පුස්තකප්රත්යයාධීතං නාධීතං ගුරුසන්නිධෞ ।
සභාමධ්යේ න ශෝභංතේ ජාරගර්භා ඉව ස්ත්රියඃ ॥ 01 ॥
කෘතේ ප්රතිකෘතිං කුර්යාද්ධිංසනේ ප්රතිහිංසනම් ।
තත්ර දෝෂෝ න පතති දුෂ්ටේ දුෂ්ටං සමාචරේත් ॥ 02 ॥
යද්දූරං යද්දුරාරාධ්යං යච්ච දූරේ ව්යවස්ථිතම් ।
තත්සර්වං තපසා සාධ්යං තපෝ හි දුරතික්රමම් ॥ 03 ॥
ලෝභශ්චේදගුණේන කිං පිශුනතා යද්යස්ති කිං පාතකෛඃ
සත්යං චේත්තපසා ච කිං ශුචි මනෝ යද්යස්ති තීර්ථේන කිම් ।
සෞජන්යං යදි කිං ගුණෛඃ සුමහිමා යද්යස්ති කිං මංඩනෛඃ
සද්විද්යා යදි කිං ධනෛරපයශෝ යද්යස්ති කිං මෘත්යුනා ॥ 04 ॥
පිතා රත්නාකරෝ යස්ය ලක්ෂ්මීර්යස්ය සහෝදරා ।
ශංඛෝ භික්ෂාටනං කුර්යාන්න දත්තමුපතිෂ්ඨතේ ॥ 05 ॥
අශක්තස්තු භවේත්සාධු-ර්බ්රහ්මචාරී වා නිර්ධනඃ ।
ව්යාධිතෝ දේවභක්තශ්ච වෘද්ධා නාරී පතිව්රතා ॥ 06 ॥
නාऽන්නෝදකසමං දානං න තිථිර්ද්වාදශී සමා ।
න ගායත්ර්යාඃ පරෝ මංත්රෝ න මාතුර්දෛවතං පරම් ॥ 07 ॥
තක්ෂකස්ය විෂං දංතේ මක්ෂිකායාස්තු මස්තකේ ।
වෘශ්චිකස්ය විෂං පුච්ඡේ සර්වාංගේ දුර්ජනේ විෂම් ॥ 08 ॥
පත්යුරාජ්ඤාං විනා නාරී හ්යුපෝෂ්ය ව්රතචාරිණී ।
ආයුෂ්යං හරතේ භර්තුඃ සා නාරී නරකං ව්රජේත් ॥ 09 ॥
න දානෛඃ ශුධ්යතේ නාරී නෝපවාසශතෛරපි ।
න තීර්ථසේවයා තද්වද්භර්තුඃ පදෝදකෛර්යථා ॥ 10 ॥
පාදශේෂං පීතශේෂං සංධ්යාශේෂං තථෛව ච ।
ශ්වානමූත්රසමං තෝයං පීත්වා චාංද්රායණං චරේත් ॥ 11 ॥
දානේන පාණිර්න තු කංකණේන
ස්නානේන ශුද්ධිර්න තු චංදනේන ।
මානේන තෘප්තිර්න තු භෝජනේන
ජ්ඤානේන මුක්තිර්න තු මුංඩනේන ॥ 12 ॥
නාපිතස්ය ගෘහේ ක්ෂෞරං පාෂාණේ ගංධලේපනම් ।
ආත්මරූපං ජලේ පශ්යන් ශක්රස්යාපි ශ්රියං හරේත් ॥ 13 ॥
සද්යඃ ප්රජ්ඤාහරා තුංඩී සද්යඃ ප්රජ්ඤාකරී වචා ।
සද්යඃ ශක්තිහරා නාරී සද්යඃ ශක්තිකරං පයඃ ॥ 14 ॥
පරෝපකරණං යේෂාං ජාගර්ති හෘදයේ සතාම් ।
නශ්යංති විපදස්තේෂාං සංපදඃ ස්යුඃ පදේ පදේ ॥ 15 ॥
යදි රාමා යදි ච රමා යදි තනයෝ විනයගුණෝපේතඃ ।
තනයේ තනයෝත්පත්තිඃ සුරවරනගරේ කිමාධික්යම් ॥ 16 ॥
ආහාරනිද්රාභයමෛථුනානි
සමානි චෛතානි නෘණාං පශූනාම් ।
ජ්ඤානං නරාණාමධිකෝ විශේෂෝ
ජ්ඤානේන හීනාඃ පශුභිඃ සමානාඃ ॥ 17 ॥
දානාර්ථිනෝ මධුකරා යදි කර්ණතාලෛර්දූරීකෘතාඃ
දූරීකෘතාඃ කරිවරේණ මදාංධබුද්ධ්යා ।
තස්යෛව ගංඩයුග්මමංඩනහානිරේෂා
භෘංගාඃ පුනර්විකචපද්මවනේ වසංති ॥ 18 ॥
රාජා වේශ්යා යමශ්චාග්නිස්තස්කරෝ බාලයාචකෞ ।
පරදුඃඛං න ජානංති අෂ්ටමෝ ග්රාමකංටකඃ ॥ 19 ॥
අධඃ පශ්යසි කිං බාලේ පතිතං තව කිං භුවි ।
රේ රේ මූර්ඛ න ජානාසි ගතං තාරුණ්යමෞක්තිකම් ॥ 20 ॥
ව්යාලාශ්රයාපි විකලාපි සකංටකාපි
වක්රාපි පංකිලභවාපි දුරාසදාපි ।
ගංධේන බංධුරසි කේතකි සර්වජංතා
රේකෝ ගුණඃ ඛලු නිහංති සමස්තදෝෂාන් ॥ 21 ॥
