𑌭𑌗𑌵𑌤𑌿 𑌤𑌵 𑌤𑍀𑌰𑍇 𑌨𑍀𑌰𑌮𑌾𑌤𑍍𑌰𑌾𑌶𑌨𑍋𑌽𑌹𑌮𑍍
𑌵𑌿𑌗𑌤𑌵𑌿𑌷𑌯𑌤𑍃𑌷𑍍𑌣𑌃 𑌕𑍃𑌷𑍍𑌣𑌮𑌾𑌰𑌾𑌧𑌯𑌾𑌮𑌿 ।
𑌸𑌕𑌲 𑌕𑌲𑍁𑌷𑌭𑌂𑌗𑍇 𑌸𑍍𑌵𑌰𑍍𑌗𑌸𑍋𑌪𑌾𑌨𑌸𑌂𑌗𑍇
𑌤𑌰𑌲𑌤𑌰𑌤𑌰𑌂𑌗𑍇 𑌦𑍇𑌵𑌿 𑌗𑌂𑌗𑍇 𑌪𑍍𑌰𑌸𑍀𑌦 ॥ 1 ॥
𑌭𑌗𑌵𑌤𑌿 𑌭𑌵𑌲𑍀𑌲𑌾 𑌮𑍌𑌳𑌿𑌮𑌾𑌲𑍇 𑌤𑌵𑌾𑌂𑌭𑌃
𑌕𑌣𑌮𑌣𑍁𑌪𑌰𑌿𑌮𑌾𑌣𑌂 𑌪𑍍𑌰𑌾𑌣𑌿𑌨𑍋 𑌯𑍇 𑌸𑍍𑌪𑍃𑌶𑌂𑌤𑌿 ।
𑌅𑌮𑌰𑌨𑌗𑌰𑌨𑌾𑌰𑍀 𑌚𑌾𑌮𑌰 𑌗𑍍𑌰𑌾𑌹𑌿𑌣𑍀𑌨𑌾𑌂
𑌵𑌿𑌗𑌤 𑌕𑌲𑌿𑌕𑌲𑌂𑌕𑌾𑌤𑌂𑌕𑌮𑌂𑌕𑍇 𑌲𑍁𑌠𑌂𑌤𑌿 ॥ 2 ॥
𑌬𑍍𑌰𑌹𑍍𑌮𑌾𑌂𑌡𑌂 𑌖𑌂𑌡𑌯𑌂𑌤𑍀 𑌹𑌰𑌶𑌿𑌰𑌸𑌿 𑌜𑌟𑌾𑌵𑌲𑍍𑌲𑌿𑌮𑍁𑌲𑍍𑌲𑌾𑌸𑌯𑌂𑌤𑍀
𑌸𑍍𑌵𑌰𑍍𑌲𑍋𑌕𑌾𑌦𑌾𑌪𑌤𑌂𑌤𑍀 𑌕𑌨𑌕𑌗𑌿𑌰𑌿𑌗𑍁𑌹𑌾𑌗𑌂𑌡𑌶𑍈𑌲𑌾𑌤𑍍 𑌸𑍍𑌖𑌲𑌂𑌤𑍀 ।
𑌕𑍍𑌷𑍋𑌣𑍀𑌪𑍃𑌷𑍍𑌠𑍇 𑌲𑍁𑌠𑌂𑌤𑍀 𑌦𑍁𑌰𑌿𑌤𑌚𑌯𑌚𑌮𑍂𑌰𑍍𑌨𑌿𑌰𑍍𑌭𑌰𑌂 𑌭𑌰𑍍𑌤𑍍𑌸𑌯𑌂𑌤𑍀
𑌪𑌾𑌥𑍋𑌧𑌿𑌂 𑌪𑍂𑌰𑌯𑌂𑌤𑍀 𑌸𑍁𑌰𑌨𑌗𑌰𑌸𑌰𑌿𑌤𑍍𑌪𑌾𑌵𑌨𑍀 𑌨𑌃 𑌪𑍁𑌨𑌾𑌤𑍁 ॥ 3 ॥
𑌮𑌜𑍍𑌜𑌨𑍍𑌮𑌾𑌤𑌂𑌗 𑌕𑍁𑌂𑌭𑌚𑍍𑌯𑍁𑌤 𑌮𑌦𑌮𑌦𑌿𑌰𑌾𑌮𑍋𑌦𑌮𑌤𑍍𑌤𑌾𑌲𑌿𑌜𑌾𑌲𑌂
𑌸𑍍𑌨𑌾𑌨𑍈𑌃 𑌸𑌿𑌦𑍍𑌧𑌾𑌂𑌗𑌨𑌾𑌨𑌾𑌂 𑌕𑍁𑌚𑌯𑍁𑌗 𑌵𑌿𑌲𑌸𑌤𑍍𑌕𑍁𑌂𑌕𑍁𑌮𑌾𑌸𑌂𑌗𑌪𑌿𑌂𑌗𑌮𑍍 ।
