Sri Ramashtakam (Rama Ashtakam) - Shuddha Telugu

Collection of Spiritual and Devotional Literature in Various Indian Languages

View this in:

This document is in శుద్ధ తెలుగు with the right anusvaras marked. View this in సరళ తెలుగు, with simplified anusvaras for easier reading.

శ్రీ రామాష్టకం (రామ అష్టకం)

భజే విశేషసున్దరం సమస్తపాపఖణ్డనమ్ ।
స్వభక్తచిత్తరఞ్జనం సదైవ రామమద్వయమ్ ॥ 1 ॥

జటాకలాపశోభితం సమస్తపాపనాశకమ్ ।
స్వభక్తభీతిభఞ్జనం భజే హ రామమద్వయమ్ ॥ 2 ॥

నిజస్వరూపబోధకం కృపాకరం భవాఽపహమ్ ।
సమం శివం నిరఞ్జనం భజే హ రామమద్వయమ్ ॥ 3 ॥

సదా ప్రపఞ్చకల్పితం హ్యనామరూపవాస్తవమ్ ।
నిరాకృతిం నిరామయం భజే హ రామమద్వయమ్ ॥ 4 ॥

నిష్ప్రపఞ్చ నిర్వికల్ప నిర్మలం నిరామయమ్ ।
చిదేకరూపసన్తతం భజే హ రామమద్వయమ్ ॥ 5 ॥

భవాబ్ధిపోతరూపకం హ్యశేషదేహకల్పితమ్ ।
గుణాకరం కృపాకరం భజే హ రామమద్వయమ్ ॥ 6 ॥

మహాసువాక్యబోధకైర్విరాజమానవాక్పదైః ।
పరం చ బ్రహ్మ వ్యాపకం భజే హ రామమద్వయమ్ ॥ 7 ॥

శివప్రదం సుఖప్రదం భవచ్ఛిదం భ్రమాపహమ్ ।
విరాజమానదైశికం భజే హ రామమద్వయమ్ ॥ 8 ॥

రామాష్టకం పఠతి యః సుఖదం సుపుణ్యం
వ్యాసేన భాషితమిదం శృణుతే మనుష్యః ।
విద్యాం శ్రియం విపులసౌఖ్యమనన్తకీర్తిం
సమ్ప్రాప్య దేహవిలయే లభతే చ మోక్షమ్ ॥ 9 ॥

ఇతి శ్రీవ్యాస ప్రోక్త శ్రీరామాష్టకమ్ ।

Browse Related Categories: