ආනංදමංථරපුරංදරමුක්තමාල්යං
මෞලෞ හඨේන නිහිතං මහිෂාසුරස්ය ।
පාදාංබුජං භවතු මේ විජයාය මංජු-
-මංජීරශිංජිතමනෝහරමංබිකායාඃ ॥ 1 ॥
දේවි ත්ර්යංබකපත්නි පාර්වති සති ත්රෛලෝක්යමාතඃ ශිවේ
ශර්වාණි ත්රිපුරේ මෘඩානි වරදේ රුද්රාණි කාත්යායනි ।
භීමේ භෛරවි චංඩි ශර්වරිකලේ කාලක්ෂයේ ශූලිනි
ත්වත්පාදප්රණතානනන්යමනසඃ පර්යාකුලාන්පාහි නඃ ॥ 2 ॥
දේවි ත්වාං සකෘදේව යඃ ප්රණමති ක්ෂෝණීභෘතස්තං නම-
-ංත්යාජන්මස්ඵුරදංඝ්රිපීඨවිලුඨත්කෝටීරකෝටිච්ඡටාඃ ।
යස්ත්වාමර්චති සෝऽර්ච්යතේ සුරගණෛර්යඃ ස්තෞති ස ස්තූයතේ
යස්ත්වාං ධ්යායති තං ස්මරාර්තිවිධුරා ධ්යායංති වාමභ්රුවඃ ॥ 3 ॥
උන්මත්තා ඉව සග්රහා ඉව විෂව්යාසක්තමූර්ඡා ඉව
ප්රාප්තප්රෞඪමදා ඉවාර්තිවිරහග්රස්තා ඉවාර්තා ඉව ।
යේ ධ්යායංති හි ශෛලරාජතනයාං ධන්යාස්ත ඒවාග්රතඃ
ත්යක්තෝපාධිවිවෘද්ධරාගමනසෝ ධ්යායංති තාන්සුභ්රුවඃ ॥ 4 ॥
ධ්යායංති යේ ක්ෂණමපි ත්රිපුරේ හෘදි ත්වාං
ලාවණ්යයෞවනධනෛරපි විප්රයුක්තාඃ ।
තේ විස්ඵුරංති ලලිතායතලෝචනානාං
චිත්තෛකභිත්තිලිඛිතප්රතිමාඃ පුමාංසඃ ॥ 5 ॥
ඒතං කිං නු දෘශා පිබාම්යුත විශාම්යස්යාංගමංගෛර්නිජෛඃ
කිං වාऽමුං නිගරාම්යනේන සහසා කිං වෛකතාමාශ්රයේ ।
යස්යේත්ථං විවශෝ විකල්පලලිතාකූතේන යෝෂිජ්ජනඃ
කිං තද්යන්න කරෝති දේවි හෘදයේ යස්ය ත්වමාවර්තසේ ॥ 6 ॥
විශ්වව්යාපිනි යද්වදීශ්වර ඉති ස්ථාණාවනන්යාශ්රයඃ
ශබ්දඃ ශක්තිරිති ත්රිලෝකජනනි ත්වය්යේව තථ්යස්ථිතිඃ ।
ඉත්ථං සත්යපි ශක්නුවංති යදිමාඃ ක්ෂුද්රා රුජෝ බාධිතුං
ත්වද්භක්තානපි න ක්ෂිණෝෂි ච රුෂා තද්දේවි චිත්රං මහත් ॥ 7 ॥
ඉංදෝර්මධ්යගතාං මෘගාංකසදෘශච්ඡායාං මනෝහාරිණීං
පාංඩූත්ඵුල්ලසරෝරුහාසනගතා ස්නිග්ධප්රදීපච්ඡවිම් ।
වර්ෂංතීමමෘතං භවානි භවතීං ධ්යායංති යේ දේහිනඃ
තේ නිර්මුක්තරුජෝ භවංති රිපවඃ ප්රෝජ්ඣංති තාංදූරතඃ ॥ 8 ॥
පූර්ණේංදෝඃ ශකලෛරිවාතිබහලෛඃ පීයූෂපූරෛරිව
ක්ෂීරාබ්ධේර්ලහරීභරෛරිව සුධාපංකස්ය පිංඩෛරිව ।
ප්රාලේයෛරිව නිර්මිතං තව වපුර්ධ්යායංති යේ ශ්රද්ධයා
චිත්තාංතර්නිහිතාර්තිතාපවිපදස්තේ සංපදං බිභ්රති ॥ 9 ॥
යේ සංස්මරංති තරලාං සහසෝල්ලසංතීං
ත්වාං ග්රංථිපංචකභිදං තරුණාර්කශෝණාම් ।
රාගාර්ණවේ බහලරාගිණි මජ්ජයංතීං
