ಶುಮ್ಭನಿಶುಮ್ಭಸೇನಾನೀಧೂಮ್ರಲೋಚನವಧೋ ನಾಮ ಷಷ್ಟೋ ಧ್ಯಾಯಃ ॥
ಧ್ಯಾನಂ
ನಗಾಧೀಶ್ವರ ವಿಷ್ತ್ರಾಂ ಫಣಿ ಫಣೋತ್ತಂಸೋರು ರತ್ನಾವಳೀ
ಭಾಸ್ವದ್ ದೇಹ ಲತಾಂ ನಿಭಽಉ ನೇತ್ರಯೋದ್ಭಾಸಿತಾಮ್ ।
ಮಾಲಾ ಕುಮ್ಭ ಕಪಾಲ ನೀರಜ ಕರಾಂ ಚನ್ದ್ರಾ ಅರ್ಧ ಚೂಢಾಮ್ಬರಾಂ
ಸರ್ವೇಶ್ವರ ಭೈರವಾಙ್ಗ ನಿಲಯಾಂ ಪದ್ಮಾವತೀಚಿನ್ತಯೇ ॥
ಋಷಿರುವಾಚ ॥1॥
ಇತ್ಯಾಕರ್ಣ್ಯ ವಚೋ ದೇವ್ಯಾಃ ಸ ದೂತೋಽಮರ್ಷಪೂರಿತಃ ।
ಸಮಾಚಷ್ಟ ಸಮಾಗಮ್ಯ ದೈತ್ಯರಾಜಾಯ ವಿಸ್ತರಾತ್ ॥ 2 ॥
ತಸ್ಯ ದೂತಸ್ಯ ತದ್ವಾಕ್ಯಮಾಕರ್ಣ್ಯಾಸುರರಾಟ್ ತತಃ ।
ಸ ಕ್ರೋಧಃ ಪ್ರಾಹ ದೈತ್ಯಾನಾಮಧಿಪಂ ಧೂಮ್ರಲೋಚನಮ್ ॥3॥
ಹೇ ಧೂಮ್ರಲೋಚನಾಶು ತ್ವಂ ಸ್ವಸೈನ್ಯ ಪರಿವಾರಿತಃ।
ತಾಮಾನಯ ಬಲ್ಲಾದ್ದುಷ್ಟಾಂ ಕೇಶಾಕರ್ಷಣ ವಿಹ್ವಲಾಮ್ ॥4॥
ತತ್ಪರಿತ್ರಾಣದಃ ಕಶ್ಚಿದ್ಯದಿ ವೋತ್ತಿಷ್ಠತೇಽಪರಃ।
ಸ ಹನ್ತವ್ಯೋಽಮರೋವಾಪಿ ಯಕ್ಷೋ ಗನ್ಧರ್ವ ಏವ ವಾ ॥5॥
ಋಷಿರುವಾಚ ॥6॥
ತೇನಾಜ್ಞಪ್ತಸ್ತತಃ ಶೀಘ್ರಂ ಸ ದೈತ್ಯೋ ಧೂಮ್ರಲೋಚನಃ।
ವೃತಃ ಷಷ್ಟ್ಯಾ ಸಹಸ್ರಾಣಾಂ ಅಸುರಾಣಾನ್ದ್ರುತಂಯಮೌ ॥6॥
ನ ದೃಷ್ಟ್ವಾ ತಾಂ ತತೋ ದೇವೀಂ ತುಹಿನಾಚಲ ಸಂಸ್ಥಿತಾಂ।
ಜಗಾದೋಚ್ಚೈಃ ಪ್ರಯಾಹೀತಿ ಮೂಲಂ ಶುಮ್ಬನಿಶುಮ್ಭಯೋಃ ॥8॥
ನ ಚೇತ್ಪ್ರೀತ್ಯಾದ್ಯ ಭವತೀ ಮದ್ಭರ್ತಾರಮುಪೈಷ್ಯತಿ
ತತೋ ಬಲಾನ್ನಯಾಮ್ಯೇಷ ಕೇಶಾಕರ್ಷಣವಿಹ್ವಲಾಮ್ ॥9॥
ದೇವ್ಯುವಾಚ ॥10॥
ದೈತ್ಯೇಶ್ವರೇಣ ಪ್ರಹಿತೋ ಬಲವಾನ್ಬಲಸಂವೃತಃ।
ಬಲಾನ್ನಯಸಿ ಮಾಮೇವಂ ತತಃ ಕಿಂ ತೇ ಕರೋಮ್ಯಹಮ್ ॥11॥
ಋಷಿರುವಾಚ ॥12॥
ಇತ್ಯುಕ್ತಃ ಸೋಽಭ್ಯಧಾವತ್ತಾಂ ಅಸುರೋ ಧೂಮ್ರಲೋಚನಃ।
ಹೂಙ್ಕಾರೇಣೈವ ತಂ ಭಸ್ಮ ಸಾ ಚಕಾರಾಮ್ಬಿಕಾ ತದಾ॥13॥
ಅಥ ಕ್ರುದ್ಧಂ ಮಹಾಸೈನ್ಯಂ ಅಸುರಾಣಾಂ ತಥಾಮ್ಬಿಕಾ।
