බ්රහ්මෝවාච
ශෘණු වත්ස ප්රවක්ෂ්යාමි ආද්යාස්තෝත්රං මහාඵලම් ।
යඃ පඨේත් සතතං භක්ත්යා ස ඒව විෂ්ණුවල්ලභඃ ॥ 1 ॥
මෘත්යුර්ව්යාධිභයං තස්ය නාස්ති කිංචිත් කලෞ යුගේ ।
අපුත්රා ලභතේ පුත්රං ත්රිපක්ෂං ශ්රවණං යදි ॥ 2 ॥
ද්වෞ මාසෞ බංධනාන්මුක්ති විප්රවක්ත්රාත් ශ්රුතං යදි ।
මෘතවත්සා ජීවවත්සා ෂණ්මාසං ශ්රවණං යදි ॥ 3 ॥
නෞකායාං සංකටේ යුද්ධේ පඨනාජ්ජයමාප්නුයාත් ।
ලිඛිත්වා ස්ථාපයේද්ගේහේ නාග්නිචෞරභයං ක්වචිත් ॥ 4 ॥
රාජස්ථානේ ජයී නිත්යං ප්රසන්නාඃ සර්වදේවතා ।
ඕං හ්රීම් ।
බ්රහ්මාණී බ්රහ්මලෝකේ ච වෛකුංඨේ සර්වමංගළා ॥ 5 ॥
ඉංද්රාණී අමරාවත්යාමංබිකා වරුණාලයේ ।
යමාලයේ කාලරූපා කුබේරභවනේ ශුභා ॥ 6 ॥
මහානංදාග්නිකෝණේ ච වායව්යාං මෘගවාහිනී ।
නෛරෘත්යාං රක්තදංතා ච ඓශාන්යාං ශූලධාරිණී ॥ 7 ॥
පාතාළේ වෛෂ්ණවීරූපා සිංහලේ දේවමෝහිනී ।
සුරසා ච මණිද්විපේ ලංකායාං භද්රකාළිකා ॥ 8 ॥
රාමේශ්වරී සේතුබංධේ විමලා පුරුෂෝත්තමේ ।
විරජා ඖඩ්රදේශේ ච කාමාක්ෂ්යා නීලපර්වතේ ॥ 9 ॥
කාළිකා වංගදේශේ ච අයෝධ්යායාං මහේශ්වරී ।
වාරාණස්යාමන්නපූර්ණා ගයාක්ෂේත්රේ ගයේශ්වරී ॥ 10 ॥
කුරුක්ෂේත්රේ භද්රකාළී ව්රජේ කාත්යායනී පරා ।
ද්වාරකායාං මහාමායා මථුරායාං මහේශ්වරී ॥ 11 ॥
ක්ෂුධා ත්වං සර්වභූතානාං වේලා ත්වං සාගරස්ය ච ।
නවමී ශුක්ලපක්ෂස්ය කෘෂ්ණස්යෛකාදශී පරා ॥ 12 ॥
දක්ෂසා දුහිතා දේවී දක්ෂයජ්ඤවිනාශිනී ।
රාමස්ය ජානකී ත්වං හි රාවණධ්වංසකාරිණී ॥ 13 ॥
චංඩමුංඩවධේ දේවී රක්තබීජවිනාශිනී ।
නිශුංභශුංභමථිනී මධුකෛටභඝාතිනී ॥ 14 ॥
විෂ්ණුභක්තිප්රදා දුර්ගා සුඛදා මෝක්ෂදා සදා ।
ආද්යාස්තවමිමං පුණ්යං යඃ පඨේත් සතතං නරඃ ॥ 15 ॥
සර්වජ්වරභයං න ස්යාත් සර්වව්යාධිවිනාශනම් ।
කෝටිතීර්ථඵලං තස්ය ලභතේ නාත්ර සංශයඃ ॥ 16 ॥
ජයා මේ චාග්රතඃ පාතු විජයා පාතු පෘෂ්ඨතඃ ।
නාරායණී ශීර්ෂදේශේ සර්වාංගේ සිංහවාහිනී ॥ 17 ॥
ශිවදූතී උග්රචංඩා ප්රත්යංගේ පරමේශ්වරී ।
විශාලාක්ෂී මහාමායා කෞමාරී ශංඛිනී ශිවා ॥ 18 ॥
චක්රිණී ජයදාත්රී ච රණමත්තා රණප්රියා ।
දුර්ගා ජයංතී කාළී ච භද්රකාළී මහෝදරී ॥ 19 ॥
නාරසිංහී ච වාරාහී සිද්ධිදාත්රී සුඛප්රදා ।
භයංකරී මහාරෞද්රී මහාභයවිනාශිනී ॥ 20 ॥
ඉති ශ්රීබ්රහ්මයාමලේ බ්රහ්මනාරදසංවාදේ ශ්රී ආද්යා ස්තෝත්රම් ॥
