ආත්මාපරාධවෘක්ෂස්ය ඵලාන්යේතානි දේහිනාම් ।
දාරිද්ර්යදුඃඛරෝගාණි බංධනව්යසනානි ච ॥ 01 ॥

පුනර්විත්තං පුනර්මිත්රං පුනර්භාර්යා පුනර්මහී ।
ඒතත්සර්වං පුනර්ලභ්යං න ශරීරං පුනඃ පුනඃ ॥ 02 ॥

බහූනාං චෛව සත්ත්වානාං සමවායෝ රිපුංජයඃ ।
වර්ෂාධාරාධරෝ මේඝස්තෘණෛරපි නිවාර්යතේ ॥ 03 ॥

ජලේ තෛලං ඛලේ ගුහ්යං පාත්රේ දානං මනාගපි ।
ප්රාජ්ඤේ ශාස්ත්රං ස්වයං යාති විස්තාරං වස්තුශක්තිතඃ ॥ 04 ॥

ධර්මාඛ්යානේ ශ්මශානේ ච රෝගිණාං යා මතිර්භවේත් ।
සා සර්වදෛව තිෂ්ඨේච්චේත්කෝ න මුච්යේත බංධනාත් ॥ 05 ॥

උත්පන්නපශ්චාත්තාපස්ය බුද්ධිර්භවති යාදෘශී ।
තාදෘශී යදි පූර්වං ස්යාත්කස්ය න ස්යාන්මහෝදයඃ ॥ 06 ॥

දානේ තපසි ශෞර්යේ වා විජ්ඤානේ විනයේ නයේ ।
විස්මයෝ නහි කර්තව්යෝ බහුරත්නා වසුංධරා ॥ 07 ॥

දූරස්ථෝऽපි න දූරස්ථෝ යෝ යස්ය මනසි ස්ථිතඃ ।
යෝ යස්ය හෘදයේ නාස්ති සමීපස්ථෝऽපි දූරතඃ ॥ 08 ॥

යස්මාච්ච ප්රියමිච්ඡේත්තු තස්ය බ්රූයාත්සදා ප්රියම් ।
ව්යාධෝ මෘගවධං කර්තුං ගීතං ගායති සුස්වරම් ॥ 09 ॥

අත්යාසන්නා විනාශාය දූරස්ථා න ඵලප්රදා ।
සේව්යතාං මධ්යභාවේන රාජා වහ්නිර්ගුරුඃ ස්ත්රියඃ ॥ 10 ॥

අග්නිරාපඃ ස්ත්රියෝ මූර්ඛාඃ සර්පා රාජකුලානි ච ।
නිත්යං යත්නේන සේව්යානි සද්යඃ ප්රාණහරාණි ෂට් ॥ 11 ॥

ස ජීවති ගුණා යස්ය යස්ය ධර්මඃ ස ජීවති ।
ගුණධර්මවිහීනස්ය ජීවිතං නිෂ්ප්රයෝජනම් ॥ 12 ॥

යදීච්ඡසි වශීකර්තුං ජගදේකේන කර්මණා ।
පුරා පංචදශාස්යේභ්යෝ ගාං චරංතී නිවාරය ॥ 13 ॥

ප්රස්තාවසදෘශං වාක්යං ප්රභාවසදෘශං ප්රියම් ।
ආත්මශක්තිසමං කෝපං යෝ ජානාති ස පංඩිතඃ ॥ 14 ॥

ඒක ඒව පදාර්ථස්තු ත්රිධා භවති වීක්ෂිතඃ ।
කුණපං කාමිනී මාංසං යෝගිභිඃ කාමිභිඃ ශ්වභිඃ ॥ 15 ॥

සුසිද්ධමෞෂධං ධර්මං ගෘහච්ඡිද්රං ච මෛථුනම් ।
කුභුක්තං කුශ්රුතං චෛව මතිමාන්න ප්රකාශයේත් ॥ 16 ॥

තාවන්මෞනේන නීයංතේ කෝකිලෛශ්චෛව වාසරාඃ ।
යාවත්සර්වජනානංදදායිනී වාක්ප්රවර්තතේ ॥ 17 ॥

ධර්මං ධනං ච ධාන්යං ච ගුරෝර්වචනමෞෂධම් ।
සුගෘහීතං ච කර්තව්යමන්යථා තු න ජීවති ॥ 18 ॥

ත්යජ දුර්ජනසංසර්ගං භජ සාධුසමාගමම් ।
කුරු පුණ්යමහෝරාත්රං ස්මර නිත්යමනිත්යතඃ ॥ 19 ॥