రాగమ్: మధ్యమావతి
తాళమ్: ఝమ్ప

పాహిరామప్రభో పాహిరామప్రభో
పాహిభద్రాద్రి వైదేహిరామప్రభో ॥ పాహిరామప్రభో ॥

శ్రీమన్మహాగుణస్తోమాభిరామ మీ
నామకీర్తనలు వర్ణిన్తు రామప్రభో ॥ 1 ॥ పాహిరామప్రభో ॥

సున్దరాకార హృన్మన్దిరోద్ధార సీ
తేన్దిరా సంయుతానన్ద రామప్రభో ॥ 2 ॥ పాహిరామప్రభో ॥

ఇన్దిరా హృదయారవిన్దాదిరూఢ
సున్దారాకార ఆనన్ద రామప్రభో ॥ 3 ॥ పాహిరామప్రభో ॥

ఎన్దునేజూడ మీసున్దరాననము
కన్దునో కన్నులిమ్పొన్ద రామప్రభో ॥ 4 ॥ పాహిరామప్రభో ॥

పుణ్యచారిత్రలావణ్య కారుణ్య గాం
భీర్య దాక్షిణ్య శ్రీరామచన్ద్రప్రభో ॥ 5 ॥ పాహిరామప్రభో ॥

కన్దర్పజనక నాయన్దు రఞ్జిల సదా
నన్దుడవై పూజలన్దు రామప్రభో ॥ 6 ॥ పాహిరామప్రభో ॥

ఇమ్పుగా జెవులకు న్విన్దుగా నీకథల్‌
కన్దుగా మిమ్ము సొమ్పొన్ద రామప్రభో ॥ 7 ॥ పాహిరామప్రభో ॥

వన్దనముచేసి మునులన్దరు ఘనులైరి
విన్దవైనట్టి గోవిన్ద రామప్రభో ॥ 8 ॥ పాహిరామప్రభో ॥

బృన్దారకాది సద్బృన్దార్చితావతార
విన్ద ముని సన్దర్శితానన్ద రామప్రభో ॥ 9 ॥ పాహిరామప్రభో ॥

తల్లివినీవె మాతణ్డ్రివినీవె మా
ధాతవునీవె మాభ్రాత రామప్రభో ॥ 10 ॥ పాహిరామప్రభో ॥

పల్లవాధరలైన గొల్లభామలగూడి
యుల్లమలరఙ్గ రఞ్జిల్లు రామప్రభో ॥ 11 ॥ పాహిరామప్రభో ॥

మల్లరఙ్గమ్బునన్దెల్ల మల్లులజీరి
యల్ల కంసుని జమ్పు మల్ల రామప్రభో ॥ 12 ॥ పాహిరామప్రభో ॥

కొల్లలుగ నీమాయ వెల్లివిరియగ జేయ
సల్లాపమున క్రీడసల్పు రామప్రభో ॥ 13 ॥ పాహిరామప్రభో ॥

తమ్ముడును నీవు పార్శ్వమ్ములఞ్జేరి వి
ల్లమ్ములెక్కెడి నిల్చుటిమ్ము రామప్రభో ॥ 14 ॥ పాహిరామప్రభో ॥

క్రమ్ముకొనిశాత్రవులు హుమ్మనుచువచ్చెదరు
ఇమ్మైనబాణములిమ్ము రామప్రభో ॥ 15 ॥ పాహిరామప్రభో ॥

రమ్ము నాకభయమ్ము నిమ్ము నీపాదముల్‌
నమ్మినానయ్య శ్రీరామచన్ద్రప్రభో ॥ 16 ॥ పాహిరామప్రభో ॥

కణ్టి మీ శఙ్ఖమ్ము కణ్టి మీ చక్రము
కణ్టి మీ పాదముల్గణ్టి రామప్రభో ॥ 17 ॥ పాహిరామప్రభో ॥

విణ్టి మహిమ వెన్నణ్టి తమ్ముడు నీవు
జణ్టరావయ్య నావెణ్ట రామప్రభో ॥ 18 ॥ పాహిరామప్రభో ॥

మేము నీవారమైనాము రక్షిమ్పుమ
న్నాము జాగేల శ్రీరామచన్ద్రప్రభో ॥ 19 ॥ పాహిరామప్రభో ॥

నామనోవీధిని ప్రేమతోనుణ్డు మీ
భూమిజాసహిత జయ రామచన్ద్రప్రభో ॥ 20 ॥ పాహిరామప్రభో ॥

మీ మహత్త్వమ్ము విన మనమన్దు ప్రేమ
వేమరున్‌ బుట్టు శ్రీరామచన్ద్రప్రభో ॥ 21 ॥ పాహిరామప్రభో ॥

శ్యామసున్దర కోమలం జానకీమనః
కాముకం త్వం భజే రామచన్ద్రప్రభో ॥ 22 ॥ పాహిరామప్రభో ॥

కామితార్థములిచ్చు నీ మహత్వము విన్న
నా మొరాలిఞ్చు నాస్వామి రామప్రభో ॥ 23 ॥ పాహిరామప్రభో ॥

కామితప్రభుడవై ప్రేమతో రక్షిఞ్చు
స్వామి సాకేతపురి రామచన్ద్రప్రభో ॥ 24 ॥ పాహిరామప్రభో ॥

అన్న రావన్న నీకన్న నామీద నెన
రున్న వారేరి నాయన్న రామప్రభో ॥ 25 ॥ పాహిరామప్రభో ॥

నిన్నెగాకను మరే యన్యులగానన్‌
గన్నతణ్డ్రివిగ మాయన్న రామప్రభో ॥ 26 ॥ పాహిరామప్రభో ॥

వెన్నదొఙ్గిలి తిన్న చిన్నకృష్ణమ్మ ని
న్నెన్నగా వశమె రావన్న రామప్రభో ॥ 27 ॥ పాహిరామప్రభో ॥

ఎన్నెన్నో జన్మముల నెత్తజాలను ఇక
నిన్నె నెమ్మదిని వర్ణిన్తు రామప్రభో ॥ 28 ॥ పాహిరామప్రభో ॥

ఎన్నివిధములనైన నిన్నె నమ్మిన వాని
మన్నిఞ్చి దయచేయుమన్న రామప్రభో ॥ 29 ॥ పాహిరామప్రభో ॥

పన్నగాధిపశాయి భావనాతీత ఆ
పన్న నామనవి వినవన్న రామప్రభో ॥ 30 ॥ పాహిరామప్రభో ॥

మేటివాక్యమ్బు మీసాటిదైవమ్బు ము
మ్మాటికిని భువిలేదు మేటి రామప్రభో ॥ 31 ॥ పాహిరామప్రభో ॥

పాడుదును మిమ్ము గొనియాడుదును మోదమున
వేడుచున్నాను గాపాడు రామప్రభో ॥ 32 ॥ పాహిరామప్రభో ॥

వేడుకోగానె నీజోడుకాడును నీవు
కూడి రారయ్య నాతోడ రామప్రభో ॥ 33 ॥ పాహిరామప్రభో ॥

నేడు నాకోర్కె లీడేరగాజేసి కా
పాడరా కరినేలు జాడ రామప్రభో ॥ 34 ॥ పాహిరామప్రభో ॥

మూడుమూర్తుల కాత్మమూలమై చెన్నొన్దు
వాడవని శ్రుతులు నిన్నాడు రామప్రభో ॥ 35 ॥ పాహిరామప్రభో ॥

చూడు మీభక్తులను గూడు మీరిపుల గో
రాడు మీవల్ల గోవిన్ద రామప్రభో ॥ 36 ॥ పాహిరామప్రభో ॥

పుణ్డరీకాక్ష మార్తాణ్డవంశోద్భవా
ఖణ్డలస్తుత్య కోదణ్డ రామప్రభో ॥ 37 ॥ పాహిరామప్రభో ॥

కుణ్డలిశయన భూమణ్డలోద్ధరణ పా
షణ్డజనహరణ కోదణ్డరామప్రభో ॥ 38 ॥ పాహిరామప్రభో ॥

నిణ్డుదయతోడ నాయణ్డ బాయకను నీ
వుణ్డి గాపాడు కోదణ్డరామప్రభో ॥ 39 ॥ పాహిరామప్రభో ॥

జాతకౌతూహలం చక్షుకృత్యారమాం
పూతసీతాపతే దాత రామప్రభో ॥ 40 ॥ పాహిరామప్రభో ॥

పాతకులలో మొదటి పాతకుడ నావణ్టి
పాతకుని కావుటే ఖ్యాతి రామప్రభో ॥ 41 ॥ పాహిరామప్రభో ॥

భూతనాథుని విల్లు ఖ్యాతిగా ఖణ్డిఞ్చి
సీతగైకొన్న విఖ్యాత రామప్రభో ॥ 42 ॥ పాహిరామప్రభో ॥

పూతనాకల్మషోద్ధూత పె\న్‌శత్రు సం
హారి శ్రీసీతాసమేత రామప్రభో ॥ 43 ॥ పాహిరామప్రభో ॥

జాతినీతులులేక భూతలమ్బున దిరుగు
ఘాతకుల బరిమార్చు నేత రామప్రభో ॥ 44 ॥ పాహిరామప్రభో ॥

ఎప్పుడును గణ్టికి రెప్పవలె గాచి న
న్నొప్పుగాగావు మాయప్ప రామప్రభో ॥ 45 ॥ పాహిరామప్రభో ॥

ఏదయా నీదయా యోదయామ్భోనిధీ
యాదిలేదయ్య నామీద రామప్రభో ॥ 46 ॥ పాహిరామప్రభో ॥

ఘోరరాక్షస గర్వహార విశ్వమ్భరో
ద్ధార గుణసాన్ద్రవిస్తార రామప్రభో ॥ 47 ॥ పాహిరామప్రభో ॥

మోదమున నీవు నన్నాదుకోవయ్య గో
దావరీ తీర భద్రాద్రి రామప్రభో ॥ 48 ॥ పాహిరామప్రభో ॥

నీదు బాణమ్బులను నాదుశత్రులబట్టి
బాధిమ్పకున్నావదేమి రామప్రభో ॥ 49 ॥ పాహిరామప్రభో ॥

ఆదిమధ్యాన్త బహిరాన్తరాత్ముడవనుచు
వాదిన్తునే జగన్నాథ రామప్రభో ॥ 50 ॥ పాహిరామప్రభో ॥

చాలదేమి పదాబ్జములసాటి యీపదు
నాల్గులోకమ్బుల గూడి రామప్రభో ॥ 51 ॥ పాహిరామప్రభో ॥

ఏల యీలాగు జాగేల జేసెదవు మ
మ్మేలుకోవయ్య మాపాలి రామప్రభో ॥ 52 ॥ పాహిరామప్రభో ॥

పాలువెన్నలు మ్రుచ్చిలిన్తివని యశోద
రోటగట్టిన మాయచాలు రామప్రభో ॥ 53 ॥ పాహిరామప్రభో ॥

కొల్లలుగ వ్రేపల్లె పల్లవాధరులతో
నల్లబిల్లిగను రఞ్జిల్ల రామప్రభో ॥ 54 ॥ పాహిరామప్రభో ॥

వాలి నొక్కమ్మునన్‌ గూలవేసిన శౌర్య
శాలియౌ నినుదలతు జాల రామప్రభో ॥ 55 ॥ పాహిరామప్రభో ॥

సాలభఞ్జికల నిర్మూలమ్బు చేయగా
జాలితివి గోపాలబాల రామప్రభో ॥ 56 ॥ పాహిరామప్రభో ॥

తాళవృక్షము లొక్కకోల ధరగూలగా
లీలనేసిన బాహుశాలి రామప్రభో ॥ 57 ॥ పాహిరామప్రభో ॥

(శిలయైన యహల్య శ్రీపాదములు
సోక నెలతయై మిము మదితలచె ॥ 58 ॥ పాహిరామప్రభో ॥)

వినవయ్య మనవి గైకొనవయ్య తప్పులన్‌
గనకయ్య సమ్మతిన్గొనుచు రామప్రభో ॥ 59 ॥ పాహిరామప్రభో ॥

దానధర్మమ్బులున్‌ దపజపమ్బులు నీదు
నామకీర్తనకు సరిరావు రామప్రభో ॥ 60 ॥ పాహిరామప్రభో ॥

మానావమానములు మహిని నీవై యుణ్డ
మాకేల మదిని ఈచిన్త రామప్రభో ॥ 61 ॥ పాహిరామప్రభో ॥

జ్ఞానయోగాభ్యాసమన్దు నుణ్డెడివారి
కానన్దమయుడవైనావు రామప్రభో ॥ 62 ॥ పాహిరామప్రభో ॥

భానువంశమునన్దు మానవాధిపుడవై
దానవుల బరిమార్చినావు రామప్రభో ॥ 63 ॥ పాహిరామప్రభో ॥

అణురేణు పరిపూర్ణుడౌ హృదయవాస నా
మనవి విను దేవకీతనయ రామప్రభో ॥ 64 ॥ పాహిరామప్రభో ॥

మాన్యమై ఆశ్రితవదాన్యమై సుజన స
న్మాన్యమై వెలుగు మూర్ధన్య రామప్రభో ॥ 65 ॥ పాహిరామప్రభో ॥

నిత్యమై సత్యమై నిర్మలమ్బై మహిని
దివ్యవంశోత్తంసమైన రామప్రభో ॥ 66 ॥ పాహిరామప్రభో ॥

సేవ్యమై మీపదద్భావ్యమై సజ్జన
శ్రావ్యమై యుణ్డునో దివ్య రామప్రభో ॥ 67 ॥ పాహిరామప్రభో ॥

గట్టిగా నీవున\న్‌ పట్టుగా విహితమౌ
నట్టుగా మమ్ము చేపట్టు రామప్రభో ॥ 68 ॥ పాహిరామప్రభో ॥

దిట్టయగు తాటకినిగొట్టి వేగమె గాధి
పట్టి యాగము గాచినట్టి రామప్రభో ॥ 69 ॥ పాహిరామప్రభో ॥

చుట్టుకొని కాళిఙ్గు డట్టహాసముచేయ
పట్టుకొని తలనెక్కినట్టి రామప్రభో ॥ 70 ॥ పాహిరామప్రభో ॥

సన్తతము నన్ను రక్షిన్తువని నమ్మి మి
మ్మెన్తురా జానకీకాన్త రామప్రభో ॥ 71 ॥ పాహిరామప్రభో ॥

పన్తమున మీ పాదచిన్తనము చేయ నా
వన్తలన్నియు మానుటెన్త రామప్రభో ॥ 72 ॥ పాహిరామప్రభో ॥

విన్తగాదయ్య నేనిన్తనాడినది నా
పన్తమున మిమ్ము భావిన్తు రామప్రభో ॥ 73 ॥ పాహిరామప్రభో ॥

శాన్తమూర్తిని రమాకాన్తుడవని చాల
సన్తసమ్బున నిన్ను నెన్తు రామప్రభో ॥ 74 ॥ పాహిరామప్రభో ॥

అక్షయమ్బైన నీకుక్షిలో లోకముల
రక్షిఞ్చితివి లక్ష్మీవక్ష రామప్రభో ॥ 75 ॥ పాహిరామప్రభో ॥

దన్తివత్సల భక్తచిన్తామణీ విశ్వ
మన్తయును నీవు రక్షిఞ్చు రామప్రభో ॥ 76 ॥ పాహిరామప్రభో ॥

పక్షివాహన శత్రునిక్షేపణా నన్ను
రక్షిఞ్చు మోక్షప్రదాత రామప్రభో ॥ 77 ॥ పాహిరామప్రభో ॥

రక్షిఞ్చి సజ్జనుల వీక్షిఞ్చి దుర్జనుల
రాక్షసుల శిక్షిఞ్చినావు రామప్రభో ॥ 78 ॥ పాహిరామప్రభో ॥

రక్షకుడవై జగద్రక్షణముచేయగా
రాక్షసుల శిక్షిఞ్చినావు రామప్రభో ॥ 79 ॥ పాహిరామప్రభో ॥

లక్ష్మీకటాక్ష వీక్షణధార వృష్టి మా
కక్షయమ్బుగ కటాక్షిఞ్చు రామప్రభో ॥ 80 ॥ పాహిరామప్రభో ॥

రావయా అభయమ్బు లీవయా నాస్వామీ
నీవయా గతి దేవరాయ రామప్రభో ॥ 81 ॥ పాహిరామప్రభో ॥

కావు కావుమటఞ్చు కాకాసురుడురాగ
కాచి రక్షిఞ్చినావయ్య రామప్రభో ॥ 82 ॥ పాహిరామప్రభో ॥

దేవదేవోత్తమా దేవేన్ద్రసన్నుతా
కావవేనన్ను శ్రీరామచన్ద్రప్రభో ॥ 83 ॥ పాహిరామప్రభో ॥

భావజజనక నా బాధలన్నియుమాన్పి
యే విధమ్బునైన నేలు రామప్రభో ॥ 84 ॥ పాహిరామప్రభో ॥

శ్రీవైష్ణవులపాలి చిన్తామణివి చాల
సేవగైకొని కరుణచేయు రామప్రభో ॥ 85 ॥ పాహిరామప్రభో ॥

భావమున మిముభక్తి సేవిఞ్చు జనులకు
కైవల్యమొసగు శ్రీరామచన్ద్రప్రభో ॥ 86 ॥ పాహిరామప్రభో ॥

గోపాలురను గూడి యావులను మేపి
ఆపదోద్ధారకుడవైన రామప్రభో ॥ 87 ॥ పాహిరామప్రభో ॥

నాపాలి శ్రీరామ భూపాలకా నను
కాపాడరావ గోపాల రామప్రభో ॥ 88 ॥ పాహిరామప్రభో ॥

సారమౌశౌర్య విస్తారమౌ సున్దరా
కారసద్భక్తమన్దార రామప్రభో ॥ 89 ॥ పాహిరామప్రభో ॥

శరణాగతత్రాణ బిరుదాఙ్కితమ్బైన
వరము నాకొసగు యేమరక రామప్రభో ॥ 90 ॥ పాహిరామప్రభో ॥

శ్రీరామ రామేతి శ్రేష్ఠమన్త్రము సారె
సారెకును విన్తగా జదువ రామప్రభో ॥ 91 ॥ పాహిరామప్రభో ॥

శ్రీరామ నీనామ చిన్తనామృతపాన
సారమే నాదుమది గోరు రామప్రభో ॥ 92 ॥ పాహిరామప్రభో ॥

చేరి మీపాద పద్మారాధనము చేయ
కోరినానయ్య శ్రీరామచన్ద్రప్రభో ॥ 93 ॥ పాహిరామప్రభో ॥

ఘోరరాక్షసగర్వహారి విశ్వమ్భరా
భూరిగుణసాన్ద్ర విస్తార రామప్రభో ॥ 94 ॥ పాహిరామప్రభో ॥

మారీచమాయానివార శరసన్ధాన
ధారుణీతనయా విహార రామప్రభో ॥ 95 ॥ పాహిరామప్రభో ॥

పరవాసుదేవ యక్షయపాత్ర మొసగి న
న్నరసి పోషిమ్పగదవయ్య రామప్రభో ॥ 96 ॥ పాహిరామప్రభో ॥

పరధనమ్బును పరస్త్రీల నపేక్షిఞ్చు
నరుకబ్బునే మోక్షమరయ రామప్రభో ॥ 97 ॥ పాహిరామప్రభో ॥

కామాదిదుర్గుణ స్తోమమ్బులడగ మీ
నామామృతమె దిక్కు రామచన్ద్రప్రభో ॥ 98 ॥ పాహిరామప్రభో ॥

దుష్టులగు దానవుల నష్టమ్బుగా జేయగా
బుట్టితివి కౌసల్య పట్టి రామప్రభో ॥ 99 ॥ పాహిరామప్రభో ॥

కష్టపడలేనయ్య పట్టాభిరామ నా
కిష్టసమ్పదలిచ్చి యేలు రామప్రభో ॥ 100 ॥ పాహిరామప్రభో ॥

కేశవాయనిన భవపాశముళొలగు స
ర్వేశకోటి శశిప్రకాశ రామప్రభో ॥ 101 ॥ పాహిరామప్రభో ॥

నారాయణా నీదు నామామృతం బెపుడు
పారాయణము చేతు నేను రామప్రభో ॥ 102 ॥ పాహిరామప్రభో ॥

మాధవాయనియు సమ్మోదమున నినుగొల్చు
సాధుసజ్జనదయామ్భోధి రామప్రభో ॥ 103 ॥ పాహిరామప్రభో ॥

గోవిన్ద గోవిన్ద గోపాలకృష్ణయని
గోపకులు గొనియాడు గోపరామప్రభో ॥ 104 ॥ పాహిరామప్రభో ॥

విష్ణునా సర్వవర్ధిష్ణునా తత్త్వ భూ
యిష్ణునా నిర్మితం కృష్ణ రామప్రభో ॥ 105 ॥ పాహిరామప్రభో ॥

శ్రీధరా శ్రీకరా శ్రీనారసింహ గం
గాధర స్తోత్ర యానన్ద రామప్రభో ॥ 106 ॥ పాహిరామప్రభో ॥

మత్స్యమై జలధిలో జొచ్చి సోమకుద్రుఞ్చి
తెచ్చి వేదము లజునకిస్తి రామప్రభో ॥ 107 ॥ పాహిరామప్రభో ॥

కూర్మరూపము నొన్ది కొణ్డమూపునదాల్చి
కూర్మితో నమృతమ్బుగూర్చి రామప్రభో ॥ 108 ॥ పాహిరామప్రభో ॥

వరాహరూపమున వసుధగొమ్ముననెత్తి
సురల రక్షిఞ్చు దాశరథి రామప్రభో ॥ 109 ॥ పాహిరామప్రభో ॥

శరణన్న ప్రహ్లాదు గరుణిఞ్చి రక్షిమ్ప
నరసింహమూర్తివైనట్టి రామప్రభో ॥ 110 ॥ పాహిరామప్రభో ॥

వామనత్వమున భూదానమడిగియు బలిని
భూమిక్రిన్దనడఞ్చి పొల్చు రామప్రభో ॥ 111 ॥ పాహిరామప్రభో ॥

పరశురాముడనఙ్గ నరపాలకులనెల్ల
నరసిపొరికొన్న దాశరథి రామప్రభో ॥ 112 ॥ పాహిరామప్రభో ॥

శ్రీరామమూర్తివై యారావణుని తలల్‌
ధారుణిన్‌ పడగూర్చినావు రామప్రభో ॥ 113 ॥ పాహిరామప్రభో ॥

హలధరుడవై ధరాస్థలిపాలకులనెల్ల
బొరిపుచ్చి వెలుగుమాపాలి రామప్రభో ॥ 114 ॥ పాహిరామప్రభో ॥

సిద్ధసన్నుత మనోబద్ధుణ్డవై నీవు
బౌద్ధుణ్డవైతి ప్రబుద్ధ రామప్రభో ॥ 115 ॥ పాహిరామప్రభో ॥

కలికిరూపముదాల్చి కలియుగమ్బున నీవు
వెలసితివి భద్రాద్రినిలయ రామప్రభో ॥ 116 ॥ పాహిరామప్రభో ॥

అవ్యయుడవైన నీయవతారముల జూచి
దివ్యులైనారు మునులయ్య రామప్రభో ॥ 117 ॥ పాహిరామప్రభో ॥

శ్రీరామనామమే వేళస్మరియిన్తు
స్వామి దయచేయు సమ్పదను రామప్రభో ॥ 118 ॥ పాహిరామప్రభో ॥

అప్ప శేషశయన యెప్పుడు నిను మరువ
నొప్పుగా బ్రోవు వరదప్ప రామప్రభో ॥ 119 ॥ పాహిరామప్రభో ॥

తెప్పరమ్బులుదీర్చి యిప్పుడేమరక నన్‌
ద్రిప్పు బెట్టక చేపట్టు రామప్రభో ॥ 120 ॥ పాహిరామప్రభో ॥

పట్టాభిరామ నీపాదపద్మాశ్రయుల
పాలిమ్పుమా భద్రశైలి రామప్రభో ॥ 121 ॥ పాహిరామప్రభో ॥

పట్టాభిరామ నిను ప్రభుడవని నమ్మితిని
కష్టపెట్టకను చేపట్టు రామప్రభో ॥ 122 ॥ పాహిరామప్రభో ॥