ಅಸ್ಯ ಶ್ರೀದಕ್ಷಿಣಕಾಳಿಕಾ ಖಡ್ಗಮಾಲಾಮನ್ತ್ರಸ್ಯ ಶ್ರೀ ಭಗವಾನ್ ಮಹಾಕಾಲಭೈರವ ಋಷಿಃ ಉಷ್ಣಿಕ್ ಛನ್ದಃ ಶುದ್ಧಃ ಕಕಾರ ತ್ರಿಪಞ್ಚಭಟ್ಟಾರಕಪೀಠಸ್ಥಿತ ಮಹಾಕಾಳೇಶ್ವರಾಙ್ಕನಿಲಯಾ, ಮಹಾಕಾಳೇಶ್ವರೀ ತ್ರಿಗುಣಾತ್ಮಿಕಾ ಶ್ರೀಮದ್ದಕ್ಷಿಣಾ ಕಾಳಿಕಾ ಮಹಾಭಯಹಾರಿಕಾ ದೇವತಾ ಕ್ರೀಂ ಬೀಜಂ ಹ್ರೀಂ ಶಕ್ತಿಃ ಹೂಂ ಕೀಲಕಂ ಮಮ ಸರ್ವಾಭೀಷ್ಟಸಿದ್ಧ್ಯರ್ಥೇ ಖಡ್ಗಮಾಲಾಮನ್ತ್ರ ಜಪೇ ವಿನಿಯೋಗಃ ॥
ಋಷ್ಯಾದಿ ನ್ಯಾಸಃ
ಓಂ ಮಹಾಕಾಲಭೈರವ ಋಷಯೇ ನಮಃ ಶಿರಸಿ ।
ಉಷ್ಣಿಕ್ ಛನ್ದಸೇ ನಮಃ ಮುಖೇ ।
ದಕ್ಷಿಣಕಾಳಿಕಾ ದೇವತಾಯೈ ನಮಃ ಹೃದಿ ।
ಕ್ರೀಂ ಬೀಜಾಯ ನಮಃ ಗುಹ್ಯೇ ।
ಹ್ರೀಂ ಶಕ್ತಯೇ ನಮಃ ಪಾದಯೋಃ ।
ಹೂಂ ಕೀಲಕಾಯ ನಮಃ ನಾಭೌ ।
ವಿನಿಯೋಗಾಯ ನಮಃ ಸರ್ವಾಙ್ಗೇ ।
ಕರನ್ಯಾಸಃ
ಓಂ ಕ್ರಾಂ ಅಙ್ಗುಷ್ಠಾಭ್ಯಾಂ ನಮಃ ।
ಓಂ ಕ್ರೀಂ ತರ್ಜನೀಭ್ಯಾಂ ನಮಃ ।
ಓಂ ಕ್ರೂಂ ಮಧ್ಯಮಾಭ್ಯಾಂ ನಮಃ ।
ಓಂ ಕ್ರೈಂ ಅನಾಮಿಕಾಭ್ಯಾಂ ನಮಃ ।
ಓಂ ಕ್ರೌಂ ಕನಿಷ್ಠಿಕಾಭ್ಯಾಂ ನಮಃ ।
ಓಂ ಕ್ರಃ ಕರತಲಕರಪೃಷ್ಠಾಭ್ಯಾಂ ನಮಃ ।
ಹೃದಯಾದಿನ್ಯಾಸಃ
ಓಂ ಕ್ರಾಂ ಹೃದಯಾಯ ನಮಃ ।
ಓಂ ಕ್ರೀಂ ಶಿರಸೇ ಸ್ವಾಹಾ ।
ಓಂ ಕ್ರೂಂ ಶಿಖಾಯೈ ವಷಟ್ ।
ಓಂ ಕ್ರೈಂ ಕವಚಾಯ ಹುಮ್ ।
ಓಂ ಕ್ರೌಂ ನೇತ್ರತ್ರಯಾಯ ವೌಷಟ್ ।
ಓಂ ಕ್ರಃ ಅಸ್ತ್ರಾಯ ಫಟ್ ।
ಧ್ಯಾನಮ್
ಸದ್ಯಶ್ಛಿನ್ನಶಿರಃ ಕೃಪಾಣಮಭಯಂ ಹಸ್ತೈರ್ವರಂ ಬಿಭ್ರತೀಂ
ಘೋರಾಸ್ಯಾಂ ಶಿರಸಿ ಸ್ರಜಾ ಸುರುಚಿರಾನುನ್ಮುಕ್ತ ಕೇಶಾವಳಿಮ್ ।
ಸೃಕ್ಕಾಸೃಕ್ಪ್ರವಹಾಂ ಶ್ಮಶಾನನಿಲಯಾಂ ಶ್ರುತ್ಯೋಃ ಶವಾಲಙ್ಕೃತಿಂ
ಶ್ಯಾಮಾಙ್ಗೀಂ ಕೃತಮೇಖಲಾಂ ಶವಕರೈರ್ದೇವೀಂ ಭಜೇ ಕಾಳಿಕಾಮ್ ॥ 1 ॥
ಶವಾರೂಢಾಂ ಮಹಾಭೀಮಾಂ ಘೋರದಂಷ್ಟ್ರಾಂ ಹಸನ್ಮುಖೀಂ
ಚತುರ್ಭುಜಾಂ ಖಡ್ಗಮುಣ್ಡವರಾಭಯಕರಾಂ ಶಿವಾಮ್ ।
ಮುಣ್ಡಮಾಲಾಧರಾಂ ದೇವೀಂ ಲಲಜ್ಜಿಹ್ವಾಂ ದಿಗಮ್ಬರಾಂ
ಏವಂ ಸಞ್ಚಿನ್ತಯೇತ್ಕಾಳೀಂ ಶ್ಮಶಾನಾಲಯವಾಸಿನೀಮ್ ॥ 2 ॥
ಲಮಿತ್ಯಾದಿ ಪಞ್ಚಪೂಜಾಃ
ಲಂ ಪೃಥಿವ್ಯಾತ್ಮಿಕಾಯೈ ಗನ್ಧಂ ಸಮರ್ಪಯಾಮಿ ।
ಹಂ ಆಕಾಶಾತ್ಮಿಕಾಯೈ ಪುಷ್ಪಂ ಸಮರ್ಪಯಾಮಿ ।
ಯಂ ವಾಯ್ವಾತ್ಮಿಕಾಯೈ ಧೂಪಮಾಘ್ರಾಪಯಾಮಿ ।
ರಂ ಅಗ್ನ್ಯಾತ್ಮಿಕಾಯೈ ದೀಪಂ ದರ್ಶಯಾಮಿ ।
ವಂ ಅಮೃತಾತ್ಮಿಕಾಯೈ ಅಮೃತೋಪಹಾರಂ ನಿವೇದಯಾಮಿ ।
ಸಂ ಸರ್ವಾತ್ಮಿಕಾಯೈ ಸರ್ವೋಪಚಾರಾನ್ ಸಮರ್ಪಯಾಮಿ ।
ಅಥ ಖಡ್ಗಮಾಲಾ
ಓಂ ಐಂ ಹ್ರೀಂ ಶ್ರೀಂ ಕ್ರೀಂ ಹೂಂ ಹ್ರೀಂ ಶ್ರೀಮದ್ದಕ್ಷಿಣಕಾಳಿಕೇ, ಹೃದಯದೇವಿ ಸಿದ್ಧಿಕಾಳಿಕಾಮಯಿ, ಶಿರೋದೇವಿ ಮಹಾಕಾಳಿಕಾಮಯಿ, ಶಿಖಾದೇವಿ ಗುಹ್ಯಕಾಳಿಕಾಮಯಿ, ಕವಚದೇವಿ ಶ್ಮಶಾನಕಾಳಿಕಾಮಯಿ, ನೇತ್ರದೇವಿ ಭದ್ರಕಾಳಿಕಾಮಯಿ, ಅಸ್ತ್ರದೇವಿ ಶ್ರೀಮದ್ದಕ್ಷಿಣಕಾಳಿಕಾಮಯಿ, ಸರ್ವಸಮ್ಪತ್ಪ್ರದಾಯಕ ಚಕ್ರಸ್ವಾಮಿನಿ । ಜಯಾ ಸಿದ್ಧಿಮಯಿ, ಅಪರಾಜಿತಾ ಸಿದ್ಧಿಮಯಿ, ನಿತ್ಯಾ ಸಿದ್ಧಿಮಯಿ, ಅಘೋರಾ ಸಿದ್ಧಿಮಯಿ, ಸರ್ವಮಙ್ಗಳಮಯಚಕ್ರಸ್ವಾಮಿನಿ । ಶ್ರೀಗುರುಮಯಿ, ಪರಮಗುರುಮಯಿ, ಪರಾತ್ಪರಗುರುಮಯಿ, ಪರಮೇಷ್ಠಿಗುರುಮಯಿ, ಸರ್ವಸಮ್ಪತ್ಪ್ರದಾಯಕಚಕ್ರಸ್ವಾಮಿನಿ । ಮಹಾದೇವ್ಯಮ್ಬಾಮಯಿ, ಮಹಾದೇವಾನನ್ದನಾಥಮಯಿ, ತ್ರಿಪುರಾಮ್ಬಾಮಯಿ, ತ್ರಿಪುರಭೈರವಾನನ್ದನಾಥಮಯಿ, ಬ್ರಹ್ಮಾನನ್ದನಾಥಮಯಿ, ಪೂರ್ವದೇವಾನನ್ದನಾಥಮಯಿ, ಚಲಚ್ಚಿತಾನನ್ದನಾಥಮಯಿ, ಲೋಚನಾನನ್ದನಾಥಮಯಿ, ಕುಮಾರಾನನ್ದನಾಥಮಯಿ, ಕ್ರೋಧಾನನ್ದನಾಥಮಯಿ, ವರದಾನನ್ದನಾಥಮಯಿ, ಸ್ಮರಾದ್ವೀರ್ಯಾನನ್ದನಾಥಮಯಿ, ಮಾಯಾಮ್ಬಾಮಯಿ, ಮಾಯಾವತ್ಯಮ್ಬಾಮಯಿ, ವಿಮಲಾನನ್ದನಾಥಮಯಿ, ಕುಶಲಾನನ್ದನಾಥಮಯಿ, ಭೀಮಸುರಾನನ್ದನಾಥಮಯಿ, ಸುಧಾಕರಾನನ್ದನಾಥಮಯಿ, ಮೀನಾನನ್ದನಾಥಮಯಿ, ಗೋರಕ್ಷಕಾನನ್ದನಾಥಮಯಿ, ಭೋಜದೇವಾನನ್ದನಾಥಮಯಿ, ಪ್ರಜಾಪತ್ಯಾನನ್ದನಾಥಮಯಿ, ಮೂಲದೇವಾನನ್ದನಾಥಮಯಿ, ಗ್ರನ್ಥಿದೇವಾನನ್ದನಾಥಮಯಿ, ವಿಘ್ನೇಶ್ವರಾನನ್ದನಾಥಮಯಿ, ಹುತಾಶನಾನನ್ದನಾಥಮಯಿ, ಸಮರಾನನ್ದನಾಥಮಯಿ, ಸನ್ತೋಷಾನನ್ದನಾಥಮಯಿ, ಸರ್ವಸಮ್ಪತ್ಪ್ರದಾಯಕಚಕ್ರಸ್ವಾಮಿನಿ । ಕಾಳಿ, ಕಪಾಲಿನಿ, ಕುಲ್ಲೇ, ಕುರುಕುಲ್ಲೇ, ವಿರೋಧಿನಿ, ವಿಪ್ರಚಿತ್ತೇ, ಉಗ್ರೇ, ಉಗ್ರಪ್ರಭೇ, ದೀಪ್ತೇ, ನೀಲೇ, ಘನೇ, ಬಲಾಕೇ, ಮಾತ್ರೇ, ಮುದ್ರೇ, ಮಿತ್ರೇ, ಸರ್ವೇಪ್ಸಿತಫಲಪ್ರದಾಯಕಚಕ್ರಸ್ವಾಮಿನಿ । ಬ್ರಾಹ್ಮಿ, ನಾರಾಯಣಿ, ಮಾಹೇಶ್ವರಿ, ಚಾಮುಣ್ಡೇ, ಕೌಮಾರಿ, ಅಪರಾಜಿತೇ, ವಾರಾಹಿ, ನಾರಸಿಂಹಿ, ತ್ರೈಲೋಕ್ಯಮೋಹನಚಕ್ರಸ್ವಾಮಿನಿ । ಅಸಿತಾಙ್ಗಭೈರವಮಯಿ, ರುರುಭೈರವಮಯಿ, ಚಣ್ಡಭೈರವಮಯಿ, ಕ್ರೋಧಭೈರವಮಯಿ, ಉನ್ಮತ್ತಭೈರವಮಯಿ, ಕಪಾಲಿಭೈರವಮಯಿ, ಭೀಷಣಭೈರವಮಯಿ, ಸಂಹಾರಭೈರವಮಯಿ, ಸರ್ವಸಙ್ಕ್ಷೋಭಣ ಚಕ್ರಸ್ವಾಮಿನಿ । ಹೇತುವಟುಕಾನನ್ದನಾಥಮಯಿ, ತ್ರಿಪುರಾನ್ತಕವಟುಕಾನನ್ದನಾಥಮಯಿ, ವೇತಾಳವಟುಕಾನನ್ದನಾಥಮಯಿ, ವಹ್ನಿಜಿಹ್ವವಟುಕಾನನ್ದನಾಥಮಯಿ, ಕಾಲವಟುಕಾನನ್ದನಾಥಮಯಿ, ಕರಾಳವಟುಕಾನನ್ದನಾಥಮಯಿ, ಏಕಪಾದವಟುಕಾನನ್ದನಾಥಮಯಿ, ಭೀಮವಟುಕಾನನ್ದನಾಥಮಯಿ, ಸರ್ವಸೌಭಾಗ್ಯದಾಯಕಚಕ್ರಸ್ವಾಮಿನಿ । ಓಂ ಐಂ ಹ್ರೀಂ ಕ್ಲೀಂ ಹೂಂ ಫಟ್ ಸ್ವಾಹಾ ಸಿಂಹವ್ಯಾಘ್ರಮುಖೀ ಯೋಗಿನಿದೇವೀಮಯಿ, ಸರ್ಪಾಸುಮುಖೀ ಯೋಗಿನಿದೇವೀಮಯಿ, ಮೃಗಮೇಷಮುಖೀ ಯೋಗಿನಿದೇವೀಮಯಿ, ಗಜವಾಜಿಮುಖೀ ಯೋಗಿನಿದೇವೀಮಯಿ, ಬಿಡಾಲಮುಖೀ ಯೋಗಿನಿದೇವೀಮಯಿ, ಕ್ರೋಷ್ಟಾಸುಮುಖೀ ಯೋಗಿನಿದೇವೀಮಯಿ, ಲಮ್ಬೋದರೀ ಯೋಗಿನಿದೇವೀಮಯಿ, ಹ್ರಸ್ವಜಙ್ಘಾ ಯೋಗಿನಿದೇವೀಮಯಿ, ತಾಲಜಙ್ಘಾ ಯೋಗಿನಿದೇವೀಮಯಿ, ಪ್ರಲಮ್ಬೋಷ್ಠೀ ಯೋಗಿನಿದೇವೀಮಯಿ, ಸರ್ವಾರ್ಥದಾಯಕಚಕ್ರಸ್ವಾಮಿನಿ । ಓಂ ಐಂ ಹ್ರೀಂ ಶ್ರೀಂ ಕ್ರೀಂ ಹೂಂ ಹ್ರೀಂ ಇನ್ದ್ರಮಯಿ, ಅಗ್ನಿಮಯಿ, ಯಮಮಯಿ, ನಿರೃತಿಮಯಿ, ವರುಣಮಯಿ, ವಾಯುಮಯಿ, ಕುಬೇರಮಯಿ, ಈಶಾನಮಯಿ, ಬ್ರಹ್ಮಮಯಿ, ಅನನ್ತಮಯಿ, ವಜ್ರಿಣಿ, ಶಕ್ತಿನಿ, ದಣ್ಡಿನಿ, ಖಡ್ಗಿನಿ, ಪಾಶಿನಿ, ಅಙ್ಕುಶಿನಿ, ಗದಿನಿ, ತ್ರಿಶೂಲಿನಿ, ಪದ್ಮಿನಿ, ಚಕ್ರಿಣಿ, ಸರ್ವರಕ್ಷಾಕರಚಕ್ರಸ್ವಾಮಿನಿ । ಖಡ್ಗಮಯಿ, ಮುಣ್ಡಮಯಿ, ವರಮಯಿ, ಅಭಯಮಯಿ, ಸರ್ವಾಶಾಪರಿಪೂರಕಚಕ್ರಸ್ವಾಮಿನಿ । ವಟುಕಾನನ್ದನಾಥಮಯಿ, ಯೋಗಿನಿಮಯಿ, ಕ್ಷೇತ್ರಪಾಲಾನನ್ದನಾಥಮಯಿ, ಗಣನಾಥಾನನ್ದನಾಥಮಯಿ, ಸರ್ವಭೂತಾನನ್ದನಾಥಮಯಿ, ಸರ್ವಸಙ್ಕ್ಷೋಭಣಚಕ್ರಸ್ವಾಮಿನಿ । ನಮಸ್ತೇ ನಮಸ್ತೇ ಫಟ್ ಸ್ವಾಹಾ ॥
