මහිම්නඃ පංථානං මදනපරිපංථිප්රණයිනි
ප්රභුර්නිර්ණේතුං තේ භවති යතමානෝऽපි කතමඃ ।
තථාපි ශ්රීකාංචීවිහෘතිරසිකේ කෝऽපි මනසෝ
විපාකස්ත්වත්පාදස්තුතිවිධිෂු ජල්පාකයති මාම් ॥1॥

ගලග්රාහී පෞරංදරපුරවනීපල්ලවරුචාං
ධෘතපාථම්යානාමරුණමහසාමාදිමගුරුඃ ।
සමිංධේ බංධූකස්තබකසහයුධ්වා දිශි දිශි
ප්රසර්පන්කාමාක්ෂ්යාශ්චරණකිරණානාමරුණිමා ॥2॥

මරාලීනාං යානාභ්යසනකලනාමූලගුරවේ
දරිද්රාණාං ත්රාණව්යතිකරසුරෝද්යානතරවේ ।
තමස්කාංඩප්රෞඪිප්රකටනතිරස්කාරපටවේ
ජනෝऽයං කාමාක්ෂ්යාශ්චරණනලිනාය ස්පෘහයතේ ॥3॥

වහංතී සෛංදූරීං සරණිමවනම්රාමරපුऱී-
පුරංධ්රීසීමංතේ කවිකමලබාලාර්කසුෂමා ।
ත්රයීසීමංතින්යාඃ ස්තනතටනිචෝලාරුණපටී
විභාංතී කාමාක්ෂ්යාඃ පදනලිනකාංතිර්විජයතේ ॥4॥

ප්රණම්රීභූතස්ය ප්රණයකලහත්රස්තමනසඃ
ස්මරාරාතේශ්චූඩාවියති ගෘහමේධී හිමකරඃ ।
යයෝඃ සාංධ්යාං කාංතිං වහති සුෂමාභිශ්චරණයෝඃ
තයෝර්මේ කාමාක්ෂ්යා හෘදයමපතංද්රං විහරතාම් ॥5॥

යයෝඃ පීඨායංතේ විබුධමුකුටීනාං පටලිකා
යයෝඃ සෞධායංතේ ස්වයමුදයභාජෝ භණිතයඃ ।
යයෝඃ දාසායංතේ සරසිජභවාද්යාශ්චරණයෝඃ
තයෝර්මේ කාමාක්ෂ්යා දිනමනු වරීවර්තු හෘදයම් ॥6॥

නයංතී සංකෝචං සරසිජරුචං දික්පරිසරේ
සෘජංතී ලෞහිත්යං නඛකිරණචංද්රාර්ධඛචිතා ।
කවීංද්රාණාං හෘත්කෛරවවිකසනෝද්යෝගජනනී
ස්ඵුරංතී කාමාක්ෂ්යාඃ චරණරුචිසංධ්යා විජයතේ ॥7॥

විරාවෛර්මාංජීරෛඃ කිමපි කථයංතීව මධුරං
පුරස්තාදානම්රේ පුරවිජයිනි ස්මේරවදනේ ।
වයස්යේව ප්රෞඪා ශිථිලයති යා ප්රේමකලහ-
ප්රරෝහං කාමාක්ෂ්යාඃ චරණයුගලී සා විජයතේ ॥8॥

සුපර්වස්ත්රීලෝලාලකපරිචිතං ෂට්පදකුලෛඃ
ස්ඵුරල්ලාක්ෂාරාගං තරුණතරණිජ්යෝතිරරුණෛඃ ।
භෘතං කාංත්යංභෝභිඃ විසෘමරමරංදෛඃ සරසිජෛඃ
විධත්තේ කාමාක්ෂ්යාඃ චරණයුගලං බංධුපදවීම් ॥9॥

රජඃසංසර්ගේऽපි ස්ථිතමරජසාමේව හෘදයේ
පරං රක්තත්වේන ස්ථිතමපි විරක්තෛකශරණම් ।
අලභ්යං මංදානාං දධදපි සදා මංදගතිතාං
විධත්තේ කාමාක්ෂ්යාඃ චරණයුගමාශ්චර්යලහරීම් ॥10॥

ජටාලා මංජීරස්ඵුරදරුණරත්නාංශුනිකරෛඃ
නිෂිදංතී මධ්යේ නඛරුචිඣරීගාංගපයසාම් ।
ජගත්ත්රාණං කර්තුං ජනනි මම කාමාක්ෂි නියතං
තපශ්චර්යාං ධත්තේ තව චරණපාථෝජයුගලී ॥11॥

තුලාකෝටිද්වංද්වක්කණිතභණිතාභීතිවචසෝඃ
විනම්රං කාමාක්ෂී විසෘමරමහඃපාටලිතයෝඃ ।
ක්ෂණං වින්යාසේන ක්ෂපිතතමසෝර්මේ ලලිතයෝඃ
පුනීයාන්මූර්ධානං පුරහරපුරංධ්රී චරණයෝඃ ॥12॥

භවානි ද්රුහ්යේතාං භවනිබිඩිතේභ්යෝ මම මුහු-
ස්තමෝව්යාමෝහේභ්යස්තව ජනනි කාමාක්ෂි චරණෞ ।
යයෝර්ලාක්ෂාබිංදුස්ඵුරණධරණාද්ධ්වර්ජටිජටා-
කුටීරා ශෝණාංකං වහති වපුරේණාංකකලිකා ॥13॥