කෘත්ස්නං ජගද්දධති චේතසි තාන්මෘගාක්ෂ්යඃ ॥ 10 ॥
ලාක්ෂාරසස්නපිතපංකජතංතුතන්වීං
අංතඃ ස්මරත්යනුදිනං භවතීං භවානි ।
යස්තං ස්මරප්රතිමමප්රතිමස්වරූපාඃ
නේත්රෝත්පලෛර්මෘගදෘශෝ භෘශමර්චයංති ॥ 11 ॥
ස්තුමස්ත්වාං වාචමව්යක්තාං හිමකුංදේංදුරෝචිෂම් ।
කදංබමාලාං බිභ්රාණාමාපාදතලලංබිනීම් ॥ 12 ॥
මූර්ධ්නීංදෝඃ සිතපංකජාසනගතාං ප්රාලේයපාංඩුත්විෂං
වර්ෂංතීමමෘතං සරෝරුහභුවෝ වක්ත්රේऽපි රංධ්රේऽපි ච ।
අච්ඡින්නා ච මනෝහරා ච ලලිතා චාතිප්රසන්නාපි ච
ත්වාමේවං ස්මරතඃ ස්මරාරිදයිතේ වාක්සර්වතෝ වල්ගති ॥ 13 ॥
දදාතීෂ්ටාන්භෝගාන් ක්ෂපයති රිපූන්හංති විපදෝ
දහත්යාධීන්ව්යාධීන් ශමයති සුඛානි ප්රතනුතේ ।
හඨාදංතර්දුඃඛං දලයති පිනෂ්ටීෂ්ටවිරහං
සකෘද්ධ්යාතා දේවී කිමිව නිරවද්යං න කුරුතේ ॥ 14 ॥
යස්ත්වාං ධ්යායති වේත්ති විංදති ජපත්යාලෝකතේ චිංතය-
-ත්යන්වේති ප්රතිපද්යතේ කලයති ස්තෞත්යාශ්රයත්යර්චති ।
යශ්ච ත්ර්යංබකවල්ලභේ තව ගුණානාකර්ණයත්යාදරාත්
තස්ය ශ්රීර්න ගෘහාදපෛති විජයස්තස්යාග්රතෝ ධාවති ॥ 15 ॥
කිං කිං දුඃඛං දනුජදලිනි ක්ෂීයතේ න ස්මෘතායාං
කා කා කීර්තිඃ කුලකමලිනි ඛ්යාප්යතේ න ස්තුතායාම් ।
කා කා සිද්ධිඃ සුරවරනුතේ ප්රාප්යතේ නාර්චිතායාං
කං කං යෝගං ත්වයි න චිනුතේ චිත්තමාලංබිතායාම් ॥ 16 ॥
යේ දේවි දුර්ධරකෘතාංතමුඛාංතරස්ථාඃ
යේ කාලි කාලඝනපාශනිතාංතබද්ධාඃ ।
යේ චංඩි චංඩගුරුකල්මෂසිංධුමග්නාඃ
තාන්පාසි මෝචයසි තාරයසි ස්මෘතෛව ॥ 17 ॥
ලක්ෂ්මීවශීකරණචූර්ණසහෝදරාණි
ත්වත්පාදපංකජරජාංසි චිරං ජයංති ।
යානි ප්රණාමමිලිතානි නෘණාං ලලාටේ
ලුංපංති දෛවලිඛිතානි දුරක්ෂරාණි ॥ 18 ॥
රේ මූඪාඃ කිමයං වෘථෛව තපසා කායඃ පරික්ලිශ්යතේ
යජ්ඤෛර්වා බහුදක්ෂිණෛඃ කිමිතරේ රික්තීක්රියංතේ ගෘහාඃ ।
භක්තිශ්චේදවිනාශිනී භගවතීපාදද්වයී සේව්යතාං
උන්නිද්රාංබුරුහාතපත්රසුභගා ලක්ෂ්මීඃ පුරෝ ධාවති ॥ 19 ॥
යාචේ න කංචන න කංචන වංචයාමි
සේවේ න කංචන නිරස්තසමස්තදෛන්යඃ ।
ශ්ලක්ෂ්ණං වසේ මධුරමද්මි භජේ වරස්ත්රීඃ
දේවී හෘදි ස්ඵුරති මේ කුලකාමධේනුඃ ॥ 20 ॥
නමාමි යාමිනීනාථලේඛාලංකෘතකුංතලාම් ।
භවානීං භවසංතාපනිර්වාපණසුධානදීම් ॥ 21 ॥
ඉති ශ්රීකාළිදාස විරචිත පංචස්තව්යාං තෘතීයඃ ඝටස්තවඃ ।