ವವರ್ಷ ಸಾಯುಕೈಸ್ತೀಕ್ಷ್ಣೈಸ್ತಥಾ ಶಕ್ತಿಪರಶ್ವಧೈಃ ॥14॥
ತತೋ ಧುತಸಟಃ ಕೋಪಾತ್ಕೃತ್ವಾ ನಾದಂ ಸುಭೈರವಮ್।
ಪಪಾತಾಸುರ ಸೇನಾಯಾಂ ಸಿಂಹೋ ದೇವ್ಯಾಃ ಸ್ವವಾಹನಃ ॥15॥
ಕಾಂಶ್ಚಿತ್ಕರಪ್ರಹಾರೇಣ ದೈತ್ಯಾನಾಸ್ಯೇನ ಚಾಪಾರಾನ್।
ಆಕ್ರಾನ್ತ್ಯಾ ಚಾಧರೇಣ್ಯಾನ್ ಜಘಾನ ಸ ಮಹಾಸುರಾನ್ ॥16॥
ಕೇಷಾಞ್ಚಿತ್ಪಾಟಯಾಮಾಸ ನಖೈಃ ಕೋಷ್ಠಾನಿ ಕೇಸರೀ।
ತಥಾ ತಲಪ್ರಹಾರೇಣ ಶಿರಾಂಸಿ ಕೃತವಾನ್ ಪೃಥಕ್ ॥17॥
ವಿಚ್ಛಿನ್ನಬಾಹುಶಿರಸಃ ಕೃತಾಸ್ತೇನ ತಥಾಪರೇ।
ಪಪೌಚ ರುಧಿರಂ ಕೋಷ್ಠಾದನ್ಯೇಷಾಂ ಧುತಕೇಸರಃ ॥18॥
ಕ್ಷಣೇನ ತದ್ಬಲಂ ಸರ್ವಂ ಕ್ಷಯಂ ನೀತಂ ಮಹಾತ್ಮನಾ।
ತೇನ ಕೇಸರಿಣಾ ದೇವ್ಯಾ ವಾಹನೇನಾತಿಕೋಪಿನಾ ॥19॥
ಶ್ರುತ್ವಾ ತಮಸುರಂ ದೇವ್ಯಾ ನಿಹತಂ ಧೂಮ್ರಲೋಚನಮ್।
ಬಲಂ ಚ ಕ್ಷಯಿತಂ ಕೃತ್ಸ್ನಂ ದೇವೀ ಕೇಸರಿಣಾ ತತಃ॥20॥
ಚುಕೋಪ ದೈತ್ಯಾಧಿಪತಿಃ ಶುಮ್ಭಃ ಪ್ರಸ್ಫುರಿತಾಧರಃ।
ಆಜ್ಞಾಪಯಾಮಾಸ ಚ ತೌ ಚಣ್ಡಮುಣ್ಡೌ ಮಹಾಸುರೌ ॥21॥
ಹೇಚಣ್ಡ ಹೇ ಮುಣ್ಡ ಬಲೈರ್ಬಹುಭಿಃ ಪರಿವಾರಿತೌ
ತತ್ರ ಗಚ್ಛತ ಗತ್ವಾ ಚ ಸಾ ಸಮಾನೀಯತಾಂ ಲಘು ॥22॥
ಕೇಶೇಷ್ವಾಕೃಷ್ಯ ಬದ್ಧ್ವಾ ವಾ ಯದಿ ವಃ ಸಂಶಯೋ ಯುಧಿ।
ತದಾಶೇಷಾ ಯುಧೈಃ ಸರ್ವೈರ್ ಅಸುರೈರ್ವಿನಿಹನ್ಯತಾಂ ॥23॥
ತಸ್ಯಾಂ ಹತಾಯಾಂ ದುಷ್ಟಾಯಾಂ ಸಿಂಹೇ ಚ ವಿನಿಪಾತಿತೇ।
ಶೀಘ್ರಮಾಗಮ್ಯತಾಂ ಬದ್ವಾ ಗೃಹೀತ್ವಾತಾಮಥಾಮ್ಬಿಕಾಮ್ ॥24॥
॥ ಸ್ವಸ್ತಿ ಶ್ರೀ ಮಾರ್ಕಣ್ಡೇಯ ಪುರಾಣೇ ಸಾವರ್ನಿಕೇಮನ್ವನ್ತರೇ ದೇವಿ ಮಹತ್ಮ್ಯೇ ಶುಮ್ಭನಿಶುಮ್ಭಸೇನಾನೀಧೂಮ್ರಲೋಚನವಧೋ ನಾಮ ಷಷ್ಟೋ ಧ್ಯಾಯಃ ॥
ಆಹುತಿ
ಓಂ ಕ್ಲೀಂ ಜಯನ್ತೀ ಸಾಙ್ಗಾಯೈ ಸಶಕ್ತಿಕಾಯೈ ಸಪರಿವಾರಾಯೈ ಸವಾಹನಾಯೈ ಮಹಾಹುತಿಂ ಸಮರ್ಪಯಾಮಿ ನಮಃ ಸ್ವಾಹಾ ॥
