ওং প্রা॒তর॒গ্নিং প্রা॒তরিংদ্রগ্ম্॑ হবামহে প্রা॒তর্মি॒ত্রা বরু॑ণা প্রা॒তর॒শ্বিনা᳚ ।
প্রা॒তর্ভগং॑ পূ॒ষণং॒ ব্রহ্ম॑ণ॒স্পতিং॑ প্রা॒তঃ সোম॑মু॒ত রু॒দ্রগ্ম্ হু॑বেম ॥ 1 ॥
প্রা॒ত॒র্জিতং॒ ভ॑গমু॒গ্রগ্ম্ হু॑বেম ব॒য়ং পু॒ত্রমদি॑তে॒র্য়ো বি॑ধ॒র্তা ।
আ॒দ্ধ্রশ্চি॒দ্য়ং মন্য়॑মানস্তু॒রশ্চি॒দ্রাজা॑ চি॒দ্য়ং ভগং॑ ভ॒ক্ষীত্য়াহ॑ ॥ 2 ॥
ভগ॒ প্রণে॑ত॒র্ভগ॒ সত্য়॑রাধো॒ ভগে॒মাং ধিয়॒মুদ॑ব॒দদ॑ন্নঃ ।
ভগ॒প্রণো॑ জনয়॒ গোভি॒রশ্বৈ॒র্ভগ॒প্রনৃভি॑র্নৃ॒বংত॑স্স্য়াম ॥ 3 ॥
উ॒তেদানীং॒ ভগ॑বংতস্স্য়ামো॒ত প্রপি॒ত্ব উ॒ত মধ্য়ে॒ অহ্না᳚ম্ ।
উ॒তোদি॑তা মঘবং॒থ্সূর্য়॑স্য় ব॒য়ং দে॒বানাগ্ম্॑ সুম॒তৌ স্য়া॑ম ॥ 4 ॥
ভগ॑ এ॒ব ভগ॑বাগ্ম্ অস্তু দেবা॒স্তেন॑ ব॒য়ং ভগ॑বংতস্স্য়াম ।
তং ত্বা॑ ভগ॒ সর্ব॒ ইজ্জো॑হবীমি॒ সনো॑ ভগ পুর এ॒তা ভ॑বেহ ॥ 5 ॥
সম॑ধ্ব॒রায়ো॒ষসো॑ঽনমংত দধি॒ক্রাবে॑ব॒ শুচয়ে॑ প॒দায়॑ ।
অ॒র্বা॒চী॒নং-বঁ॑সু॒বিদং॒ ভগ॑ন্নো॒ রথ॑মি॒বাঽশ্বা॑বা॒জিন॒ আব॑হংতু ॥ 6 ॥
অশ্বা॑বতী॒র্গোম॑তীর্ন উ॒ষাসো॑ বী॒রব॑তী॒স্সদ॑মুচ্ছংতু ভ॒দ্রাঃ ।
ঘৃ॒তং দুহা॑না বি॒শ্বতঃ॒ প্রপী॑না যূ॒য়ং পা॑ত স্ব॒স্তিভি॒স্সদা॑ নঃ ॥ 7 ॥
যো মা᳚ঽগ্নে ভা॒গিনগ্ম্॑ সং॒তমথা॑ভা॒গং॑ চিকী॑ঋষতি ।
অভা॒গম॑গ্নে॒ তং কু॑রু॒ মাম॑গ্নে ভা॒গিনং॑ কুরু ॥ 8 ॥
ওং শাংতিঃ॒ শাংতিঃ॒ শাংতিঃ॑ ॥