ಚತುರಸ್ತ್ರಾದ್ಬಹಿಃ ಸಮ್ಯಕ್ ಸಂಸ್ಥಿತಾಶ್ಚ ಸಮನ್ತತಃ ।
ತೇ ಚ ಸಮ್ಪೂಜಿತಾಃ ಸನ್ತು ದೇವಾಃ ದೇವಿ ಗೃಹೇ ಸ್ಥಿತಾಃ ॥
ಸಿದ್ಧಾಃ ಸಾಧ್ಯಾಃ ಭೈರವಾಶ್ಚ ಗನ್ಧರ್ವಾ ವಸವೋಽಶ್ವಿನೌ ।
ಮುನಯೋ ಗ್ರಹಾಸ್ತುಷ್ಯನ್ತು ವಿಶ್ವೇದೇವಾಶ್ಚ ಉಷ್ಮಯಾಃ ॥
ರುದ್ರಾದಿತ್ಯಾಶ್ಚ ಪಿತರಃ ಪನ್ನಗಾಃ ಯಕ್ಷಚಾರಣಾಃ ।
ಯೋಗೇಶ್ವರೋಪಾಸಕಾ ಯೇ ತುಷ್ಯನ್ತಿ ನರಕಿನ್ನರಾಃ ॥
ನಾಗಾ ವಾ ದಾನವೇನ್ದ್ರಾಶ್ಚ ಭೂತಪ್ರೇತಪಿಶಾಚಕಾಃ ।
ಅಸ್ತ್ರಾಣಿ ಸರ್ವಶಸ್ತ್ರಾಣಿ ಮನ್ತ್ರ ಯನ್ತ್ರಾರ್ಚನ ಕ್ರಿಯಾಃ ॥
ಶಾನ್ತಿಂ ಕುರು ಮಹಾಮಾಯೇ ಸರ್ವಸಿದ್ಧಿಪ್ರದಾಯಿಕೇ ।
ಸರ್ವಸಿದ್ಧಿಮಯಚಕ್ರಸ್ವಾಮಿನಿ ನಮಸ್ತೇ ನಮಸ್ತೇ ಸ್ವಾಹಾ ॥
ಸರ್ವಜ್ಞೇ ಸರ್ವಶಕ್ತೇ ಸರ್ವಾರ್ಥಪ್ರದೇ ಶಿವೇ ಸರ್ವಮಙ್ಗಳಮಯೇ ಸರ್ವವ್ಯಾಧಿವಿನಾಶಿನಿ ಸರ್ವಾಧಾರಸ್ವರೂಪೇ ಸರ್ವಪಾಪಹರೇ ಸರ್ವರಕ್ಷಾಸ್ವರೂಪಿಣಿ ಸರ್ವೇಪ್ಸಿತಫಲಪ್ರದೇ ಸರ್ವಮಙ್ಗಳದಾಯಕ ಚಕ್ರಸ್ವಾಮಿನಿ ನಮಸ್ತೇ ನಮಸ್ತೇ ಸ್ವಾಹಾ ॥
ಕ್ರೀಂ ಹ್ರೀಂ ಹೂಂ ಕ್ಷ್ಮ್ಯೂಂ ಮಹಾಕಾಲಾಯ, ಹೌಂ ಮಹಾದೇವಾಯ, ಕ್ರೀಂ ಕಾಳಿಕಾಯೈ, ಹೌಂ ಮಹಾದೇವ ಮಹಾಕಾಲ ಸರ್ವಸಿದ್ಧಿಪ್ರದಾಯಕ ದೇವೀ ಭಗವತೀ ಚಣ್ಡಚಣ್ಡಿಕಾ ಚಣ್ಡಚಿತಾತ್ಮಾ ಪ್ರೀಣಾತು ದಕ್ಷಿಣಕಾಳಿಕಾಯೈ ಸರ್ವಜ್ಞೇ ಸರ್ವಶಕ್ತೇ ಶ್ರೀಮಹಾಕಾಲಸಹಿತೇ ಶ್ರೀದಕ್ಷಿಣಕಾಳಿಕಾಯೈ ನಮಸ್ತೇ ನಮಸ್ತೇ ಫಟ್ ಸ್ವಾಹಾ ।
ಹ್ರೀಂ ಹೂಂ ಕ್ರೀಂ ಶ್ರೀಂ ಹ್ರೀಂ ಐಂ ಓಮ್ ॥
ಇತಿ ಶ್ರೀರುದ್ರಯಾಮಲೇ ದಕ್ಷಿಣಕಾಳಿಕಾ ಖಡ್ಗಮಾಲಾ ಸ್ತೋತ್ರಮ್ ।
