
ದಣ್ಡಪಾಣಿಪ್ರಾಪ್ತಚರ್ಚಾ ದಣ್ಡಪಾಣ್ಯುನ್ಮುಖೀ ಸದಾ ।
ದಣ್ಡಪಾಣಿಪ್ರಾಪ್ತಪದಾ ದಣ್ಡಪಾಣಿಪರಾಙ್ಮುಖೀ ॥ 205 ॥
ದಣ್ಡಹಸ್ತಾ ದಣ್ಡಪಾಣಿರ್ದಣ್ಡಬಾಹುರ್ದರಾನ್ತಕೃತ್ ।
ದಣ್ಡದೋಷ್ಕಾ ದಣ್ಡಕರಾ ದಣ್ಡಚಿತ್ತಕೃತಾಸ್ಪದಾ ॥ 206 ॥
ದಣ್ಡಿವಿದ್ಯಾ ದಣ್ಡಿಮಾತಾ ದಣ್ಡಿಖಣ್ಡಕನಾಶಿನೀ ।
ದಣ್ಡಿಪ್ರಿಯಾ ದಣ್ಡಿಪೂಜ್ಯಾ ದಣ್ಡಿಸನ್ತೋಷದಾಯಿನೀ ॥ 207 ॥
ದಸ್ಯುಪೂಜಾ ದಸ್ಯುರತಾ ದಸ್ಯುದ್ರವಿಣದಾಯಿನೀ ।
ದಸ್ಯುವರ್ಗಕೃತಾರ್ಹಾ ಚ ದಸ್ಯುವರ್ಗವಿನಾಶಿನೀ ॥ 208 ॥
ದಸ್ಯುನಿರ್ನಾಶಿನೀ ದಸ್ಯುಕುಲನಿರ್ನಾಶಿನೀ ತಥಾ ।
ದಸ್ಯುಪ್ರಿಯಕರೀ ದಸ್ಯುನೃತ್ಯದರ್ಶನತತ್ಪರಾ ॥ 209 ॥
ದುಷ್ಟದಣ್ಡಕರೀ ದುಷ್ಟವರ್ಗವಿದ್ರಾವಿಣೀ ತಥಾ ।
ದುಷ್ಟವರ್ಗನಿಗ್ರಹಾರ್ಹಾ ದೂಷಕಪ್ರಾಣನಾಶಿನೀ ॥ 210 ॥
ದೂಷಕೋತ್ತಾಪಜನನೀ ದೂಷಕಾರಿಷ್ಟಕಾರಿಣೀ ।
ದೂಷಕದ್ವೇಷಣಕರೀ ದಾಹಿಕಾ ದಹನಾತ್ಮಿಕಾ ॥ 211 ॥
ದಾರುಕಾರಿನಿಹನ್ತ್ರೀ ಚ ದಾರುಕೇಶ್ವರಪೂಜಿತಾ ।
ದಾರುಕೇಶ್ವರಮಾತಾ ಚ ದಾರುಕೇಶ್ವರವನ್ದಿತಾ ॥ 212 ॥
ದರ್ಭಹಸ್ತಾ ದರ್ಭಯುತಾ ದರ್ಭಕರ್ಮವಿವರ್ಜಿತಾ ।
ದರ್ಭಮಯೀ ದರ್ಭತನುರ್ದರ್ಭಸರ್ವಸ್ವರೂಪಿಣೀ ॥ 213 ॥
ದರ್ಭಕರ್ಮಾಚಾರರತಾ ದರ್ಭಹಸ್ತಕೃತಾರ್ಹಣಾ ।
ದರ್ಭಾನುಕೂಲಾ ದಾರ್ಭರ್ಯಾ ದರ್ವೀಪಾತ್ರಾನುದಾಮಿನೀ ॥ 214 ॥
ದಮಘೋಷಪ್ರಪೂಜ್ಯಾ ಚ ದಮಘೋಷವರಪ್ರದಾ ।
ದಮಘೋಷಸಮಾರಾಧ್ಯಾ ದಾವಾಗ್ನಿರೂಪಿಣೀ ತಥಾ ॥ 215 ॥
ದಾವಾಗ್ನಿರೂಪಾ ದಾವಾಗ್ನಿನಿರ್ನಾಶಿತಮಹಾಬಲಾ ।
ದನ್ತದಂಷ್ಟ್ರಾಸುರಕಲಾ ದನ್ತಚರ್ಚಿತಹಸ್ತಿಕಾ ॥ 216 ॥
ದನ್ತದಂಷ್ಟ್ರಸ್ಯನ್ದನಾ ಚ ದನ್ತನಿರ್ನಾಶಿತಾಸುರಾ ।
ದಧಿಪೂಜ್ಯಾ ದಧಿಪ್ರೀತಾ ದಧೀಚಿವರದಾಯಿನೀ ॥ 217 ॥
ದಧೀಚೀಷ್ಟದೇವತಾ ಚ ದಧೀಚಿಮೋಕ್ಷದಾಯಿನೀ ।
ದಧೀಚಿದೈನ್ಯಹನ್ತ್ರೀ ಚ ದಧೀಚಿದರಧಾರಿಣೀ ॥ 218 ॥
ದಧೀಚಿಭಕ್ತಿಸುಖಿನೀ ದಧೀಚಿಮುನಿಸೇವಿತಾ ।
ದಧೀಚಿಜ್ಞಾನದಾತ್ರೀ ಚ ದಧೀಚಿಗುಣದಾಯಿನೀ ॥ 219 ॥
ದಧೀಚಿಕುಲಸಮ್ಭೂಷಾ ದಧೀಚಿಭುಕ್ತಿಮುಕ್ತಿದಾ ।
ದಧೀಚಿಕುಲದೇವೀ ಚ ದಧೀಚಿಕುಲದೇವತಾ ॥ 220 ॥
ದಧೀಚಿಕುಲಗಮ್ಯಾ ಚ ದಧೀಚಿಕುಲಪೂಜಿತಾ ।
ದಧೀಚಿಸುಖದಾತ್ರೀ ಚ ದಧೀಚಿದೈನ್ಯಹಾರಿಣೀ ॥ 221 ॥
ದಧೀಚಿದುಃಖಹನ್ತ್ರೀ ಚ ದಧೀಚಿಕುಲಸುನ್ದರೀ ।
ದಧೀಚಿಕುಲಸಮ್ಭೂತಾ ದಧೀಚಿಕುಲಪಾಲಿನೀ ॥ 222 ॥
ದಧೀಚಿದಾನಗಮ್ಯಾ ಚ ದಧೀಚಿದಾನಮಾನಿನೀ ।
ದಧೀಚಿದಾನಸನ್ತುಷ್ಟಾ ದಧೀಚಿದಾನದೇವತಾ ॥ 223 ॥
ದಧೀಚಿಜಯಸಮ್ಪ್ರೀತಾ ದಧೀಚಿಜಪಮಾನಸಾ ।
ದಧೀಚಿಜಪಪೂಜಾಢ್ಯಾ ದಧೀಚಿಜಪಮಾಲಿಕಾ ॥ 224 ॥
ದಧೀಚಿಜಪಸನ್ತುಷ್ಟಾ ದಧೀಚಿಜಪತೋಷಿಣೀ ।
ದಧೀಚಿತಾಪಸಾರಾಧ್ಯಾ ದಧೀಚಿಶುಭದಾಯಿನೀ ॥ 225 ॥
ದೂರ್ವಾ ದೂರ್ವಾದಲಶ್ಯಾಮಾ ದೂರ್ವಾದಲಸಮದ್ಯುತಿಃ ।
ನಾಮ್ನಾಂ ಸಹಸ್ರಂ ದುರ್ಗಾಯಾ ದಾದೀನಾಮಿತಿ ಕೀರ್ತಿತಮ್ ॥ 226 ॥
ಫಲಶೃತಿಃ
ಯಃ ಪಠೇತ್ಸಾಧಕಾಧೀಶಃ ಸರ್ವಸಿದ್ಧಿರ್ಲಭೇತ್ತು ಸಃ ।
ಪ್ರಾತರ್ಮಧ್ಯಾಹ್ನಕಾಲೇ ಚ ಸನ್ಧ್ಯಾಯಾಂ ನಿಯತಃ ಶುಚಿಃ ॥ 227 ॥
ತಥಾಽರ್ಧರಾತ್ರಸಮಯೇ ಸ ಮಹೇಶ ಇವಾಪರಃ ।
ಶಕ್ತಿಯುಕ್ತಾ ಮಹಾರಾತ್ರೌ ಮಹಾವೀರಃ ಪ್ರಪೂಜಯೇತ್ ॥ 228 ॥
ಮಹಾದೇವೀಂ ಮಕಾರಾದ್ಯೈಃ ಪಞ್ಚಭಿರ್ದ್ರವ್ಯ ಸತ್ತಮೈಃ ।
ತತ್ಪಠೇತ್ ಸ್ತುತಿಮಿಮಾಂ ಯಃ ಸ ಚ ಸಿದ್ಧಿಸ್ವರೂಪಧೃಕ್ ॥ 229 ॥
ದೇವಾಲಯೇ ಶ್ಮಶಾನೇ ಚ ಗಙ್ಗಾತೀರೇ ನಿಜೇಗೃಹೇ ।
ವಾರಾಙ್ಗನಾಗೃಹೇ ಚೈವ ಶ್ರೀಗುರೋಃ ಸನ್ನಿಧಾನಪಿ ॥ 230 ॥
ಪರ್ವತೇ ಪ್ರಾನ್ತರೇ ಘೋರೇ ಸ್ತೋತ್ರಮೇತತ್ಸದಾ ಪಠೇತ್ ।
ದುರ್ಗಾನಾಮಸಹಸ್ರೇಣ ದುರ್ಗಾಂ ಪಶ್ಯತಿ ಚಕ್ಷುಷಾ ॥ 231 ॥
ಶತಾವರ್ತನಮೇತಸ್ಯ ಪುರಶ್ಚರಣಮುಚ್ಯತೇ ।
ಸ್ತುತಿಸಾರೋ ನಿಗದಿತಃ ಕಿಂ ಭೂಯಃ ಶ್ರೋತುಮಿಚ್ಛಸಿ ॥ 232 ॥
ಇತಿ ಕುಲಾರ್ಣವೇ ದುರ್ಗಾ ದಕಾರಾದಿ ಸಹಸ್ರನಾಮಸ್ತೋತ್ರಮ್ ।
