අස්ය ශ්රීසිද්ධලක්ෂ්මීස්තෝත්රමංත්රස්ය හිරණ්යගර්භ ඍෂිඃ අනුෂ්ටුප් ඡංදඃ, ශ්රීමහාකාළීමහාලක්ෂ්මීමහාසරස්වත්යෝ දේවතාඃ ශ්රීං බීජං හ්රීං ශක්තිඃ ක්ලීං කීලකං මම සර්වක්ලේශපීඩාපරිහාරාර්ථං සර්වදුඃඛදාරිද්ර්යනාශනාර්ථං සර්වකාර්යසිද්ධ්යර්ථං ශ්රීසිද්ධිලක්ෂ්මීස්තෝත්ර පාඨේ විනියෝගඃ ॥

ඍෂ්යාදින්යාසඃ
ඕං හිරණ්යගර්භ ඍෂයේ නමඃ ශිරසි ।
අනුෂ්ටුප්ඡංදසේ නමෝ මුඛේ ।
ශ්රීමහාකාළීමහාලක්ෂ්මීමහාසරස්වතීදේවතාභ්යෝ නමෝ හෘදිඃ ।
ශ්රීං බීජාය නමෝ ගුහ්යේ ।
හ්රීං ශක්තයේ නමඃ පාදයෝඃ ।
ක්ලීං කීලකාය නමෝ නාභෞ ।
විනියෝගාය නමඃ සර්වාංගේෂු ॥

කරන්යාසඃ
ඕං ශ්රීං සිද්ධලක්ෂ්ම්යෛ අංගුෂ්ඨාභ්යාං නමඃ ।
ඕං හ්රීං විෂ්ණුතේජසේ තර්ජනීභ්යාං නමඃ ।
ඕං ක්ලීං අමෘතානංදායෛ මධ්යමාභ්යාං නමඃ ।
ඕං ශ්රීං දෛත්යමාලින්යෛ අනාමිකාභ්යාං නමඃ ।
ඕං හ්රීං තේජඃ ප්රකාශින්යෛ කනිෂ්ඨිකාභ්යාං නමඃ ।
ඕං ක්ලීං බ්රාහ්ම්යෛ වෛෂ්ණව්යෛ රුද්රාණ්යෛ කරතල කරපෘෂ්ඨාභ්යාං නමඃ ॥

අංගන්යාසඃ
ඕං ශ්රීං සිද්ධලක්ෂ්ම්යෛ හෘදයාය නමඃ ।
ඕං හ්රීං විෂ්ණුතේජසේ ශිරසේ ස්වාහා ।
ඕං ක්ලීං අමෘතානංදායෛ ශිඛායෛ වෂට් ।
ඕං ශ්රීං දෛත්යමාලින්යෛ කවචාය හුම් ।
ඕං හ්රීං තේජඃ ප්රකාශින්යෛ නේත්රත්රයාය වෞෂට් ।
ඕං ක්ලීං බ්රාහ්ම්යෛ වෛෂ්ණව්යෛ රුද්රාණ්යෛ අස්ත්රාය ඵට් ॥
ඕං ශ්රීං හ්රීං ක්ලීං ශ්රීං සිද්ධලක්ෂ්ම්යෛ නමඃ ඉති දිග්බංධඃ ॥

අථ ධ්යානම්
බ්රාහ්මීං ච වෛෂ්ණවීං භද්රාං ෂඩ්භුජාං ච චතුර්මුඛීම් ।
ත්රිනේත්රාං ඛඩ්ගත්රිශූලපද්මචක්රගදාධරාම් ॥ 1 ॥

පීතාංබරධරාං දේවීං නානාලංකාරභූෂිතාම් ।
තේජඃපුංජධරීං ශ්රේෂ්ඨාං ධ්යායේද්බාලකුමාරිකාම් ॥ 2 ॥

අථ ස්තෝත්රම්
ඕංකාරං ලක්ෂ්මීරූපං තු විෂ්ණුං වාග්භවමව්යයම් ।
විෂ්ණුමානංදමව්යක්තං හ්රීංකාරං බීජරූපිණීම් ॥ 3 ॥

ක්ලීං අමෘතානංදිනීං භද්රාං සත්යානංදදායිනීම් ।
ශ්රීං දෛත්යශමනීං ශක්තිං මාලිනීං ශත්රුමර්දිනීම් ॥ 4 ॥

තේජඃ ප්රකාශිනීං දේවීං වරදාං ශුභකාරිණීම් ।
බ්රාහ්මීං ච වෛෂ්ණවීං රෞද්රීං කාලිකාරූපශෝභිනීම් ॥ 5 ॥

අකාරේ ලක්ෂ්මීරූපං තු උකාරේ විෂ්ණුමව්යයම් ।
මකාරඃ පුරුෂෝऽව්යක්තෝ දේවී ප්රණව උච්යතේ ॥ 6 ॥

සූර්යකෝටිප්රතීකාශං චංද්රකෝටිසමප්රභම් ।
තන්මධ්යේ නිකරං සූක්ෂ්මං බ්රහ්මරුපං ව්යවස්ථිතම් ॥ 7 ॥

ඕංකාරං පරමානංදං සදෛව සුරසුංදරීම් ।
සිද්ධලක්ෂ්මී මෝක්ෂලක්ෂ්මී ආද්යලක්ෂ්මී නමෝऽස්තු තේ ॥ 8 ॥

ශ්රීංකාරං පරමං සිද්ධං සර්වබුද්ධිප්රදායකම් ।
සෞභාග්යාऽමෘතා කමලා සත්යලක්ෂ්මී නමෝऽස්තු තේ ॥ 9 ॥

හ්රීංකාරං පරමං ශුද්ධං පරමෛශ්වර්යදායකම් ।
කමලා ධනදා ලක්ෂ්මී භෝගලක්ෂ්මී නමෝऽස්තු තේ ॥ 10 ॥

ක්ලීංකාරං කාමරූපිණ්යං කාමනාපරිපූර්තිදම් ।
චපලා චංචලා ලක්ෂ්මී කාත්යායනී නමෝऽස්තු තේ ॥ 11 ॥

ශ්රීංකාරං සිද්ධිරූපිණ්යං සර්වසිද්ධිප්රදායකම් ।
පද්මානනාං ජගන්මාත්රේ අෂ්ටලක්ෂ්මීං නමෝऽස්තු තේ ॥ 12 ॥

සර්වමංගළමාංගළ්යේ ශිවේ සර්වාර්ථසාධිකේ ।
ශරණ්යේ ත්ර්යංබකේ ගෞරි නාරායණී නමෝऽස්තු තේ ॥ 13 ॥

ප්රථමං ත්ර්යංබකා ගෞරී ද්විතීයං වෛෂ්ණවී තථා ।
තෘතීයං කමලා ප්රෝක්තා චතුර්ථං සුංදරී තථා ॥ 14 ॥

පංචමං විෂ්ණුශක්තිශ්ච ෂෂ්ඨං කාත්යායනී තථා ।
වාරාහී සප්තමං චෛව හ්යෂ්ටමං හරිවල්ලභා ॥ 15 ॥

නවමං ඛඩ්ගිනී ප්රෝක්තා දශමං චෛව දේවිකා ।
ඒකාදශං සිද්ධලක්ෂ්මීර්ද්වාදශං හංසවාහිනී ॥ 16 ॥

උත්තරන්යාසඃ
ඕං ශ්රීං සිද්ධලක්ෂ්ම්යෛ හෘදයාය නමඃ ।
ඕං හ්රීං විෂ්ණුතේජසේ ශිරසේ ස්වාහා ।
ඕං ක්ලීං අමෘතානංදායෛ ශිඛායෛ වෂට් ।
ඕං ශ්රීං දෛත්යමාලින්යෛ කවචාය හුම් ।
ඕං හ්රීං තේජඃ ප්රකාශින්යෛ නේත්රත්රයාය වෞෂට් ।
ඕං ක්ලීං බ්රාහ්ම්යෛ වෛෂ්ණව්යෛ රුද්රාණ්යෛ අස්ත්රාය ඵට් ॥
ඕං ශ්රීං හ්රීං ක්ලීං ශ්රීං සිද්ධලක්ෂ්ම්යෛ නමඃ ඉති දිග්විමෝකඃ ॥

අථ ඵලශෘතිඃ
ඒතත් ස්තෝත්රවරං දේව්යා යේ පඨංති සදා නරාඃ ।
සර්වාපද්භ්යෝ විමුච්යංතේ නාත්ර කාර්යා විචාරණා ॥ 17 ॥

ඒකමාසං ද්විමාසං ච ත්රිමාසං ච චතුස්ථථා ।
පංචමාසං ච ෂණ්මාසං ත්රිකාලං යඃ සදා පඨේත් ॥ 18 ॥

බ්රාහ්මණඃ ක්ලේශිතෝ දුඃඛී දාරිද්ර්යභයපීඩිතඃ ।
ජන්මාංතර සහස්රෝත්ථෛර්මුච්යතේ සර්වකිල්බෂෛඃ ॥ 19 ॥

දරිද්රෝ ලභතේ ලක්ෂ්මීමපුත්රඃ පුත්රවාන් භවේත් ।
ධන්යෝ යශස්වී ශත්රුඝ්නෝ වහ්නිචෞරභයේෂු ච ॥ 20 ॥

ශාකිනී භූත වේතාල සර්ප ව්යාඝ්ර නිපාතනේ ।
රාජද්වාරේ සභාස්ථානේ කාරාගෘහනිබංධනේ ॥ 21 ॥

ඊශ්වරේණ කෘතං ස්තෝත්රං ප්රාණිනාං හිතකාරකම් ।
ස්තුවංතු බ්රාහ්මණාඃ නිත්යං දාරිද්ර්යං න ච බාධතේ ॥ 22 ॥

සර්වපාපහරා ලක්ෂ්මීඃ සර්වසිද්ධිප්රදායිනීම් ।
සාධකාඃ ලභතේ සර්වං පඨේත් ස්තෝත්රං නිරංතරම් ॥ 23 ॥

ප්රාර්ථනා
යා ශ්රීඃ පද්මවනේ කදංබශිඛරේ රාජගෘහේ කුංජරේ
ශ්වේතේ චාශ්වයුතේ වෘෂේ ච යුගලේ යජ්ඤේ ච යූපස්ථිතේ ।
ශංඛේ දෛවකුලේ නරේංද්රභවනේ ගංගාතටේ ගෝකුලේ
සා ශ්රීස්තිෂ්ඨතු සර්වදා මම ගෘහේ භූයාත් සදා නිශ්චලා ॥

යා සා පද්මාසනස්ථා විපුලකටිතටී පද්මපත්රායතාක්ෂී
ගංභීරාවර්තනාභිඃ ස්තනභරනමිතා ශුද්ධවස්ත්රෝත්තරීයා ।
ලක්ෂ්මීර්දිව්යෛර්ගජේංද්රෛර්මණිගණඛචිතෛඃ ස්නාපිතා හේමකුංභෛඃ
නිත්යං සා පද්මහස්තා මම වසතු ගෘහේ සර්වමාංගළ්යයුක්තා ॥

ඉති ශ්රීබ්රහ්මපුරාණේ ඊශ්වරවිෂ්ණුසංවාදේ ශ්රී සිද්ධලක්ෂ්මී ස්තෝත්රම් ॥