ශුංභෝවධෝ නාම දශමෝऽධ්යායඃ ॥
ඍෂිරුවාච॥1॥
නිශුංභං නිහතං දෘෂ්ට්වා භ්රාතරංප්රාණසම්මිතං।
හන්යමානං බලං චෛව ශුංබඃ කෘද්ධෝऽබ්රවීද්වචඃ ॥ 2 ॥
බලාවලේපදුෂ්ටේ ත්වං මා දුර්ගේ ගර්ව මාවහ।
අන්යාසාං බලමාශ්රිත්ය යුද්ද්යසේ චාතිමානිනී ॥3॥
දේව්යුවාච ॥4॥
ඒකෛවාහං ජගත්යත්ර ද්විතීයා කා මමාපරා।
පශ්යෛතා දුෂ්ට මය්යේව විශංත්යෝ මද්විභූතයඃ ॥5॥
තතඃ සමස්තාස්තා දේව්යෝ බ්රහ්මාණී ප්රමුඛාලයම්।
තස්යා දේව්යාස්තනෞ ජග්මුරේකෛවාසීත්තදාංබිකා ॥6॥
දේව්යුවාච ॥6॥
අහං විභූත්යා බහුභිරිහ රූපෛර්යදාස්ථිතා।
තත්සංහෘතං මයෛකෛව තිෂ්ටාම්යාජෞ ස්ථිරෝ භව ॥8॥
ඍෂිරුවාච ॥9॥
තතඃ ප්රවවෘතේ යුද්ධං දේව්යාඃ ශුංභස්ය චෝභයෝඃ।
පශ්යතාං සර්වදේවානාං අසුරාණාං ච දාරුණම් ॥10॥
ශර වර්ෂෛඃ ශිතෛඃ ශස්ත්රෛස්තථා චාස්ත්රෛඃ සුදාරුණෛඃ।
තයෝර්යුද්දමභූද්භූයඃ සර්වලෝකභයජ්ඤ්කරම් ॥11॥
දිව්යාන්යශ්ත්රාණි ශතශෝ මුමුචේ යාන්යථාංබිකා।
බභජ්ඤ තානි දෛත්යේංද්රස්තත්ප්රතීඝාතකර්තෘභිඃ ॥12॥
මුක්තානි තේන චාස්ත්රාණි දිව්යානි පරමේශ්වරී।
බභංජ ලීලයෛවෝග්ර හූජ්කාරෝච්චාරණාදිභිඃ॥13॥
තතඃ ශරශතෛර්දේවීං ආච්චාදයත සෝऽසුරඃ।
සාපි තත්කුපිතා දේවී ධනුශ්චිඡ්චේද චේෂුභිඃ॥14॥
චින්නේ ධනුෂි දෛත්යේංද්රස්තථා ශක්තිමථාදදේ।
චිඡ්චේද දේවී චක්රේණ තාමප්යස්ය කරේස්ථිතාම්॥15॥
තතඃ ඛඩ්ග මුපාදාය ශත චංද්රං ච භානුමත්।
අභ්යධාවත්තදා දේවීං දෛත්යානාමධිපේශ්වරඃ॥16॥
තස්යාපතත ඒවාශු ඛඩ්ගං චිච්ඡේද චංඩිකා।
ධනුර්මුක්තෛඃ ශිතෛර්බාණෛශ්චර්ම චාර්කකරාමලම්॥17॥
හතාශ්වඃ පතත ඒවාශු ඛඩ්ගං චිඡ්චේද චංඩිකා।
ජග්රාහ මුද්ගරං ඝෝරං අංබිකානිධනෝද්යතඃ॥18॥
චිච්ඡේදාපතතස්තස්ය මුද්ගරං නිශිතෛඃ ශරෛඃ।
තථාපි සෝऽභ්යධාවත්තං මුෂ්ටිමුද්යම්යවේගවාන්॥19॥
ස මුෂ්ටිං පාතයාමාස හෘදයේ දෛත්ය පුංගවඃ।
දේව්යාස්තං චාපි සා දේවී තලේ නෝ රස්ය තාඩයත්॥20॥
තලප්රහාරාභිහතෝ නිපපාත මහීතලේ।
ස දෛත්යරාජඃ සහසා පුනරේව තථෝත්ථිතඃ॥21॥
උත්පත්ය ච ප්රගෘහ්යෝච්චෛර් දේවීං ගගනමාස්ථිතඃ।
තත්රාපි සා නිරාධාරා යුයුධේ තේන චංඩිකා॥22॥
නියුද්ධං ඛේ තදා දෛත්ය ශ්චංඩිකා ච පරස්පරම්।
චක්රතුඃ ප්රධමං සිද්ධ මුනිවිස්මයකාරකම්॥23॥
තතෝ නියුද්ධං සුචිරං කෘත්වා තේනාංබිකා සහ।
උත්පාට්ය භ්රාමයාමාස චික්ෂේප ධරණීතලේ॥24॥
සක්ෂිප්තෝධරණීං ප්රාප්ය මුෂ්ටිමුද්යම්ය වේගවාන්।
අභ්යධාවත දුෂ්ටාත්මා චංඩිකානිධනේච්ඡයා॥25॥
තමායංතං තතෝ දේවී සර්වදෛත්යජනේශර්වම්।
ජගත්යාං පාතයාමාස භිත්වා ශූලේන වක්ෂසි॥26॥
ස ගතාසුඃ පපාතෝර්ව්යාං දේවීශූලාග්රවික්ෂතඃ।
චාලයන් සකලාං පෘථ්වීං සාබ්දිද්වීපාං සපර්වතාම් ॥27॥
තතඃ ප්රසන්න මඛිලං හතේ තස්මින් දුරාත්මනි।
ජගත්ස්වාස්ථ්යමතීවාප නිර්මලං චාභවන්නභඃ ॥28॥
උත්පාතමේඝාඃ සෝල්කා යේප්රාගාසංස්තේ ශමං යයුඃ।
සරිතෝ මාර්ගවාහින්යස්තථාසංස්තත්ර පාතිතේ ॥29॥
තතෝ දේව ගණාඃ සර්වේ හර්ෂ නිර්භරමානසාඃ।
බභූවුර්නිහතේ තස්මින් ගංදර්වා ලලිතං ජගුඃ॥30॥
අවාදයං ස්තථෛවාන්යේ නනෘතුශ්චාප්සරෝගණාඃ।
වවුඃ පුණ්යාස්තථා වාතාඃ සුප්රභෝऽ භූද්ධිවාකරඃ॥31॥
ජජ්වලුශ්චාග්නයඃ ශාංතාඃ ශාංතදිග්ජනිතස්වනාඃ॥32॥
॥ ස්වස්ති ශ්රී මාර්කංඩේය පුරාණේ සාවර්නිකේමන්වංතරේ දේවි මහත්ම්යේ ශුංභෝවධෝ නාම දශමෝ ධ්යායඃ සමාප්තම් ॥
ආහුති
ඕං ක්ලීං ජයංතී සාංගායෛ සශක්තිකායෛ සපරිවාරායෛ සවාහනායෛ කාමේශ්වර්යෛ මහාහුතිං සමර්පයාමි නමඃ ස්වාහා ॥