පවිත්රීකුර්යුර්නුඃ පදතලභුවඃ පාටලරුචඃ
පරාගාස්තේ පාපප්රශමනධුරීණාඃ පරශිවේ ।
කණං ලබ්ධුං යේෂාං නිජශිරසි කාමාක්ෂි විවශා
වලංතෝ ව්යාතන්වංත්යහමහමිකාං මාධවමුඛාඃ ॥14॥

බලාකාමාලාභිර්නඛරුචිමයීභිඃ පරිවෘතේ
විනම්රස්වර්නාරීවිකචකචකාලාංබුදකුලේ ।
ස්ඵුරංතඃ කාමාක්ෂි ස්ඵුටදලිතබංධූකසුහෘද-
ස්තටිල්ලේඛායංතේ තව චරණපාථෝජකිරණාඃ ॥15॥

සරාගඃ සද්වේෂඃ ප්රසෘමරසරෝජේ ප්රතිදිනං
නිසර්ගාදාක්රාමන්විබුධජනමූර්ධානමධිකම් ।
කථංකාරං මාතඃ කථය පදපද්මස්තව සතාං
නතානාං කාමාක්ෂි ප්රකටයති කෛවල්යසරණිම් ॥16॥

ජපාලක්ෂ්මීශෝණෝ ජනිතපරමජ්ඤානනලිනී-
විකාසව්යාසංගෝ විඵලිතජගජ්ජාඩ්යගරිමා ।
මනඃපූර්වාද්රිං මේ තිලකයතු කාමාක්ෂි තරසා
තමස්කාංඩද්රෝහී තව චරණපාථෝජරමණඃ ॥17॥

නමස්කුර්මඃ ප්රේංඛන්මණිකටකනීලෝත්පලමහඃ-
පයෝධෞ රිංඛද්භිර්නඛකිරණඵේනෛර්ධවලිතේ ।
ස්ඵුටං කුර්වාණාය ප්රබලචලදෞර්වානලශිඛා-
විතර්කං කාමාක්ෂ්යාඃ සතතමරුණිම්නේ චරණයෝඃ ॥18॥

ශිවේ පාශායේතාමලඝුනි තමඃකූපකුහරේ
දිනාධීශායේතාං මම හෘදයපාථෝජවිපිනේ ।
නභෝමාසායේතාං සරසකවිතාරීතිසරිති
ත්වදීයෞ කාමාක්ෂි ප්රසෘතකිරණෞ දේවි චරණෞ ॥19॥

නිෂක්තං ශ්රුත්යංතේ නයනමිව සද්වෘත්තරුචිරෛඃ
සමෛර්ජුෂ්ටං ශුද්ධෛරධරමිව රම්යෛර්ද්විජගණෛඃ ।
ශිවේ වක්ෂෝජන්මද්විතයමිව මුක්තාශ්රිතමුමේ
ත්වදීයං කාමාක්ෂි ප්රණතශරණං නෞමි චරණම් ॥20॥

නමස්යාසංසජ්ජන්නමුචිපරිපංථිප්රණයිනී-
නිසර්ගප්රේංඛෝලත්කුරලකුලකාලාහිශබලේ ।
නඛච්ඡායාදුග්ධෝදධිපයසි තේ වෛද්රුමරුචාං
ප්රචාරං කාමාක්ෂි ප්රචුරයති පාදාබ්ජසුෂමා ॥21॥

කදා දූරීකර්තුං කටුදුරිතකාකෝලජනිතං
මහාංතං සංතාපං මදනපරිපංථිප්රියතමේ ।
ක්ෂණාත්තේ කාමාක්ෂි ත්රිභුවනපරීතාපහරණේ
පටීයාංසං ලප්ස්යේ පදකමලසේවාමෘතරසම් ॥22॥

යයෝඃ සාංධ්යං රෝචිඃ සතතමරුණිම්නේ ස්පෘහයතේ
යයෝශ්චාංද්රී කාංතිඃ පරිපතති දෘෂ්ට්වා නඛරුචිම් ।
යයෝඃ පාකෝද්රේකං පිපඨිෂති භක්ත්යා කිසලයං
ම්රදිම්නඃ කාමාක්ෂ්යා මනසි චරණෞ තෞ තනුමහේ ॥23॥

ජගන්නේදං නේදං පරමිති පරිත්යජ්ය යතිභිඃ
කුශාග්රීයස්වාංතෛඃ කුශලධිෂණෛඃ ශාස්ත්රසරණෞ ।
ගවේෂ්යං කාමාක්ෂි ධ්රුවමකෘතකානාං ගිරිසුතේ
ගිරාමෛදංපර්යං තව චරණපද්මං විජයතේ ॥24॥

කෘතස්නානං ශාස්ත්රාමෘතසරසි කාමාක්ෂි නිතරාං
දධානං වෛශද්යං කලිතරසමානංදසුධයා ।
අලංකාරං භූමේර්මුනිජනමනශ්චින්මයමහා-
පයෝධේරංතස්ස්ථං තව චරණරත්නං මෘගයතේ ॥25॥

මනෝගේහේ මෝහෝද්භවතිමිරපූර්ණේ මම මුහුඃ
දරිද්රාණීකුර්වංදිනකරසහස්රාණි කිරණෛඃ ।
විධත්තාං කාමාක්ෂි ප්රසෘමරතමෝවංචනචණඃ
ක්ෂණාර්ධං සාන්නිධ්යං චරණමණිදීපෝ ජනනි තේ ॥26॥

