001
సీ. శ్రీమనోహర । సురా - ర్చిత సిన్ధుగమ్భీర ।
భక్తవత్సల । కోటి - భానుతేజ ।
కఞ్జనేత్ర । హిరణ్య - కశ్యపాన్తక । శూర ।
సాధురక్షణ । శఙ్ఖ - చక్రహస్త ।
ప్రహ్లాద వరద । పా - పధ్వంస । సర్వేశ ।
క్షీరసాగరశాయి । - కృష్ణవర్ణ ।
పక్షివాహన । నీల - భ్రమరకున్తలజాల ।
పల్లవారుణపాద - పద్మయుగళ ।

తే. చారుశ్రీచన్దనాగరు - చర్చితాఙ్గ ।
కున్దకుట్మలదన్త । వై - కుణ్ఠధామ ।
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

002
సీ. పద్మలోచన । సీస - పద్యముల్ నీ మీద
జెప్పబూనితినయ్య । - చిత్తగిమ్పు
గణ యతి ప్రాస ల - క్షణము జూడగలేదు
పఞ్చకావ్య శ్లోక - పఠన లేదు
అమరకాణ్డత్రయం - బరసి చూడగలేదు
శాస్త్రీయ గ్రన్ధముల్ - చదువలేదు
నీ కటాక్షమ్బున - నే రచిఞ్చెద గాని
ప్రజ్ఞ నాయది గాదు - ప్రస్తుతిమ్ప

తే. దప్పుగలిగిన సద్భక్తి - తక్కువౌనె
చెఱకునకు వఙ్కపోయిన - చెడునె తీపు?
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

003
సీ. నరసింహ । నీ దివ్య - నామమన్త్రముచేత
దురితజాలము లన్ని - దోలవచ్చు
నరసింహ । నీ దివ్య - నామమన్త్రముచేత
బలువైన రోగముల్ - పాపవచ్చు
నరసింహ । నీ దివ్య - నామమన్త్రముచేత
రిపుసఙ్ఘముల సంహ - రిమ్పవచ్చు
నరసింహ । నీ దివ్య - నామమన్త్రముచేత
దణ్డహస్తుని బణ్ట్ల - దరమవచ్చు

తే. భళిర । నే నీ మహామన్త్ర - బలముచేత
దివ్య వైకుణ్ఠ పదవి సా - ధిమ్పవచ్చు
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

004
సీ. ఆదినారాయణా । - యనుచు నాలుకతోడ
బలుక నేర్చినవారి - పాదములకు
సాష్టాఙ్గముగ నమ - స్కార మర్పణ జేసి
ప్రస్తుతిఞ్చెదనయ్య - బహువిధముల
ధరణిలో నరులెన్త - దణ్డివారైనను
నిన్ను గాననివారి - నే స్మరిమ్ప
మేము శ్రేష్ఠుల మఞ్చు - మిదుకుచుఞ్చెడివారి
చెన్త జేరగనోను - శేషశయన

తే. పరమ సాత్వికులైన నీ - భక్తవరుల
దాసులకు దాసుడను జుమీ - ధాత్రిలోన
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

005
సీ. ఐశ్వర్యములకు ని - న్ననుసరిమ్పగలేదు
ద్రవ్య మిమ్మని వెణ్ట - దగులలేదు
కనక మిమ్మని చాల - గష్టపెట్టగలేదు
పల్ల కిమ్మని నోట - బలకలేదు
సొమ్ము లిమ్మని నిన్ను - నమ్మి కొల్వగలేదు
భూము లిమ్మని పేరు - పొగడలేదు
బలము లిమ్మని నిన్ను - బ్రతిమాలగాలేదు
పసుల నిమ్మని పట్టు - పట్టలేదు

తే. నేను గోరిన దొక్కటే - నీలవర్ణ
చయ్యనను మోక్షమిచ్చిన - జాలు నాకు
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

006
సీ. మన్దుణ్డనని నన్ను - నిన్ద చేసిననేమి?
నా దీనతను జూచి - నవ్వ నేమి?
దూరభావములేక - తూలనాడిన నేమి?
ప్రీతిసేయక వఙ్క - బెట్ట నేమి?
కక్కసమ్బులు పల్కి - వెక్కిరిఞ్చిన నేమి?
తీవ్రకోపముచేత - దిట్ట నేమి?
హెచ్చుమాటలచేత - నెమ్మె లాడిన నేమి?
చేరి దాపట గేలి - చేయనేమి?

తే. కల్పవృక్షమ్బువలె నీవు - గల్గ నిఙ్క
బ్రజల లక్ష్యమ్బు నాకేల? - పద్మనాభ ।
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

007
సీ. చిత్తశుద్ధిగ నీకు - సేవజేసెదగాని
పుడమిలో జనుల మె - ప్పులకు గాదు
జన్మపావనతకై - స్మరణజేసెద గాని
సరివారిలో బ్రతి - ష్థలకు గాదు
ముక్తికోసము నేను - మ్రొక్కి వేడెదగాని
దణ్డిభాగ్యము నిమి - త్తమ్బు గాదు
నిన్ను బొగడగ విద్య - నేర్చితినేకాని
కుక్షినిణ్డెడు కూటి - కొఱకు గాదు

తే. పారమార్థికమునకు నే బాటుపడితి
గీర్తికి నపేక్షపడలేదు - కృష్ణవర్ణ ।
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

008
సీ. శ్రవణ రన్ధ్రముల నీ - సత్కథల్ పొగడఙ్గ
లేశ మానన్దమ్బు - లేనివాడు
పుణ్యవన్తులు నిన్ను - బూజసేయగ జూచి
భావమన్దుత్సాహ - పడనివాడు
భక్తవర్యులు నీ ప్ర - భావముల్ పొగడఙ్గ
దత్పరత్వములేక - తలగువాడు
తనచిత్తమన్దు నీ - ధ్యాన మెన్నడు లేక
కాలమన్తయు వృధా - గడపువాడు

తే. వసుధలోనెల్ల వ్యర్ధుణ్డు - వాడె యగును
మఱియు జెడుగాక యెప్పుడు - మమతనొన్ది.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

009
సీ. గౌతమీస్నానాన - గడతేఱుద మటన్న
మొనసి చన్నీళ్లలో - మునుగలేను
తీర్థయాత్రలచే గృ - తార్థు డౌదమటన్న
బడలి నేమమ్బు లే - నడపలేను
దానధర్మముల స - ద్గతిని జెన్దుదమన్న
ఘనముగా నాయొద్ద - ధనములేదు
తపమాచరిఞ్చి సా - ర్ధకము నొన్దుదమన్న
నిమిషమైన మనస్సు - నిలుపలేను

తే. కష్టములకోర్వ నాచేత - గాదు నిన్ను
స్మరణచేసెద నా యధా - శక్తి కొలది.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

010
సీ. అర్థివాణ్డ్రకు నీక - హాని జేయుట కణ్టె
దెమ్పుతో వసనాభి - దినుట మేలు
ఆడుబిడ్డలసొమ్ము - లపహరిఞ్చుట కణ్టె
బణ్డ గట్టుక నూత - బడుట మేలు
పరులకాన్తల బట్టి - బల్మి గూడుట కణ్టె
బడబాగ్ని కీలల - బడుట మేలు
బ్రతుకజాలక దొఙ్గ - పనులు చేయుట కణ్టె
గొఙ్గుతో ముష్టెత్తు - కొనుట మేలు

తే. జలజదళనేత్ర నీ భక్త - జనులతోడి
జగడమాడెడు పనికణ్టె - జావు మేలు
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

011
సీ. గార్దభమ్బున కేల - కస్తూరి తిలకమ్బు?
మర్కటమ్బున కేల - మలయజమ్బు?
శార్ధూలమునక కేల - శర్కరాపూపమ్బు?
సూకరమ్బున కేల - చూతఫలము?
మార్జాలమున కేల - మల్లెపువ్వులబన్తి?
గుడ్లగూబల కేల - కుణ్డలములు?
మహిషాని కేల ని - ర్మలమైన వస్త్రముల్?
బకసన్తతికి నేల - పఞ్జరమ్బు?

తే. ద్రోహచిన్తన జేసెడి - దుర్జనులకు
మధురమైనట్టి నీనామ - మన్త్రమేల?
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

012
సీ. పసరమ్బు వఞ్జైన - బసులకాపరి తప్పు
ప్రజలు దుర్జనులైన - ప్రభుని తప్పు
భార్య గయ్యాళైన - బ్రాణనాధుని తప్పు
తనయుడు దుష్టయిన - తణ్డ్రి తప్పు
సైన్యమ్బు చెదిరిన - సైన్యనాధుని తప్పు
కూతురు చెడుగైన - మాత తప్పు
అశ్వమ్బు చెడుగైన - నారోహకుని తప్పు
దన్తి దుష్టయిన మా - వన్తు తప్పు

తే. ఇట్టి తప్పులెఱుఙ్గక - యిచ్చవచ్చి
నటుల మెలగుదు రిప్పు డీ - యవని జనులు.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

013
సీ. కోతికి జలతారు - కుళ్లాయి యేటికి?
విరజాజి పూదణ్డ - విధవ కేల?
ముక్కిడితొత్తుకు - ముత్తెమ్పు నత్తేల?
నద్ద మేమిటికి జా - త్యన్ధునకును?
మాచకమ్మకు నేల - మౌక్తికహారముల్?
క్రూరచిత్తునకు స - ద్గోష్ఠు లేల?
ఱఙ్కుబోతుకు నేల - బిఙ్కమ్పు నిష్ఠలు?
వావి యేటికి దుష్ట - వర్తనునకు?

తే. మాట నిలుకడ కుఙ్కరి - మోటు కేల?
చెవిటివానికి సత్కథ - శ్రవణ మేల?
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

014
సీ. మాన్యమ్బులీయ స - మర్ధుడొక్కడు లేడు
మాన్యముల్ చెఱుప స - మర్ధు లన్త
యెణ్డిన యూళ్లగో - డెఱిగిమ్ప డెవ్వడు
బణ్డిన యూళ్లము - బ్రభువు లన్త
యితడు పేద యటఞ్చు - నెఱిగిమ్ప డెవ్వణ్డు
కలవారి సిరు లెన్న - గలరు చాల
దనయాలి చేష్టల - తప్పెన్న డెవ్వడు
బెఱకాన్త ఱఙ్కెన్న - బెద్ద లన్త

తే. యిట్టి దుష్టుల కధికార - మిచ్చినట్టి
ప్రభువు తప్పు లటఞ్చును - బలుకవలెను.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

015
సీ. తల్లిగర్భమునుణ్డి - ధనము తే డెవ్వడు
వెళ్లిపోయెడినాడు - వెణ్టరాదు
లక్షాధికారైన - లవణ మన్నమె కాని
మెఱుగు బఙ్గారమ్బు - మ్రిఙ్గబోడు
విత్త మార్జనజేసి - విర్రవీగుటె కాని
కూడబెట్టిన సొమ్ము - తోడరాదు
పొన్దుగా మఱుగైన - భూమిలోపల బెట్టి
దానధర్మము లేక - దాచి దాచి

తే. తుదకు దొఙ్గల కిత్తురో - దొరల కవునొ
తేనె జుణ్టీగ లియ్యవా - తెరువరులకు?
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

016
సీ. లోకమం దెవడైన - లోభిమానవు డున్న
భిక్ష మర్థిమి జేత - బెట్టలేడు
తాను బెట్టకయున్న - తగవు పుట్టదుగాని
యొరులు పెట్టగ జూచి - యోర్వలేడు
దాతదగ్గఱ జేరి - తన ముల్లె చెడినట్లు
జిహ్వతో జాడీలు - చెప్పుచుణ్డు
ఫలము విఘ్నమ్బైన - బలు సన్తసమునన్దు
మేలు కల్గిన జాల - మిణుకుచుణ్డు

తే. శ్రీరమానాథ । యిటువణ్టి - క్రూరునకును
భిక్షుకుల శత్రువని - పేరు పెట్టవచ్చు.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

017
సీ. తనువులో బ్రాణముల్ = తరళిపొయ్యెడివేళ
నీ స్వరూపమును ధ్యా - నిఞ్చునతడు
నిమిషమాత్రములోన - నిన్ను జేరును గాని
యముని చేతికి జిక్కి - శ్రమలబడడు
పరమసన్తోషాన - భజన జేసెడివారి
పుణ్య మేమనవచ్చు - భోగిశయన
మోక్షము నీ దాస - ముఖ్యుల కగు గాని
నరక మెక్కడిదయ్య - నళిననేత్ర

తే. కమలనాభ నీ మహిమలు - గానలేని
తుచ్ఛులకు ముక్తిదొరకుట - దుర్లభమ్బు.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

018
సీ. నీలమేఘశ్యామ । - నీవె తణ్డ్రివి మాకు
కమలవాసిని మమ్ము - గన్నతల్లి
నీ భక్తవరులన్త - నిజమైన బాన్ధవుల్
నీ కటాక్షము మా క - నేకధనము
నీ కీర్తనలు మాకు - లోక ప్రపఞ్చమ్బు
నీ సహాయము మాకు - నిత్యసుఖము
నీ మన్త్రమే మాకు - నిష్కళఙ్కపు విద్య
నీ పద ధ్యానమ్బు - నిత్యజపము

తే. తోయజాతాక్ష నీ పాద - తులసిదళము
రోగముల కౌషధము బ్రహ్మ - రుద్రవినుత.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

019
సీ. బ్రతికినన్నాళ్లు నీ - భజన తప్పను గాని
మరణకాలమునన్దు - మఱతునేమొ
యావేళ యమదూత - లాగ్రహమ్బున వచ్చి
ప్రాణముల్ పెకలిఞ్చి - పట్టునపుడు
కఫ వాత పైత్యముల్ - గప్పగా భ్రమచేత
గమ్ప ముద్భవమన్ది - కష్టపడుచు
నా జిహ్వతో నిన్ను - నారాయణా యఞ్చు
బిలుతునో శ్రమచేత - బిలువనొ

తే. నాటి కిప్పుడె చేతు నీ - నామభజన
తలచెదను, జెవి నిడవయ్య । - ధైర్యముగను.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

020
సీ. పాఞ్చభౌతికము దు - ర్బలమైన కాయం బి
దెప్పుడో విడుచుట - యెఱుకలేదు
శతవర్షములదాక - మితము జెప్పిరి గాని
నమ్మరా దామాట - నెమ్మనమున
బాల్యమన్దో మఞ్చి - ప్రాయమన్దో లేక
ముదిమియన్దో లేక - ముసలియన్దొ
యూరనో యడవినో - యుదకమధ్యముననో
యెప్పుడో విడుచుట - యేక్షణమ్బొ

తే. మరణమే నిశ్చయము బుద్ధి - మన్తుడైన
దేహమున్నన్తలో మిమ్ము - దెలియవలయు.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

021
సీ. తల్లిదణ్డ్రులు భార్య - తనయు లాప్తులు బావ
మఱదు లన్నలు మేన - మామగారు
ఘనముగా బన్ధువుల్ - గల్గినప్పటికైన
దాను దర్లగ వెణ్ట - దగిలి రారు
యముని దూతలు ప్రాణ - మపగరిఞ్చుక పోగ
మమతతో బోరాడి - మాన్పలేరు
బలగ మన్దఱు దుఃఖ - పడుట మాత్రమె కాని
యిఞ్చుక యాయుష్య - మియ్యలేరు

తే. చుట్టములమీది భ్రమదీసి - చూర జెక్కి
సన్తతము మిమ్ము నమ్ముట - సార్థకమ్బు.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

022
సీ. ఇభరాజవరద । ని - న్నెన్త బిల్చినగాని
మాఱు పల్క వదేమి - మౌనితనమొ?
మునిజనార్చిత । నిన్ను - మ్రొక్కి వేడినగాని
కనుల జూడ వదేమి - గడుసుదనమొ?
చాల దైన్యమునొన్ది - చాటు చొచ్చినగాని
భాగ్య మియ్య వదేమి - ప్రౌఢతనమొ?
స్థిరముగా నీపాద - సేవ జేసెద నన్న
దొరకజాల వదేమి - ధూర్తతనమొ?

తే. మోక్షదాయక । యిటువణ్టి - మూర్ఖజనుని
కష్టపెట్టిన నీకేమి - కడుపునిణ్డు.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

023
సీ. నీమీద కీర్తనల్ - నిత్యగానము జేసి
రమ్యమొన్దిమ్ప నా - రదుడగాను
సావధానముగ నీ - చరణ పఙ్కజ సేవ
సలిపి మెప్పమ్పఙ్గ - శబరిగాను
బాల్యమప్పటినుణ్డి - భక్తి నీయన్దున
గలుగను బ్రహ్లాద - ఘనుడగాను
ఘనముగా నీమీది - గ్రన్థముల్ గల్పిఞ్చి
వినుతిసేయను వ్యాస - మునినిగాను

తే. సాధుడను మూర్ఖమతి మను - ష్యాధముడను
హీనుడను జుమ్మి నీవు - న న్నేలుకొనుము.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

024
సీ. అతిశయమ్బుగ గల్ల - లాడనేర్చితిగాని
పాటిగా సత్యముల్ - పలుకనేర
సత్కార్య విఘ్నముల్ - సలుప నేర్చితిగాని
యిష్ట మొన్దగ నిర్వ - హిమ్పనేర
నొకరి సొమ్ముకు దోసి - లొగ్గ నేర్చితిగాని
చెలువుగా ధర్మమ్బు - సేయనేర
ధనము లియ్యఙ్గ వ - ద్దనగ నేర్చితిగాని
శీఘ్ర మిచ్చెడునట్లు - చెప్పనేర

తే. బఙ్కజాతాక్ష । నే నతి - పాతకుడను
దప్పులన్నియు క్షమియిమ్ప - దణ్డ్రి వీవె ।
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

025
సీ. ఉర్విలో నాయుష్య - మున్న పర్యన్తమ్బు
మాయ సంసారమ్బు - మరగి నరుడు
సకల పాపములైన - సఙ్గ్రహిఞ్చును గాని
నిన్ను జేరెడి యుక్తి - నేర్వలేడు
తుదకు గాలునియొద్ది - దూత లిద్దఱు వచ్చి
గుఞ్జుక చని వారు - గ్రుద్దుచుణ్డ
హింస కోర్వగ లేక - యేడ్చి గన్తులువేసి
దిక్కు లేదని నాల్గు - దిశలు చూడ

తే. దన్ను విడిపిమ్ప వచ్చెడి - ధన్యు డేడి
మున్దు నీదాసుడై యున్న - ముక్తి గలుగు.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

