কৃষ্ণ যজুর্বেদীয় তৈত্তিরীয় সংহিতা
চতুর্থং-বৈঁশ্বদেবং কাংডং পংচমঃ প্রপাঠকঃ

ওং নমো ভগবতে॑ রুদ্রা॒য় ॥
নম॑স্তে রুদ্র ম॒ন্যব॑ উ॒তোত॒ ইষ॑বে॒ নমঃ॑ ।
নম॑স্তে অস্তু॒ ধন্ব॑নে বা॒হুভ্য়া॑মু॒ত তে॒ নমঃ॑ ॥

যা ত॒ ইষুঃ॑ শি॒বত॑মা শি॒বং ব॒ভূব॑ তে॒ ধনুঃ॑ ।
শি॒বা শ॑র॒ব্য়া॑ যা তব॒ তয়া॑ নো রুদ্র মৃডয় ।

যা তে॑ রুদ্র শি॒বা ত॒নূরঘো॒রাঽপা॑পকাশিনী ।
তয়া॑ নস্ত॒নুবা॒ শংত॑ময়া॒ গিরি॑শংতা॒ভিচা॑কশীহি ॥

যামিষুং॑ গিরিশংত॒ হস্তে॒ বিভ॒র্​ষ্যস্ত॑বে ।
শি॒বাং গি॑রিত্র॒ তাং কু॑রু॒ মা হিগ্​ম্॑সীঃ॒ পুরু॑ষং॒ জগ॑ত্॥

শি॒বেন॒ বচ॑সা ত্বা॒ গিরি॒শাচ্ছা॑ বদামসি ।
যথা॑ নঃ॒ সর্ব॒মিজ্জগ॑দয়॒ক্ষ্মগ্​ম্ সু॒মনা॒ অস॑ত্ ॥

অধ্য়॑বোচদধিব॒ক্তা প্র॑থ॒মো দৈব্য়ো॑ ভি॒ষক্ ।
অহীগ্॑শ্চ॒ সর্বাং᳚জং॒ভয়॒ন্-থ্সর্বা᳚শ্চ যাতুধা॒ন্য়ঃ॑ ॥

অ॒সৌ যস্তা॒ম্রো অ॑রু॒ণ উ॒ত ব॒ভ্রুস্সু॑মং॒গলঃ॑ ।
যে চে॒মাগ্​ম্ রু॒দ্রা অ॒ভিতো॑ দি॒ক্ষু শ্রি॒তাঃ স॑হস্র॒শোঽবৈ॑ষা॒গ্​ম্॒ হেড॑ ঈমহে ॥

অ॒সৌ যো॑ঽব॒সর্প॑তি॒ নীল॑গ্রীবো॒ বিলো॑হিতঃ ।
উ॒তৈনং॑ গো॒পা অ॑দৃশ॒ন্নদৃ॑শন্নুদহা॒র্য়ঃ॑ ।
উ॒তৈনং॒-বিঁশ্বা॑ ভূ॒তানি॒ স দৃ॒ষ্টো মৃ॑ডয়াতি নঃ ॥

নমো॑ অস্তু॒ নীল॑গ্রীবায় সহস্রা॒ক্ষায়॑ মী॒ঢুষে᳚ ।
অথো॒ যে অ॑স্য়॒ সত্বা॑নো॒ঽহং তেভ্য়ো॑ঽকর॒ন্নমঃ॑ ॥

প্রমুং॑চ॒ ধন্ব॑ন॒স্ত্বমু॒ভয়ো॒রার্ত্নি॑ যো॒র্জ্য়াম্ ।
যাশ্চ॑ তে॒ হস্ত॒ ইষ॑বঃ॒ পরা॒ তা ভ॑গবো বপ ॥

অ॒ব॒তত্য়॒ ধনু॒স্ত্বগ্​ম্ সহ॑স্রাক্ষ॒ শতে॑ষুধে ।
নি॒শীর্য়॑ শ॒ল্য়ানাং॒ মুখা॑ শি॒বো নঃ॑ সু॒মনা॑ ভব ॥

বিজ্য়ং॒ ধনুঃ॑ কপ॒র্দিনো॒ বিশ॑ল্য়ো॒ বাণ॑বাগ্​ম্ উ॒ত ।
অনে॑শন্ন॒স্য়েষ॑ব আ॒ভুর॑স্য় নিষং॒গথিঃ॑ ॥

যা তে॑ হে॒তির্মী॑ডুষ্টম॒ হস্তে॑ ব॒ভূব॑ তে॒ ধনুঃ॑ ।
তয়া॒ঽস্মান্, বি॒শ্বত॒স্ত্বম॑য়॒ক্ষ্ময়া॒ পরি॑ব্ভুজ ॥

নম॑স্তে অ॒স্ত্বায়ু॑ধা॒য়ানা॑ততায় ধৃ॒ষ্ণবে᳚ ।
উ॒ভাভ্য়া॑মু॒ত তে॒ নমো॑ বা॒হুভ্য়াং॒ তব॒ ধন্ব॑নে ॥

পরি॑ তে॒ ধন্ব॑নো হে॒তির॒স্মান্ বৃ॑ণক্তু বি॒শ্বতঃ॑ ।
অথো॒ য ই॑ষু॒ধিস্তবা॒রে অ॒স্মন্নিধে॑হি॒ তম্ ॥ 1 ॥

শ্রী শংভ॑বে॒ নমঃ॑ ॥
নম॑স্তে অস্তু ভগবন্-বিশ্বেশ্ব॒রায়॑ মহাদে॒বায়॑ ত্র্য়ংব॒কায়॑ ত্রিপুরাংত॒কায়॑ ত্রিকাগ্নিকা॒লায়॑ কালাগ্নিরু॒দ্রায়॑ নীলকং॒ঠায়॑ মৃত্য়ুংজ॒য়ায়॑ সর্বেশ্ব॒রায়॑ সদাশি॒বায়॑ [শংক॒রায়॑] শ্রীমন্-মহাদে॒বায়॒ নমঃ॑ ।

নমো॒ হির॑ণ্য় বাহবে সেনা॒ন্য়ে॑ দি॒শাং চ॒ পত॑য়ে॒ নমো॒
নমো॑ বৃ॒ক্ষেভ্য়ো॒ হরি॑কেশেভ্য়ঃ পশূ॒নাং পত॑য়ে॒ নমো॒
নমঃ॑ স॒স্পিংজ॑রায়॒ ত্বিষী॑মতে পথী॒নাং পত॑য়ে॒ নমো॒
নমো॑ বভ্লু॒শায়॑ বিব্য়া॒ধিনেঽন্না॑নাং॒ পত॑য়ে॒ নমো॒
নমো॒ হরি॑কেশায়োপবী॒তিনে॑ পু॒ষ্টানাং॒ পত॑য়ে॒ নমো॒
নমো॑ ভ॒বস্য়॑ হে॒ত্য়ৈ জগ॑তাং॒ পত॑য়ে॒ নমো॒
নমো॑ রু॒দ্রায়া॑ততা॒বিনে॒ ক্ষেত্রা॑ণাং॒ পত॑য়ে॒ নমো॒
নম॑স্সূ॒তায়াহং॑ত্য়ায়॒ বনা॑নাং॒ পত॑য়ে॒ নমো॒
নমো॒ রোহি॑তায় স্থ॒পত॑য়ে বৃ॒ক্ষাণাং॒ পত॑য়ে॒ নমো॒
নমো॑ মং॒ত্রিণে॑ বাণি॒জায়॒ কক্ষা॑ণাং॒ পত॑য়ে॒ নমো॒
নমো॑ ভুবং॒তয়ে॑ বারিবস্কৃ॒তা-য়ৌষ॑ধীনাং॒ পত॑য়ে॒ নমো॒
নম॑ উ॒চ্চৈর্ঘো॑ষায়াক্রং॒দয়॑তে পত্তী॒নাং পত॑য়ে॒ নমো॒
নমঃ॑ কৃত্স্নবী॒তায়॒ ধাব॑তে॒ সত্ত্ব॑নাং॒ পত॑য়ে॒ নমঃ॑ ॥ 2 ॥

নমঃ॒ সহ॑মানায় নিব্য়া॒ধিন॑ আব্য়া॒ধিনী॑নাং॒ পত॑য়ে॒ নমো॒
নমঃ॑ ককু॒ভায়॑ নিষং॒গিণে᳚ স্তে॒নানাং॒ পত॑য়ে॒ নমো॒
নমো॑ নিষং॒গিণ॑ ইষুধি॒মতে॒ তস্ক॑রাণাং॒ পত॑য়ে॒ নমো॒
নমো॒ বংচ॑তে পরি॒বংচ॑তে স্তায়ূ॒নাং পত॑য়ে॒ নমো॒
নমো॑ নিচে॒রবে॑ পরিচ॒রায়ার॑ণ্য়ানাং॒ পত॑য়ে॒ নমো॒
নমঃ॑ সৃকা॒বিভ্য়ো॒ জিঘাগ্​ম্॑সদ্ভ্য়ো মুষ্ণ॒তাং পত॑য়ে॒ নমো॒
নমো॑ঽসি॒মদ্ভ্য়ো॒ নক্তং॒চর॑দ্ভ্য়ঃ প্রকৃং॒তানাং॒ পত॑য়ে॒ নমো॒
নম॑ উষ্ণী॒ষিণে॑ গিরিচ॒রায়॑ কুলুং॒চানাং॒ পত॑য়ে॒ নমো॒
নম॒ ইষু॑মদ্ভ্য়ো ধন্বা॒বিভ্য়॑শ্চ বো॒ নমো॒
নম॑ আতন্-বা॒নেভ্য়ঃ॑ প্রতি॒দধা॑নেভ্যশ্চ বো॒ নমো॒
নম॑ আ॒যচ্ছ॑দ্ভ্য়ো বিসৃ॒জদ্ভ্য়॑শ্চ বো॒ নমো॒
নমোঽস্য়॑দ্ভ্য়ো॒ বিদ্য়॑দ্ভ্যশ্চ বো॒ নমো॒
নম॒ আসী॑নেভ্য়ঃ॒ শয়া॑নেভ্যশ্চ বো॒ নমো॒
নমঃ॑ স্ব॒পদ্ভ্য়ো॒ জাগ্র॑দ্ভ্যশ্চ বো॒ নমো॒
নম॒স্তিষ্ঠ॑দ্ভ্য়ো॒ ধাব॑দ্ভ্যশ্চ বো॒ নমো॒
নমঃ॑ স॒ভাভ্য়ঃ॑ স॒ভাপ॑তিভ্যশ্চ বো॒ নমো॒
নমো॒ অশ্বে॒ভ্য়োঽশ্ব॑পতিভ্যশ্চ বো॒ নমঃ॑ ॥ 3 ॥

নম॑ আব্য়া॒ধিনী᳚ভ্য়ো বি॒বিধ্য়ং॑তীভ্যশ্চ বো॒ নমো॒
নম॒ উগ॑ণাভ্যস্তৃগ্​ম্-হ॒তীভ্য়॑শ্চ বো॒ নমো॒
নমো॑ গৃ॒ত্সেভ্য়ো॑ গৃ॒ত্সপ॑তিভ্যশ্চ বো॒ নমো॒
নমো॒ ব্রাতে᳚ভ্য়ো॒ ব্রাত॑পতিভ্যশ্চ বো॒ নমো॒
নমো॑ গ॒ণেভ্য়ো॑ গ॒ণপ॑তিভ্যশ্চ বো॒ নমো॒
নমো॒ বিরূ॑পেভ্য়ো বি॒শ্বরূ॑পেভ্যশ্চ বো॒ নমো॒
নমো॑ মহ॒দ্ভ্য়ঃ॑, ক্ষুল্ল॒কেভ্য়॑শ্চ বো॒ নমো॒
নমো॑ র॒থিভ্য়ো॑ঽর॒থেভ্য়॑শ্চ বো॒ নমো॒
নমো॒ রথে᳚ভ্য়ো॒ রথ॑পতিভ্যশ্চ বো॒ নমো॒
নমঃ॒ সেনা᳚ভ্য়ঃ সেনা॒নিভ্য়॑শ্চ বো॒ নমো॒
নমঃ॑, ক্ষ॒ত্তৃভ্য়ঃ॑ সংগ্রহী॒তৃভ্য়॑শ্চ বো॒ নমো॒
নম॒স্তক্ষ॑ভ্য়ো রথকা॒রেভ্য়॑শ্চ বো॒ নমো॒
নমঃ॒ কুলা॑লেভ্য়ঃ ক॒র্মারে᳚ভ্যশ্চ বো॒ নমো॒
নমঃ॑ পুং॒জিষ্টে᳚ভ্য়ো নিষা॒দেভ্য়॑শ্চ বো॒ নমো॒
নম॑ ইষু॒কৃদ্ভ্য়ো॑ ধন্ব॒কৃদ্ভ্য়॑শ্চ বো॒ নমো॒
নমো॑ মৃগ॒য়ুভ্য়ঃ॑ শ্ব॒নিভ্য়॑শ্চ বো॒ নমো॒
নম॒-শ্শ্বভ্য়॒-শ্শ্বপ॑তিভ্যশ্চ বো॒ নমঃ॑ ॥ 4 ॥

নমো॑ ভ॒বায়॑ চ রু॒দ্রায়॑ চ॒
নমঃ॑ শ॒র্বায়॑ চ পশু॒পত॑য়ে চ॒
নমো॒ নীল॑গ্রীবায় চ শিতি॒কংঠা॑য় চ॒
নমঃ॑ কপ॒র্দিনে॑ চ॒ ব্য়ু॑প্তকেশায় চ॒
নমঃ॑ সহস্রা॒ক্ষায়॑ চ শ॒তধ॑ন্বনে চ॒
নমো॑ গিরি॒শায়॑ চ শিপিবি॒ষ্টায়॑ চ॒
নমো॑ মী॒ঢুষ্ট॑মায়॒ চেষু॑মতে চ॒
নমো᳚ হ্র॒স্বায়॑ চ বাম॒নায়॑ চ॒
নমো॑ বৃহ॒তে চ॒ বর্​ষী॑যসে চ॒
নমো॑ বৃ॒দ্ধায়॑ চ সং॒​বৃঁধ্ব॑নে চ॒
নমো॒ অগ্রি॑য়ায় চ প্রথ॒মায়॑ চ॒
নম॑ আ॒শবে॑ চাজি॒রায়॑ চ॒
নমঃ॒ শীঘ্রি॑য়ায় চ॒ শীভ্য়া॑য় চ॒
নম॑ ঊ॒র্ম্য়া॑য় চাবস্ব॒ন্য়া॑য় চ॒
নমঃ॑ স্রোত॒স্য়া॑য় চ॒ দ্বীপ্য়া॑য় চ ॥ 5 ॥

নমো᳚ জ্য়ে॒ষ্ঠায়॑ চ কনি॒ষ্ঠায়॑ চ॒
নমঃ॑ পূর্ব॒জায়॑ চাপর॒জায়॑ চ॒
নমো॑ মধ্য়॒মায়॑ চাপগ॒ল্ভায়॑ চ॒
নমো॑ জঘ॒ন্য়া॑য় চ॒ বুধ্নি॑য়ায় চ॒
নমঃ॑ সো॒ভ্য়া॑য় চ প্রতিস॒র্য়া॑য় চ॒
নমো॒ যাম্য়া॑য় চ॒ ক্ষেম্য়া॑য় চ॒
নম॑ উর্ব॒র্য়া॑য় চ॒ খল্য়া॑য় চ॒
নমঃ॒ শ্লোক্য়া॑য় চাঽবসা॒ন্য়া॑য় চ॒
নমো॒ বন্য়া॑য় চ॒ কক্ষ্য়া॑য় চ॒
নমঃ॑ শ্র॒বায়॑ চ প্রতিশ্র॒বায়॑ চ॒
নম॑ আ॒শুষে॑ণায় চা॒শুর॑থায় চ॒
নমঃ॒ শূরা॑য় চাবভিংদ॒তে চ॒
নমো॑ ব॒র্মিণে॑ চ বরূ॒থিনে॑ চ॒
নমো॑ বি॒ল্মিনে॑ চ কব॒চিনে॑ চ॒
নমঃ॑ শ্রু॒তায়॑ চ শ্রুতসে॒নায়॑ চ ॥ 6 ॥

নমো॑ দুংদু॒ভ্য়া॑য় চাহন॒ন্য়া॑য় চ॒
নমো॑ ধৃ॒ষ্ণবে॑ চ প্রমৃ॒শায়॑ চ॒
নমো॑ দূ॒তায়॑ চ॒ প্রহি॑তায় চ॒
নমো॑ নিষং॒গিণে॑ চেষুধি॒মতে॑ চ॒
নম॑স্তী॒ক্ষ্ণেষ॑বে চায়ু॒ধিনে॑ চ॒
নমঃ॑ স্বায়ু॒ধায়॑ চ সু॒ধন্ব॑নে চ॒
নমঃ॒ স্রুত্য়া॑য় চ॒ পথ্য়া॑য় চ॒
নমঃ॑ কা॒ট্য়া॑য় চ নী॒প্য়া॑য় চ॒
নমঃ॒ সূদ্য়া॑য় চ সর॒স্য়া॑য় চ॒
নমো॑ না॒দ্য়ায়॑ চ বৈশং॒তায়॑ চ॒
নমঃ॒ কূপ্য়া॑য় চাব॒ট্য়া॑য় চ॒
নমো॒ বর্​ষ্য়া॑য় চাব॒র্​ষ্য়ায়॑ চ॒
নমো॑ মে॒ঘ্য়া॑য় চ বিদ্য়ু॒ত্য়া॑য় চ॒
নম ঈ॒ধ্রিয়া॑য় চাত॒প্য়া॑য় চ॒
নমো॒ বাত্য়া॑য় চ॒ রেষ্মি॑য়ায় চ॒
নমো॑ বাস্ত॒ব্য়া॑য় চ বাস্তু॒পায়॑ চ ॥ 7 ॥

নমঃ॒ সোমা॑য় চ রু॒দ্রায়॑ চ॒
নম॑স্তা॒ম্রায়॑ চারু॒ণায়॑ চ॒
নমঃ॑ শং॒গায়॑ চ পশু॒পত॑য়ে চ॒
নম॑ উ॒গ্রায়॑ চ ভী॒মায়॑ চ॒
নমো॑ অগ্রেব॒ধায়॑ চ দূরেব॒ধায়॑ চ॒
নমো॑ হং॒ত্রে চ॒ হনী॑যসে চ॒
নমো॑ বৃ॒ক্ষেভ্য়ো॒ হরি॑কেশেভ্য়ো॒
নম॑স্তা॒রায়॒
নম॑শ্শং॒ভবে॑ চ ময়ো॒ভবে॑ চ॒
নমঃ॑ শংক॒রায়॑ চ মযস্ক॒রায়॑ চ॒
নমঃ॑ শি॒বায়॑ চ শি॒বত॑রায় চ॒
নম॒স্তীর্থ্য়া॑য় চ॒ কূল্য়া॑য় চ॒
নমঃ॑ পা॒র্য়া॑য় চাবা॒র্য়া॑য় চ॒
নমঃ॑ প্র॒তর॑ণায় চো॒ত্তর॑ণায় চ॒
নম॑ আতা॒র্য়া॑য় চালা॒দ্য়া॑য় চ॒
নমঃ॒ শষ্প্য়া॑য় চ॒ ফেন্য়া॑য় চ॒
নমঃ॑ সিক॒ত্য়া॑য় চ প্রবা॒হ্য়া॑য় চ ॥ 8 ॥

নম॑ ইরি॒ণ্য়া॑য় চ প্রপ॒থ্য়া॑য় চ॒
নমঃ॑ কিগ্​ম্শি॒লায়॑ চ॒ ক্ষয়॑ণায় চ॒
নমঃ॑ কপ॒র্দিনে॑ চ পুল॒স্তয়ে॑ চ॒
নমো॒ গোষ্ঠ্য়া॑য় চ॒ গৃহ্য়া॑য় চ॒
নম॒স্তল্প্য়া॑য় চ॒ গেহ্য়া॑য় চ॒
নমঃ॑ কা॒ট্য়া॑য় চ গহ্বরে॒ষ্ঠায়॑ চ॒
নমো᳚ হ্রদ॒য়্য়া॑য় চ নিবে॒ষ্প্য়া॑য় চ॒
নমঃ॑ পাগ্​ম্ স॒ব্য়া॑য় চ রজ॒স্য়া॑য় চ॒
নমঃ॒ শুষ্ক্য়া॑য় চ হরি॒ত্য়া॑য় চ॒
নমো॒ লোপ্য়া॑য় চোল॒প্য়া॑য় চ॒
নম॑ ঊ॒র্ব্য়া॑য় চ সূ॒র্ম্য়া॑য় চ॒
নমঃ॑ প॒র্ণ্য়া॑য় চ পর্ণশ॒দ্য়া॑য় চ॒
নমো॑ঽপগু॒রমা॑ণায় চাভিঘ্ন॒তে চ॒
নম॑ আখ্খিদ॒তে চ॑ প্রখ্খিদ॒তে চ॒
নমো॑ বঃ কিরি॒কেভ্য়ো॑ দে॒বানা॒গ্॒ম্॒ হৃদ॑য়েভ্য়ো॒
নমো॑ বিক্ষীণ॒কেভ্য়ো॒ নমো॑ বিচিন্ব॒ত্কেভ্য়ো॒
নম॑ আনির্ হ॒তেভ্য়ো॒ নম॑ আমীব॒ত্কেভ্য়ঃ॑ ॥ 9 ॥

দ্রাপে॒ অংধ॑সস্পতে॒ দরি॑দ্র॒ন্নীল॑লোহিত ।
এ॒ষাং পুরু॑ষাণামে॒ষাং প॑শূ॒নাং মা ভের্মাঽরো॒ মো এ॑ষাং॒ কিংচ॒নাম॑মত্ ।

যা তে॑ রুদ্র শি॒বা ত॒নূঃ শি॒বা বি॒শ্বাহ॑ভেষজী ।
শি॒বা রু॒দ্রস্য়॑ ভেষ॒জী তয়া॑ নো মৃড জী॒বসে᳚ ॥

ই॒মাগ্​ম্ রু॒দ্রায়॑ ত॒বসে॑ কপ॒র্দিনে᳚ ক্ষ॒যদ্বী॑রায়॒ প্রভ॑রামহে ম॒তিম্ ।
যথা॑ ন॒শ্শমস॑দ্দ্বি॒পদে॒ চতু॑ষ্পদে॒ বিশ্বং॑ পু॒ষ্টং গ্রামে॑ অ॒স্মিন্ননা॑তুরম্ ।

মৃ॒ডা নো॑ রুদ্রো॒ত নো॒ ময়॑স্কৃধি ক্ষ॒যদ্বী॑রায়॒ নম॑সা বিধেম তে ।
যচ্ছং চ॒ যোশ্চ॒ মনু॑রায়॒জে পি॒তা তদ॑শ্য়াম॒ তব॑ রুদ্র॒ প্রণী॑তৌ ।

মা নো॑ ম॒হাংত॑মু॒ত মা নো॑ অর্ভ॒কং মা ন॒ উক্ষং॑তমু॒ত মা ন॑ উক্ষি॒তম্ ।
মা নো॑ঽবধীঃ পি॒তরং॒ মোত মা॒তরং॑ প্রি॒য়া মা ন॑স্ত॒নুবো॑ রুদ্র রীরিষঃ ।

মা ন॑স্তো॒কে তন॑য়ে॒ মা ন॒ আয়ু॑ষি॒ মা নো॒ গোষু॒ মা নো॒ অশ্বে॑ষু রীরিষঃ ।
বী॒রান্মা নো॑ রুদ্র ভামি॒তোঽব॑ধীর্​হ॒বিষ্মং॑তো॒ নম॑সা বিধেম তে ।

আ॒রাত্তে॑ গো॒ঘ্ন উ॒ত পূ॑রুষ॒ঘ্নে ক্ষ॒যদ্বী॑রায় সু॒ম্নম॒স্মে তে॑ অস্তু ।
রক্ষা॑ চ নো॒ অধি॑ চ দেব ব্রূ॒হ্যধা॑ চ নঃ॒ শর্ম॑ যচ্ছ দ্বি॒বর্​হাঃ᳚ ।

স্তু॒হি শ্রু॒তং গ॑র্ত॒সদং॒-য়ুঁবা॑নং মৃ॒গন্ন ভী॒মমু॑পহ॒ত্নুমু॒গ্রম্ ।
মৃ॒ডা জ॑রি॒ত্রে রু॑দ্র॒ স্তবা॑নো অ॒ন্য়ংতে॑ অ॒স্মন্নিব॑পংতু॒ সেনাঃ᳚ ।

পরি॑ণো রু॒দ্রস্য়॑ হে॒তির্বৃ॑ণক্তু॒ পরি॑ ত্বে॒ষস্য়॑ দুর্ম॒তি র॑ঘা॒য়োঃ ।
অব॑ স্থি॒রা ম॒ঘব॑দ্ভ্য়-স্তনুষ্ব॒ মীঢ্ব॑স্তো॒কায়॒ তন॑য়ায় মৃডয় ।

মীঢু॑ষ্টম॒ শিব॑তম শি॒বো নঃ॑ সু॒মনা॑ ভব ।
প॒র॒মে বৃ॒ক্ষ আয়ু॑ধন্নি॒ধায়॒ কৃত্তিং॒-বঁসা॑ন॒ আচ॑র॒ পিনা॑কং॒ বিভ্র॒দাগ॑হি ।

বিকি॑রিদ॒ বিলো॑হিত॒ নম॑স্তে অস্তু ভগবঃ ।
যাস্তে॑ স॒হস্রগ্​ম্॑ হে॒তয়ো॒ন্যম॒স্মন্নিব॑পংতু॒ তাঃ ।

স॒হস্রা॑ণি সহস্র॒ধা বা॑হু॒বোস্তব॑ হে॒তয়ঃ॑ ।
তাসা॒মীশা॑নো ভগবঃ পরা॒চীনা॒ মুখা॑ কৃধি ॥ 10 ॥

স॒হস্রা॑ণি সহস্র॒শো যে রু॒দ্রা অধি॒ ভূম্য়া᳚ম্ ।
তেষাগ্​ম্॑ সহস্রয়োজ॒নেঽব॒ধন্বা॑নি তন্মসি ।

অ॒স্মিন্ম॑হ॒ত্য়॑র্ণ॒বে᳚ঽংতরি॑ক্ষে ভ॒বা অধি॑ ।
নীল॑গ্রীবাঃ শিতি॒কংঠাঃ᳚ শ॒র্বা অ॒ধঃ, ক্ষ॑মাচ॒রাঃ ।

নীল॑গ্রীবাঃ শিতি॒কংঠা॒ দিবগ্​ম্॑ রু॒দ্রা উপ॑শ্রিতাঃ ।
যে বৃ॒ক্ষেষু॑ স॒স্পিংজ॑রা॒ নীল॑গ্রীবা॒ বিলো॑হিতাঃ ।

যে ভূ॒তানা॒মধি॑পতয়ো বিশি॒খাসঃ॑ কপ॒র্দিনঃ॑ ।
যে অন্নে॑ষু বি॒বিধ্য়ং॑তি॒ পাত্রে॑ষু॒ পিব॑তো॒ জনান্॑ ।
যে প॒থাং প॑থি॒রক্ষ॑য় ঐলবৃ॒দা॑ য॒ব্য়ুধঃ॑ ।
যে তী॒র্থানি॑ প্র॒চরং॑তি সৃ॒কাবং॑তো নিষং॒গিণঃ॑ ।
য এ॒তাবং॑তশ্চ॒ ভূয়াগ্​ম্॑সশ্চ॒ দিশো॑ রু॒দ্রা বি॑তস্থি॒রে ।
তেষাগ্​ম্॑ সহস্রয়োজ॒নেঽব॒ধন্বা॑নি তন্মসি ।
নমো॑ রু॒ধ্রেভ্য়ো॒ যে পৃ॑থি॒ব্য়াং-য়েঁ᳚ঽংতরি॑ক্ষে॒ যে দি॒বি যেষা॒মন্নং॒-বাঁতো॑ ব॒র্​ষ॒মিষ॑ব॒স্তেভ্য়ো॒ দশ॒ প্রাচী॒র্দশ॑ দক্ষি॒ণা দশ॑ প্র॒তীচী॒-র্দশো-দী॑চী॒-র্দশো॒র্ধ্বাস্তেভ্য়ো॒ নম॒স্তে নো॑ মৃডয়ংতু॒ তে যং দ্বি॒ষ্মো যশ্চ॑ নো॒ দ্বেষ্টি॒ তং-বোঁ॒ জংভে॑ দধামি ॥ 11 ॥

ত্র্য়ং॑বকং-য়ঁজামহে সুগং॒ধিং পু॑ষ্টি॒বর্ধ॑নম্ ।
উ॒র্বা॒রু॒কমি॑ব॒ বংধ॑নান্মৃ॒ত্য়োর্মু॑ক্ষীয়॒ মাঽমৃতা᳚ত্ ।
যো রু॒দ্রো অ॒গ্নৌ যো অ॒প্সু য ওষ॑ধীষু॒ যো রু॒দ্রো বিশ্বা॒ ভুব॑না বি॒বেশ॒ তস্মৈ॑ রু॒দ্রায়॒ নমো॑ অস্তু ।
তমু॑ ষ্টুহি॒ যঃ স্বি॒ষুস্সু॒ধন্বা॒ যো বিশ্ব॑স্য়॒ ক্ষয়॑তি ভেষ॒জস্য়॑ ।
যক্ষ্বা᳚ম॒হে সৌ᳚মন॒সায়॑ রু॒দ্রং নমো᳚ভির্দে॒বমসু॑রং দুবস্য় ।
অ॒য়ং মে॒ হস্তো॒ ভগ॑বান॒য়ং মে॒ ভগ॑বত্তরঃ ।
অ॒য়ং মে᳚ বি॒শ্বভে᳚ষজো॒ঽয়গ্​ম্ শি॒বাভি॑মর্​শনঃ ।
যে তে॑ স॒হস্র॑ম॒য়ুতং॒ পাশা॒ মৃত্য়ো॒ মর্ত্য়া॑য়॒ হংত॑বে ।
তান্ য॒জ্ঞস্য়॑ মা॒যয়া॒ সর্বা॒নব॑ যজামহে ।
মৃ॒ত্যবে॒ স্বাহা॑ মৃ॒ত্যবে॒ স্বাহা᳚ ।
ওং নমো ভগবতে রুদ্রায় বিষ্ণবে মৃত্য়ু॑র্মে পা॒হি ॥
প্রাণানাং গ্রংথিরসি রুদ্রো মা॑ বিশাং॒তকঃ ।
তেনান্নেনা᳚প্য়ায়॒স্ব ॥
নমো রুদ্রায় বিষ্ণবে মৃত্য়ু॑র্মে পা॒হি ॥

সদাশি॒বোম্ ।

ওং শাংতিঃ॒ শাংতিঃ॒ শাংতিঃ॑ ।