කවීනාං චේතෝවන්නඛරරුචිසංපර්කි විබුධ-
ස්රවංතීස්රෝතෝවත්පටුමුඛරිතං හංසකරවෛඃ ।
දිනාරංභශ්රීවන්නියතමරුණච්ඡායසුභගං
මදංතඃ කාමාක්ෂ්යාඃ ස්ඵුරතු පදපංකේරුහයුගම් ॥27॥

සදා කිං සංපර්කාත්ප්රකෘතිකඨිනෛර්නාකිමුකුටෛඃ
තටෛර්නීහාරාද්රේරධිකමණුනා යෝගිමනසා ।
විභිංතේ සංමෝහං ශිශිරයති භක්තානපි දෘශාම්
අදෘශ්යං කාමාක්ෂි ප්රකටයති තේ පාදයුගලම් ॥28॥

පවිත්රාභ්යාමංබ ප්රකෘතිමෘදුලාභ්යාං තව ශිවේ
පදාභ්යාං කාමාක්ෂි ප්රසභමභිභූතෛඃ සචකිතෛඃ ।
ප්රවාලෛරංභෝජෛරපි ච වනවාසව්රතදශාඃ
සදෛවාරභ්යංතේ පරිචරිතනානාද්විජගණෛඃ ॥29॥

චිරාද්දෘශ්යා හංසෛඃ කථමපි සදා හංසසුලභං
නිරස්යංතී ජාඩ්යං නියතජඩමධ්යෛකශරණම් ।
අදෝෂව්යාසංගා සතතමපි දෝෂාප්තිමලිනං
පයෝජං කාමාක්ෂ්යාඃ පරිහසති පාදාබ්ජයුගලී ॥30॥

සුරාණාමානංදප්රබලනතයා මංඩනතයා
නඛේංදුජ්යෝත්ස්නාභිර්විසෘමරතමඃඛංඩනතයා ।
පයෝජශ්රීද්වේෂව්රතරතතයා ත්වච්චරණයෝඃ
විලාසඃ කාමාක්ෂි ප්රකටයති නෛශාකරදශාම් ॥31॥

සිතිම්නා කාංතීනාං නඛරජනුෂාං පාදනලින-
ච්ඡවීනාං ශෝණිම්නා තව ජනනි කාමාක්ෂි නමනේ ।
ලභංතේ මංදාරග්රථිතනවබංධූකකුසුම-
ස්රජාං සාමීචීන්යං සුරපුරපුරංධ්රීකචභරාඃ ॥32॥

ස්ඵුරන්මධ්යේ ශුද්ධේ නඛකිරණදුග්ධාබ්ධිපයසාං
වහන්නබ්ජං චක්රං දරමපි ච ලේඛාත්මකතයා ।
ශ්රිතෝ මාත්ස්යං රූපං ශ්රියමපි දධානෝ නිරුපමාං
ත්රිධාමා කාමාක්ෂ්යාඃ පදනලිනනාමා විජයතේ ॥33॥

නඛශ්රීසන්නද්ධස්තබකනිචිතඃ ස්වෛශ්ච කිරණෛඃ
පිශංගෛඃ කාමාක්ෂි ප්රකටිතලසත්පල්ලවරුචිඃ ।
සතාං ගම්යඃ ශංකේ සකලඵලදාතා සුරතරුඃ
ත්වදීයඃ පාදෝऽයං තුහිනගිරිරාජන්යතනයේ ॥34॥

වෂට්කුර්වන්මාංජීරකලකලෛඃ කර්මලහරී-
හවීංෂි ප්රෞද්දංඩං ජ්වලති පරමජ්ඤානදහනේ ।
මහීයාන්කාමාක්ෂි ස්ඵුටමහසි ජෝහෝති සුධියාං
මනෝවේද්යාං මාතස්තව චරණයජ්වා ගිරිසුතේ ॥35॥

මහාමංත්රං කිංචින්මණිකටකනාදෛර්මෘදු ජපන්
ක්ෂිපංදික්ෂු ස්වච්ඡං නඛරුචිමයං භාස්මනරජඃ ।
නතානාං කාමාක්ෂි ප්රකෘතිපටුරච්චාට්ය මමතා-
පිශාචීං පාදෝऽයං ප්රකටයති තේ මාංත්රිකදශාම් ॥36॥

උදීතේ බෝධේංදෞ තමසි නිතරාං ජග්මුෂි දශාං
දරිද්රාං කාමාක්ෂි ප්රකටමනුරාගං විදධතී ।
සිතේනාච්ඡාද්යාංගං නඛරුචිපටේනාංඝ්රියුගලී-
පුරංධ්රී තේ මාතඃ ස්වයමභිසරත්යේව හෘදයම් ॥37॥

දිනාරංභඃ සංපන්නලිනවිපිනානාමභිනවෝ
විකාසෝ වාසංතඃ සුකවිපිකලෝකස්ය නියතඃ ।
ප්රදෝෂඃ කාමාක්ෂි ප්රකටපරමජ්ඤානශශින-
ශ්චකාස්ති ත්වත්පාදස්මරණමහිමා ශෛලතනයේ ॥38॥

ධෘතච්ඡායං නිත්යං සරසිරුහමෛත්රීපරිචිතං
නිධානං දීප්තීනාං නිඛිලජගතාං බෝධජනකම් ।
මුමුක්ෂූණාං මාර්ගප්රථනපටු කාමාක්ෂි පදවීං
පදං තේ පාතංගීං පරිකලයතේ පර්වතසුතේ ॥39॥