026
సీ. అధిక విద్యావన్తు - లప్రయోజకులైరి
పూర్ణశుణ్ఠలు సభా - పూజ్యులైరి
సత్యవన్తులమాట - జన విరోధమ్బాయె
వదరుబోతులమాట - వాసికెక్కె
ధర్మవాదనపరుల్ - దారిద్ర్యమొన్దిరి
పరమలోభులు ధన - ప్రాప్తులైరి
పుణ్యవన్తులు రోగ - భూత పీడితులైరి
దుష్టమానవులు వ - ర్ధిష్ణులైరి

తే. పక్షివాహన । మావణ్టి - భిక్షుకులకు
శక్తిలేదాయె నిక నీవె - చాటు మాకు.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

027
సీ. భుజబలమ్బున బెద్ద - పులుల జమ్పగవచ్చు
పాముకణ్ఠము జేత - బట్టవచ్చు
బ్రహ్మ రాక్షసకోట్ల - బాఱద్రోలగవచ్చు
మనుజుల రోగముల్ - మాన్పవచ్చు
జిహ్వ కిష్టముగాని - చేదు మ్రిఙ్గగవచ్చు
బదను ఖడ్గము చేత - నదమవచ్చు
గష్టమొన్దుచు ముణ్డ్ల - కమ్పలో జొరవచ్చు
దిట్టుబోతుల నోళ్లు - కట్టవచ్చు

తే. బుడమిలో దుష్టులకు జ్ఞాన - బోధ తెలిపి
సజ్జనుల జేయలే డెన్త - చతురుదైన.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

028
సీ. అవనిలోగల యాత్ర - లన్ని చేయగవచ్చు
ముఖ్యుడై నదులన్దు - మునుగవచ్చు
ముక్కుపట్టుక సన్ధ్య - మొనసి వార్వగవచ్చు
దిన్నగా జపమాల - ద్రిప్పవచ్చు
వేదాల కర్థమ్బు - విఱిచి చెప్పగవచ్చు
శ్రేష్ఠ్ క్రతువు లెల్ల - జేయవచ్చు
ధనము లక్షలు కోట్లు - దానమియ్యగవచ్చు
నైష్ఠికాచారముల్ - నడుపవచ్చు

తే. జిత్త మన్యస్థలమ్బున - జేరకుణ్డ
నీ పదామ్భోజములయన్దు - నిలపరాదు.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

029
సీ. కర్ణయుగ్మమున నీ - కథలు సోకినజాలు
పెద్ద పోగుల జోళ్లు - పెట్టినట్లు
చేతు లెత్తుచు బూజ - సేయగల్గినజాలు
తోరమ్పు కడియాలు - దొడిగినట్లు
మొనసి మస్తకముతో - మ్రొక్క గల్గినజాలు
చెలువమైన తురాయి - చెక్కినట్లు
గళము నొవ్వగ నిన్ను - బలుక గల్గినజాలు
విన్తగా గణ్ఠీలు - వేసినట్లు

తే. పూని నిను గొల్చుటే సర్వ - భూషణమ్బు
లితర భూషణముల నిచ్చ - గిమ్పనేల.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

030
సీ. భువనరక్షక । నిన్ను - బొగడనేరని నోరు
వ్రజ కగోచరమైన - పాడుబొన్ద
సురవరార్చిత । నిన్ను - జూడగోరని కనుల్
జలములోపల నెల్లి - సరపుగుణ్డ్లు
శ్రీరమాధిమ । నీకు - సేవజేయని మేను
కూలి కమ్ముడువోని - కొలిమితిత్తి
వేడ్కతో నీకథల్ - వినని కర్ణములైన
గఠినశిలాదుల - గలుగు తొలలు

తే. పద్మలోచన నీమీద - భక్తిలేని
మానవుడు రెణ్డుపాదాల - మహిషమయ్య.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

031
సీ. అతివిద్యనేర్చుట - అన్నవస్త్రములకే
పసుల నార్జిఞ్చుట - పాలకొఱకె
సతిని బెణ్డ్లాడుట - సంసార సుఖముకే
సుతుల బోషిఞ్చుట - గతులకొఱకె
సైన్యముల్ గూర్చుట - శత్రుజయమునకే
సాము నేర్చుటలెల్ల - చావుకొఱకె
దానమిచ్చుటయు ముం - దటి సఞ్చితమునకే
ఘనముగా జదువుట - కడుపు కొఱకె

తే. యితర కామమ్బు గోరక - సతతముగను
భక్తి నీయన్దు నిలుపుట - ముక్తి కొఱకె
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

032
సీ. ధరణిలో వేయేణ్డ్లు - తనువు నిల్వగబోదు
ధన మెప్పటికి శాశ్వ - తమ్బు గాదు
దారసుతాదులు - తనవెణ్ట రాలేరు
భ్రుత్యులు మృతిని ద - ప్పిమ్పలేరు
బన్ధుజాలము తన్ను - బ్రతికిఞ్చుకోలేరు
బలపరాక్రమ మేమి - పనికి రాదు
ఘనమైన సకల భా - గ్యం బెన్త గల్గిన
గోచిమాత్రమ్బైన - గొనుచుబోడు

తే. వెర్రి కుక్కల భ్రమలన్ని - విడిచి నిన్ను
భజన జేసెడివారికి - బరమసుఖము.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

033
సీ. నరసింహ । నాకు దు - ర్ణయములే మెణ్డాయె
సుగుణ మొక్కటిలేదు - చూడ జనిన
నన్యకాన్తల మీద - నాశ మానగలేను
నొరుల క్షేమము చూచి - యోర్వలేను
ఇటువణ్టి దుర్బుద్ధు - లిన్ని నా కున్నవి
నేను జేసెడివన్ని - నీచకృతులు
నావణ్టి పాపిష్ఠి - నరుని భూలోకాన
బుట్టజేసితి వేల - భోగిశయన ।

తే. అబ్జదళనేత్ర । నాతణ్డ్రి - వైన ఫలము
నేరములు గాచి రక్షిమ్పు - నీవె దిక్కు.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

034
సీ. ధీరత బరుల నిం - దిమ్ప నేర్చితి గాని
తిన్నగా నిను బ్రస్తు - తిమ్పనైతి
బొరుగు కామినులన్దు - బుద్ధి నిల్పితి గాని
నిన్ను సన్తతము ధ్యా - నిమ్పనైతి
బెరికిముచ్చట లైన - మురిసి విణ్టినిగాని
యెఞ్చి నీకథ లాల - కిఞ్చనైతి
గౌతుకమ్బున బాత - కము గడిఞ్చితిగాని
హెచ్చు పుణ్యము సఙ్గ్ర - హిమ్పనైతి

తే. నవనిలో నేను జన్మిఞ్చి - నన్దు కేమి
సార్థకము గానరాదాయె - స్వల్పమైన.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

035
సీ. అన్త్యకాలమునన్దు - నాయాసమున నిన్ను
దలతునో తలపనో - తలతు నిపుడె
నరసింహ । నరసింహ । - నరసింహ । లక్ష్మీశ ।
దానవాన్తక । కోటి - భానుతేజ ।
గోవిన్ద । గోవిన్ద । - గోవిన్ద । సర్వేశ ।
పన్నగాధిపశాయి । - పద్మనాభ ।
మధువైరి । మధువైరి । - మధువైరి । లోకేశ ।
నీలమేఘశరీర । నిగమవినుత ।

తే. ఈ విధమ్బున నీనామ - మిష్టముగను
భజనసేయుచు నున్దు నా - భావమన్దు.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

036
సీ. ఆయురారోగ్య పు - త్రార్థ సమ్పదలన్ని
కలుగజేసెడి భార - కర్త వీవె
చదువు లెస్సగ నేర్పి - సభలో గరిష్ఠాధి
కార మొన్దిఞ్చెడి - ఘనుడ వీవె
నడక మఞ్చిది పెట్టి - నరులు మెచ్చేడునట్టి
పేరు రప్పిఞ్చెడి - పెద్ద వీవె
బలువైన వైరాగ్య - భక్తిజ్ఞానములిచ్చి
ముక్తి బొన్దిఞ్చెడు - మూర్తి వీవె

తే. అవనిలో మానవుల కన్ని - యాసలిచ్చి
వ్యర్థులను జేసి తెలిపెడి - వాడ వీవె.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

037
సీ. కాయ మెన్త భయాన - గాపాడిననుగాని
ధాత్రిలో నది చూడ - దక్క బోదు
ఏవేళ నేరోగ - మేమరిఞ్చునొ? సత్త్వ
మొన్దఙ్గ జేయు నే - చన్దమునను
ఔషధమ్బులు మఞ్చి - వనుభవిఞ్చిన గాని
కర్మ క్షీణమ్బైన గాని - విడదు;
కోటివైద్యులు గుమ్పు - గూడివచ్చిన గాని
మరణ మయ్యెడు వ్యాధి - మాన్పలేరు

తే. జీవుని ప్రయాణకాలమ్బు - సిద్ధమైన
నిలుచునా దేహ మిన్దొక్క - నిమిషమైన?
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

038
సీ. జన్దె మిమ్పుగ వేసి - సన్ధ్య వార్చిన నేమి
బ్రహ్మ మన్దక కాడు - బ్రాహ్మణుణ్డు
తిరుమణి శ్రీచూర్ణ - గురురేఖ లిడినను
విష్ణు నొన్దక కాడు - వైష్ణవుణ్డు
బూదిని నుదుటను - బూసికొనిన నేమి
శమ్భు నొన్దక కాడు - శైవజనుడు
కాషాయ వస్త్రాలు - గట్టి కప్పిన నేమి
యాశ పోవక కాడు - యతివరుణ్డు

