අධමා ධනමිච්ඡංති ධනමානෞ ච මධ්යමාඃ ।
උත්තමා මානමිච්ඡංති මානෝ හි මහතාං ධනම් ॥ 01 ॥

ඉක්ෂුරාපඃ පයෝ මූලං තාංබූලං ඵලමෞෂධම් ।
භක්ෂයිත්වාපි කර්තව්යාඃ ස්නානදානාදිකාඃ ක්රියාඃ ॥ 02 ॥

දීපෝ භක්ෂයතේ ධ්වාංතං කජ්ජලං ච ප්රසූයතේ ।
යදන්නං භක්ෂයතේ නිත්යං ජායතේ තාදෘශී ප්රජා ॥ 03 ॥

විත්තං දේහි ගුණාන්විතේෂු මතිමන්නාන්යත්ර දේහි ක්වචිත්
ප්රාප්තං වාරිනිධේර්ජලං ඝනමුඛේ මාධුර්යයුක්තං සදා ।
ජීවාන්ස්ථාවරජංගමාංශ්ච සකලාන්සංජීව්ය භූමංඩලං
භූයඃ පශ්ය තදේව කෝටිගුණිතං ගච්ඡංතමංභෝනිධිම් ॥ 04 ॥

චාංඩාලානාං සහස්රෛශ්ච සූරිභිස්තත්ත්වදර්ශිභිඃ ।
ඒකෝ හි යවනඃ ප්රෝක්තෝ න නීචෝ යවනාත්පරඃ ॥ 05 ॥

තෛලාභ්යංගේ චිතාධූමේ මෛථුනේ ක්ෂෞරකර්මණි ।
තාවද්භවති චාංඩාලෝ යාවත්ස්නානං න චාචරේත් ॥ 06 ॥

අජීර්ණේ භේෂජං වාරි ජීර්ණේ වාරි බලප්රදම් ।
භෝජනේ චාමෘතං වාරි භෝජනාංතේ විෂාපහම් ॥ 07 ॥

හතං ජ්ඤානං ක්රියාහීනං හතශ්චාජ්ඤානතෝ නරඃ ।
හතං නිර්ණායකං සෛන්යං ස්ත්රියෝ නෂ්ටා හ්යභර්තෘකාඃ ॥ 08 ॥

වෘද්ධකාලේ මෘතා භාර්යා බංධුහස්තගතං ධනම් ।
භෝජනං ච පරාධීනං තිස්රඃ පුංසාං විඩංබනාඃ ॥ 09 ॥

නාග්නිහෝත්රං විනා වේදා න ච දානං විනා ක්රියා ।
න භාවේන විනා සිද්ධිස්තස්මාද්භාවෝ හි කාරණම් ॥ 10 ॥

න දේවෝ විද්යතේ කාෂ්ඨේ න පාෂාණේ න මෘණ්මයේ ।
න භාවේන විනා සිද්ධිස්තස්මාද්භාවෝ හි කාරණම් ॥ 11 ॥

කාෂ්ඨපාෂාණධාතූනාං කෘත්වා භාවේන සේවනම් ।
ශ්රද්ධයා ච තථා සිද්ධිස්තස්ය විෂ්ණුප්රසාදතඃ ॥ 12 ॥

න දේවෝ විද්යතේ කාෂ්ඨේ න පාෂාණේ න මෘන්මයේ ।
භාවේ හි විද්යතේ දේවස්තස්මාද්භාවෝ හි කාරණම් ॥ 13 ॥

ශාංතිතුල්යං තපෝ නාස්ති න සංතෝෂාත්පරං සුඛම් ।
අපත්යං ච කලත්රං ච සතාං සංගතිරේව ච ॥ 14 ॥

ගුණෝ භූෂයතේ රූපං ශීලං භූෂයතේ කුලම් ।
ප්රාසාදශිඛරස්ථෝऽපි කාකඃ කිං ගරුඩායතේ ॥ 15 ॥

නිර්ගුණස්ය හතං රූපං දුඃශීලස්ය හතං කුලම් ।
අසිද්ධස්ය හතා විද්යා හ්යභෝගේන හතං ධනම් ॥ 16 ॥

ශුද්ධං භූමිගතං තෝයං ශුද්ධා නාරී පතිව්රතා ।
ශුචිඃ ක්ෂේමකරෝ රාජා සංතෝෂෝ බ්රාහ්මණඃ ශුචිඃ ॥ 17 ॥

අසංතුෂ්ටා ද්විජා නෂ්ටාඃ සංතුෂ්ටාශ්ච මහීභෘතඃ ।
සලජ්ජා ගණිකා නෂ්ටා නිර්ලජ්ජාශ්ච කුලාංගනා ॥ 18 ॥

කිං කුලේන විශාලේන විද්යාහීනේන දේහිනාම් ।
දුෂ්කුලං චාපි විදුෂෝ දේවෛරපි ස පූජ්යතේ ॥ 19 ॥

විද්වාන්ප්රශස්යතේ ලෝකේ විද්වාන් සර්වත්ර පූජ්යතේ ।
විද්යයා ලභතේ සර්වං විද්යා සර්වත්ර පූජ්යතේ ॥ 20 ॥

මාංසභක්ෂ්යෛඃ සුරාපානෛර්මුඛෛශ්චාක්ෂරවර්ජිතෛඃ ।
පශුභිඃ පුරුෂාකාරෛර්භාරාක්රාංතා හි මේදිනී ॥ 21 ॥

අන්නහීනෝ දහේද්රාෂ්ට්රං මංත්රහීනශ්ච ඍත්විජඃ ।
යජමානං දානහීනෝ නාස්ති යජ්ඤසමෝ රිපුඃ ॥ 22 ॥