ශනෛස්තීර්ත්වා මෝහාංබුධිමථ සමාරෝඪුමනසඃ
ක්රමාත්කෛවල්යාඛ්යාං සුකෘතිසුලභාං සෞධවලභීම් ।
ලභංතේ නිඃශ්රේණීමිව ඣටිති කාමාක්ෂි චරණං
පුරශ්චර්යාභිස්තේ පුරමථනසීමංතිනි ජනාඃ ॥40॥

ප්රචංඩාර්තික්ෂෝභප්රමථනකෘතේ ප්රාතිභසරි-
ත්ප්රවාහප්රෝද්දංඩීකරණජලදාය ප්රණමතාම් ।
ප්රදීපාය ප්රෞඪේ භවතමසි කාමාක්ෂි චරණ-
ප්රසාදෞන්මුඛ්යාය ස්පෘහයති ජනෝऽයං ජනනි තේ ॥41॥

මරුද්භිඃ සංසේව්යා සතතමපි චාංචල්යරහිතා
සදාරුණ්යං යාංතී පරිණතිදරිද්රාණසුෂමා ।
ගුණෝත්කර්ෂාන්මාංජීරකකලකලෛස්තර්ජනපටුඃ
ප්රවාලං කාමාක්ෂ්යාඃ පරිහසති පාදාබ්ජයුගලී ॥42॥

ජගද්රක්ෂාදක්ෂා ජලජරුචිශික්ෂාපටුතරා
සමෛර්නම්යා රම්යා සතතමභිගම්යා බුධජනෛඃ ।
ද්වයී ලීලාලෝලා ශ්රුතිෂු සුරපාලාදිමුකුටී-
තටීසීමාධාමා තව ජනනි කාමාක්ෂි පදයෝඃ ॥43॥

ගිරාං දූරෞ චෝරෞ ජඩිමතිමිරාණාං කෘතජග-
ත්පරිත්රාණෞ ශෝණෞ මුනිහෘදයලීලෛකනිපුණෞ ।
නඛෛඃ ස්මේරෞ සාරෞ නිගමවචසාං ඛංඩිතභව-
ග්රහෝන්මාදෞ පාදෞ තව ජනනි කාමාක්ෂි කලයේ ॥44॥

අවිශ්රාංතං පංකං යදපි කලයන්යාවකමයං
නිරස්යන්කාමාක්ෂි ප්රණමනජුෂාං පංකමඛිලම් ।
තුලාකෝටිද්වංදං දධදපි ච ගච්ඡන්නතුලතාං
ගිරාං මාර්ගං පාදෝ ගිරිවරසුතේ ලංඝයති තේ ॥45॥

ප්රවාලං සව්රීලං විපිනවිවරේ වේපයති යා
ස්ඵුරල්ලීලං බාලාතපමධිකබාලං වදති යා ।
රුචිං සාංධ්යාං වංධ්යාං විරචයති යා වර්ධයතු සා
ශිවං මේ කාමාක්ෂ්යාඃ පදනලිනපාටල්යලහරී ॥46॥

කිරංජ්යෝත්ස්නාරීතිං නඛමුඛරුචා හංසමනසාං
විතන්වානඃ ප්රීතිං විකචතරුණාංභෝරුහරුචිඃ ।
ප්රකාශඃ ශ්රීපාදස්තව ජනනි කාමාක්ෂි තනුතේ
ශරත්කාලප්රෞඪිං ශශිශකලචූඩප්රියතමේ ॥47॥

නඛාංකූරස්මේරද්යුතිවිමලගංගාංභසි සුඛං
කෘතස්නානං ජ්ඤානාමෘතමමලමාස්වාද්ය නියතම් ।
උදංචන්මංජීරස්ඵුරණමණිදීපේ මම මනෝ
මනෝජ්ඤේ කාමාක්ෂ්යාශ්චරණමණිහර්ම්යේ විහරතාම් ॥48॥

භවාංභෝධෞ නෞකාං ජඩිමවිපිනේ පාවකශිඛා-
මමර්ත්යේංද්රාදීනාමධිමුකුටමුත්තංසකලිකාම් ।
ජගත්තාපේ ජ්යෝත්ස්නාමකෘතකවචඃපංජරපුටේ
ශුකස්ත්රීං කාමාක්ෂ්යා මනසි කලයේ පාදයුගලීම් ॥49॥

පරත්මප්රාකාශ්යප්රතිඵලනචුංචුඃ ප්රණමතාං
මනෝජ්ඤස්ත්වත්පාදෝ මණිමුකුරමුද්රාං කලයතේ ।
යදීයාං කාමාක්ෂි ප්රකෘතිමසෘණාඃ ශෝධකදශාං
විධාතුං චේෂ්ඨංතේ බලරිපුවධූටීකචභරාඃ ॥50॥

අවිශ්රාංතං තිෂ්ඨන්නකෘතකවචඃකංදරපුටී-
කුටීරාංතඃ ප්රෞඪං නඛරුචිසටාලීං ප්රකටයන් ।
ප්රචංඩං ඛංඩත්වං නයතු මම කාමාක්ෂි තරසා
තමෝවේතංඩේංද්රං තව චරණකංඨීරවපතිඃ ॥51॥

පුරස්තාත්කාමාක්ෂි ප්රචුරරසමාඛංඩලපුරී-
පුරංධ්රීණාං ලාස්යං තව ලලිතමාලෝක්ය ශනකෛඃ ।
නඛශ්රීභිඃ ස්මේරා බහු විතනුතේ නූපුරරවෛ-
ශ්චමත්කෘත්යා ශංකේ චරණයුගලී චාටුරචනාඃ ॥52॥

සරෝජං නිංදංතී නඛකිරණකර්පූරශිශිරා
නිෂික්තා මාරාරේර්මුකුටශශිරේඛාහිමජලෛඃ ।
ස්ඵුරංතී කාමාක්ෂි ස්ඵුටරුචිමයේ පල්ලවචයේ
තවාධත්තේ මෛත්රීං පථිකසුදෘශා පාදයුගලී ॥53॥

නතානාං සංපත්තේරනවරතමාකර්ෂණජපඃ
ප්රරෝහත්සංසාරප්රසරගරිමස්තංභනජපඃ ।
ත්වදීයඃ කාමාක්ෂි ස්මරහරමනෝමෝහනජපඃ
පටීයාන්නඃ පායාත්පදනලිනමංජීරනිනදඃ ॥54॥

විතන්වීථා නාථේ මම ශිරසි කාමාක්ෂි කෘපයා
පදාංභෝජන්යාසං පශුපරිබෘඪප්රාණදයිතේ ।
පිබංතෝ යන්මුද්රාං ප්රකටමුපකංපාපරිසරං
දෘශා නානංද්යංතේ නලිනභවනාරායණමුඛාඃ ॥55॥

ප්රණාමෝද්යද්බෘංදාරමුකුටමංදාරකලිකා-
විලෝලල්ලෝලංබප්රකරමයධූමප්රචුරිමා ।
ප්රදීප්තඃ පාදාබ්ජද්යුතිවිතතිපාටල්යලහරී-
කෘශානුඃ කාමාක්ෂ්යා මම දහතු සංසාරවිපිනම් ॥56॥

වලක්ෂශ්රීරෘක්ෂාධිපශිශුසදෘක්ෂෛස්තව නඛෛඃ
ජිඝෘක්ෂුර්දක්ෂත්වං සරසිරුහභික්ෂුත්වකරණේ ।
ක්ෂණාන්මේ කාමාක්ෂි ක්ෂපිතභවසංක්ෂෝභගරිමා
වචෝවෛචක්ෂන්යං චරණයුගලී පක්ෂ්මලයතාත් ॥57॥

සමංතාත්කාමාක්ෂි ක්ෂතතිමිරසංතානසුභගාන්
අනංතාභිර්භාභිර්දිනමනු දිගංතාන්විරචයන් ।
අහංතායා හංතා මම ජඩිමදංතාවලහරිඃ
විභිංතාං සංතාපං තව චරණචිංතාමණිරසෞ ॥58॥

දධානෝ භාස්වත්තාමමෘතනිලයෝ ලෝහිතවපුඃ
විනම්රාණාං සෞම්යෝ ගුරුරපි කවිත්වං ච කලයන් ।
ගතෞ මංදෝ ගංගාධරමහිෂි කාමාක්ෂි භජතාං
තමඃකේතුර්මාතස්තව චරණපද්මෝ විජයතේ ॥59॥

නයංතීං දාසත්වං නලිනභවමුඛ්යානසුලභ-
ප්රදානාද්දීනානාමමරතරුදෞර්භාග්යජනනීම් ।
ජගජ්ජන්මක්ෂේමක්ෂයවිධිෂු කාමාක්ෂි පදයෝ-
ර්ධුරීණාමීෂ්ටේ කරස්තව භණිතුමාහෝපුරුෂිකාම් ॥60॥

ජනෝऽයං සංතප්තෝ ජනනි භවචංඩාංශුකිරණෛඃ
අලබ්ධවෛකං ශීතං කණමපි පරජ්ඤානපයසඃ ।
තමෝමාර්ගේ පාංථස්තව ඣටිති කාමාක්ෂි ශිශිරාං
පදාංභෝජච්ඡායාං පරමශිවජායේ මෘගයතේ ॥61॥

ජයත්යංබ ශ්රීමන්නඛකිරණචීනාංශුකමයං
විතානං බිභ්රාණේ සුරමුකුටසංඝට්ටමසෘණේ ।
නිජාරුණ්යක්ෂෞමාස්තරණවති කාමාක්ෂි සුලභා
බුධෛඃ සංවින්නාරී තව චරණමාණික්යභවනේ ॥62॥

ප්රතීමඃ කාමාක්ෂි ස්ඵුරිතතරුණාදිත්යකිරණ-
ශ්රියෝ මූලද්රව්යං තව චරණමද්රීංද්රතනයේ ।
සුරේංද්රාශාමාපූරයති යදසෞ ධ්වාංතමඛිලං
ධුනීතේ දිග්භාගානපි ච මහසා පාටලයතේ ॥63॥

මහාභාෂ්යව්යාඛ්යාපටුශයනමාරෝපයති වා
ස්මරව්යාපාරේර්ෂ්යාපිශුනනිටිලං කාරයති වා ।
ද්විරේඵාණාමධ්යාසයති සතතං වාධිවසතිං
ප්රණම්රාන්කාමාක්ෂ්යාඃ පදනලිනමාහාත්ම්යගරිමා ॥64॥

විවේකාංභස්ස්රෝතස්ස්නපනපරිපාටීශිශිරිතේ
සමීභූතේ ශාස්ත්රස්මරණහලසංකර්ෂණවශාත් ।
සතාං චේතඃක්ෂේත්රේ වපති තව කාමාක්ෂි චරණෝ
මහාසංවිත්සස්යප්රකරවරබීජං ගිරිසුතේ ॥65॥

දධානෝ මංදාරස්තබකපරිපාටීං නඛරුචා
වහංදීප්තාං ශෝණාංගුලිපටලචාංපේයකලිකාම් ।
අශෝකෝල්ලාසං නඃ ප්රචුරයතු කාමාක්ෂි චරණෝ
විකාසී වාසංතඃ සමය ඉව තේ ශර්වදයිතේ ॥66॥

නඛාංශුප්රාචුර්යප්රසෘමරමරාලාලිධවලඃ
ස්ඵුරන්මංජීරෝද්යන්මරකතමහශ්ශෛවලයුතඃ ।
භවත්යාඃ කාමාක්ෂි ස්ඵුටචරණපාටල්යකපටෝ
නදඃ ශෝණාභිඛ්යෝ නගපතිතනූජේ විජයතේ ॥67॥

ධුනානං පංකෞඝං පරමසුලභං කංටකකුලෛඃ
විකාසව්යාසංගං විදධදපරාධීනමනිශම් ।
නඛේංදුජ්යෝත්ස්නාභිර්විශදරුචි කාමාක්ෂි නිතරාම්
අසාමාන්යං මන්යේ සරසිජමිදං තේ පදයුගම් ॥68॥

කරීංද්රාය ද්රුහ්යත්යලසගතිලීලාසු විමලෛඃ
පයෝජෛර්මාත්සර්යං ප්රකටයති කාමං කලයතේ ।
පදාංභෝජද්වංද්වං තව තදපි කාමාක්ෂි හෘදයං
මුනීනාං ශාංතානාං කථමනිශමස්මෛ ස්පෘහයතේ ॥69॥

නිරස්තා ශෝණිම්නා චරණකිරණානාං තව ශිවේ
සමිංධානා සංධ්යාරුචිරචලරාජන්යතනයේ ।
අසාමර්ථ්යාදේනං පරිභවිතුමේතත්සමරුචාං
සරෝජානාං ජානේ මුකුලයති ශෝභාං ප්රතිදිනම් ॥70॥

උපාදික්ෂද්දාක්ෂ්යං තව චරණනාමා ගුරුරසෞ
මරාලානාං ශංකේ මසෘණගතිලාලිත්යසරණෞ ।
අතස්තේ නිස්තංද්රං නියතමමුනා සඛ්යපදවීං
ප්රපන්නං පාථෝජං ප්රති දධති කාමාක්ෂි කුතුකම් ॥71॥

දධානෛඃ සංසර්ගං ප්රකෘතිමලිනෛඃ ෂට්පදකුලෛඃ
ද්විජාධීශශ්ලාඝාවිධිෂු විදධද්භිර්මුකුලතාම් ।
රජෝමිශ්රෛඃ පද්මෛර්නියතමපි කාමාක්ෂි පදයෝඃ
විරෝධස්තේ යුක්තෝ විෂමශරවෛරිප්රියතමේ ॥72॥

කවිත්වශ්රීමිශ්රීකරණනිපුණෞ රක්ෂණචණෞ
විපන්නානාං ශ්රීමන්නලිනමසෘණෞ ශෝණකිරණෞ ।
මුනීංද්රාණාමංතඃකරණශරණෞ මංදසරණෞ
මනෝජ්ඤෞ කාමාක්ෂ්යා දුරිතහරණෞ නෞමි චරණෞ ॥73॥

පරස්මාත්සර්වස්මාදපි ච පරයෝර්මුක්තිකරයෝඃ
නඛශ්රීභිර්ජ්යෝත්ස්නාකලිතතුලයෝස්තාම්රතලයෝඃ ।
නිලීයේ කාමාක්ෂ්යා නිගමනුතයෝර්නාකිනතයෝඃ
නිරස්තප්රෝන්මීලන්නලිනමදයෝරේව පදයෝඃ ॥74॥

ස්වභාවාදන්යෝන්යං කිසලයමපීදං තව පදං
ම්රදිම්නා ශෝණිම්නා භගවති දධාතේ සදෘශතාම් ।
වනේ පූර්වස්යේච්ඡා සතතමවනේ කිං තු ජගතාං
පරස්යේත්ථං භේදඃ ස්ඵුරති හෘදි කාමාක්ෂි සුධියාම් ॥75॥

කථං වාචාලෝऽපි ප්රකටමණිමංජීරනිනදෛඃ
සදෛවානංදාර්ද්රාන්විරචයති වාචංයමජනාන් ।
ප්රකෘත්යා තේ ශෝණච්ඡවිරපි ච කාමාක්ෂි චරණෝ
මනීෂානෛර්මල්යං කථමිව නෘණාං මාංසලයතේ ॥76॥

චලත්තෘෂ්ණාවීචීපරිචලනපර්යාකුලතයා
මුහුර්භ්රාංතස්තාංතඃ පරමශිවවාමාක්ෂි පරවාන් ।
තිතීර්ෂුඃ කාමාක්ෂි ප්රචුරතරකර්මාංබුධිමමුං
කදාහං ලප්ස්යේ තේ චරණමණිසේතුං ගිරිසුතේ ॥77॥

විශුෂ්යංත්යාං ප්රජ්ඤාසරිති දුරිතග්රීෂ්මසමය-
ප්රභාවේණ ක්ෂීණේ සති මම මනඃකේකිනි ශුචා ।
ත්වදීයඃ කාමාක්ෂි ස්ඵුරිතචරණාංභෝදමහිමා
නභෝමාසාටෝපං නගපතිසුතේ කිං න කුරුතේ ॥78॥

විනම්රාණාං චේතෝභවනවලභීසීම්නි චරණ-
ප්රදීපේ ප්රාකාශ්යං දධති තව නිර්ධූතතමසි ।
අසීමා කාමාක්ෂි ස්වයමලඝුදුෂ්කර්මලහරී
විඝූර්ණංතී ශාංතිං ශලභපරිපාටීව භජතේ ॥79॥

විරාජංතී ශුක්තිර්නඛකිරණමුක්තාමණිතතේඃ
විපත්පාථෝරාශෞ තරිරපි නරාණාං ප්රණමතාම් ।
ත්වදීයඃ කාමාක්ෂි ධ්රුවමලඝුවහ්නිර්භවවනේ
මුනීනාං ජ්ඤානාග්නේරරණිරයමංඝිර්විජයතේ ॥80॥

සමස්තෛඃ සංසේව්යඃ සතතමපි කාමාක්ෂි විබුධෛඃ
ස්තුතෝ ගංධර්වස්ත්රීසුලලිතවිපංචීකලරවෛඃ ।
භවත්යා භිංදානෝ භවගිරිකුලං ජෘංභිතතමෝ-
බලද්රෝහී මාතශ්චරණපුරුහූතෝ විජයතේ ॥81॥

වසංතං භක්තානාමපි මනසි නිත්යං පරිලසද්-
ඝනච්ඡායාපූර්ණං ශුචිමපි නෘණාං තාපශමනම් ।
නඛේංදුජ්යෝත්ස්නාභිඃ ශිශිරමපි පද්මෝදයකරං
නමාමඃ කාමාක්ෂ්යාශ්චරණමධිකාශ්චර්යකරණම් ॥82॥

කවීංද්රාණාං නානාභණිතිගුණචිත්රීකෘතවචඃ-
ප්රපංචව්යාපාරප්රකටනකලාකෞශලනිධිඃ ।
අධඃකුර්වන්නබ්ජං සනකභෘගුමුඛ්යෛර්මුනිජනෛඃ
නමස්යඃ කාමාක්ෂ්යාශ්චරණපරමේෂ්ඨී විජයතේ ॥83॥

භවත්යාඃ කාමාක්ෂි ස්ඵුරිතපදපංකේරුහභුවාං
පරාගාණාං පූරෛඃ පරිහෘතකලංකව්යතිකරෛඃ ।
නතානාමාමෘෂ්ටේ හෘදයමුකුරේ නිර්මලරුචි
ප්රසන්නේ නිශ්ශේෂං ප්රතිඵලති විශ්වං ගිරිසුතේ ॥84॥

තව ත්රස්තං පාදාත්කිසලයමරණ්යාංතරමගාත්
පරං රේඛාරූපං කමලමමුමේවාශ්රිතමභූත් ।
ජිතානාං කාමාක්ෂි ද්විතයමපි යුක්තං පරිභවේ
විදේශේ වාසෝ වා ශරණගමනං වා නිජරිපෝඃ ॥85॥

ගෘහීත්වා යාථාර්ථ්යං නිගමවචසාං දේශිකකෘපා-
කටාක්ෂර්කජ්යෝතිශ්ශමිතමමතාබංධතමසඃ ।
යතංතේ කාමාක්ෂි ප්රතිදිවසමංතර්ද්රඪයිතුං
ත්වදීයං පාදාබ්ජං සුකෘතපරිපාකේන සුජනාඃ ॥86॥

ජඩානාමප්යංබ ස්මරණසමයේ තවච්චරණයෝඃ
භ්රමන්මංථක්ෂ්මාභෘද්ධුමුඝුමිතසිංධුප්රතිභටාඃ ।
ප්රසන්නාඃ කාමාක්ෂි ප්රසභමධරස්පංදනකරා
භවංති ස්වච්ඡංදං ප්රකෘතිපරිපක්කා භණිතයඃ ॥87॥

වහන්නප්යශ්රාංතං මධුරනිනදං හංසකමසෞ
තමේවාධඃ කර්තුං කිමිව යතතේ කේලිගමනේ ।
භවස්යෛවානංදං විදධදපි කාමාක්ෂි චරණෝ
භවත්යාස්තද්ද්රෝහං භගවති කිමේවං විතනුතේ ॥88॥

යදත්යංතං තාම්යත්යලසගතිවාර්තාස්වපි ශිවේ
තදේතත්කාමාක්ෂි ප්රකෘතිමෘදුලං තේ පදයුගම් ।
කිරීටෛඃ සංඝට්ටං කථමිව සුරෞඝස්ය සහතේ
මුනීංද්රාණාමාස්තේ මනසි ච කථං සූචිනිශිතේ ॥89॥

මනෝරංගේ මත්කේ විබුධජනසංමෝදජනනී
සරාගව්යාසංගං සරසමෘදුසංචාරසුභගා ।
මනෝජ්ඤා කාමාක්ෂි ප්රකටයතු ලාස්යප්රකරණං
රණන්මංජීරා තේ චරණයුගලීනර්තකවධූඃ ॥90॥

පරිෂ්කුර්වන්මාතඃ පශුපතිකපර්දං චරණරාට්
පරාචාං හෘත්පද්මං පරමභණිතීනාං ච මකුටම් ।
භවාඛ්යේ පාථෝධෞ පරිහරතු කාමාක්ෂි මමතා-
පරාධීනත්වං මේ පරිමුෂිතපාථෝජමහිමා ॥91॥

ප්රසූනෛඃ සංපර්කාදමරතරුණීකුංතලභවෛඃ
අභීෂ්ටානාං දානාදනිශමපි කාමාක්ෂි නමතාම් ।
ස්වසංගාත්කංකේලිප්රසවජනකත්වේන ච ශිවේ
ත්රිධා ධත්තේ වාර්තාං සුරභිරිති පාදෝ ගිරිසුතේ ॥92॥

මහාමෝහස්තේනව්යතිකරභයාත්පාලයති යෝ
විනික්ෂිප්තං ස්වස්මින්නිජජනමනෝරත්නමනිශම් ।
ස රාගස්යෝද්රේකාත්සතතමපි කාමාක්ෂි තරසා
කිමේවං පාදෝऽසෞ කිසලයරුචිං චෝරයති තේ ॥93॥

සදා ස්වාදුංකාරං විෂයලහරීශාලිකණිකාං
සමාස්වාද්ය ශ්රාංතං හෘදයශුකපෝතං ජනනි මේ ।
කෘපාජාලේ ඵාලේක්ෂණමහිෂි කාමාක්ෂි රභසාත්
ගෘහීත්වා රුංධීථාරස්තව පදයුගීපංජරපුටේ ॥94॥

ධුනානං කාමාක්ෂි ස්මරණලවමාත්රේණ ජඩිම-
ජ්වරප්රෞඪිං ගූඪස්ථිති නිගමනෛකුංජකුහරේ ।
අලභ්යං සර්වේෂාං කතිචන ලභංතේ සුකෘතිනඃ
චිරාදන්විෂ්යංතස්තව චරණසිද්ධෞෂධමිදම් ॥95॥

රණන්මංජීරාභ්යාං ලලිතගමනාභ්යාං සුකෘතිනාං
මනෝවාස්තව්යාභ්යාං මථිතතිමිරාභ්යාං නඛරුචා ।
නිධේයාභ්යාං පත්යා නිජශිරසි කාමාක්ෂි සතතං
නමස්තේ පාදාභ්යාං නලිනමෘදුලාභ්යාං ගිරිසුතේ ॥96॥

සුරාගේ රාකේංදුප්රතිනිධිමුඛේ පර්වතසුතේ
චිරාල්ලභ්යේ භක්ත්යා ශමධනජනානාං පරිෂදා ।
මනෝභෘංගෝ මත්කඃ පදකමලයුග්මේ ජනනි තේ
ප්රකාමං කාමාක්ෂි ත්රිපුරහරවාමාක්ෂි රමතාම් ॥97॥

ශිවේ සංවිද්රූපේ ශශිශකලචූඩප්රියතමේ
ශනෛර්ගත්යාගත්යා ජිතසුරවරේභේ ගිරිසුතේ ।
යතංතේ සංතස්තේ චරණනලිනාලානයුගලේ
සදා බද්ධං චිත්තප්රමදකරියූථං දෘඪතරම් ॥98॥

යශඃ සූතේ මාතර්මධුරකවිතාං පක්ෂ්මලයතේ
ශ්රියං දත්තේ චිත්තේ කමපි පරිපාකං ප්රථයතේ ।
සතාං පාශග්රංථිං ශිථිලයති කිං කිං න කුරුතේ
ප්රපන්නේ කාමාක්ෂ්යාඃ ප්රණතිපරිපාටී චරණයෝඃ ॥99॥

මනීෂාං මාහේංද්රීං කකුභමිව තේ කාමපි දශාං
ප්රධත්තේ කාමාක්ෂ්යාශ්චරණතරුණාදිත්යකිරණඃ ।
යදීයේ සංපර්කේ ධෘතරසමරංදා කවයතාං
පරීපාකං ධත්තේ පරිමලවතී සූක්තිනලිනී ॥100॥

පුරා මාරාරාතිඃ පුරමජයදංබ ස්තවශතෛඃ
ප්රසන්නායාං සත්යාං ත්වයි තුහිනශෛලේංද්රතනයේ ।
අතස්තේ කාමාක්ෂි ස්ඵුරතු තරසා කාලසමයේ
සමායාතේ මාතර්මම මනසි පාදාබ්ජයුගලම් ॥101॥

පදද්වංද්වං මංදං ගතිෂු නිවසංතං හෘදි සතාං
ගිරාමංතේ භ්රාංතං කෘතකරහිතානාං පරිබෘඪේ ।
ජනානාමානංදං ජනනි ජනයංතං ප්රණමතාං
ත්වදීයං කාමාක්ෂි ප්රතිදිනමහං නෞමි විමලම් ॥102॥

ඉදං යඃ කාමාක්ෂ්යාශ්චරණනලිනස්තෝත්රශතකං
ජපේන්නිත්යං භක්ත්යා නිඛිලජගදාහ්ලාදජනකම් ।
ස විශ්වේෂාං වංද්යඃ සකලකවිලෝකෛකතිලකඃ
චිරං භුක්ත්වා භෝගාන්පරිණමති චිද්රූපකලයා ॥103॥

॥ ඉති පාදාරවිංදශතකං සංපූර්ණම් ॥