𑌸𑌾𑌯𑌂 𑌪𑍍𑌰𑌾𑌤𑌰𑍍𑌮𑍁𑌨𑍀𑌨𑌾𑌂 𑌕𑍁𑌶𑌕𑍁𑌸𑍁𑌮𑌚𑌯𑍈𑌶𑍍𑌛𑌿𑌨𑍍𑌨𑌤𑍀𑌰𑌸𑍍𑌥𑌨𑍀𑌰𑌂
𑌪𑌾𑌯𑌾𑌨𑍍𑌨𑍋 𑌗𑌾𑌂𑌗𑌮𑌂𑌭𑌃 𑌕𑌰𑌿𑌕𑌲𑌭 𑌕𑌰𑌾𑌕𑍍𑌰𑌾𑌂𑌤 𑌰𑌂𑌗𑌸𑍍𑌤𑌰𑌂𑌗𑌮𑍍 ॥ 4 ॥
𑌆𑌦𑌾𑌵𑌾𑌦𑌿 𑌪𑌿𑌤𑌾𑌮𑌹𑌸𑍍𑌯 𑌨𑌿𑌯𑌮 𑌵𑍍𑌯𑌾𑌪𑌾𑌰 𑌪𑌾𑌤𑍍𑌰𑍇 𑌜𑌲𑌂
𑌪𑌶𑍍𑌚𑌾𑌤𑍍𑌪𑌨𑍍𑌨𑌗𑌶𑌾𑌯𑌿𑌨𑍋 𑌭𑌗𑌵𑌤𑌃 𑌪𑌾𑌦𑍋𑌦𑌕𑌂 𑌪𑌾𑌵𑌨𑌮𑍍 ।
𑌭𑍂𑌯𑌃 𑌶𑌂𑌭𑍁𑌜𑌟𑌾𑌵𑌿𑌭𑍂𑌷𑌣 𑌮𑌣𑌿𑌰𑍍𑌜𑌹𑍍𑌨𑍋𑌰𑍍𑌮𑌹𑌰𑍍𑌷𑍇𑌰𑌿𑌯𑌂
𑌕𑌨𑍍𑌯𑌾 𑌕𑌲𑍍𑌮𑌷𑌨𑌾𑌶𑌿𑌨𑍀 𑌭𑌗𑌵𑌤𑍀 𑌭𑌾𑌗𑍀𑌰𑌥𑍀 𑌦𑍃𑌶𑍍𑌯𑌤𑍇 ॥ 5 ॥
𑌶𑍈𑌲𑍇𑌂𑌦𑍍𑌰𑌾𑌦𑌵𑌤𑌾𑌰𑌿𑌣𑍀 𑌨𑌿𑌜𑌜𑌲𑍇 𑌮𑌜𑍍𑌜𑌜𑍍𑌜𑌨𑍋𑌤𑍍𑌤𑌾𑌰𑌿𑌣𑍀
𑌪𑌾𑌰𑌾𑌵𑌾𑌰𑌵𑌿𑌹𑌾𑌰𑌿𑌣𑍀 𑌭𑌵𑌭𑌯𑌶𑍍𑌰𑍇𑌣𑍀 𑌸𑌮𑍁𑌤𑍍𑌸𑌾𑌰𑌿𑌣𑍀 ।
𑌶𑍇𑌷𑌾𑌂𑌗𑍈𑌰𑌨𑍁𑌕𑌾𑌰𑌿𑌣𑍀 𑌹𑌰𑌶𑌿𑌰𑍋𑌵𑌲𑍍𑌲𑍀𑌦𑌳𑌾𑌕𑌾𑌰𑌿𑌣𑍀
𑌕𑌾𑌶𑍀𑌪𑍍𑌰𑌾𑌂𑌤𑌵𑌿𑌹𑌾𑌰𑌿𑌣𑍀 𑌵𑌿𑌜𑌯𑌤𑍇 𑌗𑌂𑌗𑌾 𑌮𑌨𑍋𑌹𑌾𑌰𑌿𑌣𑍀 ॥ 6 ॥
𑌕𑍁𑌤𑍋 𑌵𑍀𑌚𑌿𑌰𑍍𑌵𑍀𑌚𑌿𑌸𑍍𑌤𑌵 𑌯𑌦𑌿 𑌗𑌤𑌾 𑌲𑍋𑌚𑌨𑌪𑌥𑌂
𑌤𑍍𑌵𑌮𑌾𑌪𑍀𑌤𑌾 𑌪𑍀𑌤𑌾𑌂𑌬𑌰𑌪𑍁𑌰𑌵𑌾𑌸𑌂 𑌵𑌿𑌤𑌰𑌸𑌿 ।
