ధ్యానం
మాధవోమాధవావీశౌ సర్వసిద్ధివిహాయినౌ ।
వన్దే పరస్పరాత్మానౌ పరస్పరనుతిప్రియౌ ॥
స్తోత్రం
గోవిన్ద మాధవ ముకున్ద హరే మురారే
శమ్భో శివేశ శశిశేఖర శూలపాణే ।
దామోదరాఽచ్యుత జనార్దన వాసుదేవ
త్యాజ్యాభటాయ ఇతి సన్తతమామనన్తి ॥ 1
గఙ్గాధరాన్ధకరిపో హర నీలకణ్ఠ
వైకుణ్ఠకైటభరిపో కమఠాబ్జపాణే ।
భూతేశ ఖణ్డపరశో మృడ చణ్డికేశ
త్యాజ్యాభటాయ ఇతి సన్తతమామనన్తి ॥ 2
విష్ణో నృసింహ మధుసూదన చక్రపాణే
గౌరీపతే గిరిశ శఙ్కర చన్ద్రచూడ ।
నారాయణాఽసురనిబర్హణ శార్ఙ్గపాణే
త్యాజ్యాభటాయ ఇతి సన్తతమామనన్తి ॥ 3
మృత్యుఞ్జయోగ్ర విషమేక్షణ కామశత్రో
శ్రీకణ్ఠ పీతవసనామ్బుదనీలశౌరే ।
ఈశాన కృత్తివసన త్రిదశైకనాథ
త్యాజ్యాభటాయ ఇతి సన్తతమామనన్తి ॥ 4
లక్ష్మీపతే మధురిపో పురుషోత్తమాద్య
శ్రీకణ్ఠ దిగ్వసన శాన్త పినాకపాణే ।
ఆనన్దకన్ద ధరణీధర పద్మనాభ
త్యాజ్యాభటాయ ఇతి సన్తతమామనన్తి ॥ 5
సర్వేశ్వర త్రిపురసూదన దేవదేవ
బ్రహ్మణ్యదేవ గరుడధ్వజ శఙ్ఖపాణే ।
త్ర్యక్షోరగాభరణ బాలమృగాఙ్కమౌళే
త్యాజ్యాభటాయ ఇతి సన్తతమామనన్తి ॥ 6
శ్రీరామ రాఘవ రమేశ్వర రావణారే
భూతేశ మన్మథరిపో ప్రమథాధినాథ ।
చాణూరమర్దన హృషీకపతే మురారే
త్యాజ్యాభటాయ ఇతి సన్తతమామనన్తి ॥ 7
శూలిన్ గిరీశ రజనీశకళావతంస
కంసప్రణాశన సనాతన కేశినాశ ।
భర్గ త్రినేత్ర భవ భూతపతే పురారే
త్యాజ్యాభటాయ ఇతి సన్తతమామనన్తి ॥ 8
గోపీపతే యదుపతే వసుదేవసూనో
కర్పూరగౌర వృషభధ్వజ ఫాలనేత్ర ।
గోవర్ధనోద్ధరణ ధర్మధురీణ గోప
త్యాజ్యాభటాయ ఇతి సన్తతమామనన్తి ॥ 9
స్థాణో త్రిలోచన పినాకధర స్మరారే
కృష్ణాఽనిరుద్ధ కమలాకర కల్మషారే ।
విశ్వేశ్వర త్రిపథగార్ద్రజటాకలాప
త్యాజ్యాభటాయ ఇతి సన్తతమామనన్తి ॥ 10
అష్టోత్తరాధికశతేన సుచారునామ్నాం
సన్ధర్భితాం లలితరత్నకదమ్బకేన ।
సన్నామకాం దృఢగుణాం ద్విజకణ్ఠగాం యః
కుర్యాదిమాం స్రజమహో స యమం న పశ్యేత్ ॥ 11
ఇతి యమకృత శ్రీ శివకేశవ స్తుతిః ।
