ජය කාමේශි චාමුංඩේ ජය භූතාපහාරිණි ।
ජය සර්වගතේ දේවි කාමේශ්වරි නමෝऽස්තු තේ ॥ 1 ॥
විශ්වමූර්තේ ශුභේ ශුද්ධේ විරූපාක්ෂි ත්රිලෝචනේ ।
භීමරූපේ ශිවේ විද්යේ කාමේශ්වරි නමෝऽස්තු තේ ॥ 2 ॥
මාලාජයේ ජයේ ජංභේ භූතාක්ෂි ක්ෂුභිතේऽක්ෂයේ ।
මහාමායේ මහේශානි කාමේශ්වරි නමෝऽස්තු තේ ॥ 3 ॥
භීමාක්ෂි භීෂණේ දේවි සර්වභූතක්ෂයංකරි ।
කාලි ච විකරාලි ච කාමේශ්වරි නමෝऽස්තු තේ ॥ 3 ॥
කාලි කරාලවික්රාංතේ කාමේශ්වරි හරප්රියේ ।
සර්වශාස්ත්රසාරභූතේ කාමේශ්වරි නමෝऽස්තු තේ ॥ 4 ॥
කාමරූපප්රදීපේ ච නීලකූටනිවාසිනි ।
නිශුංභශුංභමථනි කාමේශ්වරි නමෝऽස්තු තේ ॥ 5 ॥
කාමාඛ්යේ කාමරූපස්ථේ කාමේශ්වරි හරිප්රියේ ।
කාමනාං දේහි මේ නිත්යං කාමේශ්වරි නමෝऽස්තු තේ ॥ 6 ॥
වපානාඪ්යමහාවක්ත්රේ තථා ත්රිභුවනේශ්වරි ।
මහිෂාසුරවධේ දේවි කාමේශ්වරි නමෝऽස්තු තේ ॥ 7 ॥
ඡාගතුෂ්ටේ මහාභීමේ කාමාඛ්යේ සුරවංදිතේ ।
ජය කාමප්රදේ තුෂ්ටේ කාමේශ්වරි නමෝऽස්තු තේ ॥ 8 ॥
භ්රෂ්ටරාජ්යෝ යදා රාජා නවම්යාං නියතඃ ශුචිඃ ।
අෂ්ටම්යාං ච චතුර්දශ්යාමුපවාසී නරෝත්තමඃ ॥ 9 ॥
සංවත්සරේණ ලභතේ රාජ්යං නිෂ්කංටකං පුනඃ ।
ය ඉදං ශෘණුයාද්භක්ත්යා තව දේවි සමුද්භවම් ।
සර්වපාපවිනිර්මුක්තඃ පරං නිර්වාණමෘච්ඡති ॥ 10 ॥
ශ්රීකාමරූපේශ්වරි භාස්කරප්රභේප්රකාශිතාංභෝජනිභායතානනේ ।
සුරාරිරක්ෂඃස්තුතිපාතනෝත්සුකේත්රයීමයේ දේවනුතේ නමාමි ॥ 11 ॥
සිතාසිතේ රක්තපිශංගවිග්රහේරූපාණි යස්යාඃ ප්රතිභාංති තානි ।
විකාරරූපා ච විකල්පිතානිශුභාශුභානාමපි තාං නමාමි ॥ 12 ॥
කාමරූපසමුද්භූතේ කාමපීඨාවතංසකේ ।
විශ්වාධාරේ මහාමායේ කාමේශ්වරි නමෝऽස්තු තේ ॥ 13 ॥
අව්යක්තවිග්රහේ ශාංතේ සංතතේ කාමරූපිණි ।
කාලගම්යේ පරේ ශාංතේ කාමේශ්වරි නමෝऽස්තු තේ ॥ 14 ॥
යා සුෂුම්නාංතරාලස්ථා චිංත්යතේ ජ්යෝතිරූපිණී ।
ප්රණතෝऽස්මි පරාං වීරාං කාමේශ්වරි නමෝऽස්තු තේ ॥ 15 ॥
දංෂ්ට්රාකරාලවදනේ මුංඩමාලෝපශෝභිතේ ।
සර්වතඃ සර්වගේ දේවි කාමේශ්වරි නමෝऽස්තු තේ ॥ 16 ॥
චාමුංඩේ ච මහාකාලි කාලි කපාලහාරිණී ।
පාශහස්තේ දංඩහස්තේ කාමේශ්වරි නමෝऽස්තු තේ ॥ 17 ॥
චාමුංඩේ කුලමාලාස්යේ තීක්ෂ්ණදංෂ්ට්රේ මහාබලේ ।
ශවයානස්ථිතේ දේවි කාමේශ්වරි නමෝऽස්තු තේ ॥ 18 ॥
ඉති ශ්රී කාමාඛ්යා ස්තෝත්රම් ।