𑌤𑍍𑌵𑌦𑍁𑌤𑍍𑌸𑌂𑌗𑍇 𑌗𑌂𑌗𑍇 𑌪𑌤𑌤𑌿 𑌯𑌦𑌿 𑌕𑌾𑌯𑌸𑍍𑌤𑌨𑍁𑌭𑍃𑌤𑌾𑌂
𑌤𑌦𑌾 𑌮𑌾𑌤𑌃 𑌶𑌾𑌂𑌤𑌕𑍍𑌰𑌤𑌵𑌪𑌦𑌲𑌾𑌭𑍋𑌽𑌪𑍍𑌯𑌤𑌿𑌲𑌘𑍁𑌃 ॥ ॥
𑌗𑌂𑌗𑍇 𑌤𑍍𑌰𑍈𑌲𑍋𑌕𑍍𑌯𑌸𑌾𑌰𑍇 𑌸𑌕𑌲𑌸𑍁𑌰𑌵𑌧𑍂𑌧𑍌𑌤𑌵𑌿𑌸𑍍𑌤𑍀𑌰𑍍𑌣𑌤𑍋𑌯𑍇
𑌪𑍂𑌰𑍍𑌣𑌬𑍍𑌰𑌹𑍍𑌮𑌸𑍍𑌵𑌰𑍂𑌪𑍇 𑌹𑌰𑌿𑌚𑌰𑌣𑌰𑌜𑍋𑌹𑌾𑌰𑌿𑌣𑌿 𑌸𑍍𑌵𑌰𑍍𑌗𑌮𑌾𑌰𑍍𑌗𑍇 ।
𑌪𑍍𑌰𑌾𑌯𑌶𑍍𑌚𑌿𑌤𑌂 𑌯𑌦𑌿 𑌸𑍍𑌯𑌾𑌤𑍍𑌤𑌵 𑌜𑌲𑌕𑌣𑌿𑌕𑌾 𑌬𑍍𑌰𑌹𑍍𑌮𑌹𑌤𑍍𑌯𑌾𑌦𑌿 𑌪𑌾𑌪𑍇
𑌕𑌸𑍍𑌤𑍍𑌵𑌾𑌂 𑌸𑍍𑌤𑍋𑌤𑍁𑌂 𑌸𑌮𑌰𑍍𑌥𑌃 𑌤𑍍𑌰𑌿𑌜𑌗𑌦𑌘𑌹𑌰𑍇 𑌦𑍇𑌵𑌿 𑌗𑌂𑌗𑍇 𑌪𑍍𑌰𑌸𑍀𑌦 ॥ ॥
𑌮𑌾𑌤𑌰𑍍𑌜𑌾𑌹𑍍𑌨𑌵𑍀 𑌶𑌂𑌭𑍁𑌸𑌂𑌗𑌮𑌿𑌲𑌿𑌤𑍇 𑌮𑍌𑌳𑍌 𑌨𑌿𑌧𑌾𑌯𑌾𑌂𑌜𑌲𑌿𑌂
𑌤𑍍𑌵𑌤𑍍𑌤𑍀𑌰𑍇 𑌵𑌪𑍁𑌷𑍋𑌽𑌵𑌸𑌾𑌨𑌸𑌮𑌯𑍇 𑌨𑌾𑌰𑌾𑌯𑌣𑌾𑌂𑌘𑍍𑌰𑌿𑌦𑍍𑌵𑌯𑌮𑍍 ।
𑌸𑌾𑌨𑌂𑌦𑌂 𑌸𑍍𑌮𑌰𑌤𑍋 𑌭𑌵𑌿𑌷𑍍𑌯𑌤𑌿 𑌮𑌮 𑌪𑍍𑌰𑌾𑌣𑌪𑍍𑌰𑌯𑌾𑌣𑍋𑌤𑍍𑌸𑌵𑍇
𑌭𑍂𑌯𑌾𑌦𑍍𑌭𑌕𑍍𑌤𑌿𑌰𑌵𑌿𑌚𑍍𑌯𑍁𑌤𑌾 𑌹𑌰𑌿𑌹𑌰𑌾𑌦𑍍𑌵𑍈𑌤𑌾𑌤𑍍𑌮𑌿𑌕𑌾 𑌶𑌾𑌶𑍍𑌵𑌤𑍀 ॥ ॥
𑌗𑌂𑌗𑌾𑌷𑍍𑌟𑌕𑌮𑌿𑌦𑌂 𑌪𑍁𑌣𑍍𑌯𑌂 𑌯𑌃 𑌪𑌠𑍇𑌤𑍍𑌪𑍍𑌰𑌯𑌤𑍋 𑌨𑌰𑌃 ।
𑌸𑌰𑍍𑌵𑌪𑌾𑌪𑌵𑌿𑌨𑌿𑌰𑍍𑌮𑍁𑌕𑍍𑌤𑍋 𑌵𑌿𑌷𑍍𑌣𑍁𑌲𑍋𑌕𑌂 𑌸 𑌗𑌚𑍍𑌛𑌤𑌿 ॥ 10 ॥
