ශුංභනිශුංභසේනානීධූම්රලෝචනවධෝ නාම ෂෂ්ටෝ ධ්යායඃ ॥
ධ්යානං
නගාධීශ්වර විෂ්ත්රාං ඵණි ඵණෝත්තංසෝරු රත්නාවළී
භාස්වද් දේහ ලතාං නිභऽඋ නේත්රයෝද්භාසිතාම් ।
මාලා කුංභ කපාල නීරජ කරාං චංද්රා අර්ධ චූඪාංබරාං
සර්වේශ්වර භෛරවාංග නිලයාං පද්මාවතීචිංතයේ ॥
ඍෂිරුවාච ॥1॥
ඉත්යාකර්ණ්ය වචෝ දේව්යාඃ ස දූතෝऽමර්ෂපූරිතඃ ।
සමාචෂ්ට සමාගම්ය දෛත්යරාජාය විස්තරාත් ॥ 2 ॥
තස්ය දූතස්ය තද්වාක්යමාකර්ණ්යාසුරරාට් තතඃ ।
ස ක්රෝධඃ ප්රාහ දෛත්යානාමධිපං ධූම්රලෝචනම් ॥3॥
හේ ධූම්රලෝචනාශු ත්වං ස්වසෛන්ය පරිවාරිතඃ।
තාමානය බල්ලාද්දුෂ්ටාං කේශාකර්ෂණ විහ්වලාම් ॥4॥
තත්පරිත්රාණදඃ කශ්චිද්යදි වෝත්තිෂ්ඨතේऽපරඃ।
ස හංතව්යෝऽමරෝවාපි යක්ෂෝ ගංධර්ව ඒව වා ॥5॥
ඍෂිරුවාච ॥6॥
තේනාජ්ඤප්තස්තතඃ ශීඝ්රං ස දෛත්යෝ ධූම්රලෝචනඃ।
වෘතඃ ෂෂ්ට්යා සහස්රාණාං අසුරාණාංද්රුතංයමෞ ॥6॥
න දෘෂ්ට්වා තාං තතෝ දේවීං තුහිනාචල සංස්ථිතාං।
ජගාදෝච්චෛඃ ප්රයාහීති මූලං ශුංබනිශුංභයෝඃ ॥8॥
න චේත්ප්රීත්යාද්ය භවතී මද්භර්තාරමුපෛෂ්යති
තතෝ බලාන්නයාම්යේෂ කේශාකර්ෂණවිහ්වලාම් ॥9॥
දේව්යුවාච ॥10॥
දෛත්යේශ්වරේණ ප්රහිතෝ බලවාන්බලසංවෘතඃ।
බලාන්නයසි මාමේවං තතඃ කිං තේ කරෝම්යහම් ॥11॥
ඍෂිරුවාච ॥12॥
ඉත්යුක්තඃ සෝऽභ්යධාවත්තාං අසුරෝ ධූම්රලෝචනඃ।
හූංකාරේණෛව තං භස්ම සා චකාරාංබිකා තදා॥13॥
අථ ක්රුද්ධං මහාසෛන්යං අසුරාණාං තථාංබිකා।
වවර්ෂ සායුකෛස්තීක්ෂ්ණෛස්තථා ශක්තිපරශ්වධෛඃ ॥14॥
තතෝ ධුතසටඃ කෝපාත්කෘත්වා නාදං සුභෛරවම්।
පපාතාසුර සේනායාං සිංහෝ දේව්යාඃ ස්වවාහනඃ ॥15॥
කාංශ්චිත්කරප්රහාරේණ දෛත්යානාස්යේන චාපාරාන්।
ආක්රාංත්යා චාධරේණ්යාන් ජඝාන ස මහාසුරාන් ॥16॥
කේෂාංචිත්පාටයාමාස නඛෛඃ කෝෂ්ඨානි කේසරී।
තථා තලප්රහාරේණ ශිරාංසි කෘතවාන් පෘථක් ॥17॥
විච්ඡින්නබාහුශිරසඃ කෘතාස්තේන තථාපරේ।
පපෞච රුධිරං කෝෂ්ඨාදන්යේෂාං ධුතකේසරඃ ॥18॥
ක්ෂණේන තද්බලං සර්වං ක්ෂයං නීතං මහාත්මනා।
තේන කේසරිණා දේව්යා වාහනේනාතිකෝපිනා ॥19॥
ශ්රුත්වා තමසුරං දේව්යා නිහතං ධූම්රලෝචනම්।
බලං ච ක්ෂයිතං කෘත්ස්නං දේවී කේසරිණා තතඃ॥20॥
චුකෝප දෛත්යාධිපතිඃ ශුංභඃ ප්රස්ඵුරිතාධරඃ।
ආජ්ඤාපයාමාස ච තෞ චංඩමුංඩෞ මහාසුරෞ ॥21॥
හේචංඩ හේ මුංඩ බලෛර්බහුභිඃ පරිවාරිතෞ
තත්ර ගච්ඡත ගත්වා ච සා සමානීයතාං ලඝු ॥22॥
කේශේෂ්වාකෘෂ්ය බද්ධ්වා වා යදි වඃ සංශයෝ යුධි।
තදාශේෂා යුධෛඃ සර්වෛර් අසුරෛර්විනිහන්යතාං ॥23॥
තස්යාං හතායාං දුෂ්ටායාං සිංහේ ච විනිපාතිතේ।
ශීඝ්රමාගම්යතාං බද්වා ගෘහීත්වාතාමථාංබිකාම් ॥24॥
॥ ස්වස්ති ශ්රී මාර්කංඩේය පුරාණේ සාවර්නිකේමන්වංතරේ දේවි මහත්ම්යේ ශුංභනිශුංභසේනානීධූම්රලෝචනවධෝ නාම ෂෂ්ටෝ ධ්යායඃ ॥
ආහුති
ඕං ක්ලීං ජයංතී සාංගායෛ සශක්තිකායෛ සපරිවාරායෛ සවාහනායෛ මහාහුතිං සමර්පයාමි නමඃ ස්වාහා ॥
