මුක්තිමිච්ඡසි චේත්තාත විෂයාන්විෂවත්ත්යජ ।
ක්ෂමාර්ජවදයාශෞචං සත්යං පීයූෂවත්පිබ ॥ 01 ॥

පරස්පරස්ය මර්මාණි යේ භාෂංතේ නරාධමාඃ ।
ත ඒව විලයං යාංති වල්මීකෝදරසර්පවත් ॥ 02 ॥

ගංධඃ සුවර්ණේ ඵලමික්ෂුදංඩේ
නාකරි පුෂ්පං ඛලු චංදනස්ය ।
විද්වාංධනාඪ්යශ්ච නෘපශ්චිරායුඃ
ධාතුඃ පුරා කෝऽපි න බුද්ධිදෝऽභූත් ॥ 03 ॥

සර්වෞෂධීනාමමෘතා ප්රධානා
සර්වේෂු සෞඛ්යේෂ්වශනං ප්රධානම් ।
සර්වේංද්රියාණාං නයනං ප්රධානං
සර්වේෂු ගාත්රේෂු ශිරඃ ප්රධානම් ॥ 04 ॥

දූතෝ න සංචරති ඛේ න චලේච්ච වාර්තා
පූර්වං න ජල්පිතමිදං න ච සංගමෝऽස්ති ।
ව්යෝම්නි ස්ථිතං රවිශාශිග්රහණං ප්රශස්තං
ජානාති යෝ ද්විජවරඃ ස කථං න විද්වාන් ॥ 05 ॥

විද්යාර්ථී සේවකඃ පාංථඃ ක්ෂුධාර්තෝ භයකාතරඃ ।
භාංඩාරී ප්රතිහාරී ච සප්ත සුප්තාන්ප්රබෝධයේත් ॥ 06 ॥

අහිං නෘපං ච ශාර්දූලං වෘද්ධං ච බාලකං තථා ।
පරශ්වානං ච මූර්ඛං ච සප්ත සුප්තාන්න බෝධයේත් ॥ 07 ॥

අර්ධාධීතාශ්ච යෛර්වේදාස්තථා ශූද්රාන්නභෝජනාඃ ।
තේ ද්විජාඃ කිං කරිෂ්යංති නිර්විෂා ඉව පන්නගාඃ ॥ 08 ॥

යස්මින්රුෂ්ටේ භයං නාස්ති තුෂ්ටේ නෛව ධනාගමඃ ।
නිග්රහෝऽනුග්රහෝ නාස්ති ස රුෂ්ටඃ කිං කරිෂ්යති ॥ 09 ॥

නිර්විෂේණාපි සර්පේණ කර්තව්යා මහතී ඵණා ।
විෂමස්තු න චාප්යස්තු ඝටාටෝපෝ භයංකරඃ ॥ 10 ॥

ප්රාතර්ද්යූතප්රසංගේන මධ්යාහ්නේ ස්ත්රීප්රසංගතඃ ।
රාත්රෞ චෞරප්රසංගේන කාලෝ ගච්ඡංති ධීමතාම් ॥ 11 ॥

ස්වහස්තග්රථිතා මාලා ස්වහස්තඝෘෂ්ටචංදනම් ।
ස්වහස්තලිඛිතං ස්තෝත්රං ශක්රස්යාපි ශ්රියං හරේත් ॥ 12 ॥

ඉක්ෂුදංඩාස්තිලාඃ ශූද්රාඃ කාංතා හේම ච මේදිනී ।
චංදනං දධි තාංබූලං මර්දනං ගුණවර්ධනම් ॥ 13 ॥

දහ්යමානාඃ සුතීව්රේණ නීචාඃ පරයශෝऽග්නිනා
අශක්තාස්තත්පදං ගංතුං තතෝ නිංදාං ප්රකුර්වතේ ।
දරිද්රතා ධීරතයා විරාජතේකුවස්ත්රතා ශුභ්රතයා විරාජතේ
කදන්නතා චෝෂ්ණතයා විරාජතේ කුරූපතා ශීලතයා විරාජතේ ॥ 14 ॥