ଜୟ କାମେଶି ଚାମୁଂଡେ ଜୟ ଭୂତାପହାରିଣି ।
ଜୟ ସର୍ଵଗତେ ଦେଵି କାମେଶ୍ଵରି ନମୋଽସ୍ତୁ ତେ ॥ 1 ॥
ଵିଶ୍ଵମୂର୍ତେ ଶୁଭେ ଶୁଦ୍ଧେ ଵିରୂପାକ୍ଷି ତ୍ରିଲୋଚନେ ।
ଭୀମରୂପେ ଶିଵେ ଵିଦ୍ୟେ କାମେଶ୍ଵରି ନମୋଽସ୍ତୁ ତେ ॥ 2 ॥
ମାଲାଜୟେ ଜୟେ ଜଂଭେ ଭୂତାକ୍ଷି କ୍ଷୁଭିତେଽକ୍ଷୟେ ।
ମହାମାୟେ ମହେଶାନି କାମେଶ୍ଵରି ନମୋଽସ୍ତୁ ତେ ॥ 3 ॥
ଭୀମାକ୍ଷି ଭୀଷଣେ ଦେଵି ସର୍ଵଭୂତକ୍ଷୟଂକରି ।
କାଲି ଚ ଵିକରାଲି ଚ କାମେଶ୍ଵରି ନମୋଽସ୍ତୁ ତେ ॥ 3 ॥
କାଲି କରାଲଵିକ୍ରାଂତେ କାମେଶ୍ଵରି ହରପ୍ରିୟେ ।
ସର୍ଵଶାସ୍ତ୍ରସାରଭୂତେ କାମେଶ୍ଵରି ନମୋଽସ୍ତୁ ତେ ॥ 4 ॥
କାମରୂପପ୍ରଦୀପେ ଚ ନୀଲକୂଟନିଵାସିନି ।
ନିଶୁଂଭଶୁଂଭମଥନି କାମେଶ୍ଵରି ନମୋଽସ୍ତୁ ତେ ॥ 5 ॥
କାମାଖ୍ୟେ କାମରୂପସ୍ଥେ କାମେଶ୍ଵରି ହରିପ୍ରିୟେ ।
କାମନାଂ ଦେହି ମେ ନିତ୍ୟଂ କାମେଶ୍ଵରି ନମୋଽସ୍ତୁ ତେ ॥ 6 ॥
ଵପାନାଢ୍ୟମହାଵକ୍ତ୍ରେ ତଥା ତ୍ରିଭୁଵନେଶ୍ଵରି ।
ମହିଷାସୁରଵଧେ ଦେଵି କାମେଶ୍ଵରି ନମୋଽସ୍ତୁ ତେ ॥ 7 ॥
ଛାଗତୁଷ୍ଟେ ମହାଭୀମେ କାମାଖ୍ୟେ ସୁରଵଂଦିତେ ।
ଜୟ କାମପ୍ରଦେ ତୁଷ୍ଟେ କାମେଶ୍ଵରି ନମୋଽସ୍ତୁ ତେ ॥ 8 ॥
ଭ୍ରଷ୍ଟରାଜ୍ୟୋ ୟଦା ରାଜା ନଵମ୍ୟାଂ ନିୟତଃ ଶୁଚିଃ ।
ଅଷ୍ଟମ୍ୟାଂ ଚ ଚତୁର୍ଦଶ୍ୟାମୁପଵାସୀ ନରୋତ୍ତମଃ ॥ 9 ॥
ସଂଵତ୍ସରେଣ ଲଭତେ ରାଜ୍ୟଂ ନିଷ୍କଂଟକଂ ପୁନଃ ।
ୟ ଇଦଂ ଶୃଣୁୟାଦ୍ଭକ୍ତ୍ୟା ତଵ ଦେଵି ସମୁଦ୍ଭଵମ୍ ।
ସର୍ଵପାପଵିନିର୍ମୁକ୍ତଃ ପରଂ ନିର୍ଵାଣମୃଚ୍ଛତି ॥ 10 ॥
ଶ୍ରୀକାମରୂପେଶ୍ଵରି ଭାସ୍କରପ୍ରଭେପ୍ରକାଶିତାଂଭୋଜନିଭାୟତାନନେ ।
ସୁରାରିରକ୍ଷଃସ୍ତୁତିପାତନୋତ୍ସୁକେତ୍ରୟୀମୟେ ଦେଵନୁତେ ନମାମି ॥ 11 ॥
ସିତାସିତେ ରକ୍ତପିଶଂଗଵିଗ୍ରହେରୂପାଣି ୟସ୍ୟାଃ ପ୍ରତିଭାଂତି ତାନି ।
ଵିକାରରୂପା ଚ ଵିକଲ୍ପିତାନିଶୁଭାଶୁଭାନାମପି ତାଂ ନମାମି ॥ 12 ॥
କାମରୂପସମୁଦ୍ଭୂତେ କାମପୀଠାଵତଂସକେ ।
ଵିଶ୍ଵାଧାରେ ମହାମାୟେ କାମେଶ୍ଵରି ନମୋଽସ୍ତୁ ତେ ॥ 13 ॥
ଅଵ୍ୟକ୍ତଵିଗ୍ରହେ ଶାଂତେ ସଂତତେ କାମରୂପିଣି ।
କାଲଗମ୍ୟେ ପରେ ଶାଂତେ କାମେଶ୍ଵରି ନମୋଽସ୍ତୁ ତେ ॥ 14 ॥
ୟା ସୁଷୁମ୍ନାଂତରାଲସ୍ଥା ଚିଂତ୍ୟତେ ଜ୍ୟୋତିରୂପିଣୀ ।
ପ୍ରଣତୋଽସ୍ମି ପରାଂ ଵୀରାଂ କାମେଶ୍ଵରି ନମୋଽସ୍ତୁ ତେ ॥ 15 ॥
ଦଂଷ୍ଟ୍ରାକରାଲଵଦନେ ମୁଂଡମାଲୋପଶୋଭିତେ ।
ସର୍ଵତଃ ସର୍ଵଗେ ଦେଵି କାମେଶ୍ଵରି ନମୋଽସ୍ତୁ ତେ ॥ 16 ॥
ଚାମୁଂଡେ ଚ ମହାକାଲି କାଲି କପାଲହାରିଣୀ ।
ପାଶହସ୍ତେ ଦଂଡହସ୍ତେ କାମେଶ୍ଵରି ନମୋଽସ୍ତୁ ତେ ॥ 17 ॥
ଚାମୁଂଡେ କୁଲମାଲାସ୍ୟେ ତୀକ୍ଷ୍ଣଦଂଷ୍ଟ୍ରେ ମହାବଲେ ।
ଶଵୟାନସ୍ଥିତେ ଦେଵି କାମେଶ୍ଵରି ନମୋଽସ୍ତୁ ତେ ॥ 18 ॥
ଇତି ଶ୍ରୀ କାମାଖ୍ୟା ସ୍ତୋତ୍ରମ୍ ।