తే. ఎన్ని లౌకికవేషాలు - గట్టుకొనిన
గురుని జెన్దక సన్ముక్తి - దొరకబోదు.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

039
సీ. నరసింహ । నే నిన్ను - నమ్మినన్దుకు జాల
నెనరు నాయన్దుఞ్చు - నెమ్మనమున
నన్ని వస్తువులు ని - న్నడిగి వేసటపుట్టె
నిఙ్కనైన గటాక్ష - మియ్యవయ్య
సన్తసమ్బున నన్ను - స్వర్గమన్దే యుఞ్చు
భూమియన్దే యుఞ్చు - భోగశయన ।
నయముగా వైకుణ్ఠ - నగరమన్దే యుఞ్చు
నరకమన్దే యుఞ్చు - నళిననాభ ।

తే. ఎచట నన్నుఞ్చిననుగాని - యెపుడు నిన్ను
మఱచి పోకుణ్డ నీనామ - స్మరణనొసగు.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

040
సీ. దేహ మున్నవఱకు - మోహసాగరమన్దు
మునుగుచున్దురు శుద్ధ - మూఢజనులు
సలలితైశ్వర్యముల్ - శాశ్వతం బనుకొని
షడ్భ్రమలను మాన - జాల రెవరు
సర్వకాలము మాయ - సంసార బద్ధులై
గురుని కారుణ్యమ్బు గోరుకొనరు
జ్ఞాన భక్తి విరక్తు - లైన పెద్దల జూచి
నిన్ద జేయక - తాము నిలువలేరు

తే. మత్తులైనట్టి దుర్జాతి - మనుజులెల్ల
నిన్ను గనలేరు మొదటికే - నీరజాక్ష.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

041
సీ. ఇలలోన నే జన్మ - మెత్తినప్పటినుణ్డి
బహు గడిఞ్చితినయ్య - పాతకములు
తెలిసి చేసితి గొన్ని - తెలియజాలక చేసి
బాధ నొన్దితి నయ్య - పద్మనాభ
అనుభవిఞ్చెడు నప్పు - దతి ప్రయాసమ్బఞ్చు
బ్రజలు చెప్పగ జాల - భయము గలిగె
నెగిరి పోవుటకునై - యే యుపాయమ్బైన
జేసి చూతమటన్న - జేతగాదు

తే. సూర్యశశినేత్ర । నీచాటు - జొచ్చి నాను
కలుషములు ద్రుఞ్చి నన్నేలు - కష్టమనక.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

042
సీ. తాపసార్చిత । నేను - పాపకర్ముడనఞ్చు
నాకు వఙ్కలబెట్ట - బోకుచుమ్మి
నాటికి శిక్షలు - నన్ను చేయుటకణ్టె
నేడు సేయుము నీవు - నేస్తమనక
అతిభయఙ్కరులైన - యమదూతలకు నన్ను
నొప్పగిమ్పకు మయ్య - యురగశయన ।
నీ దాసులను బట్టి - నీవు దణ్డిమ్పఙ్గ
వద్దు వద్దన రెన్త - పెద్దలైన

తే. దణ్డ్రివై నీవు పరపీడ - దగులజేయ
వాసిగల పేరు కపకీర్తి - వచ్చునయ్య.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

043
సీ. ధరణిలోపల నేను - తల్లిగర్భమునన్దు
బుట్టినప్పటినుణ్డి - పుణ్యమెఱుగ
నేకాదశీవ్రతం - బెన్న డుణ్డుగ లేదు
తీర్థయాత్రలకైన - దిరుగలేదు
పారమార్థికమైన - పనులు చేయగలేదు
భిక్ష మొక్కనికైన - బెట్టలేదు
జ్ఞానవన్తులకైన - బూని మ్రొక్కగలేదు
ఇతర దానములైన - నియ్యలేదు

తే. నళినదళనేత్ర । నిన్ను నే - నమ్మినాను
జేరి రక్షిమ్పవే నన్ను - శీఘ్రముగను.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

044
సీ. అడవిపక్షుల కెవ్వ - డాహార మిచ్చెను
మృగజాతి కెవ్వడు - మేతబెట్టె
వనచరాదులకు భో - జన మెవ్వ డిప్పిఞ్చె
జెట్ల కెవ్వడు నీళ్ళు - చేదిపోసె
స్త్రీలగర్భమ్బున - శిశువు నెవ్వడు పెఞ్చె
ఫణుల కెవ్వడు పోసె - బరగ బాలు
మధుపాళి కెవ్వడు - మకరన్ద మొనరిఞ్చె
బసుల మెవ్వ డొసఙ్గె - బచ్చిపూరి

తే. జీవకోట్లను బోషిమ్ప - నీవెకాని
వేఱె యొక దాత లేడయ్య - వెదకిచూడ.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

045
సీ. దనుజారి । నావణ్టి - దాసజాలము నీకు
కోటి సఙ్ఖ్య గలారు - కొదువ లేదు
బణ్ట్లసన్దడివల్ల - బహుపరాకై నన్ను
మఱచి పోకుము భాగ్య - మహిమచేత
దణ్డిగా భ్రుత్యులు - దగిలి నీకుణ్డఙ్గ
బక్కబం టేపాటి - పనికి నగును?
నీవు మెచ్చెడి పనుల్ - నేను జేయగలేక
యిన్త వృథాజన్మ - మెత్తినాను

తే. భూజనులలోన నే నప్ర - యోజకుడను
గనుక నీ సత్కటాక్షమ్బు - గలుగజేయు.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

046
సీ. కమలలోచన । నన్ను - గన్నతణ్డ్రివిగాన
నిన్ను నేమఱకుణ్టి - నేను విడక
యుదరపోషణకునై - యొకరి నే నాశిమ్ప
నేర నా కన్నమ్బు - నీవు నడపు
పెట్టలే నణ్టివా - పిన్న పెద్దలలోన
దగవు కిప్పుడు దీయ - దలచినాను
ధనము భారమ్బైన - దలకిరీటము నమ్ము
కుణ్డలమ్బులు పైడి - గొలుసు లమ్ము

తే. కొసకు నీ శఙ్ఖ చక్రముల్ - కుదువబెట్టి
గ్రాసము నొసఙ్గి పోషిఞ్చు - కపటముడిగి.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

047
సీ. కువలయశ్యామ । నీ - కొలువు చేసిన నాకు
జీత మెన్దుకు ముట్ట - జెప్పవైతి
మఞ్చిమాటలచేత - గొఞ్చెమియ్యగలేవు
కలహమౌ నిక జుమ్మి - ఖణ్డితముగ
నీవు సాధువు గాన - నిన్త పర్యన్తమ్బు
చనవుచే నిన్నాళ్లు - జరుపవలసె
నిక నే సహిమ్ప నీ - విపుడు నన్నేమైన
శిక్ష చేసిన జేయు - సిద్ధమయితి

తే. నేడు కరుణిమ్పకుణ్టివా - నిశ్చయముగ
దెగబడితి చూడు నీతోడ - జగడమునకు.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

048
సీ. హరి । నీకు బర్యఙ్క - మైన శేషుడు చాల
బవనము భక్షిఞ్చి - బ్రతుకుచుణ్డు
ననువుగా నీకు వా - హనమైన ఖగరాజు
గొప్పపామును నోట - గొఱుకుచుణ్డు
అదిగాక నీ భార్య - యైన లక్ష్మీదేవి
దినము పేరణ్టమ్బు - దిరుగుచుణ్డు
నిన్ను భక్తులు పిల్చి - నిత్యపూజలు చేసి
ప్రేమ బక్వాన్నముల్ - పెట్టుచుణ్డ్రు

తే. స్వస్థముగ నీకు గ్రాసము - జరుగుచుణ్డు
గాసు నీ చేతి దొకటైన - గాదు వ్యయము.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

049
సీ. పుణ్డరీకాక్ష । నా - రెణ్డు కన్నుల నిణ్డ
నిన్ను జూచెడి భాగ్య - మెన్నడయ్య
వాసిగా నా మనో - వాఞ్ఛ దీరెడునట్లు
సొగసుగా నీరూపు - చూపవయ్య
పాపకర్ముని కణ్ట - బడకపోవుదమఞ్చు
బరుషమైన ప్రతిజ్ఞ - బట్టినావె?
వసుధలో బతిత పా - వనుడ వీ వఞ్చు నే
బుణ్యవన్తులనోట - బొగడ విణ్టి

తే. నేమిటికి విస్తరిఞ్చె నీ - కిన్త కీర్తి
ద్రోహినైనను నా కీవు - దొరకరాదె?
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

050
సీ. పచ్చి చర్మపు దిత్తి - పసలేదు దేహమ్బు
లోపల నన్తట - రోయ రోత
నరములు శల్యముల్ - నవరన్ధ్రములు రక్త
మాంసమ్బు కణ్డలు - మైల తిత్తి
బలువైన యెణ్డ వా - నల కోర్వ దిన్తైన
దాళలే దాకలి - దాహములకు
సకల రోగములకు - సంస్థానమె యుణ్డు
నిలువ దస్థిరమైన - నీటిబుగ్గ

తే. బొన్దిలో నుణ్డు ప్రాణముల్ - పోయినన్త
గాటికే గాని కొఱగాదు - గవ్వకైన.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

051
సీ. పలురోగములకు నీ - పాదతీరమె కాని
వలపు మన్దులు నాకు - వలదు వలదు
చెలిమి సేయుచు నీకు - సేవ జేసెద గాన
నీ దాసకోటిలో - నిలుపవయ్య
గ్రహభయమ్బునకు జ - క్రము దలచెదగాని
ఘోరరక్షలు గట్ట - గోరనయ్య
పాముకాటుకు నిన్ను - భజన జేసెదగాని
దాని మన్త్రము నేను - తలపనయ్య

తే. దొరికితివి నాకు దణ్డి వై - ద్యుడవు నీవు
వేయికష్టాలు వచ్చినన్ - వెఱవనయ్య.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

052
సీ. కూటికోసరము నే - గొఱగాని జనులచే
బలుగద్దరిమ్పులు - పడగవలసె?
దార సుత భ్రమ - దగిలియుణ్డగగదా
దేశదేశములెల్ల - దిరుగవలసె?
బెను దరిద్రత పైని - బెనగియుణ్డగగదా
చేరి నీచులసేవ - చేయవలసె?
నభిమానములు మది - నణ్టియుణ్డగగదా
పరుల జూచిన భీతి - పడగవలసె?

తే. నిటుల సంసారవారిధి - నీదలేక
వేయివిధముల నిన్ను నే - వేడుకొణ్టి.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

053
సీ. సాధు సజ్జనులతో - జగడమాడిన గీడు
కవులతో వైరమ్బు - గాఞ్చ గీడు
పరమ దీనుల జిక్క - బట్టి కొట్టిన గీడు
భిక్షగాణ్డ్రను దుఃఖ - పెట్ట గీడు
నిరుపేదలను జూచి - నిన్దజేసిన గీడు
పుణ్యవన్తుల దిట్ట - బొసగు గీడు
సద్భక్తులను దిర - స్కారమాడిన గీడు
గురుని ద్రవ్యము దోచు - కొనిన గీడు

తే. దుష్టకార్యము లొనరిఞ్చు - దుర్జనులకు
ఘనతరమ్బైన నరకమ్బు - గట్టిముల్లె.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

054
సీ. పరులద్రవ్యముమీద - భ్రాన్తి నొన్దినవాడు
పరకాన్తల నపేక్ష - పడెడువాడు
అర్థుల విత్తమ్బు - లపహరిఞ్చెడువాడు
దానమియ్యఙ్గ వ - ద్దనెడివాడు
సభలలోపల నిల్చి - చాడిచెప్పెడివాడు
పక్షపు సాక్ష్యమ్బు - పలుకువాడు
విష్ణుదాసుల జూచి - వెక్కిరిఞ్చెడివాడు
ధర్మసాధుల దిట్ట - దలచువాడు

తే. ప్రజల జన్తుల హింసిఞ్చు - పాతకుణ్డు
కాలకిఙ్కర గదలచే - గష్టమొన్దు.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

055
సీ. నరసింహ । నా తణ్డ్రి - నన్నేలు నన్నేలు
కామితార్థము లిచ్చి - కావు కావు
దైత్యసంహార । చాల - దయయుఞ్చు దయయుఞ్చు
దీనపోషక । నీవె - దిక్కు దిక్కు
రత్నభూషితవక్ష । - రక్షిఞ్చు రక్షిఞ్చు
భువనరక్షక । నన్ను - బ్రోవు బ్రోవు
మారకోటిసురూప । - మన్నిఞ్చు మన్నిఞ్చు
పద్మలోచన । చేయి - పట్టు పట్టు

తే. సురవినుత । నేను నీచాటు - జొచ్చినాను
నా మొఱాలిఞ్చి కడతేర్చు - నాగశయన ।
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

056
సీ. నీ భక్తులను గనుల్ - నిణ్డ జూచియు రెణ్డు
చేతుల జోహారు - సేయువాడు
నేర్పుతో నెవరైన - నీ కథల్ చెప్పఙ్గ
వినయమన్దుచు జాల - వినెడువాడు
తన గృహమ్బునకు నీ - దాసులు రా జూచి
పీటపై గూర్చుణ్డ - బెట్టువాడు
నీసేవకుల జాతి - నీతు లెన్నక చాల
దాసోహ మని చేర - దలచువాడు

తే. పరమభక్తుణ్డు ధన్యుణ్డు - భానుతేజ ।
వాని గనుగొన్న బుణ్యమ్బు - వసుధలోన.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

057
సీ. పక్షివాహన । నేను - బ్రతికినన్నిదినాలు
కొణ్డెగాణ్డ్రను గూడి - కుమతినైతి
నన్నవస్త్రము లిచ్చి - యాదరిమ్పుము నన్ను
గన్నతణ్డ్రివి నీవె - కమలనాభ ।
మరణ మయ్యెడినాడు - మమతతో నీయొద్ది
బణ్ట్ల దోలుము మున్దు - బ్రహ్మజనక ।
ఇనజభటావళి - యీడిచికొనిపోక
కరుణతో నాయొద్ద - గావ లుఞ్చు

తే. కొసకు నీ సన్నిధికి బిల్చు - కొనియు నీకు
సేవకుని జేసికొనవయ్య - శేషశయన ।
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

058
సీ. నిగమాదిశాస్త్రముల్ - నేర్చిన ద్విజుడైన
యజ్ఞకర్తగు సోమ - యాజియైన
ధరణిలోపల బ్రభా - త స్నానపరుడైన
నిత్యసత్కర్మాది - నిరతుడైన
నుపవాస నియమమ్బు - లొన్దు సజ్జనుడైన
గావివస్త్రముగట్టు - ఘనుడునైన
దణ్డిషోడశమహా - దానపరుణ్డైన
సకల యాత్రలు సల్పు - సరసుడైన

తే. గర్వమున గష్టపడి నిన్ను - గానకున్న
మోక్షసామ్రాజ్య మొన్దడు - మోహనాఙ్గ ।
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

059
సీ. పఞ్జరమ్బున గాకి - బట్టి యుఞ్చిన లెస్స
పలుకునే విన్తైన - చిలుకవలెను?
గార్దభమ్బును దెచ్చి - కళ్లెమిమ్పుగవేయ
దిరుగునే గుర్రమ్బు - తీరుగాను?
ఎనుపపోతును మావ - టీ డు శిక్షిఞ్చిన
నడచునే మదవార - ణమ్బువలెను?
పెద్దపిట్టను మేత - బెట్టి పెఞ్చిన గ్రొవ్వి
సాగునే వేటాడు - డేగవలెను?

తే. కుజనులను దెచ్చి నీ సేవ - కొఱకు బెట్ట
వాఞ్ఛతో జేతురే భక్త - వరులవలెను?
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

060
సీ. నీకు దాసుడ నణ్టి - నిన్ను నమ్ముకయుణ్టి
గాన నాపై నేడు - కరుణజూడు
దోసిలొగ్గితి నీకు - ద్రోహ మెన్నగబోకు
పద్మలోచన । నేను - పరుడగాను
భక్తి నీపై నుఞ్చి - భజన జేసెద గాని
పరుల వేడను జుమ్మి - వరము లిమ్ము
దణ్డిదాతవు నీవు - తడవుసేయక కావు
ఘోరపాతకరాశి - గొట్టివైచి

తే. శీఘ్రముగ గోర్కు లీడేర్చు - చిన్త దీర్చు
నిరతముగ నన్ను బోషిఞ్చు - నెనరు నుఞ్చు.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

061
సీ. విద్య నేర్చితి నఞ్చు - విర్రవీగగలేదు
భాగ్యవన్తుడ నఞ్చు - బలుకలేదు
ద్రవ్యవన్తుడ నఞ్చు - దఱచు నిక్కగలేదు
నిరతదానములైన - నెఱపలేదు
పుత్రవన్తుడ నఞ్చు - బొగడుచుణ్డగలేదు
భ్రుత్యవన్తుడ నఞ్చు - బొగడలేదు
శౌర్యవన్తుడ నఞ్చు - సన్తసిమ్పగలేదు
కార్యవన్తుడ నఞ్చు - గడపలేదు

తే. నలుగురికి మెప్పుగానైన - నడువలేదు
నళినదళనేత్ర । నిన్ను నే - నమ్మినాను.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

062
సీ. అతిలోభులను భిక్ష - మడుగబోవుట రోత
తనద్రవ్య మొకరిణ్ట - దాచ రోత
గుణహీను డగువాని - కొలువు గొల్చుట రోత
యొరుల పఞ్చలక్రిన్ద - నుణ్డ రోత
భాగ్యవన్తునితోడ - బన్తమాడుట రోత
గుఱిలేని బన్ధుల - గూడ రోత
ఆదాయములు లేక - యప్పుదీయుట రోత
జార చోరుల గూడి - చనుట రోత

తే. యాదిలక్ష్మీశ । నీబణ్ట - నైతినయ్య ।
యిఙ్క నెడబాసి జన్మమ్బు - లెత్త రోత.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

063
సీ. వెర్రివానికి నేల - వేదాక్షరమ్బులు?
మోటువానికి మఞ్చి - పాట లేల?
పసులకాపరి కేల - పరతత్త్వబోధలు?
విటకాని కేటికో - విష్ణుకథలు?
వదరు శుణ్ఠల కేల - వ్రాత పుస్తకములు?
తిరుగు ద్రిమ్మరి కేల - దేవపూజ?
ద్రవ్యలోభికి నేల - ధాతృత్వ గుణములు?
దొఙ్గబణ్టుకు మఞ్చి - సఙ్గ తేల?

తే. క్రూరజనులకు నీమీద - గోరి కేల?
ద్రోహి పాపాత్మునకు దయా - దుఃఖ మేల?
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

064
సీ. నా తణ్డ్రి నాదాత - నాయిష్టదైవమా
నన్ను మన్ననసేయు - నారసింహ ।
దయయుఞ్చు నామీద - దప్పులన్ని క్షమిఞ్చు
నిగమగోచర । నాకు - నీవె దిక్కు
నే దురాత్ముడ నఞ్చు - నీమనమ్బున గోప
గిమ్పబోకుము స్వామి । - కేవలముగ
ముక్తిదాయక నీకు - మ్రొక్కినన్దుకు నన్ను
గరుణిఞ్చి రక్షిఞ్చు - కమలనాభ ।

తే. దణ్డిదొర వఞ్చు నీవెణ్ట - దగిలినాను
నేడు ప్రత్యక్షమై నన్ను - నిర్వహిమ్పు.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

065
సీ. వేమాఱు నీకథల్ - వినుచు నుణ్డెడివాడు
పరుల ముచ్చటమీద - భ్రాన్తి పడడు
అగణితమ్బుగ నిన్ను - బొగడ నేర్చినవాడు
చెడ్డమాటలు నోట - జెప్పబోడు
ఆసక్తిచేత ని - న్ననుసరిఞ్చెడివాడు
ధనమదాన్ధులవెణ్ట - దగుల బోడు
సన్తసమ్బున నిన్ను - స్మరణజేసెడివాడు
చెలగి నీచులపేరు - దలపబోడు

తే. నిన్ను నమ్మిన భక్తుణ్డు - నిశ్చయముగ
గోరి చిల్లర వేల్పుల - గొల్వబోడు.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

066
సీ. నే నెన్త వేడిన - నీ కేల దయరాదు?
పలుమాఱు పిలిచిన - బలుక వేమి?
పలికిన నీ కున్న - పద వేమిబోవు? నీ
మోమైన బొడచూప - వేమి నాకు?
శరణు జొచ్చినవాని - సవరిమ్పవలె గాక
పరిహరిఞ్చుట నీకు - బిరుదు గాదు
నీదాసులను నీవు - నిర్వహిమ్పక యున్న
బరు లెవ్వ రగుదురు - పఙ్కజాక్ష ।

తే. దాత దైవమ్బు తల్లియు - దణ్డ్రి వీవె
నమ్మియున్నాను నీపాద - నళినములను.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

067
సీ. వేదముల్ చదివెడు - విప్రవర్యుణ్డైన
రణము సాధిఞ్చెడు - రాజెయైన
వర్తకకృషికుడౌ - వైశ్యముఖ్యుణ్డైన
బరిచగిఞ్చెడు శూద్ర - వర్యుడయిన
మెచ్చుఖడ్గము బట్టి - మెఱయు మ్లేచ్ఛుణ్డైన
బ్రజల కక్కఱపడు - రజకుడైన
చర్మ మమ్మెడి హీన - చణ్డాలనరుడైన
నీ మహీతలమన్దు - నెవ్వడైన

తే. నిన్ను గొనియాడుచుణ్డెనా - నిశ్చయముగ
వాడు మోక్షాధికారి యీ - వసుధలోన.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

068
సీ. సకలవిద్యలు నేర్చి - సభ జయిమ్పగవచ్చు
శూరుడై రణమన్దు - బోరవచ్చు
రాజరాజై పుట్టి - రాజ్య మేలగవచ్చు
హేమ గోదానమ్బు - లియ్యవచ్చు
గగనమం దున్న చు - క్కల నెఞ్చగావచ్చు
జీవరాసుల పేళ్లు - చెప్పవచ్చు
నష్టాఙ్గయోగము - లభ్యసిమ్పగవచ్చు
మేక రీతిగ నాకు - మెసవవచ్చు

తే. తామరసగర్భ హర పురం - దరులకైన
నిన్ను వర్ణిమ్ప దరమౌనె - నీరజాక్ష ।
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

069
సీ. నరసింహ । నీవణ్టి - దొరను సమ్పాదిఞ్చి
కుమతి మానవుల నే - గొల్వజాల
నెక్కు వైశ్వర్యమ్బు - లియ్యలేకున్నను
బొట్టకుమాత్రము - పోయరాదె?
ఘనముగా దిది నీకు - కరవున బోషిమ్ప
గష్ట మెన్తటి స్వల్ప - కార్యమయ్య?
పెట్టజాలక యేల - భిక్షమెత్తిఞ్చెదు
నన్ను బీదను జేసి - నా వదేమి?

తే. అమల । కమలాక్ష । నే నిట్లు - శ్రమపడఙ్గ
గన్నులకు బణ్డువై నీకు - గానబడునె?
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

070
సీ. వనరుహనాభ । నీ - వఙ్క జేరితి నేను
గట్టిగా నను గావు - కావు మనుచు
వచ్చినన్దుకు వేగ - వరము లియ్యకకాని
లేవబోయిన నిన్ను - లేవనియ్య
గూర్చుణ్డబెట్టి నీ - కొఙ్గు గట్టిగ బట్టి
పుచ్చుకొన్దును జూడు - భోగిశయన ।
యీవేళ నీ కడ్డ - మెవరు వచ్చినగాని
వారికైనను లొఙ్గి - వడకబోను

తే. గోపగాడను నీవు నా - గుణము తెలిసి
యిప్పుడే నన్ను రక్షిఞ్చి - యేలుకొమ్ము.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

071
సీ. ప్రహ్లాదు డేపాటి - పైడి కానుక లిచ్చె?
మదగజం బెన్నిచ్చె - మౌక్తికములు?
నారదుం డెన్నిచ్చె - నగలు రత్నమ్బు? ల
హల్య నీ కే యగ్ర - హార మిచ్చె?
ఉడుత నీ కేపాటి - యూడిగమ్బులు చేసె?
ఘనవిభీషణు డేమి - కట్న మిచ్చె?
పఞ్చపాణ్డవు లేమి - లఞ్చ మిచ్చిరి నీకు?
ద్రౌపది నీ కెన్త - ద్రవ్య మిచ్చె?

తే. నీకు వీరన్ద ఱయినట్లు - నేను గాన?
యెన్దు కని నన్ను రక్షిమ్ప - విన్దువదన ।
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

072
సీ. వాఞ్ఛతో బలిచక్ర - వర్తిదగ్గర జేరి
భిక్షమెత్తితి వేల - బిడియపడక?
యడవిలో శబరి ది - య్యని ఫలా లన్దియ్య
జేతులొగ్గితి వేల - సిగ్గుపడక?
వేడ్కతో వేవేగ - విదురునిణ్టికి నేగి
విన్దుగొణ్టి వదేమి - వెలితిపడక?
అడుకు లల్పము కుచే - లుడు గడిఞ్చుక తేర
బొక్కసాగితి వేల - లెక్కగొనక?

తే. భక్తులకు నీవు పెట్టుట - భాగ్యమౌను
వారి కాశిఞ్చితివి తిణ్డి - వాడ వగుచు.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

073
సీ. స్తమ్భమం దుదయిఞ్చి - దానవేన్ద్రుని ద్రుఞ్చి
కరుణతో బ్రహ్లాదు - గాచినావు
మకరిచే జిక్కి సా - మజము దుఃఖిఞ్చఙ్గ
గృపయుఞ్చి వేగ ర - క్షిఞ్చినావు
శరణఞ్చు నా విభీ - షణుడు నీ చాటున
వచ్చినప్పుడె లఙ్క - నిచ్చినావు
ఆ కుచేలుడు చేరె - డటుకు లర్పిఞ్చిన
బహుసమ్పదల నిచ్చి - పమ్పినావు

తే. వారివలె నన్ను బోషిమ్ప - వశముగాదె?
యన్త వలపక్ష మేల శ్రీ - కాన్త । నీకు?
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

074
సీ. వ్యాసు డే కులమన్దు - వాసిగా జన్మిఞ్చె?
విదురు డే కులమన్దు - వృద్ధి బొన్దె?
గర్ణు డేకులమన్దు - ఘనముగా వర్ధిల్లె?
నా వసిష్ఠుం డెన్దు - నవతరిఞ్చె?
నిమ్పుగా వాల్మీకి - యే కులమ్బున బుట్టె?
గుహు డను పుణ్యు డే - కులమువాడు?
శ్రీశుకు డెక్కట - జెలగి జన్మిఞ్చెను?
శబరి యేకులమన్దు - జన్మమొన్దె?

తే. నే కులమ్బున వీ రిన్ద - ఱెచ్చినారు?
నీకృపాపాత్రులకు జాతి - నీతు లేల?
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

075
సీ. వసుధాస్థలమ్బున - వర్ణహీనుడు గాని
బహుళ దురాచార - పరుడు గాని
తడసి కాసియ్యని - ధర్మశూన్యుడు గాని
చదువనేరని మూఢ - జనుడు గాని
సకలమానవులు మె - చ్చని కృతఘ్నుడు గాని
చూడ సొమ్పును లేని - శుణ్ఠ గాని
అప్రతిష్ఠలకు లో - నైన దీనుడు గాని
మొదటి కే మెఱుగని - మోటు గాని

తే. ప్రతిదినము నీదు భజనచే - బరగునట్టి
వాని కే వఙ్క లేదయ్య - వచ్చు ముక్తి.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

076
సీ. ఇభకుమ్భములమీది - కెగిరెడి సిఙ్గమ్బు
ముట్టునే కుఱుచైన - మూషకమును?
నవచూతపత్రముల్ - నమలుచున్న పికమ్బు
గొఱుకునే జిల్లేడు - కొనలు నోట?
అరవిన్దమకరన్ద - మనుభవిఞ్చెడి తేటి
పోవునే పల్లేరు - పూలకడకు?
లలిత మైన రసాల - ఫలము గోరెడి చిల్క
మెసవునే భమత ను - మ్మెత్తకాయ?

తే. నిలను నీకీర్తనలు పాడ - నేర్చినతడు
పరులకీర్తన బాడునే - యరసి చూడ?
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

077
సీ. సర్వేశ । నీపాద - సరసిజద్వయమన్దు
జిత్త ముమ్పగలేను - జెదరకుణ్డ
నీవైన దయయుఞ్చి - నిలిచి యుణ్డెడునట్లు
చేరి నన్నిపు డేలు - సేవకుడను
వనజలోచన । నేను - వట్టి మూర్ఖుడ జుమ్మి
నీస్వరూపము జూడ - నేర్పు వేగ
తన కుమారున కుగ్గు - తల్లి వోసినయట్లు
భక్తిమార్గం బను - పాలు పోసి

తే. ప్రేమతో నన్ను బోషిఞ్చి - పెఞ్చుకొనుము
ఘనత కెక్కిఞ్చు నీదాస - గణములోన.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

078
సీ. జీమూతవర్ణ । నీ - మోముతో సరిరాక
కమలారి యతికళం - కమును బడసె
సొగసైన నీ నేత్ర - యుగముతో సరిరాక
నళినబృన్దము నీళ్ల - నడుమ జేరె
గరిరాజవరద । నీ - గళముతో సరిరాక
పెద్దశఙ్ఖము బొబ్బ - పెట్ట బొడగె
శ్రీపతి । నీదివ్య - రూపుతో సరి రాక
పుష్పబాణుడు నీకు - బుత్రు డయ్యె

తే. నిన్దిరాదేవి నిన్ను మో - హిఞ్చి విడక
నీకు బట్టమహిషి యయ్యె - నిశ్చయముగ.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

079
సీ. హరిదాసులను నిన్ద - లాడకుణ్డిన జాలు
సకల గ్రన్థమ్ములు - చదివినట్లు
భిక్ష మియ్యఙ్గ ద - ప్పిమ్పకుణ్డిన జాలు
జేముట్టి దానమ్బు - చేసినట్లు
మిఞ్చి సజ్జనుల వం - చిఞ్చకుణ్డిన జాలు
నిమ్పుగా బహుమాన - మిచ్చినట్లు
దేవాగ్రహారముల్ - దీయకుణ్డిన జాలు
గనకకమ్బపు గుళ్లు - గట్టినట్లు

తే. ఒకరి వర్శాశనము ముఞ్చ - కున్న జాలు
బేరుకీర్తిగ సత్రముల్ - పెట్టినట్లు.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

080
సీ. ఇహలోకసౌఖ్యము - లిచ్చగిఞ్చెద మన్న
దేహ మెప్పటికి దా - స్థిరత నొన్ద
దాయుష్య మున్న ప - ర్యన్తమ్బు పటుతయు
నొక్కతీరున నుణ్డ - దుర్విలోన
బాల్యయువత్వదు - ర్బలవార్ధకము లను
మూటిలో మునిగెడి - ముఱికికొమ్ప
భ్రాన్తితో దీని గా - పాడుద మనుమొన్న
గాలమృత్యువుచేత - గోలుపోవు

తే. నమ్మరా దయ్య । యిది మాయ - నాటకమ్బు
జన్మ మిక నొల్ల న న్నేలు - జలజనాభ ।
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

081
సీ. వదనమ్బు నీనామ - భజన గోరుచునుణ్డు
జిహ్వ నీకీర్తనల్ - సేయ గోరు
హస్తయుగ్మమ్బు ని - న్నర్చిమ్ప గోరును
గర్ణముల్ నీ మీది - కథలు గోరు
తనువు నీసేవయే - ఘనముగా గోరును
నయనముల్ నీదర్శ - నమ్బు గోరు
మూర్ధమ్ము నీపద - మ్ముల మ్రొక్కగా గోరు
నాత్మ నీదై యుణ్డు - నరసి చూడ

తే. స్వప్నమున నైన నేవేళ - సన్తతమును
బుద్ధి నీ పాదములయన్దు - బూనియుణ్డు.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

082
సీ. పద్మాక్ష । మమతచే - బరము నన్దెద మఞ్చు
విర్రవీగుదుమయ్య - వెర్రిపట్టి
మాస్వతన్త్రమ్బైన - మదము గణ్డ్లకు గప్పి
మొగము పట్టదు కామ - మోహమునను
బ్రహ్మదేవుణ్డైన - బైడిదేహము గల్గ
జేసివేయక మమ్ము - జెఱిచె నతడు
తుచ్ఛమైనటువణ్టి - తో లెమ్ముకలతోడి
ముఱికి చెత్తలు చేర్చి - మూట కట్టె

తే. నీ శరీరాలు పడిపోవు - టెఱుగ కేము
కాముకుల మైతి మిక మిమ్ము - గానలేము.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

083
సీ. గరుడవాహన । దివ్య - కౌస్తుభాలఙ్కార ।
రవికోటితేజ । సా - రఙ్గవదన ।
మణిగణాన్విత । హేమ - మకుటాభరణ । చారు
మకరకుణ్డల । లస - న్మన్దహాస ।
కాఞ్చనామ్బర । రత్న - కాఞ్చివిభూషిత ।
సురవరార్చిత । చన్ద్ర - సూర్యనయన ।
కమలనాభ । ముకున్ద । - గఙ్గాధరస్తుత ।
రాక్షసాన్తక । నాగ - రాజశయన ।

తే. పతితపావన । లక్షీశ । - బ్రహ్మజనక ।
భక్తవత్సల । సర్వేశ । - పరమపురుష ।
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

084
సీ. పలుమాఱు దశరూప - ములు దరిఞ్చితి వేల?
యేకరూపము బొన్ద - వేల నీవు?
నయమున క్షీరాబ్ధి - నడుమ జేరితి వేల?
రత్నకాఞ్చన మన్ది - రములు లేవె?
పన్నగేన్ద్రునిమీద - బవ్వళిఞ్చితి వేల?
జలతారుపట్టెమం - చములు లేవె?
ఱెక్కలు గలపక్షి - నెక్కసాగితి వేల?
గజతురఙ్గాన్దోళి - కములు లేవె?

తే. వనజలోచన । యిటువణ్టి - వైభవములు
సొగసుగా నీకు దోచెనో - సున్దరాఙ్గ?
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

085
సీ. తిరుపతి స్థలమన్దు - దిన్నగా నే నున్న
వేఙ్కటేశుడు మేత - వేయలేడొ?
పురుషోత్తమమున కే - బోయనజాలు జ
గన్నాథు డన్నమ్బు - గడపలేడొ?
శ్రీరఙ్గమునకు నే - జేర బోయిన జాలు
స్వామి గ్రాసము బెట్టి - సాకలేడొ?
కాఞ్చీపురములోన - గదిసి నే గొలువున్న
గరివరదుడు పొట్ట - గడపలేడొ?

తే. యెన్దు బోవక నేను నీ - మన్దిరమున
నిలిచితిని నీకు నామీద - నెనరు లేదు.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

086
సీ. తార్క్ష్యవాహన । నీవు - దణ్డిదాత వటఞ్చు
గోరి వేడుక నిన్ను - గొల్వవచ్చి
యర్థిమార్గమును నే - ననుసరిఞ్చితినయ్య
లావైన బదునాల్గు - లక్ష లైన
వేషముల్ వేసి నా - విద్యాప్రగల్భత
జూపసాగితి నీకు - సున్దరాఙ్గ ।
యానన్ద మైన నే - నడుగ వచ్చిన దిచ్చి
వాఞ్ఛ దీర్పుము - నీలవర్ణ । వేగ

తే. నీకు నావిద్య హర్షమ్బు - గాక యున్న
తేపతేపకు వేషముల్ - దేను సుమ్మి.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

087
సీ. అమరేన్ద్రవినుత । నే - నతిదురాత్ముడ నఞ్చు
గలలోన నైనను - గనుల బడవు
నీవు ప్రత్యక్షమై - నులువకుణ్డిన మానె
దొడ్డగా నొక యుక్తి - దొరకెనయ్య ।
గట్టికొయ్యను దెచ్చి - ఘనముగా ఖణ్డిఞ్చి
నీస్వరూపము చేసి - నిలుపుకొఞ్చు
ధూప దీపము లిచ్చి - తులసితో బూజిఞ్చి
నిత్యనైవేద్యముల్ - నేమముగను

తే. నడుపుచును నిన్ను గొలిచెద - నమ్మి బుద్ధి
నీ ప్రపఞ్చమ్బు గలుగు నా - కిన్తె చాలు.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

088
సీ. భువనేశ । గోవిన్ద । - రవికోటిసఙ్కాశ ।
పక్షివాహన । భక్త - పారిజాత ।
యమ్భోజభవ రుద్ర - జమ్భారిసన్నుత ।
సామగానవిలోల । - సారసాక్ష ।
వనధిగమ్భీర । శ్రీ - వత్సకౌస్తుభవక్ష ।
శఙ్ఖచక్రగదాసి - శార్జ్ఞహస్త ।
దీనరక్షక । వాసు - దేవ । దైత్యవినాశ ।
నారదార్చిత । దివ్య - నాగశయన ।

తే. చారు నవరత్నకుణ్డల - శ్రవణయుగళ ।
విబుధవన్దిత పాదబ్జ । - విశ్వరూప ।
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

089
సీ. నాగేన్ద్రశయన । నీ - నామమాధుర్యమ్బు
మూడుకన్నుల సామ్బ - మూర్తి కెఱుక
పఙ్కజాతాక్ష । నీ - బలపరాక్రమ మెల్ల
భారతీపతి యైన - బ్రహ్మ కెఱుక
మధుకైటభారి । నీ - మాయాసమర్థత
వసుధలో బలిచక్ర - వర్తి కెఱుక
పరమాత్మ । నీ దగు - పక్షపాతిత్వమ్బు
దశశతాక్షుల పురం - దరుని కెఱుక

తే. వీరి కెఱుకగు నీకథల్ - విన్త లెల్ల
నరుల కెఱు కన్న నెవరైన - నవ్విపోరె?
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

090
సీ. అర్థు లేమైన ని - న్నడుగవచ్చెద రఞ్చు
క్షీరసాగరమన్దు - జేరినావు
నీచుట్టు సేవకుల్ - నిలువకుణ్డుటకునై
భయదసర్పముమీద - బణ్డినావు
భక్తబృన్దము వెణ్ట - బడి చరిఞ్చెద రఞ్చు
నెగసి పోయెడిపక్షి - నెక్కినావు
దాసులు నీద్వార - మాసిమ్పకుణ్టకు
మఞ్చి యోధుల కావ - లుఞ్చినావు

తే. లావు గలవాడ వైతి వే - లాగు నేను
నిన్ను జూతును నాతణ్డ్రి । - నీరజాక్ష ।
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

091
సీ. నీకథల్ చెవులలో - సోకుట మొదలుగా
బులకాఙ్కురము మెన - బుట్టువాడు
నయమైన నీ దివ్య - నామకీర్తనలోన
మగ్నుడై దేహమ్బు - మఱచువాడు
ఫాలమ్బుతో నీదు - పాదయుగ్మమునకు
బ్రేమతో దణ్డ మ - ర్పిఞ్చువాడు
హా పుణ్డరీకాక్ష । - హా రామ । హరి । యఞ్చు
వేడ్కతో గేకలు - వేయువాడు

తే. చిత్తకమలమ్బునను నిన్ను - జేర్చువాడు
నీదులోకమ్బునం దుణ్డు - నీరజాక్ష ।
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

092
సీ. నిగమగోచర । నేను - నీకు మెప్పగునట్లు
లెస్సగా బూజిమ్ప - లేను సుమ్మి
నాకు దోచిన భూష - ణములు పెట్టెద నన్న
గౌస్తుభమణి నీకు - గలదు మున్దె
భక్ష్యభోజ్యముల న - ర్పణము జేసెద నన్న
నీవు పెట్టితి సుధ - నిర్జరులకు
గలిమికొద్దిగ గాను - కల నొసఙ్గెద నన్న
భార్గవీదేవి నీ - భార్య యయ్యె

తే. నన్ని గలవాడ వఖిల లో - కాధిపతివి ।
నీకు సొమ్ములు పెట్ట నే - నెన్తవాడ ।
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

093
సీ. నవసరోజదళాక్ష । - నన్ను బోషిఞ్చెడు
దాతవు నీ వఞ్చు - ధైర్యపడితి
నా మనమ్బున నిన్ను - నమ్మినన్దుకు దణ్డ్రి ।
మేలు నా కొనరిమ్పు - నీలదేహ ।
భళిభళీ । నీ యన్త - ప్రభువు నెక్కడ జూడ
బుడమిలో నీ పేరు - పొగడవచ్చు
మున్దు జేసిన పాప - మును నశిమ్పగ జేసి
నిర్వహిమ్పుము నన్ను - నేర్పుతోడ

తే. బరమసన్తోష మాయె నా - ప్రాణములకు
నీ​ఋణము దీర్చుకొన నేర - నీరజాక్ష ।
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

094
సీ. ఫణులపుట్టలమీద - బవ్వళిఞ్చినయట్లు
పులుల గుమ్పున జేర - బోయినట్లు
మకరివర్గం బున్న - మడుగు జొచ్చినయట్లు
గఙ్గదాపున నిణ్డ్లు - గట్టినట్లు
చెదలభూమిని జాప - చేర బఱచినయట్లు
ఓటిబిన్దెల బాల - నునిచినట్లు
వెర్రివానికి బహు - విత్త మిచ్చినయట్లు
కమ్మగుడిసె మన్దు - గాల్చినట్లు

తే. స్వామి నీ భక్తవరులు దు - ర్జనులతోడ
జెలిమి జేసినయ ట్లైన - జేటు వచ్చు.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

095
సీ. దనుజసంహార । చక్ర - ధర । నీకు దణ్డమ్బు
లిన్దిరాధిప । నీకు - వన్దనమ్బు
పతితపావన । నీకు - బహునమస్కారముల్
నీరజాతదళాక్ష । - నీకు శరణు
వాసవార్చిత । మేఘ - వర్ణ । నీకు శుభమ్బు
మన్దరధర । నీకు - మఙ్గళమ్బు
కమ్బుకన్ధర । శార్జ్గ - కర । నీకు భద్రమ్బు
దీనరక్షక । నీకు - దిగ్విజయము

తే. సకలవైభవములు నీకు - సార్వభౌమ ।
నిత్యకల్యాణములు నగు - నీకు నెపుడు.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

096
సీ. మత్స్యావతార మై - మడుగులోపల జొచ్చి
సోమకాసురు ద్రుఞ్చి - చోద్యముగను
దెచ్చి వేదము లెల్ల - మెచ్చ దేవతలెల్ల
బ్రహ్మ కిచ్చితి వీవు - భళి । యనఙ్గ
నా వేదముల నియ్య - నాచారనిష్ఠల
ననుభవిఞ్చుచు నున్దు - రవనిసురులు
సకలపాపమ్బులు - సమసిపోవు నటఞ్చు
మనుజు లన్దఱు నీదు - మహిమ దెలిసి

తే. యున్దు రరవిన్దనయన । నీ - యునికి దెలియు
వారలకు వేగ మోక్షమ్బు - వచ్చు ననఘ ।
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

097
సీ. కూర్మావతారమై - కుధరమ్బుక్రిన్దను
గోర్కితో నుణ్డవా - కొమరు మిగుల?
వరహావతారమై - వనభూములను జొచ్చి
శిక్షిమ్పవా హిర - ణ్యాక్షు నపుడు?
నరసింహమూర్తివై - నరభోజను హిరణ్య
కశిపుని ద్రుమ్పవా - కాన్తి మీఱ?
వామనరూపమై - వసుధలో బలిచక్ర
వర్తి నఱమ్పవా - వైర ముడిగి?

తే. యిట్టి పను లెల్ల జేయగా - నెవరికేని
తగునె నరసింహ । నీకిది - దగును గాక ।
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

098
సీ. లక్ష్మీశ । నీదివ్య - లక్షణగుణముల
వినజాల కెప్పుడు - వెర్రినైతి
నా వెర్రిగుణములు - నయముగా ఖణ్డిఞ్చి
నన్ను రక్షిమ్పు మో - నళిననేత్ర ।
నిన్ను నే నమ్మితి - నితరదైవముల నే
నమ్మలే దెప్పుడు - నాగశయన ।
కాపాడినను నీవె - కష్టపెట్టిన నీవె
నీపాదకమలముల్ - నిరత మేను

తే. నమ్మియున్నాను నీపాద - నళినభక్తి
వేగ దయచేసి రక్షిమ్పు - వేదవిద్య ।
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

099
సీ. అమరేన్ద్రవినుత । ని - న్ననుసరిఞ్చినవారు
ముక్తి బొన్దిరి వేగ - ముదముతోను
నీపాదపద్మముల్ - నెఱ నమ్మియున్నాను
నాకు మోక్షం బిమ్ము - నళిననేత్ర ।
కాచి రక్షిఞ్చు నన్ - గడతేర్చు వేగమే
నీ సేవకుని జేయు - నిశ్చలముగ
గాపాడినను నీకు - గైఙ్కర్యపరుడ నై
చెలగి నీపనులను - జేయువాడ

తే. ననుచు బలుమాఱు వేడెద - నబ్జనాభ ।
నాకు బ్రత్యక్ష మగుము నిన్ - నమ్మినాను.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।

100
సీ. శేషప్ప యను కవి - చెప్పిన పద్యముల్
చెవుల కానన్దమై - చెలగుచుణ్డు
నే మనుజుణ్డైన - నెలమి నీ శతకమ్బు
భక్తితో విన్న స - త్ఫలము గలుగు
జెలగి యీ పద్యముల్ - చేర్చి వ్రాసినవారు
కమలాక్షుకరుణను - గాన్తు రెపుడు
నిమ్పుగా బుస్తకం - బెపుడు బూజిఞ్చిన
దురితజాలమ్బులు - దొలగిపోవు

తే. నిద్ది పుణ్యాకరం బని - యెపుడు జనులు
గషట మెన్నక పఠియిమ్ప - గలుగు ముక్తి.
భూషణవికాస । శ్రీధర్మ - పురనివాస ।
దుష్టసంహార । నరసింహ - దురితదూర ।