যো ব্রহ্মা ব্রহ্মণ উ॑জ্জহা॒র প্রা॒ণৈঃ শি॒রঃ কৃত্তিবাসাঃ᳚ পিনা॒কী ।
ঈশানো দেবঃ স ন আয়ু॑র্দধা॒তু॒ তস্মৈ জুহোমি হবিষা॑ ঘৃতে॒ন ॥ 1 ॥
বিভ্রাজমানঃ সরির॑স্য় ম॒ধ্য়া॒-দ্রো॒চ॒মা॒নো ঘর্মরুচি॑র্য় আ॒গাত্ ।
স মৃত্য়ুপাশানপনু॑দ্য় ঘো॒রা॒নি॒হা॒য়ু॒ষে॒ণো ঘৃতম॑ত্তু দে॒বঃ ॥ 2 ॥
ব্রহ্মজ্য়োতি-র্ব্রহ্ম-পত্নী॑ষু গ॒র্ভং॒-য়ঁ॒মা॒দ॒ধাত্ পুরুরূপং॑ জয়ং॒তম্ ।
সুবর্ণরংভগ্রহ-ম॑র্কম॒র্চ্য়ং॒ ত॒মা॒য়ু॒ষে বর্ধয়ামো॑ ঘৃতে॒ন ॥ 3 ॥
শ্রিয়ং-লঁক্ষ্মী-মৌবলা-মংবিকাং॒ গাং॒ ষ॒ষ্ঠীং চ যা॒মিংদ্রসেনে᳚ত্য়ুদা॒হুঃ ।
তাং-বিঁদ্য়াং ব্রহ্ময়োনিগ্ম্॑ সরূ॒পা॒মি॒হা॒য়ু॒ষে তর্পয়ামো॑ ঘৃতে॒ন ॥ 4 ॥
দাক্ষাযণ্য়ঃ সর্বয়োন্য়ঃ॑ স যো॒ন্য়ঃ॒ স॒হ॒স্র॒শো বিশ্বরূপা॑ বিরূ॒পাঃ ।
সসূনবঃ সপতয়ঃ॑ সয়ূ॒থ্য়া॒ আ॒য়ু॒ষে॒ণো ঘৃতমিদং॑ জুষং॒তাম্ ॥ 5 ॥
দিব্য়া গণা বহুরূপাঃ᳚ পুরা॒ণা॒ আয়ুশ্ছিদো নঃ প্রমথ্নং॑তু বী॒রান্ ।
তেভ্য়ো জুহোমি বহুধা॑ ঘৃতে॒ন॒ মা॒ নঃ॒ প্র॒জাগ্ম্ রীরিষো মো॑ত বী॒রান্ ॥ 6 ॥
এ॒কঃ॒ পু॒র॒স্তাত্ য ইদং॑ বভূ॒ব॒ যতো বভূব ভুবন॑স্য় গো॒পাঃ ।
যমপ্য়েতি ভুবনগ্ম্ সাং᳚পরা॒য়ে॒ স নো হবির্ঘৃত-মিহায়ুষে᳚ত্তু দে॒বঃ ॥ 7 ॥
ব॒সূ॒ন্ রুদ্রা॑-নাদি॒ত্য়ান্ মরুতো॑ঽথ সা॒ধ্য়া॒ন্ ঋ॑ভূন্ য॒ক্ষা॒ন্ গংধর্বাগ্শ্চ পিতৄগ্শ্চ বি॒শ্বান্ ।
ভৃগূন্ সর্পাগ্শ্চাংগিরসো॑ঽথ স॒র্বা॒ন্ ঘৃ॒ত॒গ্ম্ হু॒ত্বা স্বায়ুষ্য়া মহয়া॑ম শ॒শ্বত্ ॥ 8 ॥
বিষ্ণো॒ ত্বং নো॒ অংত॑ম॒শ্শর্ম॑যচ্ছ সহংত্য় ।
প্রতে॒ধারা॑ মধু॒শ্চুত॒ উথ্সং॑ দুহ্রতে॒ অক্ষি॑তম্ ॥
॥ ওং শাংতিঃ॒ শাংতিঃ॒ শাংতিঃ॑ ॥
