Shiva Mangalaashtakam - Shuddha Telugu

Collection of Spiritual and Devotional Literature in Various Indian Languages

View this in:

This document is in శుద్ధ తెలుగు with the right anusvaras marked. View this in సరళ తెలుగు, with simplified anusvaras for easier reading.

శివ మఙ్గళాష్టకమ్

భవాయ చన్ద్రచూడాయ నిర్గుణాయ గుణాత్మనే ।
కాలకాలాయ రుద్రాయ నీలగ్రీవాయ మఙ్గళమ్ ॥ 1 ॥

వృషారూఢాయ భీమాయ వ్యాఘ్రచర్మామ్బరాయ చ ।
పశూనామ్పతయే తుభ్యం గౌరీకాన్తాయ మఙ్గళమ్ ॥ 2 ॥

భస్మోద్ధూళితదేహాయ నాగయజ్ఞోపవీతినే ।
రుద్రాక్షమాలాభూషాయ వ్యోమకేశాయ మఙ్గళమ్ ॥ 3 ॥

సూర్యచన్ద్రాగ్నినేత్రాయ నమః కైలాసవాసినే ।
సచ్చిదానన్దరూపాయ ప్రమథేశాయ మఙ్గళమ్ ॥ 4 ॥

మృత్యుఞ్జయాయ సామ్బాయ సృష్టిస్థిత్యన్తకారిణే ।
త్రయమ్బకాయ శాన్తాయ త్రిలోకేశాయ మఙ్గళమ్ ॥ 5 ॥

గఙ్గాధరాయ సోమాయ నమో హరిహరాత్మనే ।
ఉగ్రాయ త్రిపురఘ్నాయ వామదేవాయ మఙ్గళమ్ ॥ 6 ॥

సద్యోజాతాయ శర్వాయ భవ్య జ్ఞానప్రదాయినే ।
ఈశానాయ నమస్తుభ్యం పఞ్చవక్రాయ మఙ్గళమ్ ॥ 7 ॥

సదాశివ స్వరూపాయ నమస్తత్పురుషాయ చ ।
అఘోరాయ చ ఘోరాయ మహాదేవాయ మఙ్గళమ్ ॥ 8 ॥

శ్రీచాముణ్డాప్రేరితేన రచితం మఙ్గళాస్పదమ్ ।
తస్యాభీష్టప్రదం శమ్భోః యః పఠేన్మఙ్గళాష్టకమ్ ॥ 9 ॥

మహాదేవస్య దేవస్య యః పఠేన్మఙ్గళాష్టకమ్ ।
సర్వార్థ సిద్ధి మాప్నోతి స సాయుజ్యం తతః పరమ్ ॥ 10 ॥

Browse Related Categories: