రాగం: యదుకులకామ్భోజి
ఆ: స రి2 మ1 ప ద2 స
అవ: స ని2 ద2 ప మ1 గ3 రి2 స
తాళం: మిశ్రఛపు

పల్లవి
ఇక్ష్వాకు కులతిలక ఇకనైన పలుకవె రామచన్ద్రా నన్ను
రక్షిమ్పకున్నను రక్షకులెవరిఙ్క రామచన్ద్రా ఇ..

చరణం 1
భరతునకు చేయిస్తి పచ్చలపతకము రామచన్ద్రా
ఆ పతకమునకుబట్టె పదివేల వరహాలు రామచన్ద్రా ॥ ఇక్ష్వాకు కులతిలక ॥

చరణం 2
శత్రుఘ్నునకు నేను చేయిస్తి మొలత్రాడు రామచన్ద్రా
ఆ మొలత్రాడునకు బట్టె మొహరీలు పదివేలు రామచన్ద్రా ॥ ఇక్ష్వాకు కులతిలక ॥

చరణం 3
శత్రుఘ్నునకు నేను చేయిస్తి మొలత్రాడు రామచన్ద్రా
ఆ మొలత్రాడునకు బట్టె మొహరీలు పదివేలు రామచన్ద్రా ॥ ఇక్ష్వాకు కులతిలక ॥

చరణం 4
లక్ష్మణునకు జేయిస్తి ముత్యాలపతకము రామచన్ద్రా
ఆ పతకమునకు బట్టె పదివేల వరహాలు రామచన్ద్రా ॥ ఇక్ష్వాకు కులతిలక ॥

చరణం 5
సీతమ్మకు చేయిస్తి చిన్తాకు పతకము రామచన్ద్రా
ఆ పతకమునకు బట్టె పదివేల వరహాలు రామచన్ద్రా ॥ ఇక్ష్వాకు కులతిలక ॥

చరణం 6
కలికితురాయి నీకు పొలుపుగ జేయిస్తి రామచన్ద్రా
నీవు కులుకుచు దిరిగెద వెవరబ్బసొమ్మని రామచన్ద్రా ॥ ఇక్ష్వాకు కులతిలక ॥

చరణం 7
మీ తణ్డ్రి దశరథమహారాజు పెట్టెనా రామచన్ద్రా
లేక మీమామ జనకమహారాజు పమ్పెనా రామచన్ద్రా ॥ ఇక్ష్వాకు కులతిలక ॥

చరణం 8
అబ్బా తిట్టితినని యాయాసపడవద్దు రామచన్ద్రా
ఈ దెబ్బలకోర్వక అబ్బ తిట్టితినయ్య రామచన్ద్రా ॥ ఇక్ష్వాకు కులతిలక ॥

చరణం 9
భక్తులన్దరిని పరిపాలిఞ్చెడి శ్రీరామచన్ద్రా
నీవు క్షేమముగ రామదాసుని నేలుము రామచన్ద్రా ॥ ఇక్ష్వాకు కులతిలక ॥

చరణం 10
చుట్టుప్రాకారములు సొమ్పుగ చేయిస్తి రామచన్ద్రా
ఆ ప్రాకారమునకు బట్టె పదివేల వరహాలు రామచన్ద్రా ॥ ఇక్ష్వాకు కులతిలక ॥

చరణం 11
గోపురమణ్టపాలు కుదురుగ గట్టిస్తి రామచన్ద్రా నను
క్రొత్తగ జూడక నిత్తరిబ్రోవుము రామచన్ద్రా ॥ ఇక్ష్వాకు కులతిలక ॥

చరణం 12
వాహనములు మీకు వరుసతో జేయిస్తి రామచన్ద్రా జగ
న్మోహన సఙ్కెళ్ళు వేసిరి కాళ్ళకు రామచన్ద్రా ॥ ఇక్ష్వాకు కులతిలక ॥

చరణం 13
సర్కారు పైకము తృణముగనెఞ్చకు రామచన్ద్రా
దెబ్బలకోర్వను యప్పుదీర్చుమయ్య రామచన్ద్రా ॥ ఇక్ష్వాకు కులతిలక ॥

చరణం 14
ఏటికి జల్లిన నీళ్ళాయె నా బ్రతుకు రామచన్ద్రా
నేను అధములన్దరికణ్టె అన్యాయమైతిని రామచన్ద్రా ॥ ఇక్ష్వాకు కులతిలక ॥

చరణం 15
కౌసల్యపుత్రుడ దశరథతనయుడ రామచన్ద్రా
కావు క్షేమముగ భద్రాద్రి నెలకొన్న శ్రీరామచన్ద్రా ॥ ఇక్ష్వాకు కులతిలక ॥