ನಾರಾಯಣ ಉವಾಚ ।
ಓಂ ದುರ್ಗೇತಿ ಚತುರ್ಥ್ಯನ್ತಃ ಸ್ವಾಹಾನ್ತೋ ಮೇ ಶಿರೋಽವತು ।
ಮನ್ತ್ರಃ ಷಡಕ್ಷರೋಽಯಂ ಚ ಭಕ್ತಾನಾಂ ಕಲ್ಪಪಾದಪಃ ॥ 1 ॥
ವಿಚಾರೋ ನಾಸ್ತಿ ವೇದೇಷು ಗ್ರಹಣೇಽಸ್ಯ ಮನೋರ್ಮುನೇ ।
ಮನ್ತ್ರಗ್ರಹಣಮಾತ್ರೇಣ ವಿಷ್ಣುತುಲ್ಯೋ ಭವೇನ್ನರಃ ॥ 2 ॥
ಮಮ ವಕ್ತ್ರಂ ಸದಾ ಪಾತು ಓಂ ದುರ್ಗಾಯೈ ನಮೋಽನ್ತತಃ ।
ಓಂ ದುರ್ಗೇ ರಕ್ಷಯತಿ ಚ ಕಣ್ಠಂ ಪಾತು ಸದಾ ಮಮ ॥ 3 ॥
ಓಂ ಹ್ರೀಂ ಶ್ರೀಮಿತಿ ಮನ್ತ್ರೋಽಯಂ ಸ್ಕನ್ಧಂ ಪಾತು ನಿರನ್ತರಮ್ ।
ಹ್ರೀಂ ಶ್ರೀಂ ಕ್ಲೀಮಿತಿ ಪೃಷ್ಠಂ ಚ ಪಾತು ಮೇ ಸರ್ವತಃ ಸದಾ ॥ 4 ॥
ಹ್ರೀಂ ಮೇ ವಕ್ಷಃಸ್ಥಲಂ ಪಾತು ಹಸ್ತಂ ಶ್ರೀಮಿತಿ ಸನ್ತತಮ್ ।
ಶ್ರೀಂ ಹ್ರೀಂ ಕ್ಲೀಂ ಪಾತು ಸರ್ವಾಙ್ಗಂ ಸ್ವಪ್ನೇ ಜಾಗರಣೇ ತಥಾ ॥ 5 ॥
ಪ್ರಾಚ್ಯಾಂ ಮಾಂ ಪ್ರಕೃತಿಃ ಪಾತುಃ ಪಾತು ವಹ್ನೌ ಚ ಚಣ್ಡಿಕಾ ।
ದಕ್ಷಿಣೇ ಭದ್ರಕಾಲೀ ಚ ನೈರೃತ್ಯಾಂ ಚ ಮಹೇಶ್ವರೀ ॥ 6 ॥
ವಾರುಣ್ಯಾಂ ಪಾತು ವಾರಾಹೀ ವಾಯವ್ಯಾಂ ಸರ್ವಮಙ್ಗಲಾ ।
ಉತ್ತರೇ ವೈಷ್ಣವೀ ಪಾತು ತಥೈಶಾನ್ಯಾಂ ಶಿವಪ್ರಿಯಾ ॥ 7 ॥
ಜಲೇ ಸ್ಥಲೇ ಚಾನ್ತರಿಕ್ಷೇ ಪಾತು ಮಾಂ ಜಗದಮ್ಬಿಕಾ ।
ಇತಿ ತೇ ಕಥಿತಂ ವತ್ಸ ಕವಚಂ ಚ ಸುದುರ್ಲಭಮ್ ॥ 8 ॥
ಯಸ್ಮೈ ಕಸ್ಮೈ ನ ದಾತವ್ಯಂ ಪ್ರವಕ್ತವ್ಯಂ ನ ಕಸ್ಯಚಿತ್ ।
ಗುರುಮಭ್ಯರ್ಚ್ಯ ವಿಧಿವದ್ವಸ್ತ್ರಾಲಙ್ಕಾರಚನ್ದನೈಃ ।
ಕವಚಂ ಧಾರಯೇದ್ಯಸ್ತು ಸೋಽಪಿ ವಿಷ್ಣುರ್ನ ಸಂಶಯಃ ॥ 9 ॥
ಇತಿ ಶ್ರೀಬ್ರಹ್ಮವೈವರ್ತೇ ಮಹಾಪುರಾಣೇ ಪ್ರಕೃತಿಖಣ್ಡೇ ನಾರದನಾರಾಯಣಸಂವಾದೇ ದುರ್ಗೋಪಾಖ್ಯಾನೇ ಸಪ್ತಷಷ್ಟಿತಮೋಽಧ್ಯಾಯೇ ಬ್ರಹ್ಮಾಣ್ಡಮೋಹನಂ ನಾಮ ಶ್ರೀ ದುರ್ಗಾ ಕವಚಮ್ ।
