তৈত্তিরীয় ব্রাহ্মণ - অষ্টকং 3, প্রশ্নঃ 1,
তৈত্তিরীয় সংহিতা - কাংড 3, প্রপাঠকঃ 5, অনুবাকং 1
নক্ষত্রং - কৃত্তিকা, দেবতা - অগ্নিঃ
ওং অ॒গ্নির্নঃ॑ পাতু॒ কৃত্তি॑কাঃ । নক্ষ॑ত্রং দে॒বমিং॑দ্রি॒যম্ ।
ই॒দমা॑সাং-বিঁচক্ষ॒ণম্ । হ॒বিরা॒সং জু॑হোতন ।
যস্য়॒ ভাংতি॑ র॒শ্ময়ো॒ যস্য়॑ কে॒তবঃ॑ । যস্য়ে॒মা বিশ্বা॒ ভুব॑নানি॒ সর্বা᳚ ।
স কৃত্তি॑কাভি-র॒ভিসং॒বঁসা॑নঃ । অ॒গ্নির্নো॑ দে॒বস্সু॑বি॒তে দ॑ধাতু ॥ 1
নক্ষত্রং - রোহিণী, দেবতা - প্রজাপতিঃ
প্র॒জাপ॑তে রোহি॒ণীবে॑তু॒ পত্নী᳚ । বি॒শ্বরূ॑পা বৃহ॒তী চি॒ত্রভা॑নুঃ ।
সা নো॑ য॒জ্ঞস্য়॑ সুবি॒তে দ॑ধাতু । যথা॒ জীবে॑ম শ॒রদ॒স্সবী॑রাঃ ।
রো॒হি॒ণী দে॒ব্য়ুদ॑গাত্পু॒রস্তা᳚ত্ । বিশ্বা॑ রূ॒পাণি॑ প্রতি॒মোদ॑মানা ।
প্র॒জাপ॑তিগ্ম্ হ॒বিষা॑ ব॒র্ধয়ং॑তী । প্রি॒য়া দে॒বানা॒-মুপ॑য়াতু য॒জ্ঞম্ ॥ 2
নক্ষত্রং - মৃগশীর্ষঃ, দেবতা - সোমঃ
সোমো॒ রাজা॑ মৃগশী॒র্॒ষেণ॒ আগন্ন্॑ । শি॒বং নক্ষ॑ত্রং প্রি॒যম॑স্য়॒ ধাম॑ ।
আ॒প্য়ায়॑মানো বহু॒ধা জনে॑ষু । রেতঃ॑ প্র॒জাং-য়ঁজ॑মানে দধাতু ।
যত্তে॒ নক্ষ॑ত্রং মৃগশী॒র্॒ষমস্তি॑ । প্রি॒য়গ্ম্ রা॑জন্ প্রি॒যত॑মং প্রি॒য়াণা᳚ম্ ।
তস্মৈ॑ তে সোম হ॒বিষা॑ বিধেম । শন্ন॑ এধি দ্বি॒পদে॒ শংচতু॑ষ্পদে ॥ 3
নক্ষত্রং - আর্দ্রা, দেবতা - রুদ্রঃ
আ॒র্দ্রয়া॑ রু॒দ্রঃ প্রথ॑মা ন এতি । শ্রেষ্ঠো॑ দে॒বানাং॒ পতি॑রঘ্নি॒য়ানা᳚ম্ ।
নক্ষ॑ত্রমস্য় হ॒বিষা॑ বিধেম । মা নঃ॑ প্র॒জাগ্ম্ রী॑রিষ॒ন্মোত বী॒রান্ ।
হে॒তী রু॒দ্রস্য়॒ পরি॑ণো বৃণক্তু । আ॒র্দ্রা নক্ষ॑ত্রং জুষতাগ্ম্ হ॒বির্নঃ॑ ।
প্র॒মুং॒চমা॑নৌ দুরি॒তানি॒ বিশ্বা᳚ । অপা॒ঘশগ্ম্॑ সন্নু-দতা॒মরা॑তিম্ ॥ 4
নক্ষত্রং - পুনর্বসু, দেবতা - অদিতিঃ
পুন॑র্নো দে॒ব্যদি॑তি-স্পৃণোতু । পুন॑র্বসূ নঃ॒ পুন॒রেতাং᳚-য়ঁ॒জ্ঞম্ ।
পুন॑র্নো দে॒বা অ॒ভিয়ং॑তু॒ সর্বে᳚ । পুনঃ॑ পুনর্বো হ॒বিষা॑ যজামঃ ।
এ॒বা ন দে॒ব্য়-দি॑তিরন॒র্বা । বিশ্ব॑স্য় ভ॒র্ত্রী জগ॑তঃ প্রতি॒ষ্ঠা ।
পুন॑র্বসূ হ॒বিষা॑ ব॒র্ধয়ং॑তী । প্রি॒য়ং দে॒বানা॒-মপ্য়ে॑তু॒ পাথঃ॑ ॥ 5
নক্ষত্রং - পুষ্য়ঃ, দেবতা - বৃহস্পতিঃ
বৃহ॒স্পতিঃ॑ প্রথ॒মংজায়॑মানঃ । তি॒ষ্য়ং॑ নক্ষ॑ত্রম॒ভি সংব॑ভূব ।
শ্রেষ্ঠো॑ দে॒বানাং॒ পৃত॑নাসু জি॒ষ্ণুঃ । দি॒শোঽনু॒ সর্বা॒ অভ॑যন্নো অস্তু ।
তি॒ষ্য়ঃ॑ পু॒রস্তা॑দু॒ত ম॑ধ্য়॒তো নঃ॑ । বৃহ॒স্পতি॑র্নঃ॒ পরি॑পাতু প॒শ্চাত্ ।
বাধে॑ তাং॒দ্বেষো॒ অভ॑য়ং কৃণুতাম্ । সু॒বীর্য়॑স্য়॒ পত॑যস্য়াম ॥ 6
নক্ষত্রং -আশ্রেষং, দেবতা - সর্পাঃ
ই॒দগ্ম্ স॒র্পেভ্য়ো॑ হ॒বির॑স্তু॒ জুষ্ট᳚ম্ । আ॒শ্রে॒ষা যেষা॑মনু॒য়ংতি॒ চেতঃ॑ ।
যে অং॒তরি॑ক্ষং পৃথি॒বীং-ক্ষি॒য়ংতি॑ । তেন॑ স্স॒র্পাসো॒ হব॒মাগ॑মিষ্ঠাঃ ।
যে রো॑চ॒নে সূর্য়॒স্য়াপি॑ স॒র্পাঃ । যে দিবং॑ দে॒বী-মনু॑সং॒চরং॑তি ।
যেষা॑মাশ্রে॒ষা অ॑নু॒য়ংতি॒ কাম᳚ম্ । তেভ্য়॑-স্স॒র্পেভ্য়ো॒ মধু॑-মজ্জুহোমি ॥ 7
নক্ষত্রং - মঘা, দেবতা - পিতরঃ
উপ॑হূতাঃ পি॒তরো॒ যে ম॒ঘাসু॑ । মনো॑জবস-স্সু॒কৃত॑-স্সুকৃ॒ত্য়াঃ ।
তে নো॒ নক্ষ॑ত্রে॒ হব॒মাগ॑মিষ্ঠাঃ । স্ব॒ধাভি॑র্য়॒জ্ঞং প্রয়॑তং জুষংতাম্ ।
যে অ॑গ্নিদ॒গ্ধা যেঽন॑গ্নি-দগ্ধাঃ । যে॑ঽমুল্লো॒কং পি॒তরঃ॑, ক্ষি॒য়ংতি॑ ।
যাগ্গ্শ্চ॑ বি॒দ্ময়াগ্ম্ উ॑ চ॒ ন প্র॑বি॒দ্ম । ম॒ঘাসু॑ য॒জ্ঞগ্ম্ সুকৃ॑তং জুষংতাম্ ॥ 8
নক্ষত্রং - পূর্বফল্গুনী, দেবতা - অর্যমা
গবাং॒ পতিঃ॒ ফল্গু॑নী-নামসি॒ ত্বম্ । তদ॑র্যমন্বরুণ মিত্র॒ চারু॑ ।
তং ত্বা॑ ব॒য়গ্ম্ স॑নি॒তারগ্ম্॑ সনী॒নাম্ । জী॒বা জীবং॑ত॒মুপ॒ সংবিঁ॑শেম ।
যেনে॒মা বিশ্বা॒ ভুব॑নানি॒ সংজি॑তা । যস্য়॑ দে॒বা অ॑নুসং॒য়ংঁতি॒ চেতঃ॑ ।
অ॒র্য়॒মা রাজা॒ঽজর॒স্তু বি॑ষ্মান্ । ফল্গু॑নীনা-মৃষ॒ভো রো॑রবীতি ॥ 9
নক্ষত্রং - উত্তর ফল্গুনী, দেবতা - ভগঃ
শ্রেষ্ঠো॑ দে॒বানাং᳚ ভগবো ভগাসি । তত্ত্বা॑ বিদুঃ॒ ফল্গু॑নী॒-স্তস্য়॑ বিত্তাত্ ।
অ॒স্মভ্য়ং॑-ক্ষ॒ত্রম॒জরগ্ম্॑ সু॒বীর্য়᳚ম্ । গোম॒দশ্ব॑-ব॒দুপ॒সন্নু॑-দে॒হ ।
ভগো॑হ দা॒তা ভগ॒ ইত্প্র॑দা॒তা । ভগো॑ দে॒বীঃ ফল্গু॑নী॒-রাবি॑বেশ ।
ভগ॒স্য়েত্তং প্র॑স॒বং গ॑মেম । যত্র॑ দে॒বৈ-স্স॑ধ॒মাদং॑ মদেম ॥ 10
নক্ষত্রং - হস্তঃ, দেবতা - সবিতা
আয়া॑তু দে॒ব-স্স॑বি॒তো প॑য়াতু । হি॒র॒ণ্যয়ে॑ন সু॒বৃতা॒ রথে॑ন ।
বহ॒ন॒, হস্তগ্ম্॑ সু॒ভগং॑-বিঁদ্ম॒নাপ॑সম্ । প্র॒যচ্ছং॑তং॒ পপু॑রিং॒ পুণ্য়॒মচ্ছ॑ ।
হস্তঃ॒ প্রয়॑চ্ছ ত্ব॒মৃতং॒-বঁসী॑য়ঃ । দক্ষি॑ণেন॒ প্রতি॑গৃভ্ণীম এনত্ ।
দা॒তার॑-ম॒দ্য় স॑বি॒তা বি॑দেয় । যো নো॒ হস্তা॑য় প্রসু॒বাতি॑ য॒জ্ঞম্ ॥ 11
নক্ষত্রং - চিত্রা, দেবতা - ত্বষ্টা
ত্বষ্টা॒ নক্ষ॑ত্র-ম॒ভ্য়ে॑তি চি॒ত্রাম্ । সু॒ভগ্ম্ স॑সংয়ুঁব॒তিগ্ম্ রোচ॑মানাম্ ।
নি॒বে॒শয়॑-ন্ন॒মৃতা॒-ন্মর্ত্য়াগ্গ্॑শ্চ । রূ॒পাণি॑ পি॒গ্ম্॒শন্ ভুব॑নানি॒ বিশ্বা᳚ ।
তন্ন॒স্ত্বষ্টা॒ তদু॑ চি॒ত্রা বিচ॑ষ্টাম্ । তন্নক্ষ॑ত্রং ভূরি॒দা অ॑স্তু॒ মহ্য়᳚ম্ ।
তন্নঃ॑ প্র॒জাং-বীঁ॒রব॑তীগ্ম্ সনোতু । গোভি॑র্নো॒ অশ্বৈ॒-স্সম॑নক্তু য॒জ্ঞম্ ॥ 12
নক্ষত্রং - স্বাতী, দেবতা - বায়ুঃ
বা॒য়ু-র্নক্ষ॑ত্র-ম॒ভ্য়ে॑তি॒ নিষ্ট্য়া᳚ম্ । তি॒গ্মশৃং॑গো বৃষ॒ভো রোরু॑বাণঃ ।
স॒মী॒রয়॒ন্ ভুব॑না মাত॒রিশ্বা᳚ । অপ॒ দ্বেষাগ্ম্॑সি নুদতা॒মরা॑তীঃ ।
তন্নো॑ বা॒যস্তদু॒ নিষ্ট্য়া॑ শৃণোতু । তন্নক্ষ॑ত্রং ভূরি॒দা অ॑স্তু॒ মহ্য়᳚ম্ ।
তন্নো॑ দে॒বাসো॒ অনু॑ জানংতু॒ কাম᳚ম্ । যথা॒ তরে॑ম দুরি॒তানি॒ বিশ্বা᳚ ॥ 13
নক্ষত্রং - বিশাখা, দেবতা - ইংদ্রাগ্নী
দূ॒রম॒স্মচ্ছত্র॑বো যংতু ভী॒তাঃ । তদিং॑দ্রা॒গ্নী কৃ॑ণুতাং॒ তদ্বিশা॑খে ।
তন্নো॑ দে॒বা অনু॑মদংতু য॒জ্ঞম্ । প॒শ্চাত্ পু॒রস্তা॒-দভ॑যন্নো অস্তু ।
নক্ষ॑ত্রাণা॒-মধি॑পত্নী॒ বিশা॑খে । শ্রেষ্ঠা॑-বিংদ্রা॒গ্নী ভুব॑নস্য় গো॒পৌ ।
বিষূ॑চ॒-শ্শত্রূ॑নপ॒বাধ॑মানৌ । অপ॒ক্ষুধ॑-ন্নুদতা॒মরা॑তিম্ ॥ 14
পৌর্ণমাসি
পূ॒র্ণা প॒শ্চাদু॒ত পূ॒র্ণা পু॒রস্তা᳚ত্ । উন্ম॑ধ্য়॒তঃ পৌ᳚র্ণমা॒সী জি॑গায় ।
তস্য়াং᳚ দে॒বা অধি॑ সং॒-বঁসং॑তঃ । উ॒ত্ত॒মে নাক॑ ই॒হ মা॑দয়ংতাম্ ।
পৃ॒থ্বী সু॒বর্চা॑ যুব॒তি-স্স॒জোষাঃ᳚ । পৌ॒র্ণ॒মা॒স্য়ুদ॑গা॒-চ্ছোভ॑মানা ।
আ॒প্য়া॒যয়ং॑তী দুরি॒তানি॒ বিশ্বা᳚ । উ॒রুং দুহাং॒-য়ঁজ॑মানায় য॒জ্ঞম্ ॥ 15
নক্ষত্রং - অনূরাধা, দেবতা - মিত্রঃ
ঋ॒দ্ধ্য়াস্ম॑ হ॒ব্য়ৈ-র্নম॑সোপ॒-সদ্য়॑ । মি॒ত্রং দে॒বং মি॑ত্র॒ধেয়॑ন্নো অস্তু ।
অ॒নূ॒রা॒ধান্, হ॒বিষা॑ ব॒র্ধয়ং॑তঃ । শ॒তং জী॑বেম শ॒রদ॒-স্সবী॑রাঃ ।
চি॒ত্রং-নক্ষ॑ত্র॒-মুদ॑গা-ত্পু॒রস্তা᳚ত্ । অ॒নূ॒রা॒ধা স॒ ইতি॒ যদ্বদং॑তি ।
তন্মি॒ত্র এ॑তি প॒থিভি॑-র্দেব॒য়ানৈঃ᳚ । হি॒র॒ণ্যয়ৈ॒-র্বিত॑তৈ-রং॒তরি॑ক্ষে ॥ 16
নক্ষত্রং - জ্য়েষ্ঠা, দেবতা - ইংদ্রঃ
ইংদ্রো᳚ জ্য়ে॒ষ্ঠা মনু॒ নক্ষ॑ত্রমেতি । যস্মি॑ন্ বৃ॒ত্রং-বৃঁ॑ত্র॒ তূর্য়ে॑ ত॒তার॑ ।
তস্মি॑ন্ব॒য়-ম॒মৃতং॒ দুহা॑নাঃ । ক্ষুধং॑তরেম॒ দুরি॑তিং॒ দুরি॑ষ্টিম্ ।
পু॒রং॒দ॒রায়॑ বৃষ॒ভায়॑ ধৃ॒ষ্ণবে᳚ । অষা॑ঢায়॒ সহ॑মানায় মী॒ঢুষে᳚ ।
ইংদ্রা॑য় জ্য়ে॒ষ্ঠা মধু॑ম॒দ্দুহা॑না । উ॒রুং কৃ॑ণোতু॒ যজ॑মানায় লো॒কম্ ॥ 17
নক্ষত্রং - মূলং, দেবতা - প্রজাপতিঃ
মূলং॑ প্র॒জাং-বীঁ॒রব॑তীং-বিঁদেয় । পরা᳚চ্য়েতু॒ নির্ঋ॑তিঃ পরা॒চা ।
গোভি॒-র্নক্ষ॑ত্রং প॒শুভি॒-স্সম॑ক্তম্ । অহ॑-র্ভূয়া॒-দ্যজ॑মানায়॒ মহ্য়᳚ম্ ।
অহ॑র্নো অ॒দ্য় সু॑বি॒তে দ॑ধাতু । মূলং॒ নক্ষ॑ত্র॒মিতি॒ যদ্বদং॑তি ।
পরা॑চীং-বাঁ॒চা নির্ঋ॑তিং নুদামি । শি॒বং প্র॒জায়ৈ॑ শি॒বম॑স্তু॒ মহ্য়᳚ম্ ॥ 18
নক্ষত্রং - পূর্বাষাঢা, দেবতা - আপঃ
যা দি॒ব্য়া আপঃ॒ পয়॑সা সংবভূ॒বুঃ । যা অং॒তরি॑ক্ষ উ॒ত পার্থি॑বী॒র্য়াঃ ।
যাসা॑মষা॒ঢা অ॑নু॒য়ংতি॒ কাম᳚ম্ । তা ন॒ আপঃ॒ শগ্গ্ স্য়ো॒না ভ॑বংতু ।
যাশ্চ॒ কূপ্য়া॒ যাশ্চ॑ না॒দ্য়া᳚-স্সমু॒দ্রিয়াঃ᳚ । যাশ্চ॑ বৈশং॒তীরু॒ত প্রা॑স॒চীর্য়াঃ ।
যাসা॑মষা॒ঢা মধু॑ ভ॒ক্ষয়ং॑তি । তা ন॒ আপঃ॒ শগ্গ্ স্য়ো॒না ভ॑বংতু ॥ 19
নক্ষত্রং - উত্তরাষাঢা, দেবতা - বিশ্বেদেবঃ
তন্নো॒ বিশ্বে॒ উপ॑ শৃণ্বংতু দে॒বাঃ । তদ॑ষা॒ঢা অ॒ভিসংয়ঁং॑তু য॒জ্ঞম্ ।
তন্নক্ষ॑ত্রং প্রথতাং প॒শুভ্য়ঃ॑ । কৃ॒ষি-র্বৃ॒ষ্টি-র্যজ॑মানায় কল্পতাম্ ।
শু॒ভ্রাঃ ক॒ন্য়া॑ যুব॒তয়॑-স্সু॒পেশ॑সঃ । ক॒র্ম॒কৃত॑-স্সু॒কৃতো॑ বী॒র্য়া॑বতীঃ ।
বিশ্বা᳚ন্ দে॒বান্, হ॒বিষা॑ ব॒র্ধয়ং॑তীঃ ।
অ॒ষা॒ঢাঃ কাম॒ মুপ॑য়াংতু য॒জ্ঞম্ ॥ 20
নক্ষত্রং - অভিজিত্, দেবতা - ব্রহ্মা
যস্মি॒ন্ ব্রহ্মা॒ভ্যজ॑য়॒থ্ সর্ব॑মে॒তত্ । অ॒মুংচ॑ লো॒ক মি॒দমূ॑চ॒ সর্ব᳚ম্ ।
তন্নো॒ নক্ষ॑ত্র-মভি॒জি-দ্বি॒জিত্য়॑ । শ্রিয়ং॑ দধা॒ত্ব-হৃ॑ণীযমানম্ ।
উ॒ভৌ লো॒কৌ ব্রহ্ম॑ণা॒ সংজি॑তে॒মৌ । তন্নো॒ নক্ষ॑ত্র-মভি॒জি-দ্বিচ॑ষ্টাম্ ।
তস্মি॑ন্ ব॒য়ং পৃত॑না॒ স্সংজ॑য়েম । তন্নো॑ দে॒বাসো॒ অনু॑জানংতু॒ কাম᳚ম্ ॥ 21
নক্ষত্রং - শ্রবণং, দেবতা - বিষ্ণুঃ
শৃ॒ণ্বংতি॑ শ্রো॒ণা-ম॒মৃত॑স্য় গো॒পাম্ । পুণ্য়া॑মস্য়া॒ উপ॑শৃণোমি॒ বাচ᳚ম্ ।
ম॒হীং দে॒বীং-বিঁষ্ণু॑পত্নী মজূ॒র্য়াম্ । প্র॒তীচী॑ মেনাগ্ম্ হ॒বিষা॑ যজামঃ ।
ত্রে॒ধা বিষ্ণু॑-রুরুগা॒য়ো বিচ॑ক্রমে । ম॒হীং দিবং॑ পৃথি॒বী-মং॒তরি॑ক্ষম্ ।
তচ্ছ্রো॒ণৈতি॒ শ্রব॑-ই॒চ্ছমা॑না । পুণ্য়॒গ্গ্॒ শ্লোকং॒-য়ঁজ॑মানায় কৃণ্ব॒তী ॥ 22
নক্ষত্রং - শ্রবিষ্টা, দেবতা - বসবঃ
অ॒ষ্টৌ দে॒বা বস॑বস্সো॒ম্য়াসঃ॑ । চত॑স্রো দে॒বী র॒জরাঃ॒ শ্রবি॑ষ্ঠাঃ ।
তে য॒জ্ঞং পাং᳚তু॒ রজ॑সঃ প॒রস্তা᳚ত্ । সং॒বঁ॒থ্স॒রীণ॑-ম॒মৃতগ্গ্॑ স্ব॒স্তি ।
য॒জ্ঞং নঃ॑ পাংতু॒ বস॑বঃ পু॒রস্তা᳚ত্ । দ॒ক্ষি॒ণ॒তো॑-ঽভিয়ং॑তু॒ শ্রবি॑ষ্ঠাঃ ।
পুণ্য়॒ন্নক্ষ॑ত্রম॒ভি সংবিঁ॑শাম । মা নো॒ অরা॑তি-র॒ঘশ॒গ্ম্॒ সাগন্ন্॑ ॥ 23
নক্ষত্রং - শতভিষক্, দেবতা - বরুণঃ
ক্ষ॒ত্রস্য়॒ রাজা॒ বরু॑ণোঽধিরা॒জঃ । নক্ষ॑ত্রাণাগ্ম্ শ॒তভি॑ষ॒গ্ বসি॑ষ্ঠঃ ।
তৌ দে॒বেভ্য়ঃ॑ কৃণুতো দী॒র্ঘমায়ঃ॑ । শ॒তগ্ম্ স॒হস্রা॑ ভেষ॒জানি॑ ধত্তঃ ।
য॒জ্ঞন্নো॒ রাজা॒ বরু॑ণ॒ উপ॑য়াতু । তন্নো॒ বিশ্বে॑ অ॒ভিসংয়ঁং॑তু দে॒বাঃ ।
তন্নো॒ নক্ষ॑ত্রগ্ম্ শ॒তভি॑ষগ্ জুষা॒ণম্ । দী॒র্ঘমায়ুঃ॒ প্রতি॑র-দ্ভেষ॒জানি॑ ॥ 24
নক্ষত্রং - পূর্বপ্রোষ্ঠপদা, দেবতা - অজয়েকপাদঃ
অ॒জ এক॑পা॒- দুদ॑গাত্ পু॒রস্তা᳚ত্ । বিশ্বা॑ ভূ॒তানি॑ প্রতি॒ মোদ॑মানঃ ।
তস্য়॑ দে॒বাঃ প্র॑স॒বং-য়ঁং॑তি॒ সর্বে᳚ । প্রো॒ষ্ঠ॒প॒দাসো॑ অ॒মৃত॑স্য় গো॒পাঃ ।
বি॒ভ্রাজ॑মান-স্সমিধা॒ন উ॒গ্রঃ । আঽংতরি॑ক্ষ-মরুহ॒দ-দ্গং॒দ্য়াম্ ।
তগ্ম্ সূর্য়ং॑ দে॒ব-ম॒জমেক॑পাদম্ । প্রো॒ষ্ঠ॒প॒দাসো॒ অনু॑য়ংতি॒ সর্বে᳚ ॥ 25
নক্ষত্রং - উত্তরপ্রোষ্ঠপদা, দেবতা - অহির্বুদ্ধ্নিয়ঃ
অহি॑-র্বু॒দ্ধ্নিয়ঃ॒ প্রথ॑মান এতি । শ্রেষ্ঠো॑ দে॒বানা॑মু॒ত মানু॑ষাণাম্ ।
তং ব্রা᳚হ্ম॒ণা-স্সো॑ম॒পা-স্সো॒ম্য়াসঃ॑ । প্রো॒ষ্ঠ॒প॒দাসো॑ অ॒ভির॑ক্ষংতি॒ সর্বে᳚ ।
চ॒ত্বার॒ এক॑ম॒ভি কর্ম॑ দে॒বাঃ । প্রো॒ষ্ঠ॒প॒দাস॒ ইতি॒ যান্, বদং॑তি ।
তে বু॒দ্ধনিয়ং॑ পরি॒ষদ্যগ্গ্॑ স্তু॒বংতঃ॑ । অহিগ্ম্॑ রক্ষংতি॒ নম॑সোপ॒ সদ্য়॑ ॥ 26
নক্ষত্রং - রেবতী, দেবতা - পূষা
পূ॒ষা রে॒বত্যন্বে॑তি॒ পংথা᳚ম্ । পু॒ষ্টি॒পতী॑ পশু॒পা বাজ॑বস্ত্য়ৌ ।
ই॒মানি॑ হ॒ব্য়া প্রয়॑তা জুষা॒ণা । সু॒গৈর্নো॒ যানৈ॒রুপ॑য়াতাং-য়ঁ॒জ্ঞম্ ।
ক্ষু॒দ্রান্ প॒শূন্ র॑ক্ষতু রে॒বতী॑ নঃ । গাবো॑ নো॒ অশ্বা॒গ্ম্॒ অন্বে॑তু পূ॒ষা ।
অন্ন॒গ্ম্॒ রক্ষং॑তৌ বহু॒ধা বিরূ॑পম্ । বাজগ্ম্॑ সনুতাং॒-য়ঁজ॑মানায় য॒জ্ঞম্ ॥ 27
নক্ষত্রং - অশ্বিনী, দেবতা - অশ্বিনী দেব
তদ॒শ্বিনা॑-বশ্ব॒য়ুজো-প॑য়াতাম্ । শুভং॒গমি॑ষ্ঠৌ সু॒যমে॑ভি॒রশ্বৈঃ᳚ ।
স্বন্নক্ষ॑ত্রগ্ম্ হ॒বিষা॒ যজং॑তৌ । মদ্ধ্বা॒-সংপৃ॑ক্তৌ॒ যজু॑ষা॒ সম॑ক্তৌ ।
যৌ দে॒বানাং᳚ ভি॒ষজৌ॑ হব্যবা॒হৌ । বিশ্ব॑স্য় দূ॒তা-ব॒মৃত॑স্য় গো॒পৌ ।
তৌ নক্ষ॑ত্রং-জুজুষা॒ণো-প॑য়াতাম্ । নমো॒ঽশ্বিভ্য়াং᳚ কৃণুমো-ঽশ্ব॒গ্য়ুভ্য়া᳚ম্ ॥ 28
নক্ষত্রং - অপভরণী, দেবতা - যমঃ
অপ॑ পা॒প্মানং॒ ভর॑ণী-র্ভরংতু । তদ্য়॒মো রাজা॒ ভগ॑বা॒ন্॒, বিচ॑ষ্টাম্ ।
লো॒কস্য়॒ রাজা॑ মহ॒তো ম॒হান্, হি । সু॒গন্নঃ॒ পংথা॒মভ॑য়ং কৃণোতু ।
যস্মি॒-ন্নক্ষ॑ত্রে য॒ম এতি॒ রাজা᳚ । যস্মি॑ন্নেন-ম॒ভ্যষিং॑চংত দে॒বাঃ ।
তদ॑স্য় চি॒ত্রগ্ম্ হ॒বিষা॑ যজাম । অপ॑ পা॒প্মানং॒ ভর॑ণী-র্ভরংতু ॥ 29
অমাবাসি
নি॒বেশ॑নী সং॒গম॑নী॒ বসূ॑নাং॒-বিঁশ্বা॑ রূ॒পাণি॒ বসূ᳚ন্য়া-বে॒শয়ং॑তী ।
স॒হ॒স্র॒-পো॒ষগ্ম্ সু॒ভগা॒ ররা॑ণা॒ সা ন॒ আগ॒ন্ বর্চ॑সা সংবিঁদা॒না ।
যত্তে॑ দে॒বা অদ॑ধু-র্ভাগ॒ধেয়॒-মমা॑বাস্য়ে সং॒বঁসং॑তো মহি॒ত্বা ।
সা নো॑ য॒জ্ঞং পি॑পৃহি বিশ্ববারে র॒য়িন্নো॑ ধেহি সুভগে সু॒বীর᳚ম্ ॥ 30
ওং শাংতিঃ॒ শাংতিঃ॒ শাংতিঃ॑ ॥
31-40: Optional for Additional Chanting
চংদ্রমা
নবো॑ নবো ভবতি॒ জায়॑মা॒নোঽহ্নাং᳚ কে॒তু-রু॒ষসা॑ মে॒ত্যগ্রে᳚ ।
ভা॒গং দে॒বেভ্য়ো॒ বিদ॑ধাত্য়া॒যন্ প্রচং॒দ্রমা᳚স্তিরিতি দী॒র্ঘমায়ুঃ॑ ॥
যমা॑দি॒ত্য়া অ॒গ্ম্॒শুমা᳚প্য়া॒যয়ং॑তি॒ যমক্ষি॑ত॒-মক্ষি॑তয়ঃ॒ পিবং॑তি ।
তেন॑ নো॒ রাজা॒ বরু॑ণো॒ বৃহ॒স্পতি॒ রাপ্য়া॑যয়ংতু॒ ভুব॑নস্য় গো॒পাঃ ॥ 31
অহো রাত্র
যে বিরূ॑পে॒ সম॑নসা সংব্য়ঁয়ং॑তী । স॒মা॒নং তংতুং॑ পরিতা-ত॒নাতে᳚ ।
বি॒ভূ প্র॒ভূ অ॑নু॒ভূ বি॒শ্বতো॑ হুবে । তে নো॒ নক্ষ॑ত্রে॒ হব॒মাগ॑-মেতম্ ।
ব॒য়ং দে॒বী ব্রহ্ম॑ণা সংবিঁদা॒নাঃ । সু॒রত্না॑সো দে॒ববী॑তিং॒ দধা॑নাঃ ।
অ॒হো॒রা॒ত্রে হ॒বিষা॑ ব॒র্ধয়ং॑তঃ । অতি॑ পা॒প্মান॒-মতি॑মুক্ত্য়া গমেম ॥ 32
উষা
প্রত্য়ু॑ব দৃশ্য়ায়॒তী । ব্য়ু॒চ্ছংতী॑ দুহি॒তা দি॒বঃ ।
অ॒পো ম॒হী বৃ॑ণুতে॒ চক্ষু॑ষা । তমো॒ জ্য়োতি॑ষ্কৃণোতি সূ॒নরী᳚ ।
উদু॒ স্ত্রিয়া᳚স্সচতে॒ সূর্য়ঃ॑ । স চা॑ উ॒দ্যন্নক্ষ॑ত্র মর্চি॒মত্ ।
ত বেদু॑ষো॒ ব্য়ুষি॒ সূর্য়॑স্য় চ । সংভ॒ক্তেন॑ গমেমহি ॥ 33
নক্ষত্রঃ
তন্নো॒ নক্ষ॑ত্র মর্চি॒মত্ । ভা॒নু॒মত্তেজ॑ উ॒চ্ছর॑ত্ ।
উপ॑য়॒জ্ঞ-মি॒হাগ॑মত্ । প্রনক্ষ॑ত্রায় দে॒বায়॑ । ইংদ্রা॒য়েংদুগ্ম্॑ হবামহে ।
স ন॑ স্সবি॒তা সু॑বথ্স॒নিম্ । পু॒ষ্টি॒দাং-বীঁ॒রব॑ত্তমম্ ॥ 34
সূর্য়ঃ
উদু॒ত্য়ং জা॒তবে॑দসং দে॒বং-বঁ॑হংতি কে॒তবঃ॑ । দৃ॒শে বিশ্বা॑য়॒ সূর্য়᳚ম্ ।
চি॒ত্রং দে॒বানা॒ মুদ॑গা॒দনী॑কং॒ চক্ষু॑-র্মি॒ত্রস্য়॒ বরু॑ণস্য়া॒গ্নেঃ ।
আঽপ্রা॒ দ্য়াবা॑পৃথি॒বী অং॒তরি॑ক্ষ॒গ্ম্॒ সূর্য়॑ আ॒ত্মা জগ॑তস্ত॒স্থুষ॑শ্চ ॥ 35
অদিতিঃ
অদি॑তির্ন উরুষ্য়॒-ত্বদি॑তিঃ॒ শর্ম॑ যচ্ছতু । অদি॑তিঃ পা॒ত্বগ্ম্ হ॑সঃ।
ম॒হীমূ॒ষু মা॒তরগ্ম্॑ সুব্র॒তানা॑-মৃ॒তস্য়॒ পত্নী॒ মব॑সে হুবেম ।
তু॒বি॒ক্ষ॒ত্রা-ম॒জরং॑তী মুরূ॒চীগ্ম্ সু॒শর্মা॑ণ॒-মদি॑তিগ্ম্ সু॒প্রণী॑তিম্ ॥ 36
বিষ্ণুঃ
ই॒দং-বিঁষ্ণু॒-র্বিচ॑ক্রমে ত্রে॒ধা নিদ॑ধে প॒দম্ । সমূ॑ঢমস্য় পাগ্ম্ সু॒রে ।
প্রতদ্বিষ্ণু॑ স্তবতে বী॒র্য়া॑য় । মৃ॒গো ন ভী॒মঃ কু॑চ॒রো গি॑রি॒ষ্ঠাঃ ।
যস্য়ো॒রুষু॑ ত্রি॒ষু বি॒ক্রম॑ণেষু । অধি॑ক্ষি॒য়ংতি॒ ভুব॑নানি॒ বিশ্বা᳚ ॥ 37
অগ্নিঃ
অ॒গ্নি-র্মূ॒দ্র্ধা দি॒বঃ ক॒কুত্পতিঃ॑ পৃথি॒ব্য়া অ॒যম্ ।
অ॒পাগ্ম্ রেতাগ্ম্॑সি জিন্বতি ।
ভুবো॑ য॒জ্ঞস্য়॒ রজ॑সশ্চ নে॒তা যত্রা॑ নি॒য়ুদ্ভিঃ॒ সচ॑সে শি॒বাভিঃ॑ ।
দি॒বি মূ॒দ্র্ধানং॑ দধিষে সুব॒র্॒ষাং জি॒হ্বাম॑গ্নে চকৃষে হব্য়॒বাহং᳚ ॥ 38
অনুমতী
অনু॑নো॒ঽদ্য়ানু॑মতি-র্য়॒জ্ঞং দে॒বেষু॑ মন্যতাম্ ।
অ॒গ্নিশ্চ॑ হব্য়॒বাহ॑নো॒ ভব॑তাং দা॒শুষে॒ ময়ঃ॑ ।
অন্বিদ॑নুমতে॒ ত্বং মন্য়া॑সৈ॒ শংচ॑ নঃ কৃধি ।
ক্রত্বে॒ দক্ষা॑য় নো হিনু॒ প্রণ॒ আয়ূগ্ম্॑ষি তারিষঃ ॥ 39
হব্যবাহঃ (অগ্নিঃ)
হ॒ব্য়॒বাহ॑মভি-মাতি॒ষাহ᳚ম্ । র॒ক্ষো॒হণং॒ পৃত॑নাসু জি॒ষ্ণুম্ ।
জ্য়োতি॑ষ্মংতং॒ দীদ্য়॑তং॒ পুরং॑ধিম্ । অ॒গ্নিগ্গ্ স্বি॑ষ্ট॒ কৃত॒মাহু॑বেম ।
স্বি॑ষ্ট মগ্নে অ॒ভিতত্ পৃ॑ণাহি । বিশ্বা॑ দেব॒ পৃত॑না অ॒ভিষ্য় ।
উ॒রুন্নঃ॒ পংথাং᳚ প্রদি॒শন্ বিভা॑হি । জ্য়োতি॑ষ্মদ্ধেহ্য়॒ জর॑ন্ন॒ আয়ুঃ॑ ॥ 40
ওং শাংতিঃ॒ শাংতিঃ॒ শাংতিঃ॑ ॥
